ಸ್ಯಾಂಡಲ್ವುಡ್ ಅಂಗಳದಲ್ಲಿ ಹಿರೋಶಿಮಾ- ನಾಗಸಾಗಿಯ ಸದ್ದು ಸಖತ್ ಜೋರಿದೆ. ಅರೇ ಸೆಕೆಂಡ್ ವರ್ಲ್ಡ್ ವಾರ್ ಕುರಿತ ಸಿನಿಮಾ ಏನಾದ್ರು ಶುರು ಆಗ್ತಿದೆಯಾ ಅಂತ ಹುಬ್ಬೇರಿಸಬೇಡಿ. ಆದ್ರೆ ಇದು ಕೂಡ ಒಂಥರಾ ಯುದ್ಧಾನೇ. ಅದು ಯಾರಿಗಾಗಿ..? ಯಾರ ನಡುವೆ..? ಜಪಾನ್ನ ಆ ಎರಡು ಸಿಟಿಗಳ ಟೈಟಲ್ಗಳು ಇಲ್ಯಾಕೆ ಬಂತು ಅನ್ನೋದ್ರ ಡಿಟೈಲ್ಡ್ ರಿಪೋರ್ಟ್ ಇಲ್ಲಿದೆ. ಜಸ್ಟ್ ವಾಚ್.
ಹಿರೋಶಿಮಾ – ನಾಗಸಾಕಿಯಾಗಿ ಡಾಲಿ – ಯಶ್ ಮೋಡಿ
ಅವಳಿ ನಗರಗಳ ಹೆಸ್ರಲ್ಲಿ ಅವಳಿ ಖೈದಿಗಳಿಬ್ಬರ ಅನಾವರಣ
ಟೈಟಲ್ & ಪಾತ್ರಗಳಿಂದ ಜಮಾಲಿ ಗುಡ್ಡ ಸಖತ್ ಡಿಫರೆಂಟ್
ಸೆಪ್ಟೆಂಬರ್ 9ಕ್ಕೆ ಜಮಾಲಿ ಗುಡ್ಡದ ಸೀಕ್ರೆಟ್ಸ್ ಬಟಾ ಬಯಲು..!
ಹಿರೋಶಿಮಾ & ನಾಗಸಾಕಿ.. ಈ ಹೆಸ್ರುಗಳು ಕೇಳ್ತಿದ್ದಂತೆ ಇತಿಹಾಸ ನೆನಪಾಗುತ್ತೆ. ಎರಡನೇ ಮಹಾ ಪ್ರಪಂಚ ಯುದ್ಧ ಕಣ್ಮುಂದೆ ಬರುತ್ತೆ. ಅದ್ರಲ್ಲೂ ಪರಮಾಣು ದಾಳಿಗೊಳಗಾಗಿ ಅಕ್ಷರಶಃ ಸ್ಮಶಾನಗಳಾಗಿ ಬದಲಾದ ಜಪಾನ್ನ ಆ ಬ್ಯೂಟಿಫುಲ್ ಅವಳಿ ನಗರಗಳು ನೆನಪಾಗುತ್ತವೆ. ಹೌದು.. ಹಿರೋಶಿಮಾ- ನಾಗಸಾಕಿಗೆ ಅದರದ್ದೇ ಆದ ಹಿಸ್ಟರಿ ಇದೆ. ಆದ್ರೀಗ ನಾವು ಹೇಳೋಕೆ ಹೊರಟಿರೋದು ಆ ಯುದ್ಧದ ನಗರಗಳ ಬಗ್ಗೆ ಅಲ್ಲ. ಆ ಹೆಸರುಗಳಲ್ಲಿರೋ ಇಬ್ಬರು ಖೈದಿಗಳ ಬಗ್ಗೆ ಅನ್ನೋದು ಇಂಟರೆಸ್ಟಿಂಗ್.
ಸಾಮಾನ್ಯವಾಗಿ ಸುಕ್ಕಾ ಸೂರಿ, ದುನಿಯಾ ವಿಜಯ್, ಪ್ರಶಾಂತ್ ನೀಲ್ ಅಂತಹ ಡೈರೆಕ್ಟರ್ಗಳು ತಮ್ಮ ಸಿನಿಮಾಗಳಲ್ಲಿನ ಕ್ಯಾರೆಕ್ಟರ್ಗಳಿಗೆ ಆ ರೀತಿಯ ಹೆಸ್ರುಗಳನ್ನು ಇಡ್ತಿದ್ರು. ಆದ್ರೀಗ ಒನ್ಸ್ ಅಪ್ ಆನ್ ಎ ಟೈಮ್ ಜಮಾಲಿ ಗುಡ್ಡ ಚಿತ್ರಕ್ಕಾಗಿ ನಿರ್ದೇಶಕ ಕುಶಾಲ್ ಗೌಡ ಎರಡು ಪಾತ್ರಗಳಿಗೆ ಹಿರೋಶಿಮಾ ಹಾಗೂ ನಾಗಸಾಕಿ ಅಂತ ಹೆಸರಿಟ್ಟಿದ್ದಾರೆ. ಹೌದು.. ಹಿರೋಶಿಮಾ ಆಗಿ ಡಾಲಿ ಧನಂಜಯ, ನಾಗಸಾಕಿ ಆಗಿ ಯಶ್ ಶೆಟ್ಟಿ ಮಿಂಚಲಿದ್ದಾರೆ.
