ಸೆಂಚುರಿ ಸ್ಟಾರ್ ಶಿವಣ್ಣ 60ರ ಹೊಸ್ತಿಲಲ್ಲಿದ್ದಾರೆ. ಏನೇ ಇರಲಿ ಶಿವಣ್ಣನಿಗೆ ಏಜ್ ಈಸ್ ಜಸ್ಟ್ ಎ ನಂಬರ್. ಶಿವಣ್ಣ ಮಾತ್ರ ಆಯಾಸವಿಲ್ಲದೇ ಸಾಲು ಸಾಲು ಸಿನಿಮಾಗಳಲ್ಲಿ ಆ್ಯಕ್ಟ್ ಮಾಡ್ತಿದ್ದಾರೆ. ಇದೀಗ ಘೋಸ್ಟ್ ಅಬ್ಬರ ಶುರುವಾಗಿದೆ. ಸ್ಯಾಂಡಲ್ವುಡ್ ಬೀರ್ಬಲ್ ಶ್ರೀನಿ ಆ್ಯಕ್ಷನ್ ಕಟ್ ಹೇಳ್ತಾ ಇರೋ ಘೋಸ್ಟ್ ಸಿನಿಮಾಗೆ ಕಿಚ್ಚನ ಬಲ ಸಿಕ್ಕಿದೆ. ಹ್ಯಾಟ್ರಿಕ್ ಹೀರೋ ಶಿವಣ್ಣನ ಬರ್ತ್ಡೇಗೆ ವಿಕ್ರಾಂತ್ ರೋಣ ಸರ್ಪ್ರೈಸ್ ಗಿಫ್ಟ್ ಕೊಡ್ತಿದ್ದಾರೆ. ಆ ಉಡುಗೊರೆ ಏನ್ ಗೊತ್ತಾ..?
ಶಿವಣ್ಣನ ಬರ್ತ್ಡೇಗೆ ವಿಕ್ರಾಂತ್ ರೋಣ ಸರ್ಪ್ರೈಸ್ ಗಿಫ್ಟ್
‘ಕಿಂಗ್ ಆಫ್ ಆಲ್ ಮಾಸಸ್’ ಸ್ಪೆಷಲ್ ಪೋಸ್ಟರ್ ರಿಲೀಸ್
ಹೈ ವೋಲ್ಟೇಜ್ ಮಾಸ್ ವೆಂಚರ್.. ಆ್ಯಕ್ಷನ್ ಎಂಟರ್ಟೈನರ್
ಶ್ರೀನಿ ಸಾರಥ್ಯದಲ್ಲಿ ಚಿತ್ರರಸಿಕರಿಗೆ ಸಿಗಲಿದೆ ಓಲ್ಡ್ ಮಾಂಕ್ ಕಿಕ್
ಡಾ.ಶಿವಣ್ಣನ ಬರ್ತ್ಡೇ ಸಂಭ್ರಮ ಎಲ್ಲೆಡೆ ಜೋರಾಗಿದೆ. ಜುಲೈ12ಕ್ಕೆ ಶಿವಣ್ಣ 60ನೇ ವರ್ಷದ ಹುಟ್ಟು ಹಬ್ಬವನ್ನು ಆಚರಿಸಿಕೊಳ್ತಿದ್ದಾರೆ. ಕೋಟ್ಯಂತರ ಅಭಿಮಾನಿಗಳು ಕೂಡ ಸ್ಯಾಂಡಲ್ವುಡ್ ಸಿಂಹದ ಮರಿಯ ಬರ್ತ್ಡೇಯನ್ನು ಅದ್ಧೂರಿಯಾಗಿ ಆಚರಿಸೋಕೆ ತುದಿಗಾಲಲ್ಲಿ ನಿಂತಿದ್ದಾರೆ. ಈ ನಡುವೆ ಸ್ಯಾಂಡಲ್ವುಡ್ ಬಾದ್ಷಾ ಕಿಚ್ಚ ಸುದೀಪ್, ಶಿವಣ್ಣನ ಬರ್ತ್ಡೇ ಸ್ಪೆಷಲ್ ಗಿಫ್ಟ್ ಕೊಡ್ತಿದ್ದಾರೆ.
ಖ್ಯಾತ ನಟ ಶ್ರೀನಿ ನಿರ್ದೇಶನದಲ್ಲಿ ಮೂಡಿ ಬರ್ತಿರೋ ಘೋಸ್ಟ್ ಸಿನಿಮಾ ಸೆಟ್ಟೇರೋಕೆ ಮುಂಚೆ ಹಲ್ಚಲ್ ಎಬ್ಬಿಸಿದೆ. ಈಗಾಗ್ಲೇ ಘೋಸ್ಟ್ ಚಿತ್ರದ ಪೋಸ್ಟರ್ನಲ್ಲಿ ಶಿವಣ್ಣನ ಗೆಟಪ್ ಕಂಡು, ಪ್ರೇಕ್ಷಕರು ಮೂಕ ವಿಸ್ಮಿತರಾಗಿದ್ದಾರೆ. ಘೋಸ್ಟ್ ಎಂದ ಮಾತ್ರಕ್ಕೆ ಶಿವಣ್ಣ ಹಾರರ್ ಸಿನಿಮಾದಲ್ಲಿ ಆ್ಯಕ್ಟ್ ಮಾಡ್ತಿಲ್ಲ. ವ್ಯವಸ್ಥ್ಯೆಯ ವಿರುಧ್ದ ಹೋರಾಡುವ ಕಥೆ ಇದು. ಈ ಸಿನಿಮಾದ ಫಸ್ಟ್ ಲುಕ್ನ್ನು ಕಿಚ್ಚ ಸುದೀಪ್ ರಿಲೀಸ್ ಮಾಡಲಿದ್ದು, ಕಿಂಗ್ ಆಫ್ ಆಲ್ ಮಾಸಸ್ ಎಂಬ ಹೆಸರಿನ ಪೋಸ್ಟರ್ ಅನ್ನು ಬರ್ತ್ಡೇ ಗಿಫ್ಟ್ ಆಗಿ ನೀಡಲಿದ್ದಾರೆ.
