ಮುಂಗಾರುಮಳೆ, ಗಾಳಿಪಟದಂತಹ ಸೂಪರ್ ಹಿಟ್ ಸಿನಿಮಾಗಳನ್ನು ನೀಡಿದ ವಿಕಟ ಕವಿ, ಜನಪ್ರಿಯ ನಿರ್ದೇಶಕ ಯೋಗರಾಜ್ ಭಟ್ ಮತ್ತೆ ಗಾಳಿಪಟ ಹಾರಿಸೋಕೆ ಸಜ್ಜಾಗಿದ್ದಾರೆ. ಈ ಬಾರಿ ಮುಗಿಲೆತ್ತರ ದಾಟಿ ಹಾರಾಡಲಿದೆ ಗಾಳಿಪಟ 2 ಸಿನಿಮಾ. ಸದ್ಯ ಈ ಸಿನಿಮಾದ ಸಾಂಗ್ ಟೀಸರ್ ರಿಲೀಸ್ ಆಗಿದ್ದು, ಗೋಲ್ಡನ್ ಗಣಿ ಬರ್ತ್ ಡೇ ಅಡ್ವಾನ್ಸ್ ಗಿಫ್ಟ್ ಕೊಟ್ಟಿದೆ ಗಾಳಿಪಟ 2 ಚಿತ್ರತಂಡ.
ಗಗನ ಗಾಳಿಯಲಿ ಗೋಲ್ಡನ್ ಗಣಿಯ ಬಣ್ಣದ ಗಾಳಿಪಟ
ನಾನಾಡದ ಮಾತೆಲ್ಲ ಕದ್ದಾಲಿಸಿ.. ಪ್ರೇಕ್ಷಕರಿಗೆ ಭಟ್ರ ಮನವಿ
ನದಿ ಮಧ್ಯೆ ಐರನ್ ಬಾಕ್ಸ್ ಯಾಕೆ..? ಗಣಿ ಮಸ್ತ್ ಕಾಮಿಡಿ
ಕುದುರೆಮುಖ ಹಸಿರ ಹಾಸಿಗೆಯ ಮೇಲೆ ಪ್ರೇಮಕಾವ್ಯ..!
ಗಣೇಶ್ ಹಾಗೂ ಭಟ್ರ ಕಾಂಬಿನೇಷನ್ ಸಿನಿಮಾಗಳಂದ್ರೆ ಪ್ರೇಕ್ಷಕರಿಗೆ ಸಾವಿರ ಸಾವಿರ ನಿರೀಕ್ಷೆಗಳು ಮೊಳಕೆಯೊಡುತ್ತವೆ. ಗಾಳಿಪಟ ಸಿನಿಮಾ ಕೂಡ ಕನ್ನಡ ಸಿನಿಕರಿಯರ್ನಲ್ಲೇ ಹೊಸ ದಾಖಲೆ ಬರೆದಿತ್ತು. ಕನ್ನಡದ ಸಿನಿದುನಿಯಾದಲ್ಲಿ ಗಾಳಿಪಟ ಗಗನ ಬಿಟ್ಟು ಇಳಿಯಲೇ ಇಲ್ಲ. ಇದೀಗ ಈ ಹಿಟ್ ಸಿನಿಮಾದ ಚಾಪ್ಟರ್ 2 ಸಿನಿಮಾ ತೆರೆಗೆ ಬರೋಕೆ ಸಜ್ಜಾಗಿದೆ. ಗಾಳಿಪಟ 2 ಚಿತ್ರದ ಮೂಲಕ ಮತ್ತೊಮ್ಮೆ ಚಿತ್ರರಸಿಕರಿಗೆ ಹೊಸ ಪುಳಕದ ಅನುಭವ ಉಣಬಡಿಸೋಕೆ ಭಟ್ರು ಸಜ್ಜಾಗಿದ್ದಾರೆ.
ಜುಲೈ 02ಕ್ಕೆ ಗೋಲ್ಡನ್ ಸ್ಟಾರ್ ಗಣೇಶ್ ತಮ್ಮ ಹುಟ್ಟುಹಬ್ಬದ ನಿರೀಕ್ಷೆಯಲ್ಲಿದ್ದಾರೆ. ಅಭಿಮಾನಿಗಳಿಗೆ ಹುಟ್ಟು ಹಬ್ಬದ ದಿನ ಮನೇಲಿ ಇರೋದಿಲ್ಲ. ಸಿಂಪಲ್ ಆಗಿ ಆಚರಿಸೋಣ ಎಂದು ಭಾವನಾತ್ಮಕ ಪತ್ರ ಕೂಡ ಬರೆದುಕೊಂಡಿದ್ದಾರೆ. ಅಗತ್ಯವಿರುವ ಕಡೆ ನಿಮ್ಮ ಕೈಲಾದಷ್ಟು ನೆರವು ನೀಡುವ ಮೂಲಕ ಆಚರಿಸಿ ಎಂದು ಅಭಿಮಾನಿಗಳಿಗೆ ಮನವಿ ಮಾಡಿಕೊಂಡಿದ್ದಾರೆ. ಅದ್ರೆ, ಗಾಳಿಪಟ2 ಚಿತ್ರತಂಡ ಮಾತ್ರ ಬರ್ತ್ ಡೇ ಮುನ್ನವೇ ಅಡ್ವಾನ್ಸ್ ಆಗಿ ನಾನಾಡದ ಮಾತೆಲ್ಲವ ಸಾಂಗ್ ಟೀಸರ್ ರಿಲೀಸ್ ಮಾಡಿ ಅಡ್ವಾನ್ಸ್ ಗಿಫ್ಟ್ ಕೊಟ್ಟಿದೆ.
ಗಣಿ ಸಿನಿಮಾದ ಹಾಡುಗಳಲ್ಲಿ ಪ್ರೀತಿ, ಪ್ರೇಮ ,ಶೃಂಗಾರ, ಹಸಿರಿನ ಲೊಕೇಷನ್ಗಳ ನಡುವೆ ಪ್ರೇಮ ನಿವೇದನೆಯ ತುಂತುರು ಮಳೆ ಸಹಜವಾಗಿ ಇರುತ್ತೆ. ಈ ಹಾಡು ಕೂಡ ಪ್ರೇಕ್ಷರಿಗೆ ಸಕತ್ ಇಷ್ಟವಾಗಲಿದೆ. ಈ ಹಾಡಿನ ಶೂಟಿಂಗ್ ಸಂದರ್ಭದಲ್ಲಿನ ಕೆಲವು ಫನ್ನಿ ಸಂಭಾಷಣೆಯನ್ನು ಗಣಿ ಹಂಚಿಕೊಂಡಿದ್ದಾರೆ. ಇಷ್ಟು ದೊಡ್ಡ ಐರನ್ ಬಾಕ್ಸ್ ಯಾಕೆ ಅಂತಾ ಗಣಿ ಭಟ್ರನ್ನ ಕೇಳಿದಾಗ, ಭಟ್ರು ಕೊಟ್ಟ ಉತ್ತರ ಕೇಳಿ ಎಲ್ಲರೂ ಬಿದ್ದು ಬಿದ್ದು ನಕ್ಕಿದ್ದಾರೆ.
‘ನಾನಾಡದ ಮಾತೆಲ್ಲವ’ ಸಾಂಗ್ ಟೀಸರ್ ರಿಲೀಸ್ ಮಾಡಿದ್ದು ಪ್ರೇಮಿಗಳ ಮನಸ್ಸಿಗೆ ತಂಪೆರೆಯೋಕೆ ತುದಿಗಾಲಲ್ಲಿ ನಿಂತಿದೆ ಚಿತ್ರತಂಡ. ಈ ಹಾಡಿನ ಸಾಹಿತ್ಯವನ್ನು ಜಯಂತ್‌ ಕಾಯ್ಕಿಣಿ ಬರೆದಿದ್ದಾರೆ. ಈ ಹಾಡಿಗೆ ಸೋನು ನಿಗಮ್‌ ದನಿ ನೀಡಿದ್ದಾರೆ. ಅರ್ಜುನ್‌ ಜನ್ಯಾ ಮ್ಯುಸಿಕ್, ಸಂತೋಷ್‌ ರೈ ಪತಾಜೆ ಕ್ಯಾಮೆರಾ ಕಣ್ಣು ಹಾಡಿನ ಅನಂದವನ್ನು ಹೆಚ್ಚಿಸಿದರೆ, ಪಂಡಿತ್‌ ಅವರ ಕಲಾ ನಿರ್ದೇಶನ ಹಾಡಿಗೆ ಅಚ್ಚುಕಟ್ಟಾದ ಕಲರ್ ಕೊಟ್ಟಿದೆ.
ಕುದುರೆಮುಖದ ಹಸಿರು, ನೀರು, ಕಾಡಿನ ಮಧ್ಯೆ ಚಿತ್ರೀಕರಣ ಆಗಿರುವ ಈ ಹಾಡು ಎಲ್ಲರಿಗೂ ಹತ್ತಿರವಾಗಲಿದೆ. ಜು.2ರಂದು ಗಣೇಶ್ ಹುಟ್ಟು ಹಬ್ಬ. ಈ ಹಿನ್ನೆಲೆಯಲ್ಲಿ ಹಾಡನ್ನು ಅಂದೇ ಎಲ್ಲರೂ ಯ್ಯೂಟ್ಯೂಬ್ನಲ್ಲಿ ವೀಕ್ಷಣೆ ಮಾಡಬಹುದು. ಈಗಾಗ್ಲೇ ಪರೀಕ್ಷೆನಾ ಬಡಿಯಾ ಸಾಂಗ್ ಹಿಟ್ಸ್ ದಾಖಲಿಸಿದ್ದು, ಈ ಹಾಡು ಕೂಡ ಆ ದಾಖಲೆಯನ್ನು ಸರಿಗಟ್ಟೋಕೆ ರೆಡಿಯಾಗಿದೆ.
ಗಾಳಿಪಟ ಚಿತ್ರದಲ್ಲಿ ಗಣಿ ಜೊತೆಗೆ ದಿಗಂತ್, ನಿರ್ದೇಶಕ ಪವನ್ ಕೂಡ ಲೀಡ್ ರೋಲ್ನಲ್ಲಿ ಆ್ಯಕ್ಟ್ ಮಾಡ್ತಿದ್ದಾರೆ. ವೈಭವಿ ಸಿನಿಮಾದ ನಾಯಕಿಯಾಗಿ ಮಿಂಚಿದ್ದಾರೆ. ಉಮಾ ಎಮ್ ರಮೇಶ್ ರೆಡ್ಡಿ ನಿರ್ಮಾಣದಲ್ಲಿ ಮೂಡಿ ಬರ್ತಿರೋ ಸಿನಿಮಾ ಆಗಸ್ಟ್ 12ಕ್ಕೆ ತೆರೆಗೆ ಬರಲಿದೆ. ಸದ್ಯ ನಾನಾಡದ ಮಾತೆಲ್ಲವ ಕದ್ದಾಲಿಸೋಕೆ ಪ್ರೇಕ್ಷಕರು ವೇಯ್ಟ್ ಮಾಡ್ತಿದ್ದಾರೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