777 ಚಾರ್ಲಿ ಸಿನಿಮಾ ನೀವೆಲ್ಲಾ ನೋಡೆ ಇರ್ತೀರಾ. ಧರ್ಮ, ಚಾರ್ಲಿಯ ಕಾಂಬಿನೇಷನ್ ನೋಡಿ ಅತ್ತು ಕಣ್ಣೀರಾಕಿದ್ದೀರ. ಯೆಸ್.. 777 ಚಾರ್ಲಿ ಪ್ಯಾನ್ ಇಂಡಿಯಾ ಸಿನಿಮಾಗೆ ಫ್ಯಾನ್ ಆಗಿ ರಿಪೀಟ್ ಮೋಡ್ನಲ್ಲಿ ನೋಡಿದ್ದೀರಾ. ಆದ್ರೆ ನೀವ್ಯಾರೂ ನೋಡಿರದ ಒಂದು ದೃಶ್ಯವನ್ನು ನಾವು ನಿಮಗೆ ತೋರಿಸ್ತೇವೆ. ಅರೆ..! ಅದೇಗೆ ಅಂತಾ ಶಾಕ್ ಆಗ್ತಿದ್ದೀರಾ. ನೀವೇ ಓದಿ.
- ಗೆಲುವಿನ ನಾಗಾಲೋಟ.. 777ಚಾರ್ಲಿ ಗ್ರ್ಯಾಂಡ್ ಸಕ್ಸಸ್
- ಶಾರ್ವರಿ ಬರ್ತ್ಡೇ ಸಂಭ್ರಮದ ದೃಶ್ಯಕ್ಕೆ ಕತ್ತರಿ ಬಿದ್ದಿದ್ಯಾಕೆ..?
ಸ್ಯಾಂಡಲ್ವುಡ್ನ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಅಭಿನಯದ 777ಚಾರ್ಲಿ ಬ್ಲಾಕ್ ಬಸ್ಟರ್ ಸಕ್ಸಸ್ ಕಂಡಿದೆ. 150ಕೋಟಿಗೂ ಅಧಿಕ ಕಾಮಾಯಿ ಗಳಿಸಿರುವ ಚಾರ್ಲಿಗೆ ಪರಭಾಷೆಗಳಲ್ಲೂ ಉತ್ತಮ ರೆಸ್ಪಾನ್ಸ್ ಸಿಕ್ತಿದೆ. 25 ದಿನಗಳನ್ನು ಪೂರೈಸಿ ಮುನ್ನುಗ್ತಿರೋ ಚಾರ್ಲಿ ಸಿನಿಮಾ ಎಲ್ಲರ ಹೃದಯ ಗೆದ್ದಿದೆ. ಸಕ್ಸಸ್ ಮೂಡ್ನಲ್ಲಿರೋ ಚಾರ್ಲಿ ಚಿತ್ರತಂಡ ತಮ್ಮ ಸಿನಿಮಾದ ವೀಡಿಯೋ ತುಣುಕೊಂದನ್ನು ಶೇರ್ ಮಾಡಿದ್ದು ಸಿನಿಮಾ ಸಕ್ಸಸ್ ಖುಷಿಯನ್ನು ಹಂಚಿಕೊಂಡಿದೆ.
777ಚಾರ್ಲಿ ಸಿನಿಮಾದಲ್ಲಿ ಡಿಲೀಟ್ ಆದ ಸೀನ್ ಯಾವುದು ಅನ್ನೋದನ್ನು ತಿಳಿದುಕೊಳ್ಳೊ ಕುತೂಹಲ ಎಲ್ಲರಿಗೂ ಇದೆ. ಹಾಗಾಗಿಯೇ ಯ್ಯೂ ಟ್ಯೂಬ್ನಲ್ಲಿ ಸಖತ್ ವೈರಲ್ ಆಗಿ ದಾಖಲೆ ಮಟ್ಟದ ವೀವ್ಸ್ ಗಳಿಸ್ತಿದೆ. ಈ ದೃಶ್ಯದಲ್ಲಿ ಧರ್ಮ ಹಾಗೂ ಚಾರ್ಲಿ ಆದ್ರಿಕಾ ಹುಟ್ಟು ಹಬ್ಬದಲ್ಲಿ ಭಾಗಿಯಾಗುವ ದೃಶ್ಯ ಇದಾಗಿದೆ. ಈ ದೃಶ್ಯ ತುಂಬಾ ಎಮೋಷನಲ್ ಆಗಿ ಮುಡಿ ಬಂದಿದ್ದು ಯಾಕೆ ಕತ್ತರಿ ಹಾಕಲಾಯಿತು ಎಂಬ ಪ್ರಶ್ನೆ ಮೂಡಿದೆ.
