ನಗು ಮೊಗದ ಸರದಾರ, ಕೋಟಿ ಕೋಟಿ ಕನ್ನಡಿಗರ ಮನೆ ಮಗ, ನಮಸ್ಕಾರ ಎನ್ನುತ್ತಲೇ ಅಭಿಮಾನಿಗಳ ಎದೆಯಲ್ಲಿ ಪುಟ್ಟದೊಂದು ಗುಡಿ ಕಟ್ಟಿದ ಗೋಲ್ಡನ್ ಹುಡುಗ ಗಣೇಶ್. ಸಕ್ಕರೆಯಂತ ಮನಸ್ಸು, ಮಗುವಿನ ನಗು, ಗುಳಿ ಕೆನ್ನೆಯ ಚೆಲುವ ಗಣೇಶ್ ಬರ್ತ್ ಡೇ ಗಿಫ್ಟ್ ಆಗಿ ಸಿಕ್ಕ ಲಿರಿಕಲ್ ಸಾಂಗ್ ಸಖತ್ ಹೈಪ್ ಕ್ರಿಯೇಟ್ ಮಾಡ್ತಿದೆ. ಯೆಸ್.. ಗಾಳಿಪಟ 2 ಚಿತ್ರದ ಇಂಪಾದ ಹಾಡಿಗೆ ದನಿಯಾದವರು ಯಾರು..? ಈ ಸ್ಟೋರಿ ಓದಿ.
- ಸೋನು ನಿಗಮ್ ಸುಮಧುರ ಸ್ವರದಲ್ಲಿ ಗಾನಬಜಾನ
ಕನ್ನಡ ಚಿತ್ರರಂಗದಲ್ಲಿ ಗೋಲ್ಡನ್ ಟೈಮ್ ಒಂದಿತ್ತು. ಖಾಸಗಿ ವಾಹಿನಿಯಲ್ಲಿ ಕಾಮಿಡಿ ಮಾಡಿಕೊಂಡಿದ್ದ ಚೆಲ್ಲಾಟದ ಹುಡುಗ ಗಣೇಶ್ ಮುಂಗಾರುಮಳೆ ಚಿತ್ರದ ನಂತ್ರ ಧಿಡೀರ್ ಗೆಲುವಿನ ಶಿಖರ ತಲುಪಿದ್ರು. ಗಣೇಶ್ ಅಭಿನಯದ ಮೋಡಿಗೆ ಇಡೀ ಕರುನಾಡೇ ಫಿದಾ ಆಗಿತ್ತು. ಚಿಕ್ಕ ಮಕ್ಕಳಿಂದ ಹಿಡಿದು, ಅಜ್ಜ ಅಜ್ಜಿಯರಿಗೂ ಗಣಿ ಅಂದ್ರೆ ಅಪರಿಮಿತ ಪ್ರೀತಿ. ಟೀನೇಜ್ ಹುಡುಗೀರ ಪಾಲಿಗೆ ಫೇವರಿಟ್ ನಮ್ ಗಣಿ. ಯೆಸ್.. ಯಾವುದು ಅತಿಶಯೋಕ್ತಿಯಲ್ಲ. ಗೋಲ್ಡನ್ ಸ್ಟಾರ್ ಗಣೇಶ್ ಅಕ್ಷರಶಃ ಸಿನಿಪ್ರಿಯರನ್ನು ಮಂತ್ರಮುಗ್ಧಗೊಳಿಸಿದ್ದರು.
