ಗ್ಲೋಬಲ್ ಐಕಾನ್ ರಾಕಿಭಾಯ್ ಜಿಂದಗಿ ಕೆಜಿಎಫ್ ನಂತ್ರ ಫುಲ್ ಚೆಂಜ್ ಆಗಿದೆ. 100ಕೋಟಿಗೂ ಮೀರಿದ ಸಂಭಾವನೆಯತ್ತ ಮುನ್ನುಗ್ತಿರೋ ರಾಕಿಂಗ್ ಸ್ಟಾರ್ ನ್ಯಾಷನಲ್ ಸ್ಟಾರ್ ಆಗಿ ಮಿಂಚ್ತಿದ್ದಾರೆ. ಇದೀಗ ಜ್ಯೂನಿಯರ್ ರಾಕಿಭಾಯ್ ಕೂಡ ಅಪ್ಪನಂತೆ ದೊಡ್ಡ ಮಟ್ಟದ ಸಾಧನೆ ಮಾಡೋ ಸಿಗ್ನಲ್ ಕೊಟ್ಟಿದ್ದಾರೆ. ಅರೆ.. ಅಂತಾ ಸಾಧನೆ ಏನು ಅಂತೀರಾ..?
ಅಪ್ಪನಂತೆ ಪೋಸ್ ಕೊಟ್ಟ ಜೂನಿಯರ್ ರಾಕಿಭಾಯ್
ಪುಟ್ಟ ಹೆಜ್ಜೆ.. ದೊಡ್ಡ ಕನಸು.. ವರ್ಲ್ಡ್ ಈಸ್ ಮೈ ಟೆರಿಟರಿ
ರಾಧಿಕಾ ಪಂಡಿತ್ ಫೋಟೋ ಶೇರ್.. ಅಪ್ಪನಂತೆ ಮಗ
ಸ್ಟಾರ್ ಮಾಡೋ ಕನಸಿನಲ್ಲಿ ರಾಕಿಭಾಯ್ ಫ್ಯಾಮಿಲಿ..?
ಕೆಜಿಎಫ್ ಸಿನಿಮಾ ಬರೋಕೆ ಮುಂಚೆ ರಾಕಿಭಾಯ್ ಹವಾ ಯಾವ ಲೆವೆಲ್ಗೆ ಇತ್ತು. ಕೆಜಿಎಫ್ ನಂತ್ರ ಯಶ್ ಹವಾ ಯಾವ ಮಟ್ಟಕ್ಕೆ ಹೋಯ್ತು ಅಂತಾ ಎಲ್ಲರಿಗೂ ಗೊತ್ತು. ನಾನ್ ಬರೋವರೆಗೂ ಮಾತ್ರ ಬೇರೆಯವರ ಹವಾ, ನಾ ಬಂದಮೇಲೆ ನಂದೇ ಹವಾ ಅಂತಾ ಖಡಕ್ ಡೈಲಾಗ್ ಹೊಡೆದು ಎಚ್ಚರಿಕೆ ಕೊಟ್ಟಿದ್ದ ರಾಕಿಭಾಯ್ ಕೆಜಿಎಫ್ ನಂತ್ರ ಹೊಸ ರೂಲ್ಗೆ ನಾಂದಿ ಹಾಡಿದ್ರು. ಕನ್ನಡದ ತಾಕತ್ತನ್ನು ಇಡೀ ವಿಶ್ವಕ್ಕೆ ಪರಿಚಯ ಮಾಡಿಸಿದ್ರು.
ಇಂದಿಗೆ ರಾಕಿಭಾಯ್ ಸಿನಿಮಾಗಳ ಮೇಲಿನ ನಿರೀಕ್ಷೆಯೂ ಬದಲಾಗಿದೆ. ಕೆಜಿಎಫ್ ಸಿನಿಮಾದಲ್ಲಿ ರಾಕಿಭಾಯ್ ಸಮುದ್ರದ ದಂಡೆ ಮೇಲೆ ನಿಂತು ಹೊಡೆದಿದ್ದ ಡೈಲಾಗ್ ಎಲ್ಲರಿಗೂ ನೆನಪಿದೆ. ನಾವು ಇಡೋ ಹೆಜ್ಜೆ ಎಷ್ಟೇ ಚಿಕ್ಕದಾಗಿದ್ರು ತಲುಪೋ ಗುರಿ ಮಾತ್ರ ತುಂಬಾ ದೊಡ್ಡದಾಗಿರಬೇಕಂತೆ. ಇಡೀ ಮುಂಬೈ ಡಾನ್ಗಳಿಗೆ ಚಳ್ಳೆ ಹಣ್ಣು ತಿನ್ನಿಸಿದ್ದ ರಾಕಿಭಾಯ್ ಗುರಿ ಕೂಡ ದೊಡ್ಡದಾಗಿತ್ತು. ಇಡೀ ಪ್ರಪಂಚವನ್ನೇ ರೂಲ್ ಮಾಡೋ ದೊಡ್ಡ ಗುರಿ ರಾಕಿಭಾಯ್ಗೆ ಇತ್ತು. ಇದೀಗ ಅಪ್ಪನಂತೆ ಸಮುದ್ರದ ದಂಡೆ ಮೇಲೆ ನಿಂತು ಪೋಸ್ ಕೊಟ್ಟಿದ್ದಾರೆ.
