ಡೈರೆಕ್ಷನ್ಗೂ ಸೈ.. ಆ್ಯ ಕ್ಟಿಂಗ್ಗೂ ಜೈ ಅಂದಿರೋ ಎಂ.ಜಿ. ಶ್ರೀನಿವಾಸ್ ಮತ್ತೊಂದು ಗುಡ್ ನ್ಯೂಸ್ ಕೊಟ್ಟಿದ್ದಾರೆ. ಸೆಂಚುರಿ ಸ್ಟಾರ್ ಶಿವಣ್ಣನಿಗೆ ಆ್ಯಕ್ಷನ್ ಕಟ್ ಹೇಳಲಿರೋ ಶ್ರೀನಿ, ಮತ್ತೊಂದು ಸಿನಿಮಾ ಅನೌನ್ಸ್ ಮಾಡಿದ್ದಾರೆ. ಓಲ್ಡ್ ಮಾಂಕ್ ಕಿಕ್ಕು ಇನ್ನೂ ಇಳಿದಿಲ್ಲ. ಮತ್ತೆ ಬೀರ್ಬಲ್ ಆಗಿ ಕಂಬ್ಯಾಕ್ ಮಾಡ್ತಿದ್ದಾರೆ.
ಘೋಸ್ಟ್ ಜೊತೆ ಶ್ರೀನಿ ಬೀರ್ಬಲ್ ಆಟ ಮತ್ತೆ ಶುರು
ಲಾಯರ್ ಗೆಟಪ್ನಲ್ಲಿ ಮತ್ತೊಂದು ಕೊಲೆ ಕೇಸ್ ಪತ್ತೆ
ಮೋಸ್ಟ್ ಟ್ಯಾಲೆಂಟೆಡ್ & ಕ್ರಿಯೇಟಿವ್ ಡೈರೆಕ್ಟರ್ ಕಮ್ ಆ್ಯಕ್ಟರ್ಗಳಲ್ಲಿ ಶ್ರೀನಿ ಮೊದಲ ಸಾಲಿನಲ್ಲಿ ನಿಲ್ತಾರೆ. ಈಗಾಗ್ಲೇ ಇವ್ರ ಡೈರೆಕ್ಷನ್ಗೆ ಶಿವಣ್ಣ ಕೂಡ ಫಿದಾ ಆಗಿದ್ದು ಘೋಸ್ಟ್ ಸಿನಿಮಾದಲ್ಲಿ ಮಿಂಚಲಿದ್ದಾರೆ. ಘೋಸ್ಟ್ ಸಿನಿಮಾದ ಪೋಸ್ಟರ್ ಕೂಡ ಕೂತೂಹಲ ಕೆರಳಿಸಿದೆ. ಇತ್ತೀಚೆಗಷ್ಟೇ ಓಲ್ಡ್ ಮಾಂಕ್ ಚಿತ್ರದ ಮೂಲಕ ಸ್ಯಾಂಡಲ್ವುಡ್ನಲ್ಲಿ ಗಿಚ್ಚ ಗಿಲಿ ಗಿಲಿ ಮಾಡಿದ ಶ್ರೀನಿ, ಸಡನ್ ಆಗಿ ಮತ್ತೊಂದು ಸಿನಿಮಾ ಘೋಷಣೆ ಮಾಡಿದ್ದಾರೆ.