ಗಣೇಶ್ ತಮ್ಮ ಅಭಿನಯದ ಮೂಲಕವೇ ಚಿತ್ರರಂಗದಲ್ಲಿ ಮಿರಾಕಲ್ ಮಾಡಿದ್ದ ಮೋಸ್ಟ್ ಟ್ಯಾಲೆಂಟೆಡ್ ಆ್ಯಕ್ಟರ್. ಸಾಮಾನ್ಯನಂತೆ ಇಂಡಸ್ಟ್ರಿಗೆ ಎಂಟ್ರಿ ಕೊಟ್ಟು ಅಸಮಾನ್ಯನಾಗಿ ಬೆಳೆದ ಸಿನಿಜರ್ನಿಯನ್ನು ನೋಡಿದ್ರೆ ಒಂದು ಕ್ಷಣ ಎಂತವ್ರಿಗೂ ಅಚ್ಚರಿಯಾಗುತ್ತೆ. ಗಣೇಶ್ ಜೀವನಹಾದಿಯೇ ಯುವಕಲಾವಿದರಿಗೆ ಒಂದು ಮಾದರಿ. ಇಂತಹ ಕನ್ನಡದ ಪ್ರತಿಭಾನ್ವಿತ ಕಲಾವಿದನ ಬರ್ತ್ ಡೇಗೆ ಲಿರಿಕಲ್ ಸಾಂಗ್ ರಿಲೀಸ್ ಆಗಿದೆ. ಗಾಳಿಪಟ 2 ಚಿತ್ರತಂಡ ನಾನಾಡದ ಮಾತೆಲ್ಲವ ಲಿರಿಕಲ್ ಗೀತೆ ರಿಲೀಸ್ ಮಾಡಿದ್ದು, ಸೋಶೀಯಲ್ ಮೀಡಿಯಾದಲ್ಲಿ ಹೈಪ್ ಕ್ರಿಯೇಟ್ ಮಾಡಿದೆ.
- ನಾನು ನಿಮ್ಮ ಕನ್ನಡಿಗ.. ಜೈ ಕನ್ನಡ ಎಂದ್ರು ಸೋನು ನಿಗಮ್
- ಮೋಡಿ ಮಾಡಿದ ಜಯಂತ್ ಸಾಹಿತ್ಯ.. ಜನ್ಯಾ ಸಂಗೀತ..!
ಬರ್ತ್ ಡೇ ಸಲುವಾಗಿ ಗೋಲ್ಡನ್ ಸ್ಟಾರ್ ಗಣೇಶ್ ಕೂಡ ಅಕ್ಕರೆಯ ಅಭಿಮಾನಿಗಳಿಗೆ ಭಾವನಾತ್ಮಕ ಪತ್ರ ಬರೆದಿದ್ದರು. ನನ್ನ ಪ್ರತಿ ಹೆಜ್ಜೆಯಲ್ಲೂ ನೀವಿದ್ದೀರಿ. ನಿಮಗೆ ನಾನು ಋಣಿಯಾಗಿದ್ದೀನಿ. ನನಗಾಗಿ ತರುವ ಹಾರ ತುರಾಯಿಗಳ ಬದಲಾಗಿ ನೀವಿದ್ದಲ್ಲಿಯೇ ಅಗತ್ಯ ಇರುವವರಿಗೆ ಸಹಾಯ ಮಾಡಿ ಎಂದಿದ್ದರು. ಇದ್ರ ಜೊತೆಯಲ್ಲಿ ಸೂನು ನಿಗಮ್ ಕೂಡ ಗಣೇಶ್ ಜೊತೆಗಿನ ಪ್ರೀತಿಯ ಸಂಬಂಧವನ್ನು ಹಂಚಿಕೊಂಡಿದ್ದಾರೆ. ನಾನು ನಿಮ್ಮ ಕನ್ನಡಿಗ, ಜೈ ಕನ್ನಡ ಎನ್ನುತ್ತಾ ಭಟ್ರು, ಗಣಿಯ ಜೊತೆಗಿನ ಫ್ರೆಂಡ್ಶಿಪ್ ಬಗ್ಗೆ ಹೇಳಿಕೊಂಡಿದ್ದಾರೆ.