- ಆದ್ರಿಕಾ ಬರ್ತ್ಡೇ ಸೆಲೆಬ್ರೇಟ್ ಮಾಡಿದ್ದು ಹೇಗೆ ಗೊತ್ತಾ..?
ಧರ್ಮನಿಗೆ ಕೆಲಸ ಬಿಟ್ಟರೆ ಬೇರೆ ಪ್ರಪಂಚನೆ ಇಲ್ಲ. ಮನೆ ಫ್ಯಾಕ್ಟರಿ ಅಂತಾ ಒಂಟಿಯಾಗಿದ್ದ ಧರ್ಮನ ಬಾಳಿಗೆ ಚಾರ್ಲಿ ಎಂಟ್ರಿಯಾಗ್ತಾಳೆ. ಇದ್ರ ಜೊತೆಗಿನ ಫ್ರೆಂಡ್ಸಿಪ್ಗೆ ಬಾಲನಟಿ ಶಾರ್ವರಿ ಕೂಡ ಸಾಥ್ ನೀಡಿದ್ದಾರೆ. ಆದ್ರಿಕಾ ರೋಲ್ನಲ್ಲಿ ಕಾಣಿಸಿರುವ ಶಾರ್ವರಿ ಈ ದೃಶ್ಯದಲ್ಲಿ ಬರ್ತ್ ಡೇ ಸೆಲೆಬ್ರೇಟ್ ಮಾಡ್ತಿದ್ದಾರೆ. ಅಲ್ಲಿಗೆ ಭೇಟಿ ಕೊಡುವ ಧರ್ಮ ಮತ್ತು ಚಾರ್ಲಿಯ ದೃಶ್ಯವಿದೆ. ಈ ಸೀನ್ ಸಿನಿಮಾದಲ್ಲಿ ಸೇರಿಸಿರಲಿಲ್ಲ. ಆದರೀಗ ಯೂಟ್ಯೂಬ್ನಲ್ಲಿ ಈ ವೀಡಿಯೋ ರಿಲೀಸ್ ಮಾಡಿದೆ ರಕ್ಷಿತ್ ಅಂಡ್ ಟೀಂ.
777ಚಾರ್ಲಿ ಸಿನಿಮಾದಿಮದ ಡಿಲೀಟ್ ಮಾಡಿದ್ದ ದೃಶ್ಯವನ್ನು ನಿರ್ದೇಶಕ ಕಿರಣ್ ರಾಜ್ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಇದ್ರ ಜೊತೆಗೆ ಆದ್ರಿಕಾ 7ನೇ ವರ್ಷದ ಹುಟ್ಟುಹಬ್ಬವನ್ನು ಧರ್ಮ ಹಾಗೂ ಚಾರ್ಲಿ ಸೆಲೆಬ್ರೇಟ್ ಮಾಡಿದ್ದು ಹೀಗೆ. ಬರ್ತ್ ಡೇ ಪಾರ್ಟಿ ನೋಡಿ ಎಂಜಾಯ್ ಮಾಡಿ ಎಂದು ಬರೆದುಕೊಂಡಿದ್ದಾರೆ.
ಚಾರ್ಲಿ ಕಂಡ್ರೆ ಆದ್ರಿಕಾಗೆ ಸಿಕ್ಕಾಪಟ್ಟೆ ಪ್ರೀತಿ. ಈ ವೇಳೆ ಧರ್ಮ ಮತ್ತು ಚಾರ್ಲಿ ಕೂಡ ಬಂದು ಆದ್ರಿಕಾಗೆ ಬರ್ತ್ಡೇ ವಿಶ್ ಮಾಡಿ, ಗಿಫ್ಟ್ ಕೊಡುತ್ತಾರೆ. ಚಾರ್ಲಿಗೆ ಆದ್ರಿಕಾ ಕೇಕ್ ತಿನ್ನಿಸುತ್ತಾಳೆ. ಚಾರ್ಲಿ ಹಾಗೂ ಆದ್ರಿಕಾ ಜೊತೆ ಧರ್ಮ ಸೆಲ್ಫಿ ಕ್ಲಿಕ್ ಮಾಡಿಕೊಳ್ಳುತ್ತಾರೆ. ಅಸಲಿಗೆ, ಈ ಸೀನ್ ಸೇರಿಸೋ ಮೂಲಕ ಕಾಲೋನಿಯಲ್ಲಿದ್ದ ಅಭಿಪ್ರಾಯ ಬದಲಾದ ಬಗ್ಗೆಯೂ ತೋರಿಸಬಹುದಿತ್ತು. ಆದ್ರೆ ನಿರ್ದೇಶಕರು ಎಡಿಟ್ ಮಾಡಿದ್ಯಾಕೆ ಅನ್ನೋ ಪ್ರಶ್ನೆಗೆ ಅವ್ರೆ ಉತ್ತರ ಕೊಡಬೇಕಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟವಿ
