ಸ್ಯಾಂಡಲ್ವುಡ್ ಕ್ವೀನ್ ರಮ್ಯಾ ಸಿನಿಮಾಗೆ ಗುಡ್ ಬೈ ಹೇಳ್ಬಿಟ್ರು. ಇನ್ಮುಂದೆ ರಮ್ಯಾ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳಲ್ಲ. ಅವರು ಎಲ್ಲಿದ್ದಾರೆ ಅಂತಾನೇ ಗೊತ್ತಿಲ್ಲ. ರಮ್ಯಾ ಸೋಶಿಯಲ್ ಮೀಡಿಯಾ, ಗೂಗಲ್ ಹುಡುಕಿದ್ರು ಸಿಗ್ತಿಲ್ಲ ಅಂತಾ ನಿರಾಸೆಯಾಗಿದ್ದ ಫ್ಯಾನ್ಸ್ ಇತ್ತೀಚೆಗೆ ಫುಲ್ ಖುಷ್ ಆಗಿದ್ದಾರೆ. ಮೋಹಕ ತಾರೆ, ಹಾಲುಗಲ್ಲದ ಚೆಲುವೆ ರಮ್ಯಾ ಮತ್ತೆ ಸ್ಯಾಂಡಲ್ವುಡ್ಗೆ ಕಂಬ್ಯಾಕ್ ಆಗಿದ್ದಾರೆ. ಹೊಯ್ಸಳನ ಅಡ್ಡಾದಲ್ಲಿ ತಿರುಗಾಡಿ ಹರಟೆ ಹೊಡೆದಿದ್ದಾರೆ.
ಹೊಯ್ಸಳ ಸೆಟ್ನಲ್ಲಿ ಮೋಹಕ ತಾರೆ ರಮ್ಯಾ ರಂಗು..!
ಆರೇಂಜ್ ಕಲರ್ T-ಶರ್ಟ್ನಲ್ಲಿ ಪದ್ಮಾವತಿ ಮಿಂಚಿಂಗ್
ಹೊಯ್ಸಳನ ಮೇಕಿಂಗ್ ಸ್ಟೈಲ್ ಕಂಡು ಬೆರಗಾದ ರಮ್ಯಾ
ಪವರ್ಫುಲ್ ಹೊಯ್ಸಳನಿಗೆ ದಂತದ ಗೊಂಬೆ ಸಾಥ್
ಸ್ಯಾಂಡಲ್ವುಡ್ ಕ್ವೀನ್ ರಮ್ಯಾ ಚಂದನವನದಲ್ಲಿ ರಾರಾಜಿಸಿದ ಕಾಲವೊಂದಿತ್ತು. ಸಾಲು ಸಾಲು ಸಿನಿಮಾಗಳ ಮೂಲಕ ಯಾರೂ ಸರಿಗಟ್ಟಲಾಗದ ರೀತಿ ಟಾಪ್ ಒನ್ ಸ್ಥಾನದಲ್ಲಿ ಮಿಂಚಿದ್ದರು. ಸಿನಿಮಾ ತೊರೆದು, ರಾಜಕೀಯಕ್ಕೆ ಎಂಟ್ರಿ ಕೊಟ್ಟ ರಮ್ಯಾ ಮತ್ಯಾಕೋ ಸಿನಿಮಾ ಕಡೆ ಸುಳಿಯಲೇ ಇಲ್ಲ. ಯಾವ ಗೂಗಲ್ ಹುಡುಕಿದ್ರು ರಮ್ಯಾ ಸುಳಿವು ಮಾತ್ರ ಸಿಕ್ಕಿರಲಿಲ್ಲ. ಇದೀಗ ರಮ್ಯಾ ಮತ್ತೆ ಕಂಬ್ಯಾಕ್ ಆಗಿದ್ದಾರೆ. ಪ್ರತಿ ನಿತ್ಯ ಸಿನಿಮಾದ ಚಟುವಟಿಕೆಗಳಲ್ಲಿ ಭಾಗಿಯಾಗ್ತಿದ್ದಾರೆ.
ಇಂದಿಗೂ ಅದೇ ಗ್ಲಾಮರ್, ಅದೇ ಚಾರ್ಮಿಂಗ್, ಅದೇ ಸೌಂದರ್ಯವನ್ನು ಕಾಪಾಡಿಕೊಂಡು ಬಂದಿರೋ ರಮ್ಯಾ ಅಭಿಮಾನಿಗಳ ಪಾಲಿಗೆ ಕನಸಿನ ರಾಣಿ. ರಮ್ಯಾ ಮತ್ತೆ ಬಣ್ಣದ ಲೋಕಕ್ಕೆ ಕಾಲಿಡ್ತಾರೆ ಅನ್ನೋ ಬಿಸಿ ಬಿಸಿ ಸುದ್ದಿ ಚರ್ಚೆಯಾಗುತ್ತಲೇ ಇದೆ. ಇದಕ್ಕೆ ತುಪ್ಪ ಸುರಿಯೋ ಹಾಗೆ ರಮ್ಯಾ ಕನ್ನಡದ ಸಿನಿಮಾಗಳಿಗೆ ಸಪೋರ್ಟ್ ಮಾಡ್ತಿದ್ದಾರೆ. ಸಿನಿಮಾ ಶೂಟಿಂಗ್ ಸೆಟ್ಗೆ ಭೇಟಿ ಕೊಟ್ಟು ಹರಟೆ ಹೊಡೆದಿದ್ದಾರೆ. ರಮ್ಯಾ ಹೊಯ್ಸಳನ ಅಡ್ಡಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಆರೆಂಜ್ ಟೀ ಶರ್ಟ್ನಲ್ಲಿ ಮಿಂಚಿ ಚಿತ್ರತಂಡದ ಜೊತೆ ಟೈಮ್ ಪಾಸ್ ಮಾಡಿದ್ದಾರೆ.
