ಭೂಗತ ಲೋಕದ ಕಥೆಯ ಮೂಲಕ ಬೆಚ್ಚಿ ಬೀಳಿಸಿದ್ದ ಓಂ ಸಿನಿಮಾ ಬಾಕ್ಸ್ ಆಫೀಸ್ ಲೂಟಿ ಮಾಡಿತ್ತು. ಇಂದು, ಮುಂದು, ಎಂದೆಂದೂ ಓಂ ಸಿನಿಮಾದ ದಾಖಲೆ ಮುರಿಯೋಕೆ ಸಾಧ್ಯವಿಲ್ಲ. ಈ ಸಿನಿಮಾದ ಪ್ರತಿ ಸೀನ್ ಕೂಡ ಅದ್ಭುತ, ಅಮೋಘ, ಅತಿರೋಚಕ. ಇದೀಗ ಮತ್ತೆ ಓಂ ಗೆಟಪ್ನಲ್ಲಿ ಶಿವಣ್ಣ ಕಾಣಿಸಿದ್ದಾರೆ. ಎಲ್ಲಿ ಅಂತೀರಾ..? ಈ ಸ್ಟೋರಿ ಓದಿ.
- ಐ ಲವ್ ಯು.. ಯು ಮಸ್ಟ್ ಲವ್ ಮಿ ಡೈಲಾಗ್ ವೈರಲ್
ಸ್ವೀಟ್ 60 ಶಿವಣ್ಣ ಅವ್ರಿಗೆ ವಯಸ್ಸೆ ಆಗಲ್ಲ ಬಿಡಿ. ಇದನ್ನ ಅವ್ರು ಮತ್ತೆ ಮತ್ತೆ ಪ್ರೂವ್ ಮಾಡ್ತಾ ಬಂದಿದ್ದಾರೆ. ಅವ್ರ ಎನರ್ಜಿಗೆ ಅವರೇ ಸಾಟಿ. ಈ ವಯಸ್ಸಲ್ಲೂ ಅವ್ರ ಸರಿಸಮಾನವಾಗಿ ಹೆಜ್ಜೆ ಹಾಕೋ ಗಂಡು ಕೂಡ ಹುಟ್ಟಿಲ್ಲ. 60ರ ಅಂಚಿನಲ್ಲಿರೋ ಡಾ.ಶಿವಣ್ಣ ಇಂದಿಗೂ ಸಿನಿಮಾ ಪ್ರಮೋಷನ್ ವಿಚಾರದಲ್ಲಿ ಹಗಲು ರಾತ್ರಿ ಊರೂರು ಸುತ್ತೋದು ನೋಡಿದ್ರೆ ಹರೆಯದ ಯುವಕರು ಕೂಡ ಅಚ್ಚರಿಯಾಗ್ತಾರೆ.
ಸಿನಿಮಾ, ರಿಯಾಲಿಟಿ ಶೋ ಅಂತಾ ಸದಾ ಬ್ಯುಸಿ ಇರೋ ಶಿವಣ್ಣ ಮತ್ತೆ ಓಂ ಗೆಟಪ್ನಲ್ಲಿ ಕಾಣಿಸಿದ್ದಾರೆ. ಇತ್ತ ಬೈರಾಗಿ ಸಿನಿಮಾ ಸಕ್ಸಸ್ ಮೂಡ್ನಲ್ಲಿರೋ ಶಿವಣ್ಣ ರಿಯಾಲಿಟಿ ಶೋವೊಂದರಲ್ಲಿ ಓಂ ಅವತಾರ ತಾಳಿದ್ದಾರೆ. ಸ್ಯಾಂಡಲ್ವುಡ್ನಲ್ಲಿ ರಿಯಲ್ ರೌಡಿಗಳನ್ನು ಇಟ್ಟುಕೊಂಡು ಮಾಡಲಾಗಿದ್ದ ಓಂ ಸಿನಿಮಾ ಬಾಕ್ಸ್ಆಫೀಸ್ ದೂಳಿಪಟ ಮಾಡಿತ್ತು. ಶಿವಣ್ಣನ ಮ್ಯಾನರಿಸಂಗೆ ಇಡೀ ಕರುನಾಡೆ ಥಂಡಾ ಹೊಡೆದಿತ್ತು. ಶಿವಣ್ಣ ಓಂ 2 ಸಿನಿಮಾ ಮಾಡಲಿ ಅಂತಾ ಪ್ರಾರ್ಥನೆ ಮಾಡ್ತಿದ್ದ ಅಭಿಮಾನಿಗಳಿಗೆ ಈ ಸೀನ್ ನೋಡಿ ದಿಲ್ ಖುಷ್ ಆಗಿದೆ.
- ಆರೇ ನಿಮಿಷದಲ್ಲಿ ಓಂ ಸಿನಿಮಾ ಅನಾವರಣ..!