ರಾಕಿಭಾಯ್ಗೆ ಹೋಗೋ ದಾರಿ ಗೊತ್ತಿರಲಿಲ್ಲ. ತಲುಪೋ ಜಾಗ ಗೊತ್ತಿರಲಿಲ್ಲ. ಅಲ್ಲಿನ ಅಮಾನುಷ ಚರಿತ್ರಯ ಬಗ್ಗೆಯೂ ಗೊತ್ತಿರಲಿಲ್ಲ. ಆದ್ರೂ ಕೂಡ ಅಮ್ಮನ ಅಸೆ ಈಡೇರಿಸಬೇಕು ಅಂತಾ ಮಹಾರಕ್ಕಸರ ಕ್ರೂರ ಜಗತ್ತು ನರಾಚಿಗೆ ನುಗ್ಗಿದ. ರಕ್ತ ಹೀರೋ ನರರಕ್ಕಸರ ಬಗ್ಗು ಬಡಿದ ರಾಕಿಭಾಯ್ ತನ್ನದೆ ಹೊಸ ಸಾಮ್ರಾಜ್ಯ ಕಟ್ಟಿದ. ಇದೀಗ ಅಪ್ಪನ ಹಾದಿಯಲ್ಲೇ ಮಗ ಕೂಡ ಸಮುದ್ರ ದಂಡೆ ಮೇಲೆ ನಿಂತು ಅಪ್ಪನ ಆಸೆ ಈಡೇರಿಸೋ ಕನಸು ಕಾಣ್ತಿದ್ದಾನೆ. ಈ ಫೋಟೋವನ್ನ ರಾಧಿಕಾ ಪಂಡಿತ್ ತಮ್ಮ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಹಂಚಿಕೊಂಡಿದ್ದು ಸಖತ್ ವೈರಲ್ ಅಗಿದೆ.
ರಾಕಿಭಾಯ್ ಸಿನಿಮಾಗಳಲ್ಲಿ ಸಖತ್ ಬ್ಯುಸಿ ಇದ್ರು ಕೂಡ ಫ್ಯಾಮಿಲಿಗೆ ತುಂಬಾ ಸಮಯ ಮೀಸಲಿಡ್ತಾರೆ. ತಮ್ಮ ಫ್ಯಾಮಿಲಿಯೊಟ್ಟಿಗೆ ವೆಕೇಷನ್ ಹೋಗ್ತಿರ್ತಾರೆ. ಇದೀಗ ರಾಧಿಕಾ ಪಂಡಿತ್ ಮಗ ಸಮುದ್ರದ ತೀರದಲ್ಲಿ ನಿಂತಿರೋ ಫೋಟೋ ತೆಗೆದು ಸಿಮಿಲರ್ ಇದೆ ಎಂದು ಬರೆದುಕೊಂಡಿದ್ದಾರೆ. ಅಪ್ಪನಂತೆ ಮಗನು ಕೂಡ ಆಗಬೇಕು ಅನ್ನೋದು ರಾಧಿಕಾ ಪಂಡಿತ್ ಅವರ ಮಹದಾಸೆ ಅನ್ನೋದು ಇದ್ರ ಮೂಲಕ ಗೊತ್ತಾಗತ್ತೆ.
ಯಥರ್ವ್ ಕೊಟ್ಟಿರೋ ಪೋಸ್ ನೋಡಿದ್ರೆ, ಕಡಲ ತೀರದಲ್ಲಿ ರಾಕಿಭಾಯ್ ನಿಂತಿದ್ದ ಫೋಟೋ ನೆನಪು ಮಾಡುತ್ತದೆ. ಈ ಫೋಟೋವನ್ನು ಅಭಿಮಾನಿಗಳು ಸ್ಕ್ರೀನ್ಶಾಟ್ ತೆಗೆದುಕೊಂಡು ಶೇರ್ ಮಾಡ್ತಿದ್ದಾರೆ. ಎನಿವೇ ಅಪ್ಪನಂತೆ ಮಗನು ಕೂಡ ಭವಿಷ್ಯದಲ್ಲಿ ಕನ್ನಡ ನೆಲದ ಹೆಸರು ಉಳಿಸಲಿ ಎಂದು ಆಶೀಸೋಣ.
ರಾಕೇಶ್ ಆರುಂಡಿ, ಪಿಲ್ಮ್ ಬ್ಯೂರೋ, ಪವರ್ ಟಿವಿ