ಡಾಲಿ ಧನಂಜಯ ಸಿನಿ ಕರಿಯರ್ನ 25ನೇ ಸಿನಿಮಾ ಹೊಯ್ಸಳ ಚಿತ್ರದ ಶೂಟಿಂಗ್ ಭರದಿಂದ ಸಾಗಿದೆ. ಈ ನಡುವೆ ಹೊಯ್ಸಳನ ಅಡ್ಡಾದಲ್ಲಿ ವಿಶೇಷ ಅತಿಥಿಯೊಬ್ಬರು ಭೇಟಿ ಕೊಟ್ಟು ಸರ್ಪ್ರೈಸ್ ಕೊಟ್ಟಿದ್ದಾರೆ. ಯೆಸ್.. ಮೋಹಕ ತಾರೆ ರಮ್ಯಾ ಶೂಟಿಂಗ್ ಸೆಟ್ಗೆ ಭೇಟಿ ಕೊಟ್ಟು ಸಮಯ ಕಳೆದಿದ್ದಾರೆ. ಜೊತೆಗೆ ಹೊಯ್ಸಳ ಚಿತ್ರದ ಆ್ಯಕ್ಷನ್ ಸೀಕ್ವೆನ್ಸ್ಗಳನ್ನು ನೋಡಿ ವಾವ್ಹ್ ಎಂದಿದ್ದಾರೆ. ಇಂಟೆನ್ಸ್ ಆ್ಯಕ್ಷನ್ ಸೀನ್ ಕಂಡು ಬೆರಗಾದ ರಮ್ಯಾ ಸೂಪರ್ ಎಂದಿದ್ದಾರೆ. ಜೊತೆಗೆ ಚಾಕ್ಲೇಟ್ ಹಾಗೂ ಆಸಕ್ತಿದಾಯಕ ಮಾತುಕತೆಗೆ ಧನ್ಯವಾದಗಳು ಎಂದು ಸೋಶಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.
ಟಗರು ಡಾಲಿ ಮೊದಲ ಬಾರಿಗೆ ಹೊಯ್ಸಳ ಚಿತ್ರದಲ್ಲಿ ಪೋಲೀಸ್ ರೋಲ್ನಲ್ಲಿ ಕಾಣಿಸ್ತಿದ್ದಾರೆ. ನೆಗಟಿವ್ ರೋಲ್ನಲ್ಲಿ ಆರ್ಭಟಿಸುತ್ತಿದ್ದ ಡಾಲಿಗೆ ಈ ಸಿನಿಮಾ ಸಿಕ್ಕಾಪಟ್ಟೆ ವಿಶೇಷವಾಗಿದೆ. ಸಖತ್ ಚ್ಯುಸಿಯಾಗಿರುವ ಧನಂಜಯ ಪ್ರತಿ ಸಿನಿಮಾದಲ್ಲೂ ಒಂದಿಲ್ಲೊಂದು ವಿಭಿನ್ನ ಪಾತ್ರಗಳಲ್ಲಿ ಆರ್ಭಟಿಸುತ್ತಿದ್ದಾರೆ. ಹೊಯ್ಸಳ ಸಿನಿಮಾದ ಬಗ್ಗೆಯೂ ಎಲ್ರಿಗೂ ಕುತೂಹಲವಿದೆ. ಡಾಲಿಗೆ ನಾಯಕಿಯಾಗಿ ಅಮೃತಾ ಅಯ್ಯಂಗಾರ್ ನಟಿಸ್ತಾ ಇರೋದು ಚಿತ್ರಕ್ಕೆ ಮತ್ತಷ್ಟು ಪ್ಲಸ್ ಆಗಿದೆ.
ವಿಜಯ್ ಎನ್ ನಿರ್ದೇಶನದ ಕರಾಮತ್ತಿನಲ್ಲಿ ಹೊಯ್ಸಳ ಮೂಡಿ ಬರ್ತಿದೆ. ಈ ಸಿನಿಮಾಗೆ ಕಾರ್ತಿಕ್, ಯೋಗಿ ಜಿ ರಾಜ್ ಬಂಡವಾಳ ಹೂಡಿದ್ದು ಅಜನೀಶ್ ಲೋಕನಾಥ್ ಮ್ಯೂಸಿಕ್ ಕಂಪೋಸಿಂಗ್ ಇದೆ. ಮಾಸ್ತಿ ಸಂಭಾಷಣೆಯಲ್ಲಿ ಸಿನಿಮಾ ಘರ್ಜಿಸಲಿದೆ. ಪಕ್ಕಾ ಮಾಸ್ ಜಾನರ್ನಲ್ಲಿ ಸಿನಿಮಾ ಮೂಡಿ ಬರ್ತಿದ್ದು ರಮ್ಯಾ ಸಾಥ್ ನೀಡಿರೋದ್ರಿಂದ ಸಿನಿಮಾದ ಮೈಲೇಜ್ ಹೆಚ್ಚಾಗಲಿದೆ. ಪದೇ ಪದೇ ಸಿನಿಮಾ ಸುದ್ದಿಯಲ್ಲಿರೋ ರಮ್ಯಾ ಮತ್ತೆ ತೆರೆ ಮೇಲೆ ಕಾಣಿಸಿಕೊಳ್ಳಲಿ ಎಂಬುದೇ ಫ್ಯಾನ್ಸ್ ಅಶಯವಾಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
