ಭಾರತದ ಜನಪ್ರಿಯ ರಿಯಾಲಿಟಿ ಶೋಗಳಲ್ಲಿ ಬಿಗ್ ಬಾಸ್ ಕೂಡ ಒಂದು. ಈಗಾಗ್ಲೇ ಕನ್ನಡದಲ್ಲಿ ಎಂಟು ಸೀಸನ್ಗಳನ್ನು ಭರ್ಜರಿಯಾಗಿ ಮುಗಿಸಿರುವ ಖಾಸಗಿ ವಾಹಿನಿ ಒಂಬತ್ತನೇ ಸೀಸನ್ ನಡೆಸಲು ತುದಿಗಾಲಲ್ಲಿ ನಿಂತಿದೆ. ಕಿಚ್ಚ ಸುದೀಪ್ ನಿರೂಪಣೆಯಲ್ಲಿ ಸೆನ್ಷೇಷನ್ ಕ್ರಿಯೇಟ್ ಮಾಡಿರೋ ಬಿಗ್ ಬಾಸ್ ಈ ಬಾರಿಯೂ ನಿರೀಕ್ಷೆಗೂ ಮೀರಿ ಕುತೂಹಲ ಹುಟ್ಟಿಸಿದೆ. ಈ ಬಾರಿಯ ಬಿಗ್ ಬಾಸ್ ಹೇಗೆಲ್ಲಾ ಇರಲಿದೆ. ಯಾರೆಲ್ಲಾ ಭಾಗವಹಿಸಬಹುದು ಅನ್ನೋ ಪ್ರಶ್ಮೆಗೆ ಇಲ್ಲಿದೆ ಉತ್ತರ.
ನಸೀಬು ಚೆನ್ನಾಗಿದ್ರೆ ಒಂದೇ ದಿನದಲ್ಲಿ ಸ್ಟಾರ್ ಆಗಬಹುದು. ಇದಕ್ಕೆ 100% ವೇದಿಕೆ ಅಂದ್ರೆ ಕನ್ನಡದ ಬಿಗ್ ಬಾಸ್. ಒಟ್ಟು 8 ಸೀಸನ್ಗಳಲ್ಲಿ ಎಲೆಮರೆಯ ಕಾಯಿಯಾಗಿದ್ದ ಅನೇಕ ಕಲಾವಿದರು ಇಂದು ಸ್ಟಾರ್ಗಳಾಗಿದ್ದಾರೆ. ಗೆದ್ದವರು ಮಾತ್ರವಲ್ಲದೇ ಸ್ಪರ್ಧೆ ಮಾಡಿದ್ದ ಎಲ್ಲರೂ ಲಕ್ಷಾಂತರ ಫಾಲೋವರ್ಸ್ ಹೊಂದಿದ್ದಾರೆ. ಆ ಸಾಮರ್ಥ್ಯ ಕನ್ನಡದ ರಿಯಾಲಿಟಿ ಶೋ ಬಿಗ್ ಬಾಸ್ಗೆ ಇದೆ. ಈ ಶೋ ಶುರುವಾಗ್ತಿದ್ದಂತೆ, ಮನೆಕೆಲಸ ಬಿಟ್ಟು ಟಿವಿ ಮುಂದೆ ಕೂರ್ತಿದ್ದ ಹುಚ್ಚು ಅಭಿಮಾನಿಗಳಿಗೆ ಗುಡ್ನ್ಯೂಸ್ ಸಿಕ್ಕಿದೆ. ಬಿಗ್ ಬಾಸ್ 9ನೇ ಸೀಸನ್ ಪ್ರೋಮೋ ಶೂಟ್ ಆಗಿದೆ.
ಸಿನಿಮಾ, ಸೀರಿಯಲ್ನ ಸೆಲೆಬ್ರಿಟಿಗಳು ಸೇರಿದಂತೆ ಸಾಮಾನ್ಯ ಜನರಿಗೂ ಅವಕಾಶ ಕಲ್ಪಿಸಿದ್ದ ಬಿಗ್ಬಾಸ್, ಈ ಬಾರಿ ಸಖತ್ ಡಿಫರೆಂಟ್ ಆಗಿ ಮೂಡಿ ಬರ್ತಿದೆ. ಕಾಂಟ್ರವರ್ಸಿ ಕ್ರಿಯೇಟ್ ಮಾಡೋ ಪಂಟರಿಗಾಗಿ ಹದ್ದಿನ ಕಣ್ಣಲ್ಲಿ ಹುಡುಕ್ತಾ ಇದೆ. ಇದರಲ್ಲಿ ಯ್ಯೂಟ್ಯೂಬ್ ಸ್ಟಾರ್ಸ್, ಇನ್ಸ್ಟಾಗ್ರಾಮ್ ರೀಲ್ಸ್ ಸ್ಟಾರ್, ಫೇಸ್ಬುಕ್ನಲ್ಲಿ ಸದ್ದು ಮಾಡೋ ವಿವಾದಾತ್ಮಕ ವ್ಯಕ್ತಿಗಳಿಗೆ ಹೆಚ್ಚಿನ ಆದ್ಯತೆ ನೀಡಲಾಗಿದೆಯಂತೆ. ಈ ಬಾರಿ ಯಾರಿಗೆಲ್ಲಾ ಚಾನ್ಸ್ ಸಿಗುತ್ತೋ ಅನ್ನೋ ಕುತೂಹಲಕ್ಕೆ ಕೆಲವೇ ದಿನಗಳಲ್ಲಿ ಉತ್ತರ ಸಿಗಲಿದೆ.
