ಲೈಫನ್ನ ವಿಂಡೋಸೀಟಲ್ಲಿ ಕುಳಿತು ನೋಡಿದಾಗ ಆಗೋ ಫೀಲ್ ಬೇರೆ. ಯೆಸ್.. ನಟಿ ಹಾಗೂ ನಿರೂಪಕಿ ಮೊದಲ ಬಾರಿಗೆ ವಿಂಡೋಸೀಟ್ ಅನ್ನೋ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾಗೆ ಆ್ಯಕ್ಷನ್ ಕಟ್ ಹೇಳುವ ಮೂಲಕ ಎಲ್ಲರ ಕುತೂಹಲ ಕೆರಳಿಸಿದ್ದಾರೆ. ಈ ಸಿನಿಮಾ ಸೆಟ್ಟೇರಿದ ದಿನದಿಂದ ಸಖತ್ ಕ್ರೇಜ್ ಕ್ರಿಯೇಟ್ ಮಾಡಿದ್ದು, ಕಿಚ್ಚ ಸುದೀಪ್ ಕೂಡ ಸಾಥ್ ಕೊಟ್ಟಿದ್ದಾರೆ.
ಪ್ರೇಕ್ಷಕರಿಗೂ ಮುನ್ನ ಇಂಡಸ್ಟ್ರಿ ಮೆಚ್ಚಿದ ವಿಂಡೋಸೀಟ್..!
ಈ ರೇಂಜ್ಗೆ ಹೆದರಿಸಬೇಡಿ ಎಂದ್ರು ಅಭಿನಯ ಚಕ್ರವರ್ತಿ
ಹೇಗಿದೆ ವಿಂಡೋಸೀಟ್..? ಸ್ಯಾಂಡಲ್ವುಡ್ ಅಚ್ಚರಿ
ಹಾಲಿವುಡ್ ಸಿನಿಮಾಗೆ ಹೋಲಿಸಿದ ಕಲಾವಿದರು..!
ರಂಗಿತರಂಗ ಸಿನಿಮಾದ ಮೂಲಕ ಪ್ರೇಕ್ಷಕರನ್ನು ಹೆದರಿಸಿದ್ದ ನಿರೂಪ್ ಭಂಡಾರಿ ಮತ್ತೊಮ್ಮೆ ಚಿತ್ರರಸಿಕರನ್ನು ಬೆಚ್ಚಿ ಬೀಳಿಸೋಕೆ ತುದಿಗಾಲಲ್ಲಿ ನಿಂತಿದ್ದಾರೆ. ವಿಂಡೋಸೀಟ್ ಪ್ರೀಮಿಯರ್ ಶೋಗೆ ಸಿಕ್ಕ ರೆಸ್ಪಾನ್ಸ್ ಇದನ್ನು ಮತ್ತೆ ಪ್ರೂವ್ ಮಾಡಿದೆ. ಸ್ಯಾಂಡಲ್ವುಡ್ ಸೆಲೆಬ್ರಿಟಿಗಳು ವಿಂಡೋಸೀಟ್ ಸಿನಿಮಾ ನೋಡಿ ಸಖತ್ ಇಂಪ್ರೆಸ್ ಆಗಿದ್ದಾರೆ. ಪ್ರಾಮಿಸಿಂಗ್ ಸಿನಿಮಾಗೆ ಬಹುಪರಾಕ್ ಹೇಳಿದ್ದಾರೆ. ಶೀಥಲ್ ಶೆಟ್ಟಿ ಆ್ಯಕ್ಷನ್ ಕಟ್ಗೆ ಜೈಕಾರ ಹಾಕಿದ್ದಾರೆ.
ಶೀಥಲ್ ಶೆಟ್ಟಿ ಮೊದಲ ಬಾರಿಗೆ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾದ ಮೂಲಕ ಭಯಾನಕ ಕಥೆಯ ಎಳೆಯೊಂದನ್ನು ಬಿಚ್ಚಿಡಲಿದ್ದಾರೆ. ಮ್ಯುಜಿಷಿಯನ್ ರೋಲ್ನಲ್ಲಿ ರಹಸ್ಯ ಕಥೆಯೊಂದಕ್ಕೆ ನಿರೂಪ್ ಬಣ್ಣ ಹಚ್ಚಿದ್ದಾರೆ. ಸಿನಿಮಾ ಸೆಟ್ಟೇರಿದ ದಿನದಿಂದ ಪ್ರೊಡಕ್ಷನ್ ಹಂತದವರೆಗೂ ಫುಲ್ ಸಫೋರ್ಟ್ ಮಾಡಿರೋ ಸ್ಯಾಂಡಲ್ವುಡ್ ಹೆಬ್ಬುಲಿ ಕಿಚ್ಚ ವಂಡರ್ಫುಲ್ ಸಿನಿಮಾ ಎಂದಿದ್ದಾರೆ. ಚಿಕ್ಕ ಬಜೆಟ್ನಲ್ಲಿ ದೊಡ್ಡ ಸಿನಿಮಾ ಕೊಟ್ಟಿದ್ದೀರಿ ಎಂದಿದ್ದಾರೆ.