ಸದ್ಯ ಗಾಳಿಪಟ 2 ಸಿನಿಮಾ ಭಟ್ರ ಭತ್ತಳಿಕೆಯಲ್ಲಿ ಮೂಡಿ ಬರ್ತಾ ಇರೋ ಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ. ಗಣಿ, ದಿಗಂತ್, ಪವನ್ ಅಭಿನಯದಲ್ಲಿ ತೆರೆಗೆ ಬರೋಕೆ ಸಜ್ಜಾಗಿರೋ ಸಿನಿಮಾ. ಈಗಾಗ್ಲೇ ಪರೀಕ್ಷೆನಾ ಬಡಿಯಾ ಹಾಡು ಕೂಡ ಯ್ಯೂಟ್ಯೂಬ್ನಲ್ಲಿ ಹಿಟ್ಸ್ ದಾಖಲೆ ಮಾಡಿ ಹೆಸರು ಮಾಡಿತ್ತು. ಇದೀಗ ರಿಲೀಸ್ ಆಗಿರೋ ನಾನಾಡದ ಮಾತೆಲ್ಲವ ಹಾಡು ಎಲ್ಲರ ಹೃದಯ ಗೆದ್ದಿದೆ.
ಜಯಂತ್ ಕಾಯ್ಕಿಣಿ ಸಾಹಿತ್ಯದಲ್ಲಿ ಪ್ರತಿ ಸಾಲುಗಳು ಕೂಡ ಅಂತರಾಳ ತಲುಪುತ್ತವೆ. ಈ ಸಾಹಿತ್ಯದ ಸಾಲುಗಳಿಗೆ ಸಂಗೀತದ ಕಂಪು ಹರಿಸಿದ್ದಾರೆ ಮ್ಯುಸಿಕ್ ಡೈರೆಕ್ಟರ್ ಅರ್ಜುನ್ ಜನ್ಯಾ. ಓದದಾ ಪುಸ್ತಕ ನಾನು, ಎದೆಗೆ ಒತ್ತಿಕೊಳ್ಳಲೇನು ಎಂಬ ಸಾಲುಗಳು ಹಾಡಿಗೆ ಜೀವ ತುಂಬಿವೆ. ಇನ್ನೂ ಈ ಹಾಡು ಸೋನು ಸ್ವರದಲ್ಲಿ ನೆಕ್ಸ್ಟ್ ಲೆವೆಲ್ ತಲುಪಿದೆ. ಯೋಗರಾಜ್ ಬಟ್ ನಿರ್ದೆಶನದಲ್ಲಿ, ಉಮಾ ಎಮ್ ರಮೇಶ್ ರೆಡ್ಡಿ ನಿರ್ಮಾಣದಲ್ಲಿ ಆಗಸ್ಟ್ 12ಕ್ಕೆ ಸಿನಿಮಾ ರಿಲೀಸ್ ಆಗ್ತಿದೆ.
ಚಿತ್ರದಲ್ಲಿ ಅನಂತ್ ನಾಗ್, ನಾಯಕಿಯರಾಗಿ ವೈಭವಿ ಶಾಂಡಿಲ್ಯ, ಶರ್ಮಿಳಾ ಮಾಂಡ್ರೆ ಕೂಡ ತಾರಾಬಳಗದಲ್ಲಿ ಇದ್ದಾರೆ. ಗಾಳಿಪಟ ಸಿನಿಮಾ ನೋಡಿದ ಪ್ರತಿಯೊಬ್ಬ ಸಿನಿಪ್ರಿಯರು ಕೂಡ ಗಾಳಿಪಟ 2 ಚಿತ್ರಕ್ಕಾಗಿ ಚಾತಕ ಪಕ್ಷಿಗಳಂತೆ ಕಾಯ್ತಿದ್ದಾರೆ. ಒಟ್ಟಾರೆ ಎಲ್ಲರ ನಿರೀಕ್ಷೆ ಹುಸಿ ಮಾಡದೇ ಸಿನಿಮಾ ಸಕ್ಸಸ್ ಆಗಲಿ ಎಂದು ಆಶಿಸೋಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