Exciting promo shoot for the new #BigBossKannada.
Thanks to the entire team for all ua efforts,, and also to all those lovely people who participated in the shoot.
You all,,look forward to the promo soon ,,, its a supaa announcement .
🥂🤜🏽🤜🏽@ColorsKannada— Kichcha Sudeepa (@KicchaSudeep) July 13, 2022
ಪ್ರತಿ ಬಾರಿಯಂತೆ ಈ ಸಲವೂ ಕೂಡ ಸಖತ್ ಕ್ರಿಯೇಟಿವ್ ಪ್ರೋಮೋ ಶೂಟ್ ಮಾಡಲಾಗಿದೆ. ಈ ಕುರಿತು ಬ್ಯುಸಿನೆಸ್ ಹೆಡ್ ಪರಮೇಶ್ವರ್ ಗುಂಡ್ಕಲ್ ಸೋಶಿಯಲ್ ಮೀಡಿಯಾದಲ್ಲಿ ಫೋಟೋವೊಂದನ್ನು ಹಂಚಿಕೊಂಡಿದ್ದಾರೆ. ಸದ್ಯ ಈ ಫೋಟೊ ವೈರಲ್ಲಾಗಿದ್ದು, ಸೆಲೆಬ್ರಿಟಿಗಳು ಸೇರಿದಂತೆ ಸಾಮಾನ್ಯರಿಗೂ ಕಾತರ ಹೆಚ್ಚಾಗಿದೆ. ಈ ಬಾರಿ ಬಿಗ್ ಬಾಸ್ ಮನೆ ಎಷ್ಟು ಲಕ್ಸುರಿಯಾಗಿರುತ್ತೆ, ಏನೆಲ್ಲಾ ಗೇಮ್ಸ್ ಇರಲಿದೆ ಅನ್ನೋ ಕ್ಯೂರಿಯಾಸಿಟಿ ಮೂಡಿದೆ.
ಈ ಬಾರಿ ಬಿಗ್ ಬಾಸ್ ಎರಡು ಸೀಸನ್ಗಳಲ್ಲಿ ನಡೆಯಲಿದೆ ಎನ್ನಲಾಗ್ತಿದೆ. ಜೊತೆಗೆ ಈ ಬಾರಿಯ ಬಿಗ್ಬಾಸ್ ಓಟಿಟಿಯಲ್ಲಿ ಪ್ರಸಾರವಾಗಲಿದೆ ಎನ್ನಲಾಗ್ತಿದೆ. ಒಂದನ್ನು ಮಿನಿ ಸೀಸನ್ ಮಾಡಿ ಓಟಿಟಿಯಲ್ಲಿ ಪ್ರಸಾರ ಮಾಡಿದ್ರೆ, ಇನ್ನೊಂದನ್ನು ಟಿವಿಯಲ್ಲಿ ಪ್ರಸಾರ ಮಾಡೋ ಪ್ಲಾನ್ ಮಾಡಿಕೊಂಡಿದೆ ಎನ್ನಲಾಗ್ತಿದೆ. ಒಟ್ಟಿನಲ್ಲಿ ಮಿನಿ ಬಿಗ್ಬಾಸ್, ಮೆಗಾ ಬಿಗ್ಬಾಸ್ ಹಾವಳಿ ಜೋರಾಗಿರೋದಂತೂ ಪಕ್ಕಾ. ಭರ್ಜರಿ ಮನರಂಜನೆಯ ಜೊತೆಗೆ ಪ್ರತಿನಿತ್ಯವೂ ತಾಜಾ ತಾಜಾ ಅನುಭವ ಸಿಗಲಿದೆ. ಅಂತೂ ಬಿಗ್ಬಾಸ್ ಆರಂಭಕ್ಕೆ ಫೈನಲ್ ಡೇಟ್ ಫಿಕ್ಸ್ ಆಗಬೇಕಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
