ರಾ.ರಾ.ರಕ್ಕಮ್ಮ ಹಾಡಿಗೆ ಕುಂತಲ್ಲೇ ಮೈ ಕೈ ಕುಣಿಸಿ ಸುಸ್ತಾಗಿದ್ದ ಚಿತ್ರರಂಗ ಮತ್ತೊಮ್ಮೆ ರಾಜಕುಮಾರಿ ಗೀತೆಗೆ ಮರುಳಾಗಿದೆ. ವಿಕ್ರಾಂತ್ ರೋಣ ಸಿನಿಮಾದ ಎರಡನೇ ಲಿರಿಕಲ್ ಗೀತೆ ರಿಲೀಸ್ ಆಗಿದ್ದು, ಈ ಹಾಡಿನ ಮೋಡಿಗೆ ಸಂಗೀತ ಪ್ರೇಮಿಗಳು ತಲೆದೂಗುತ್ತಿದ್ದಾರೆ. ಬೆಚ್ಚಿಬೀಳಿಸಲು ರೆಡಿಯಾಗಿದ್ದ ಗುಮ್ಮ ಜೋಗುಳ ಗೀತೆಯ ಮೂಲಕ ಹಾಡಿ ಮಲಗಿಸುತ್ತಿದ್ದಾನೆ.
- ರಾಜಕುಮಾರಿಯ ಗೀತೆಗೆ ತಲೆದೂಗಿದ ಚಿತ್ರಪ್ರೇಮಿಗಳು
ಇಡೀ ಭಾರತೀಯ ಚಿತ್ರರಂಗದಲ್ಲೇ ಸದ್ಯ ಚಾಲ್ತಿಯಲ್ಲಿರೋ ಹೆಸರು ವಿಕ್ರಾಂತ್ ರೋಣ. ಗಲ್ಲಿ ಗಲ್ಲಿಗಳಲ್ಲೂ, ಸ್ಯಾಂಡಲ್ವುಡ್ನ ಮೂಲೆ ಮೂಲೆಯಲ್ಲು ಸೌಂಡ್ ಮಾಡ್ತಿರೋ ವಿಕ್ರಾಂತ್ ರೋಣನ ಹವಾ ಕಡಿಮೆ ಏನಿಲ್ಲ. ಕಿಚ್ಚ ಹಚ್ಚಿದ ಕಿಚ್ಚಿನ ಕಿಡಿ ವರ್ಲ್ಡ್ ವೈಡ್ ಹಬ್ಬಿ ಸುದ್ದಿ ಮಾಡ್ತಾ ಇದೆ. ಐ ಕಾಂಟ್ ವೈಟ್ ಅಂತಿದೆ ಸಿನಿಮದುನಿಯಾ. ಗುಮ್ಮ ಕೂಡ ಬೆಚ್ಚಿ ಬೆವರಿಳಿಸೋಕೆ ತಯಾರಿ ನಡೆಸಿದ್ದಾನೆ. ಈ ನಡುವೆ ಚಿತ್ರದ ರಾಜಕುಮಾರಿ ಗೀತೆ ರಿಲೀಸ್ ಆಗಿ ಹಲ್ಚಲ್ ಎಬ್ಬಿಸ್ತಿದೆ.
ಮೊದಲು ರಿಲೀಸ್ ಆಗಿದ್ದ ರಾ.ರಾ ರಕ್ಕಮ್ಮ ಹಾಡು ಸಖತ್ ಹಿಟ್ ಆಗಿದೆ. ಇನ್ಯಾವ ಹಾಡು ಮತ್ತೆ ದಾಖಲೆ ಬರೆಯುತ್ತೋ ಅಂತಾ ಕಾಯ್ತಿದ್ದ ಅಭಿಮಾನಿಗಳಿಗೆ ರಾಜಕುಮಾರಿ ಜೋಗುಳ ಗೀತೆ ಸರ್ಪ್ರೈಸ್ ನೀಡಿದೆ. ಕಿಚ್ಚ ಮೆಚ್ಚಿಕೊಂಡಿದ್ದ ಈ ಹಾಡು ನಿರೀಕ್ಷೆಗೂ ಮೀರಿ ಸದ್ದು ಮಾಡ್ತಿದೆ. ವಿಕ್ರಾಂತ್ ರೋಣ ಹೇಳಿದಂತೆ ಈ ಹಾಡನ್ನ ಅಭಿಮಾನಿಗಳು ರಿಪೀಟ್ ಮೋಡ್ನಲ್ಲಿ ಕೇಳಿ ಎಂಜಾಯ್ ಮಾಡ್ತಿದ್ದಾರೆ. ವಿಜಯ್ ಪ್ರಕಾಶ್ ಮೆಲಡಿ ಕಂಠದ ಆಲಾಪನೆಯಲ್ಲಿ ತೇಲ್ತಿದ್ದಾರೆ.