ಸಖತ್ ಬ್ಯೂಸಿಯಾಗಿರುವ ಶ್ರೀನಿ ಸದ್ಯ ಘೋಸ್ಟ್ ಸಿನಿಮಾದ ತಯಾರಿಯಲ್ಲಿದ್ದಾರೆ. ಆದ್ರೆ ಅವ್ರು ಹಂಚಿಕೊಂಡಿರುವ ಹೊಸ ಚಿತ್ರದ ಪೋಸ್ಟರ್ ಎಲ್ಲರ ಗಮನ ಸೆಳೆದಿದೆ. ಯೆಸ್.. 2017ರಲ್ಲಿ ತೆರೆಕಂಡ ಬೀರ್ಬಲ್ ಸಿನಿಮಾ ಯಾರು ಕೂಡ ಮರೆಯೋಕೆ ಸಾಧ್ಯವೇ ಇಲ್ಲ. ಓಟಿಟಿಯಲ್ಲಿ ತೆರೆ ಕಂಡ್ರು ಕೂಡ ಚಿತ್ರರಸಿಕರ ದಿಲ್ ದೋಚಿದ ಸಿನಿಮಾ ಅದು. ಕೊಲೆ ಕೇಸ್ ಹಿಂದಿರೋ ಅಪರಾಧಿ ಪತ್ತೆ ಮಾಡೋ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾ ಬೀರ್ಬಲ್. ಇದೀಗ ಈ ಸಿನಿಮಾದ ಸೀಕ್ವೆಲ್ ಬರ್ತಿದೆ.
ಬೀರ್ಬಲ್ 1ನಲ್ಲಿ ಫೈಂಡಿಂಗ್ ವಜ್ರಮುನಿ ಕಥೆ ಹೇಳಿದ್ದ ಶ್ರೀನಿ, ಸೀಕ್ವೆಲ್ನಲ್ಲಿ ಮತ್ತೊಂದು ಕೇಸ್ ಬಗ್ಗೆ ತೆರೆದಿಡಲಿದ್ದಾರೆ. ಈ ಮೂಲಕ ಸೀಟಿನ ತುದಿಗೆ ಪ್ರೇಕ್ಷಕರನನ್ನು ಕೂರಿಸಲಿದ್ದಾರೆ. ಬರ್ತ್ಡೇ ಸಂಭ್ರಮದಲ್ಲಿರೋ ಶ್ರೀನಿ, ಬೀರ್ಬಲ್ 2 ಸಿನಿಮಾದ ಪೋಸ್ಟರ್ ರಿಲೀಸ್ ಮಾಡಿ ಗುಡ್ನ್ಯೂಸ್ ಕೊಟ್ಟಿದ್ದಾರೆ. ಅದ್ರೆ, ಈ ಸಿನಿಮಾ ಸೆಟ್ಟೇರೋದು ಮಾತ್ರ 2023ರಲ್ಲಿ ಎಂಬ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ.
ಬೀರ್ಬಲ್1 ಗೆ ಸಿಕ್ಕಷ್ಟೇ ರೆಸ್ಪಾನ್ಸ್ ಈ ಸಿನಿಮಾಗೆ ಸಿಗುತ್ತಾ ಕಾದು ನೋಡಬೇಕು. ಅಥ್ವಾ ಅದೇ ಕಥೆಯನ್ನು ನೆಕ್ಸ್ಟ್ ಲೆವೆಲ್ಗೆ ತೆಗೆದುಕೊಂಡು ಹೋಗಿ ಇನ್ನಷ್ಟು ಮನರಂಜನೆ ನೀಡ್ತಾರಾ ನೋಡಬೇಕು. ಸದ್ಯ ಘೋಸ್ಟ್ ಸಿನಿಮಾ ಮುಗಿಸಿ 2023ಕ್ಕೆ ಬೀರ್ಬಲ್ ಸಿನಿಮಾಗೆ ಕೈ ಹಾಕಲಿದ್ದಾರಂತೆ ಶ್ರೀನಿ. ಇನ್ನು ಇವ್ರ ಬತ್ತಳಿಕೆಯಲ್ಲಿ ಅದೆಷ್ಟು ಸಿನಿಮಾಗಳಿವೆಯೋ ಗೊತ್ತಿಲ್ಲ. ಎನಿವೇ ಶ್ರೀನಿಗೆ ಪವರ್ ಟಿವಿ ಕಡೆಯಿಂದ ಹುಟ್ಟು ಹಬ್ಬದ ಶುಭಾಶಯ ತಿಳಿಸೋಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
