ಹಾಡು.. ಸಾಂಗ್.. ಲೆಕಾರ್ಡ್.. ಅಲ್ಜುನ್ ಜನ್ಯಾ ಮ್ಯುಸಿಕ್, ಯೋಗಲಾಜ್ ಭಟ್ ಲಿಲಿಕ್, ವಿಜಯ್ ಪ್ಲಾಕಾಶ್ ಸಿಂಗಲ್.. ಛೇ..! ಏನ್ ಹೇಳ್ತಾ ಇದಾರೆ ಆ್ಯಂಕರ್ ಅಂತಾ ಕನ್ಫ್ಯೂಸ್ ಆಗ್ತಾ ಇದೀರಾ..? ತಪ್ ತಿಳಿಬೇಡಿ. ಗಾಳಿಪಟ ಗ್ಯಾಂಗ್ ಸಹವಾಸ ಮಾಡಿ ನಮ್ ಬಾಯ್ ಕೂಡ ತಡವರಿಸುತ್ತಾ ಇದೆ. ಯೆಸ್.. ಡಾ.ಯೋಗರಾಜ್ ಭಟ್ರ ಹತ್ತಿರ ಪೇಷೆಂಟ್ ಆಗಿ ಹೋದೋರ್ ಕಥೆ ಹೇಳ್ತೀವಿ. ಜಸ್ಟ್ ವಾಚ್
ಭಟ್ರ ನಾಲಗೆ ಹೊಳ್ಳಿಲ್ಲ.. ಗಣಿ- ದಿಗ್ಗಿ ಪವನ್ಗೆ ಮಾತಿಲ್ಲ..!
ಡೈರೆಕ್ಟರ್ ಡಾಕ್ಟರ್ ಆದ್ರು.. ಹೀರೋಗಳು ಪೇಷೆಂಟ್ ಆದ್ರು..!
ಭಟ್ರ ಸಾಹಿತ್ಯಕ್ಕೆ ವಿಜಯ್ ಪ್ರಕಾಶ್ ದನಿ.. ಸಖತ್ ಕಾಂಬಿನೇಷನ್
ಜುಲೈ14ಕ್ಕೆ ದೇವ್ಲೆ ದೇವ್ಲೆ ಎಣ್ಣೆ ಸಾಂಗ್ ರಿಲೀಸ್..ಫ್ಯಾನ್ಸ್ ವೆಯ್ಟಿಂಗ್
ಭಟ್ರ ನಿರ್ದೇಶನದಲ್ಲಿ ಮುಗಿಲೆತ್ತರಕ್ಕೆ ಹಾರಾಡಿದ್ದ ಸಿನಿಮಾ ಗಾಳಿಪಟ. ಈ ಸಿನಿಮಾ ಕನ್ನಡ ಚಿತ್ರರಂಗದಲ್ಲಿ ಯುವಮನಸ್ಸುಗಳನ್ನು ತಲ್ಲಣಗೊಳಿಸಿತ್ತು. ಚಿತ್ರದ ಕಥೆ, ಹಾಡುಗಳು ಮಂತ್ರಮುಗ್ಧಗೊಳಿಸಿದ್ದವು. ಗಣಿ, ದಿಗಂತ್ ಹಾಗೂ ರಾಜೇಶ್ ಕಾಂಬಿನೇಷನ್ಗೆ ಫ್ರೇಕ್ಷಕರು ಫಿದಾ ಆಗಿದ್ದರು. ಭಟ್ರ ಕೈರುಚಿಯ ಸವಿಯನ್ನು ಕಂಡು ಚಿತ್ರರಸಿಕರು ಮಾಎಉ ಹೋಗಿದ್ರು. ಇದೀಗ ಸಿಕ್ಕಾಪಟ್ಟೆ ಕ್ರೇಜ್ ಕ್ರಿಯೇಟ್ ಮಾಡಿರೋ ಗಾಳಿಪಟ2 ಸಿನಿಮಾ ತೆರೆಗೆ ಬರ್ತಾ ಇದೆ. ಅದಕ್ಕೂ ಮುನ್ನ ಭಟ್ರ ಲೇಖನಿಯ ಎಣ್ಣೆ ಸಾಂಗ್ ಸದ್ದು ಮಾಡೋ ಸೂಚನೆ ಕೊಟ್ಟಿದೆ.
ಭಟ್ರ ಸಿನಿಮಾಗಳಂದ್ರೆ 100% ಕಿಕ್ಕು. ಲಾಜಿಕ್ ಇಲ್ಲದೆ ಮ್ಯಾಜಿಕ್ ಮಾಡೋ ಸಿನಿಮಾ ಮಾಂತ್ರಿಕ. ಅವ್ರ ಹಾಡುಗಳಂತೂ ಹೊಟ್ಟೆಯೊಳಗೆ ಚಿಟ್ಟೆ ಬಿಟ್ಟಷ್ಟೆ ಕರತಲಾಮಲಕ ಸಾಲುಗಳು. ಪ್ರೇಮಗೀತೆಗಳಿರಲಿ, ಐಟಂ ಸಾಂಗ್ ಇರಲಿ, ಭಟ್ರ ಲೇಖನಿಯ ವರ್ಚಸ್ಸೇ ಬೇರೆ. ಇದೀಗ ಭಟ್ರ ಬತ್ತಳಿಕೆಯಿಂದ ಎಣ್ಣೆ ಸಾಂಗ್ ಬರ್ತಿದೆ. ಖಾಲಿ ಕ್ವಾಟ್ರು ಬಾಟ್ಲಯಂಗೆ ಲೈಫು, ನಾವ್ ಮನೇಗೆ ಬರೋದಿಲ್ಲ ಹಾಡನ್ನು ಬರೆದಿದ್ದ ಭಟ್ರು, ಭಿನ್ನವಾಗಿ ಹೊಸ ಸಾಂಗ್ ಮಾಡಿದ್ದಾರೆ.
ಆದ್ರೆ ವಿಷ್ಯಾನೆ ಬೇರೆ ಇದೆ. ಡಾಕ್ಟರ್ ಅವತಾರದಲ್ಲಿ ಭಟ್ರು ಕಾಣಿಸಿಕೊಂಡಿದ್ದಾರೆ. ಅವರತ್ರ ಚಿಕಿತ್ಸೆ ಪಡೆಯೋಕೆ ಗಣಿ ಗ್ಯಾಂಗ್ ಹೋಗಿದೆ. ಎಣ್ಣೆ ಹೊಡೆದ್ರೆ ನಾಲಿಗೆ ತಡವರಿಸುತ್ತೆ ಔಷದಿ ಕೊಡಿ ಪ್ಲೀಜ್ ಅಂತಾ ಭಟ್ರನ್ನು ಕೇಳ್ತಿದ್ದಾರೆ ಗೋಲ್ಡನ್ ಸ್ಟಾರ್. ಈ ಸನ್ನಿವೇಶದವ ವೀಡಿಯೋ ರಿಲೀಸ್ ಆಗಿದ್ದು ಸಿಕ್ಕಾಪಟ್ಟೆ ಕಾಮಿಡಿಯಾಗಿ ಮೂಡಿ ಬಂದಿದೆ.
ಗಾಳಿಪಟ 2 ಚಿತ್ರದ ಮೇಲೆ ಪ್ರೇಕ್ಷಕರು ಎಲ್ಲಿಲ್ಲದ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಸಿನಿಮಾದಲ್ಲಿ ದೋಸ್ತಿಗಳಾಗಿ ಗಣಿ, ದಿಗಂತ್, ಪವನ್ ಅಭಿನಯಿಸ್ತಿದ್ದಾರೆ. ಕಾಲೇಜ್ ಲೈಫು, ತರಲೆ, ತಮಾಷೆ, ಲವ್ಸ್ಟೋರಿ, ಮನಮುಟ್ಟೋ ಎಮೋಷನ್ ಕಟ್ಟಿಕೊಟ್ಟಿದ್ದಾರಂತೆ ಭಟ್ರು. ಮತ್ತೊಮ್ಮೆ ಗಾಳಿಪಟ ಸಿನಿಮಾ ಬೀಟ್ ಮಾಡೋಕೆ ಸೀಕ್ವೆಲ್ ಸಿನಿಮಾ ರೆಡಿಯಾಗಿದೆ.
ಈಗಾಗ್ಲೇ ಪರೀಕ್ಷೆನಾ ಬಡಿಯಾ ಸಾಂಗ್ನ ರಿಪೀಟ್ ಮೋಡ್ನಲ್ಲಿ ಕೇಳಿರೋ ಅಭಿಮಾನಿಗಳು ಸಿನಿಮಾದ ಮೇಲೆ ಬಟ್ಟದಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ನಾನಾಡದ ಮಾತೆಲ್ಲವಾ ಹಾಡು ಕೂಡ ಸಿಕ್ಕಾಪಟ್ಟೆ ಹಿಟ್ ಆಗಿದೆ. ಇದೀಗ ದೇವ್ಲೇ ಸಾಂಗ್ ಸರದಿ. ಭಟ್ರ ಆಸ್ಪತ್ರೆಗೆ ಹೋಗಿರೋ ಗಣಿ ಗ್ಯಾಂಗ್ಗೆ ಎಣ್ಣೆ ಹೊಡೆದಾಗ ತಡವರಿಸೋ ಕಾಯಿಲೆಗೆ ಮದ್ದು ಏನು ಅನ್ನೋದನ್ನ ಹೇಳಿದ್ದಾರೆ.
ರಾಗೆ ಲಾ ಅಂತಾ ಹೇಳೋ ಕುಡುಕರ ನಾಡಗೀತೆಯಾಗಿ ದೇವ್ಲೇ ಸಾಂಗ್ ಜುಲೈ 14 ಸಂಜೆ 05 ಗಂಟೆ 06 ನಿಮಿಷಕ್ಕೆ ರಿಲೀಸ್ ಆಗ್ತಿದೆ. ಭಟ್ರ ಕ್ಯಾಚಿ ಸಾಲುಗಳನ್ನು ಕೇಳಿದ್ದ ಅಭಿಮಾನಿಗಳಿಗೆ ಇದೊಂದು ಸೌಭಾಗ್ಯ. ಸೂರಜ್ ಪ್ರೊಡಕ್ಷನ್ ಅಡಿಯಲ್ಲಿ ಉಮಾ ಎಮ್ ರಮೇಶ್ ರೆಡ್ಡಿ ಅವರು ಬಂಡವಾಳ ಹೂಡಿರೋ ಗಾಳಿಪಟ 2 ಆಗಸ್ಟ್ 12ಕ್ಕೆ ತೆರೆಗೆ ಬರಲಿದೆ. ಅನಂತ್ ನಾಗ್, ಬುಲೆಟ್ ಪ್ರಕಾಶ್, ವೈಭವಿ ಶಾಂಡಿಲ್ಯ ಚಿತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಅರ್ಜುನ್ ಜನ್ಯಾ ಸಂಗೀತದ ಸ್ವರದಲ್ಲಿ ಮಿಂದೇಳಬೇಕಾದರೆ, ಭಟ್ರ ಕಥೆಯನ್ನು ಆನಂದಿಸಬೇಕಾದರೆ ಆಗಸ್ಟ್ 12ರವರೆಗೂ ಕಾಯಲೇಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
