ಮನಸುಗಳ ಪಿಸು ಮಾತುಗಳನ್ನು ವಿಭಿನ್ನ ರೀತಿಯಲ್ಲಿ ಹೇಳೋಕೆ ತುದಿಗಾಲಲ್ಲಿ ನಿಂತಿರೋ ಮೋಸ್ಟ್ ಎಕ್ಸ್ಪೆಕ್ಟೆಡ್ ಸಿನಿಮಾ ಓ ಮೈ ಲವ್. ಟ್ರೈಲರ್ ಕಿಕ್ಕು ಜೋರಾಗಿದ್ರೆ, ಚಿತ್ರದ ಹಾಡುಗಳು ಪ್ರೇಕ್ಷಕರ ಎದೆಯಲ್ಲಿ ಸರಿಗಮಪ ನುಡಿಸಿವೆ. ಇದೀಗ ಕೋಟೆನಾಡಿಗೆ ಎಂಟ್ರಿ ಕೊಟ್ಟಿರೋ ಚಿತ್ರತಂಡ, ಭರ್ಜರಿ ಪ್ರಮೋಷನ್ ಕೆಲಸದಲ್ಲಿ ಬ್ಯುಸಿ ಆಗಿದೆ. ಯೆಸ್.. ಹೇಗಿದೆ ಓ ಮೈ ಲವ್ ಕ್ರೇಜ್ ಅಂತೀರಾ..? ಈ ಸ್ಟೋರಿ ಓದಿ.
- ಏಳು ಸುತ್ತಿನ ಕೋಟೆ ನಾಡಲ್ಲಿ ಓ ಮೈ ಲವ್ ಚಿತ್ರದ ರಣಕಹಳೆ
ಕನ್ನಡದ ಚಿತ್ರಗಳು ಇತ್ತೀಚೆಗೆ ಭರ್ಜರಿ ಸೌಂಡ್ ಮಾಡ್ತಿರೋದು ನಿಮಗೆಲ್ಲಾ ಗೊತ್ತೆ ಇದೆ. ಸಿನಿಮಾ ಸೆಟ್ಟೇರಿದ ದಿನದಿಂದ ಇಲ್ಲಿಯವರೆಗು ಸದಾ ಸುದ್ದಿಯಲ್ಲಿರೋ ಭರವಸೆಯ ಸಿನಿಮಾ ಓ ಮೈ ಲವ್. ಸ್ಟಾರ್ ನಟರ ಸಿನಿಮಾಗಳು ರಿಲೀಸ್ಗೂ ಮುನ್ನವೇ ಹೈಪ್ ಕ್ರಿಯೇಟ್ ಮಾಡೋದು ಸ್ವಾಭಾವಿಕ. ಆದ್ರೆ, ಸುಪ್ರಿಮ್ ಹೀರೋ ಶಶಿಕುಮಾರ್ ಪುತ್ರ ಅಕ್ಷಿತ್ ಶಶಿಕುಮಾರ್ ಅಭಿನಯದ ಓ ಮೈ ಲವ್ ಹೀಗೊಂದು ಹವಾ ಕ್ರಿಯೇಟ್ ಮಾಡಿದೆ. ಎಲ್ಲರ ಕುತೂಹಲ ಕೆರಳಿಸಿದೆ.
ತಂದೆಯಂತೆ ಹ್ಯಾಂಡ್ಸಮ್ ಆಗಿರೋ ಚಾಕೋಲೇಟ್ ಹೀರೋ ಅಕ್ಷಿತ್ ಆ್ಯಕ್ಟಿಂಗ್, ಡ್ಯಾನ್ಸಿಂಗ್, ರೊಮ್ಯಾಂಟಿಕ್ ವಿಭಾಗದಲ್ಲೂ ಸೈ ಎನಿಸಿಕೊಂಡಿದ್ದಾರೆ. ಮಿಲ್ಕಿಭಾಯ್ ಅಕ್ಷಿತ್ ಸೀತಾಯಣ ಸಿನಿಮಾ ಮೂಲಕ ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಟ್ಟವರು. ಮೊದಲ ಸಿನಿಮಾ ಓ ಮೈ ಲವ್ ಅದ್ರೂ ಕೂಡ ಕೊಂಚ ಲೇಟ್ ಆಗಿ ತೆರೆಗೆ ಬರ್ತಿದೆ. ಅದ್ರೆ, ಓ ಮೈ ಲವ್ ಅಬ್ಬರ ನೋಡಿದ್ರೆ, ಪಕ್ಕಾ ಕನ್ನಡ ಸಿನಿಲೋಕದಲ್ಲಿ ಹೊಸ ಅಲೆಯಂತೂ ಸೃಷ್ಟಿ ಆಗಲಿದೆ. ಇದೀಗ ಓ ಮೈ ಲವ್ ಚಿತ್ರತಂಡ ಕಲ್ಲಿನ ಕೋಟೆಯಲ್ಲಿ ಪ್ರಮೋಷನ್ ಮಾಡ್ತಿದೆ. ಜನರಿಂದ ಭರ್ಜರಿ ರೆಸ್ಪಾನ್ಸ್ ಕೂಡ ಸಿಕ್ತಿದೆ.
- ಶಾಲಾ ಕಾಲೇಜು ಅಂಗಳದಲ್ಲಿ ಓ ಮೈ ಲವ್ ಪ್ರೇಮಪಾಠ
- ಜುಲೈ 15ಕ್ಕೆ ರಾಜ್ಯಾದ್ಯಂತ ಹೊಸ ಪ್ರೇಮಲೋಕದ ಜರ್ನಿ..!