ವಿಂಡೋಸೀಟ್ ಸಿನಿಮಾ ಟ್ರೈಲರ್, ಪೋಸ್ಟರ್ಗಳ ಮೂಲಕವೇ ಸಿಕ್ಕಾಪಟ್ಟೆ ಸದ್ದು ಮಾಡಿದೆ. ಗಾಂಧಿನಗರ ಕೂಡ ಸಿನಿಮಾದ ಮೇಲೆ ಸಿಕ್ಕಾಪಟ್ಟೆ ಕುತೂಹಲದಿಂದ ಎದುರು ನೋಡ್ತಿದೆ. ಜುಲೈ 01ಕ್ಕೆ ರಾಜ್ಯಾದ್ಯಂತ ಗ್ರ್ಯಾಂಡ್ ರಿಲೀಸ್ ಆಗ್ತಿರೋ ವಿಂಡೋಸೀಟ್ ಹೊಸ ದಾಖಲೆ ಬರೆಯುವ ಸುಳಿವು ಕೊಟ್ಟಿದೆ. ಇದೀಗ, ಈ ಸಿನಿಮಾದ ಪ್ರೀಮಿಯರ್ ಶೋ ನೋಡಿದ ಸ್ಯಾಂಡಲ್ವುಡ್ ಸ್ಟಾರ್ಸ್ ಮೆಚ್ಚುಗೆಯ ಸುರಿಮಳೆಗೈದಿದ್ದಾರೆ.
ಸ್ವತಃ ಶೀಥಲ್ ಶೆಟ್ಟಿ ಅವರೇ ನಿಗೂಢ ಕಥೆ ಬರೆದು ಸಿನಿಮಾ ನಿರ್ದೇಶನ ಮಾಡಿದ್ದಾರೆ. ಈ ಸಿನಿಮಾಗೆ ಜಾಕ್ ಮಂಜು ಬಂಡವಾಳ ಹೂಡಿದ್ದ, ಅರ್ಜುನ್ ಜನ್ಯಾ ಸಂಗೀತವಿದೆ. ಸಿನಿಮಾದಲ್ಲಿ ನಾಯಕಿಯರಾಗಿ ಅಮೃತಾ ಅಯ್ಯಂಗಾರ್ ಹಾಗೂ ಸಂಜನಾ ಆನಂದ್ ಕಾಣಿಸಿಕೊಳ್ತಿದ್ದಾರೆ. ಕಿಚ್ಚ ಸುದೀಪ್ ಹಾಡು ಹೊಗಳಿರುವ ವಿಂಡೋಸೀಟ್ ಚಿತ್ರಕ್ಕೆ ಇನ್ನು ಅನೇಕರು ಹೊಗಳಿಕೆಯ ಮಾತುಗಳನ್ನಾಡಿದ್ದಾರೆ.
ವಿಂಡೋಸೀಟ್ ಸಿನಿಮಾ ನೋಡಿರುವ ಸ್ಯಾಂಡಲ್ವುಡ್ ಸ್ಟಾರ್ಗಳಿಗೆ ಅಚ್ಚರಿಯ ಅನುಭವ ಆಗಿದೆ. ಮೊದಲ ಪ್ರಯತ್ನದಲ್ಲೇ ದೊಡ್ಡ ಹೆಜ್ಜೆ ಇಟ್ಟಿರುವ ಶೀಥಲ್ ಶೆಟ್ಟಿ ಚಂದನವನದಲ್ಲಿ ಗಟ್ಟಿಯಾಗಿ ನೆಲೆಯೂರೋ ಕನಸು ಸಾಕಾರವಾಗೋ ಘಳಿಗೆ ಹತ್ತಿರವಾಗ್ತಾ ಇದೆ. ಏನೇ ಆದ್ರೂ ಜುಲೈ 01ಕ್ಕೆ ಪ್ರೇಕ್ಷಕರ ಪ್ರತಿಕ್ರಿಯೆ ಮೂಲಕ ಕನಸು ಸಾಕಾರವಾಗಲಿದೆ. ಒಟ್ನಲ್ಲಿ ವಿಂಡೋಸೀಟ್ಗೆ ಪವರ್ ಟಿವಿ ಕಡೆಯಿಂದ ಆಲ್ ದಿ ಬೆಸ್ಟ್ ಹೇಳೋಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