- ರಾ.ರಾ ರಕ್ಕಮ್ಮ ಹಿಟ್..ರಾಜಕುಮಾರಿ ಸೂಪರ್ ಹಿಟ್
- ಕನಸಿನ ತೇರು ಏರಿ ಅಪ್ಪ – ಮಗಳ ಇರುಳಿನ ಸವಾರಿ
ವಿಕ್ರಾಂತ್ ರೋಣ ಸಿನಿಮಾದಲ್ಲಿ ಹಿಂದೆಂದೂ ನೋಡಿರದ ವಿನೂತನ ಪ್ರಯತ್ನ ಮಾಡಲಾಗಿದೆ. ಫ್ಯಾಂಟಸಿ ಜಗತ್ತಿನ ಮಹಾದೃಶ್ಯವೈಭವವನ್ನು ಈ ಸಿನಿಮಾದಲ್ಲಿ ನೀವು ನೋಡಬಹುದು. ಟೆಕ್ನಿಕಲ್ಲಿ ಅಧ್ಬುತವಾಗಿ ಮೂಡಿಬರ್ತಾ ಇರೋ 3ಡಿ ವರ್ಷನ್ ಸಿನಿಮಾ ವಿಕ್ರಾಂತ್ ರೋಣ. ಈ ಸಿನಿಮಾಗಾಗಿ ಇಡೀ ಜಗತ್ತು ಎದುರು ನೋಡ್ತಾ ಇದೆ. ಪ್ರತಿ ಹೆಜ್ಜೆಯಲ್ಲೂ ಒಂದಿಲ್ಲೊಂದು ವಿಶೇಷತೆಗಳಿಂದ ದೊಡ್ಡ ಸುದ್ದಿ ಮಾಡ್ತಾ ಇರೋ ರೋಣನ ಆರ್ಭಟ ಯಾವ ಲೆವೆಲ್ ತಲುಪುತ್ತೆ ಅನ್ನೋ ಕುತೂಹಲ ಕೂಡ ಎಲ್ಲರಲ್ಲೂ ಇದೆ.
ರಾ.ರಾ ರಕ್ಕಮ್ಮ ಹಾಡು ಹಿಟ್ ಆದ್ರೆ, ರಾಜಕುಮಾರಿ ಜೋಗುಳ ಹಾಡು ಸೂಪರ್ ಹಿಟ್ ಅಂತಿದೆ ಚಿತ್ರಲೋಕ. ಅಪ್ಪ ಮಗಳ ಬಾಂಧ್ಯವ್ಯವನ್ನು ಈ ಹಾಡಲ್ಲಿ ಅಚ್ಚಕಟ್ಟಾಗಿ ತೋರಿಸಲಾಗಿದೆ. ಮುದ್ದಿನ ರಾಜಕುಮಾರಿಯನ್ನು ಮಲಗಿಸ್ತಾ ಇರೋ ತಂದೆ ನಾನಿದ್ದೀನಿ ಎದರಬೇಡ ಎಂದು ಧೈರ್ಯ ತುಂಬ್ತಾ ಇದ್ದಾನೆ. ತುಂಬಾ ಸೊಗಸಾಗಿ ಮೂಡಿ ಬಂದಿರೋ ಈ ಹಾಡಿಗೆ ಖ್ಯಾತ ಗಾಯಕ ವಿಜಯ್ ಜೀವ ತುಂಬಿದ್ದಾರೆ. ಈ ಮುಂಚೆ ಕಿಚ್ಚ ಕೂಡ ಈ ಹಾಡು ನನ್ನ ಮೋಸ್ಟ್ ಫೇವರಿಟ್ ಅಂತಾ ಟ್ವೀಟ್ ಮಾಡಿದ್ರು.
ಅಜನೀಶ್ ಲೋಕನಾಥ್ ಮ್ಯೂಸಿಕ್ ಕಂಪೋಸಿಂಗ್ ನಲ್ಲಿ ಅದ್ಭುತವಾಗಿ ಟ್ಯೂನ್ ಮಾಡಲಾಗಿರುವ ಲುಲ್ಲುಬಿ ಹಾಡಿಗೆ ಅನೂಪ್ ಭಂಡಾರಿ ಸಾಹಿತ್ಯ ಬರೆದಿದ್ದಾರೆ. ಸದ್ಯ ಈ ಹಾಡು ಸಖತ್ ವೈರಲ್ ಆಗಿದ್ದು, ಎಲ್ಲಾ ಕಡೆ ಸೌಂಡ್ ಮಾಡ್ತಿದೆ. ವಿಕ್ರಾಂತ್ ರೋಣ ಸಿನಿಮಾ ಅನೂಪ್ ಬಂಡಾರಿ ಅವ್ರ ಕಲಾಕಂಚದಲ್ಲಿ ಅರಳಿದ ಸಿನಿಮಾ. ಜಾಕ್ ಮಂಜು, ಶಾಲಿನಿ ಮಂಜುನಾಥ್ ನಿರ್ಮಾಣದಲ್ಲಿ ತೆರೆಗೆ ಬರ್ತಾ ಇದೆ. ಕಿಚ್ಚ ಸುದೀಪ್, ಜಾಕ್ವೆಲಿನ್, ನಿರೂಪ್ ಭಂಡಾರಿ ಸೇರಿ ಮುಂತಾದವರ ತಾರಾಬಳಗವಿದೆ. ವಿಲಿಯಮ್ ಡೇವಿಡ್ ಕ್ಯಾಮೆರಾ ಕಣ್ಣಲ್ಲಿ ಹೊಸ ಜಗತ್ತಿನ ಅನಾವರಣವಾಗಲಿದೆ. ಸದ್ಯ ರಿಲೀಸ್ ಆಗಿರೋ ರಾಜಕುಮಾರಿ ಲಿರಿಕಲ್ ಹಾಡು ಚಿತ್ರಕ್ಕೆ ಮತ್ತಷ್ಟು ಮೈಲೇಜ್ ಕೊಟ್ಟಿದೆ. ಜುಲೈ 28ಕ್ಕೆ ರಿಲೀಸ್ ಆಗ್ತಿರೋ ರೋಣನಿಗೆ ಮತ್ತೊಮ್ಮೆ ಆಲ್ ದಿ ಬೆಸ್ಟ್.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