ಓ ಮೈ ಲವ್ ಜುಲೈ 15ಕ್ಕೆ ರಾಜ್ಯಾದ್ಯಂತ ರಿಲೀಸ್ ಆಗ್ತಾ ಇರೋದ್ರಿಂದ ಕೋಟೆನಾಡಲ್ಲಿ ಪ್ರಮೋಷನ್ ಮಾಡ್ತಿದೆ. ಏಳು ಸುತ್ತಿನ ಕೋಟೆನಾಡು ಚಿತ್ರದುರ್ಗದಲ್ಲಿ ಸಂಸದನಾಗಿ ನಟ ಶಶಿಕುಮಾರ್ ಆಯ್ಕೆಯಾಗಿದ್ದರು. ಇಲ್ಲಿ ಸುಪ್ರಿಮ್ ಹೀರೋಗೆ ಸಿಕ್ಕಾಪಟ್ಟೆ ಅಭಿಮಾನಿಗಳಿದ್ದಾರೆ. ಓ ಮೈ ಲವ್ ಚಿತ್ರದ ಪ್ರಮೋಷನ್ಗೆ ಚಿತ್ರದುರ್ಗ ಸೇಫ್ ಪ್ಲೇಸ್ ಎನಿಸಿದೆ.
ಚಿತ್ರದುರ್ಗದ ಶಾಲಾ ಕಾಲೇಜುಗಳಲ್ಲಿ ಸಿನಿಮಾ ಪ್ರಮೋಷನ್ ಭರಾಟೆ ಜೋರಾಗಿದ್ದು ಮಕ್ಕಳೆದರು ಇಡೀ ಚಿತ್ರತಂಡ ಎದುರಾಗಿದೆ. ಸ್ಟೂಡೆಂಟ್ಸ್ ಕೂಡ ಶಶಿಕುಮಾರ್ ಸಿನಿಮಾಗೆ ಗುಡ್ ಲಕ್ ಹೇಳಿದ್ದಾರೆ. ಚಿತ್ರದ ಹಾಡು, ಟ್ರೈಲರ್ ಸೂಪರ್ ಅಗಿದೆ ಆಲ್ ದಿ ಬೆಸ್ಟ್ ಎಂದಿದ್ದಾರೆ.
ಜಿಸಿಬಿ ಪ್ರೊಡಕ್ಷನ್ ಅಡಿಯಲ್ಲಿ ಜಿ.ರಾಮಾಂಜಿನಿ ಅವರೇ ಸ್ವತಃ ಕಥೆ ಬರೆದು ಅದ್ಧೂರಿಯಾಗಿ ಸಿನಿಮಾ ನಿರ್ಮಾಣ ಮಾಡ್ತಿದ್ದಾರೆ. ನಿರ್ದೇಶಕ ಸ್ಮೈಲ್ ಶ್ರೀನು ಅವರ ನಿರ್ದೇಶನಕ್ಕೆ ಪ್ರೇಕ್ಷಕರು ಕೂಡ ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಸಿನಿಮಾದಲ್ಲಿ ಎಕ್ಸಲೆಂಟ್ ಆ್ಯಕ್ಷನ್ ಸೀನ್ಸ್ ಇರಲಿದೆ. ಯಾರು ಮಿಸ್ ಮಾಡದ ಸಿನಿಮಾ ಇದು ಎಂದು ಸುದ್ಧಿಗೋಷ್ಠಿಯಲ್ಲಿ ನಿರ್ದೇಶಕ ಅಭಿಪ್ರಾಯಪಟ್ಟಿದ್ದಾರೆ.
ಯಾವ ಸ್ಟಾರ್ಗೂ ಕಮ್ಮಿ ಇಲ್ಲದಂತೆ. ಸಣ್ಣ ಪುಟ್ಟ ಎಲಿಮೆಂಟ್ಸ್ ಕೂಡ ಮಿಸ್ ಆಗದಂತೆ ಸಿನಿಮಾ ಮಾಡಲಾಗಿದೆಯಂತೆ. ಚಿತ್ರದ ನಾಯಕಿ ಕೂಡ ಸಖತ್ ಕ್ಯುಟ್ ಆಗಿ ಕಾಣಿಸಿದ್ದಾರೆ. ಸನಾದಿ ಅಪ್ಪಣ್ಣನ ಮರಿಮೊಮ್ಮಗಳಾಗಿರೋ ನಾಯಕಿ ಕೀರ್ತಿ ಕಲ್ಕೆರೆಗೆ ಈ ಸಿನಿಮಾ ಬ್ರೇಕ್ ಕೊಡಲಿದೆ. ಮನೇಲಿ ಹತ್ತು ಜನರಿದ್ದರೂ ಭಾವನೆಗಳು ಹತ್ತು ರೀತಿ ಇವೆ. ಫ್ಯಾಮಿಲಿಯ ಎಮೋಷನ್ಗಳನ್ನು ಒಂದೇ ಪರದೆಯ ಮೇಲೆ ತೋರಿಸೋ ಪ್ರಯತ್ನ ಮಾಡಲಾಗಿದೆಯಂತೆ. ಸಾಧುಕೋಕಿಲ, ಪವಿತ್ರಾ ಲೋಕೇಶ್ ಸೇರಿದಂತೆ ಮುಂತಾದವರ ತಾರಾಗಣದಲ್ಲಿ ಸಿನಿಮಾ ಸಿಕ್ಕಾಪಟ್ಟೆ ಕ್ಯೂರಿಯಾಸಿಟಿ ಮೂಡಿಸಿದೆ.ಎನಿವೇ ಓ ಮೈ ಲವ್ಗೆ ಪವರ್ ಟಿವಿ ಕಡೆಯಿಂದ ಆಲ್ ದಿ ಬೆಸ್ಟ್.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