ಅಂದಹಾಗೆ ಇಲ್ಲಿಯವರೆಗೆ ಈ ಚಿತ್ರದ ಕಥೆ, ಎಳೆ, ಜಾನರ್ ಯಾವುದನ್ನೂ ಬಿಟ್ಟುಕೊಡದ ಚಿತ್ರತಂಡ, ಬರೀ ಕ್ಯಾರೆಕ್ಟರ್ಗಳನ್ನಷ್ಟೇ ರಿವೀಲ್ ಮಾಡಿತ್ತು. ಇದು ಮಗುವಿನೊಂದಿಗೆ ಹಿರೋಶಿಮಾ ಪಾತ್ರದಾರಿ ಡಾಲಿಯ ಜರ್ನಿಯ ಕಥಾನಕ ಆಗಲಿದ್ದು, ಇಲ್ಲಿ ಯಶ್- ಡಾಲಿ ಇಬ್ಬರೂ ಖೈದಿಗಳಾಗಿ ಕಾಣಸಿಗಲಿದ್ದಾರೆ. ಇತಿಹಾಸದ ಯುದ್ಧದಂತೆ ಇಲ್ಲಿಯೂ ಮಗುವಿಗಾಗಿ ನಡೆಯೋ ಯುದ್ಧ ಇದಾಗಿರಲಿದೆ ಅಂತ ಶಂಕಿಸಲಾಗಿದೆ. ಆದ್ರೆ ಇವರಿಬ್ಬರ ಗೆಟಪ್ಗಳು ವಿಚಿತ್ರವಾಗಿದ್ದು, ಸಂಥಿಂಗ್ ಫ್ರೆಶ್ ಫೀಲ್ ಕೊಡ್ತಿವೆ.
ಶ್ರೀಹರಿ ನಿರ್ಮಾಣದ ಈ ಸಿನಿಮಾದಲ್ಲಿ ಡಾಲಿ ಜೊತೆ ಬಹುದೊಡ್ಡ ತಾರಾಗಣವಿದೆ. ನಾಯಕನಟಿಯಾಗಿ ಅದಿತಿ ಪ್ರಭುದೇವ ಬಣ್ಣ ಹಚ್ಚಿದ್ದು, ಈ ಹಿಂದೆ ಫೈಟ್ ಸೀಕ್ವೆನ್ಸ್ ಮೇಕಿಂಗ್ ಎಲ್ಲರ ಗಮನ ಸೆಳೆದಿತ್ತು. ಒಟ್ನಲ್ಲಿ ಜಮಾಲಿಗುಡ್ಡದಿಂದ ಸ್ಯಾಂಡಲ್ವುಡ್ನಲ್ಲಿ ಒಂದೊಳ್ಳೆ ಪ್ರಯೋಗವಂತೂ ಆಗ್ತಿದೆ. ಸಿನಿಮಾದ ರಿಲೀಸ್ ಡೇಟ್ ಕೂಡ ಫೈನಲ್ ಆಗಿದ್ದು, ಇದೇ ಸೆಪ್ಟೆಂಬರ್ 9ಕ್ಕೆ ತೆರೆಗಪ್ಪಳಿಸಲಿದೆ.
ಸದಾ ಹೊಸತನಕ್ಕೆ ಹಾತೊರೆಯೋ ಡಾಲಿ ಧನಂಜಯ, ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚ್ತಿದ್ರೂ ಸಹ ಈ ರೀತಿ ಭಿನ್ನ ವಿಭಿನ್ನ ಕಥೆಗಳು ಹಾಗೂ ಪಾತ್ರಗಳಿಗೆ ತಮ್ಮನ್ನ ಒಡ್ಡಿಕೊಳ್ತಿರೋದು ನಿಜಕ್ಕೂ ಗ್ರೇಟ್. ಒಬ್ಬ ವರ್ಸಟೈಲ್ ಌಕ್ಟರ್ಗೆ ಇರಬೇಕಾದ ಕ್ವಾಲಿಟೀಸ್ ಇವಾಗಿದ್ದು, ಈ ಚಿತ್ರದಿಂದ ಮತ್ತೊಂದು ದಾಖಲೆ ಬರೆಯೋ ಸಾಧ್ಯತೆಯಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