- ಮತ್ತೆ ಓಂ ಸಿನಿಮಾ ಮಾಡ್ತಾರಾ ಡಾ.ಶಿವಣ್ಣ..?
ಉಪೇಂದ್ರ ನಿರ್ದೇಶನದಲ್ಲಿ ಮೂಡಿ ಬಂದ ಓಂ ಸಿನಿಮಾ ಭೂಗತ ಲೋಕದ ಬ್ಯಾಕ್ ಡ್ರಾಪ್ನಲ್ಲಿ ಸಾಗೋ ಕಥೆ. ಅಮಾಯಕನಂತಿದ್ದ ವ್ಯಕ್ತಿಯನ್ನು ಹುಚ್ಚನಂತೆ ಪ್ರೀತಿಸುವಂತೆ ಮಾಡಿ ಕೊನೆಗೆ ಭೂಗತ ಲೋಕದೊಳಗೆ ತಳ್ಳುತ್ತಾರೆ ನಟಿ ಪ್ರೇಮಾ. ಆದ್ರೆ ಯಾರು ನಿರೀಕ್ಷೆ ಮಾಡದ ಕ್ಲೈಮ್ಯಾಕ್ಸ್ ಸಿನಿ ಇತಿಹಾಸದಲ್ಲೆ ಯಾರು ನಿರೀಕ್ಷೆ ಮಾಡದ ರೀತಿಯಲ್ಲಿ ಅಚ್ಚರಿ ಮೂಡಿಸಿತ್ತು. ಸಿನಿಮಾ ರಿಲೀಸ್ ಆದಾಗಿನಿಂದ ಇಲ್ಲಿವರೆಗೂ ಓಂ ಸಿನಿಮಾ ಚಾಪ್ಟರ್ 2 ಬರಲಿ ಅಂತಾ ಅಭಿಮಾನಿಗಳು ಕನವರಿಸುತ್ತಲೇ ಇದ್ದಾರೆ.
ಸೆಂಚುರಿ ಸ್ಟಾರ್ ಶಿವಣ್ಣನ ಸಿನಿಮಾ ಸಾಕಷ್ಟು ಬಾರಿ ರಿ ರಿಲೀಸ್ ಆಗಿದೆ. ಓಂ ಸಿನಿಮಾ ರಿಲೀಸ್ ಆದ್ರೆ ಇಂದಿಗೂ ಅದೇ ಕ್ರೇಜ್. ಇದೀಗ ಐಕಾನಿಕ್ ಸ್ಟಾರ್ ಶಿವಣ್ಣ ಖಾಸಗಿ ವಾಹಿನಿಯ ವೇದಿಕೆಯಲ್ಲಿ ಓಂ ಸ್ಟೈಲ್ನಲ್ಲಿ ಮಿಂಚಿದ್ದಾರೆ. ಕೈನಲ್ಲಿ ಸಿಗರೇಟ್ ಹಿಡಿದು ಓಂ ಸಿನಿಮಾದ ಡೈಲಾಗ್ ಹೊಡೆದಿದ್ದಾರೆ. ಈ ಪ್ರೋಮೋಗೆ ಲೈಕ್ಸ್ ಕೆಮೆಂಟ್ಸ್ಗಳ ಸುರಿಮಳೆಯಾಗಿದೆ.
ಇದೇ ತಿಂಗಳ ಜುಲೈ 12ಕ್ಕೆ ಶಿವಣ್ಣ ಬರ್ತ್ಡೇ ಸೆಲೆಬ್ರೇಟ್ ಮಾಡಿಕೊಳ್ತಿದ್ದಾರೆ. ಈ ನಡುವೆ ಐ ಲವ್ ಯು. ಯೂ ಮಸ್ಟ್ ಲವ್ ಮಿ ಸಾಂಗ್ಗೆ ಲೈಟರ್ ಹಚ್ಚಿ ಮತ್ತೆ ಕಿಚ್ಚು ಹಚ್ಚಿದ್ದಾರೆ. ಶಿವಣ್ಣ ಪ್ಲೀಜ್ ಓಂ ಸಿನಿಮಾ ಮಾಡಿ ಅಂತಾ ಕಲರ್ಫುಲ್ ಕಮೆಂಟ್ಸ್ ಮಾಡ್ತಿದ್ದಾರೆ. ಒಟ್ಟಾರೆ ಶಿವಣ್ಣ ಓಂ ಪ್ರಾಜೆಕ್ಟ್ ಬಗ್ಗೆ ಆಲೋಚಿಸ್ತಾರಾ ಕಾದು ನೋಡ್ಬೇಕು. ಎನಿವೇ ಅಡ್ವಾನ್ಸ್ ಹ್ಯಾಪಿ ಬರ್ತ್ ಡೇ ಶಿವಣ್ಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟವಿ
