ತೆರೆ ಮೇಲೆ ಮಾರ್ಟಿನ್ ಖದರ್ ನೋಡೋಕೆ ಕ್ಷಣಗಣನೆ ಶುರುವಾಗಿದೆ. ಪೊಗರಿನ ಟಗರು ನಮ್ ಆ್ಯಕ್ಷನ್ ಫ್ರಿನ್ಸ್ ಧ್ರುವ ಸರ್ಜಾ ನ್ಯಾಷನಲ್ ಬಾಡಿ ಬಿಲ್ಡರ್ಗಳು ಎದುರಾದ್ರೂ ಜಗ್ಗದ ಬಲಭೀಮ. ಆ ಲೆವೆಲ್ಗೆ ತಾಕತ್ತು ಇರೋ ಫಿಟ್ ಅಂಡ್ ಫೈನ್ ನಟ . ಫ್ಯಾನ್ಸ್ ಹೃದಯ ಗೆದ್ದಿರೋ ಮಾರ್ಟಿನ್ ಮಾನ್ಸ್ಟಾರ್ ಆ್ಯಕ್ಷನ್ಗೆ ದಿನಗಣನೆ ಶುರುವಾಗಿದೆ. ಮಾರ್ಟಿನ್ ಚಿತ್ರದ ಡಬ್ಬಿಂಗ್ ಶುರುವಾಗಿದ್ದು ಇನ್ನೇನು ಸಿನಿಮಾ ಸದ್ಯದಲ್ಲೇ ತೆರೆಗಪ್ಪಳಿಸಲಿದೆ.
ಮಾರ್ಟಿನ್ ಡಬ್ಬಿಂಗ್ ಸ್ಟಾರ್ಟ್.. ಪೊಗರಿನ ಟಗರು ಸಜ್ಜು
ಮಾರ್ಟಿನ್ ಗತ್ತು.. ರವಿವರ್ಮಾ ಗಮ್ಮತ್ತಿಗೆ ಕ್ಷಣಗಣನೆ..!
ಒಟ್ಟು ಐದು ಭಾಷೆಗಳಲ್ಲಿ ಮಾರ್ಟಿನ್ ಧ್ರುವ ಘರ್ಜನೆ
ಘನಘೋರ ಆ್ಯಕ್ಷನ್.. ಮುದ ನೀಡೋ ಲವ್ಸ್ಟೋರಿ
ರಣರೋಚಕ ಆ್ಯಕ್ಷನ್ ಸೀಕ್ವೆನ್ಸ್ಗಳ ಮೂಲಕ ತೆರೆಯ ಮೇಲೆ ಘರ್ಜಿಸೋಕೆ ಮಾರ್ಟಿನ್ ಸಜ್ಜಾಗಿದ್ದಾನೆ. ಅದಕ್ಕಾಗಿ ಧ್ರುವ ಸರ್ಜಾ ಸಖತ್ ಕಸರತ್ತು ಮಾಡಿ ಅಧ್ಬುತ ಆ್ಕಕ್ಷನ್ ಸೀಕ್ವೆನ್ಸ್ಗಳ ಮೂಲಕ ಚಿತ್ರರಸಿಕರಿಗೆ ಮಸ್ತ್ ಮನರಂಜನೆ ನೀಡಲಿದ್ದಾನೆ. ಈ ಸಿನಿಮಾದ ಹೊಸ ಅಪ್ಡೇಟ್ಗೆ ಕಾಯ್ತಿದ್ದ ಅಭಿಮಾನಿಗಳಿಗೆ ಡಬ್ಬಿಂಗ್ ಸ್ಟಾರ್ಟ್ ಆಗಿರೋ ಸುದ್ದಿ ಕೇಳಿ ಸ್ವಲ್ಪ ನಿರಾಳವಾಗಿದೆ.
ಪೊಗರು ಸಿನಿಮಾದಲ್ಲಿ ಧ್ರುವನ ಅಬ್ಬರ, ಆರ್ಭಟವನ್ನ ನಾವೆಲ್ಲಾ ಇಂದಿಗೂ ಮರೆಯೋಕೆ ಆಗಲ್ಲ. ಡೈಲಾಗ್ಸ್, ಆ್ಯಕ್ಷನ್ಸ್ ಎಲ್ಲವೂ ಮೈಕೊಡವಿ ಎದ್ದು ಬರೋ ಸಿಂಹನ ಗಾಂಭೀರ್ಯದಂತೆ ಇತ್ತು. ಇದೀಗ ಅವರ ಖದರ್, ಗತ್ತು, ಗಮ್ಮತ್ತು ಎಲ್ಲವೂ ದುಪ್ಪಟ್ಟಾಗಿದೆ. ಎದುರಾಳಿ ವಿಲನ್ಗಳ ಎದೆಸೀಳೋಕೆ ಮಾರ್ಟಿನ್ ಕೂಡ ಬೆವರಿಳಿಸಿ ತಾಲೀಮಿನೊಂದಿಗೆ ತಯಾರಿ ನಡೆಸಿದ್ದಾರೆ. ಇನ್ನೇನಿದ್ರೂ ಸಿಲ್ವರ್ ಸ್ಕ್ರೀನ್ ಮೇಲೆ ಮಾರ್ಟಿನ್ ಮ್ಯಾಜಿಕ್ ನೋಡೋದಷ್ಟೆ ಬಾಕಿ ಇದೆ.
ಧ್ರುವ ಸರ್ಜಾ ಖಾತೆಯಲ್ಲಿ ಮೂಡಿ ಬರ್ತಿರೋ ಐದನೇ ಸಿನಿಮಾ ಮಾರ್ಟಿನ್. ಎಪಿ ಅರ್ಜುನ್ ಆಕ್ಷನ್ ಕಟ್ ಹೇಳ್ತಿರೋ ಭಾರತದ ಅದ್ಧೂರಿ ಸಿನಿಮಾ ಇದು. ಒಟ್ಟು ಐದು ಭಾಷೆಗಳಲ್ಲಿ ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಘರ್ಜಿಸೋಕೆ ಮಾರ್ಟಿನ್ ಬರ್ತಿದ್ದಾನೆ. ಹಾಗಂತ ಇದು ಬರೀ ಮಾಸ್ ಕಥೆಯಲ್ಲ. ನಿಮ್ಮ ಮನಸ್ಸಿಗೆ ಟಚ್ ಆಗೋ ಲವ್ಸ್ಟೋರಿಯೂ ಹೌದು. ಜೊತೆಗೆ ಬೆಚ್ಚಿ ಬೀಳಿಸೋ ರಣರೋಚಕ ಸಾಹಸ ದೃಶ್ಯಗಳ ಸಮಾಗಮ ಸಿನಿಮಾ.
ರವಿವರ್ಮಾ ಸಾಹಸ ನಿರ್ದೇಶನದಲ್ಲಿ ಸಿನಿಮಾ ಅಧ್ಭುತವಾಗಿ ಮೂಡಿ ಬಂದಿದೆಯಂತೆ. ಸೆಪ್ಟೆಂಬರ್ 30ಕ್ಕೆ ಮಾರ್ಟಿನ್ ದರ್ಬಾರ್ ಜೋರಾಗಿರಲಿದೆ. ಸಿನಿಮಾದ ಪ್ರಮೋಷನ್ ಬಗ್ಗೆ ಡಿಫರೆಂಟ್ ಆಗಿ ಪ್ಲಾನ್ ಮಾಡಿಕೊಂಡಿದೆ ಚಿತ್ರತಂಡ. ಅಲ್ಲಿವರೆಗೂ ಅಭಿಮಾನಿಗಳು ಮಾರ್ಟಿನ್ ಜಪ ಮಾಡಲಿದ್ದಾರೆ. ಮಾರ್ಟಿನ್ಗೆ ನಾಯಕಿಯಾಗಿ ವೈಭವಿ ಶಾಂಡಿಲ್ಯ ಕೂಡ ವಿಭಿನ್ನ ಪಾತ್ರದಲ್ಲಿ ಕಾಣಿಸಿದ್ದಾರೆ.
ಉದಯ್ ಕೆ ಮೆಹ್ತಾ ಕೋಟಿ ಕೋಟಿ ಬಂಡವಾಳ ಹೂಡಿ ಅದ್ಧೂರಿಯಾಗಿ ನಿರ್ಮಾಣ ಮಾಡ್ತಿದ್ದಾರೆ. ಸತ್ಯ ಹೆಗಡೆ ಕ್ಯಾಮೆರಾ ಕೈಚಳಕ ಈ ಸಿನಿಮಾದಲ್ಲಿ ಕಣ್ಣು ಕುಕ್ಕಲಿದೆ. ಮಣಿ ಶರ್ಮಾ ಮ್ಯೂಸಿಕ್ ಕೂಡ ಚಿತ್ರಕ್ಕಿದೆ. ಏನೆ ಇರಲಿ ಶೂಟಿಂಗ್ ಮುಗಿಸಿ ಡಬ್ಬಿಂಗ್ಗೆ ಚಾಲನೆ ಸಿಕ್ಕಿರೋದ್ರಿಂದ ಮಾರ್ಟಿನ್ ಇನ್ನಷ್ಟು ಗುಡ್ ನ್ಯೂಸ್ ಕೊಡೋದಂತು ಪಕ್ಕಾ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