ಸಂದೇಶ್ ಪ್ರೊಡಕ್ಷನ್ ಲಾಂಛನದಲ್ಲಿ ನಿರ್ಮಾಣವಾಗ್ತಾ ಇರೋ ಘೋಸ್ಟ್ ಸಿನಿಮಾ ಸದ್ಯ ಪ್ರೀ ಪ್ರೊಡಕ್ಷನ್ ಕಾರ್ಯಗಳನ್ನು ಆರಂಭಿಸಿದೆ. ಅದ್ರಲ್ಲೂ ಇದು ಮಾಸ್ತಿ ರೈಟಿಂಗ್ನಿಂದ ಮತ್ತೆ ಮ್ಯಾಜಿಕ್ ಮಾಡೋ ಸೂಚನೆ ನೀಡಿದೆ. ಟೋಪಿವಾಲ, ಬೀರ್ಬಲ್, ಓಲ್ಡ್ಮಾಂಕ್ ಸಿನಿಮಾಗೆ ಆ್ಯಕ್ಷನ್ ಕಟ್ ಹೇಳಿರೋ ಶ್ರೀನಿ, ಹ್ಯಾಟ್ರಿಕ್ ಹೀರೋಗೆ ಮೊದಲ ಬಾರಿಗೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ.
ಪಕ್ಕಾ ಆ್ಯಕ್ಷನ್ ಥ್ರಿಲ್ಲರ್ ಜಾನರ್ ಸಿನಿಮಾ ಇದಾಗಿದ್ದು, ಸಿನಿಮಾ ಪೂರ್ತಿ ಕಮರ್ಷಿಯಲ್ ಎಲಿಮೆಂಟ್ಸ್ ತುಂಬಾ ಇದೆಯಂತೆ. ಘೋಸ್ಟ್ ಸಿನಿಮಾ ಆಗಸ್ಟ್ ಅಂತ್ಯದ ವೇಳೆಗೆ ಸೆಟ್ಟೇರಲಿದ್ದು, ನಾಳೆ ರಿಲೀಸ್ ಆಗಲಿರೋ ಫಸ್ಟ್ ಲುಕ್ ಮೇಲೆ ಎಲ್ಲರ ಕಣ್ಣು ನೆಟ್ಟಿದೆ. ಚಿಕ್ಕ ವಯಸ್ಸಿಂದ ಶಿವಣ್ಣನ ಸಿನಿಮಾ ನೋಡಿ ಬೆಳೆದ ನಿರ್ದೆಶಕ ಶ್ರೀನಿ ಕಥೆ ಹೇಳಿದ ತಕ್ಷಣಕ್ಕೆ ಶಿವಣ್ಣ ಓಕೆ ಎಂದಿದ್ದಾರೆ. ಹಾಲಿವುಡ್ ಕಥೆ ಕೇಳಿದ ಫೀಲ್ ಶಿವಣ್ಣನಿಗೆ ಆಗಿದೆಯಂತೆ.
ಇಂದು ರಾತ್ರಿಯಿಂದಲೇ ರಾಜ್ಯಾದ್ಯಂತ ಶಿವಣ್ಣನ ಅಭಿಮಾನಿಗಳು ಬರ್ತ್ಡೇ ಸೆಲೆಬ್ರೇಟ್ ಮಾಡೋಕೆ ಸಕಲ ಸಿದ್ಧತೆಗಳನ್ನ ಮಾಡಿಕೊಳ್ತಿದ್ದಾರೆ. ಇತ್ತ ಕಿಚ್ಚ ಸುದೀಪ್ ಕೂಡ ಶಿವಣ್ಣನ ಘೋಸ್ಟ್ ಸಿನಿಮಾಗೆ ಸಾಥ್ ಕೊಡ್ತಾ ಇರೋದ್ರಿಂದ ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ. ಸ್ಪೈ ಥ್ರಿಲ್ಲರ್ ಕಥೆಯ ಸಿನಿಮಾ ಘೋಸ್ಟ್ ಚಿತ್ರದ ಕಿಂಗ್ ಆಫ್ ಆಲ್ ಮಾಸಸ್ ಪೋಸ್ಟರ್ ಹೇಗಿರಲಿದೆ ಕಾದು ನೋಡ್ಬೇಕು. ಎನಿವೇ ಪವರ್ ಟಿವಿ ಕಡೆಯಿಂದ ಶಿವಣ್ಣ ಅವ್ರಿಗೆ ಹ್ಯಾಪಿ ಬರ್ತ್ಡೇ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
