ಟಾಲಿವುಡ್ ಹಿರಿಯ ನಟ ನರೇಶ್ ಅವರ 3ನೇ ಪತ್ನಿಯೇ ರಮ್ಯಾ ರಘುಪತಿ. ರಮ್ಯಾ ರಘುಪತಿ ಕರ್ನಾಟಕ ಮೂಲದ ಹೆಣ್ಣುಮಗಳು. ಬೆಂಗಳೂರಿನಲ್ಲೇ ಹುಟ್ಟಿ ಬೆಳೆದು, ವಿದ್ಯಾಭ್ಯಾಸ ಮಾಡಿದ ರಮ್ಯಾ, ಆನಂತರ ಮೆಲ್ಬರ್ನ್ನಲ್ಲಿ ಉನ್ನತ ಶಿಕ್ಷಣ ಪಡೆದುಕೊಂಡ್ರು. ಜರ್ನಲಿಸಂ ಕೂಡ ವ್ಯಾಸಂಗ ಮಾಡಿದ್ದಾರೆ.
ರಮ್ಯಾ ಬೆಂಗಳೂರಿನ ಪ್ರತಿಷ್ಠಿತ ಮೋತಿಮಹಲ್ ಹೋಟೆಲ್ ಮಾಲೀಕ ದಿವಂಗತ ರಘುಪತಿಯವರ ಹಿರಿಯ ಪುತ್ರಿ. ಈ ಹಿಂದೆ ಜನಪ್ರಿಯವಾಗಿದ್ದ ಹೈಲ್ಯಾಂಡ್ಸ್ ಹೋಟೆಲ್ ಇವರ ಕುಟುಂಬಕ್ಕೆ ಸೇರಿದ್ದು. ಈಗ ಆ ಹೋಟೆಲ್ ಇದ್ದ ಜಾಗದಲ್ಲಿ ರಿನೈಸಾನ್ಸ್ ಎಂಬ ಫೈವ್ ಸ್ಟಾರ್ ಹೋಟೆಲ್ ಎದ್ದುನಿಂತಿದೆ. ಕನ್ನಡ ಚಿತ್ರರಂಗದ ಬಹುತೇಕ ಸ್ಟಾರ್ ನಟರಿಗೆ ಆಶ್ರಯ ಒದಗಿಸಿದ್ದ ಈ 2 ಹೋಟೆಲ್ಗಳಲ್ಲಿ ಬಹುತೇಕ ಸ್ಟಾರ್ ನಟರು ಉಳಿದುಕೊಳ್ಳುತ್ತಿದ್ರು. ಈ ಎರಡು ಹೋಟೆಲ್ಗಳು ಡಾ.ರಾಜ್ಕುಮಾರ್, ರಜನಿಕಾಂತ್, ಅಂಬರೀಶ್ ಸೇರಿದಂತೆ ಬಹುಪಾಲು ನಟರ ಫೇವರಿಟ್ ಆಗಿದ್ವು.
ಶ್ರೀಮಂತ ಹಿನ್ನೆಲೆಯ ಕುಟುಂಬದಿಂದ ಬಂದ ರಮ್ಯಾ ರಘುಪತಿ 2009ರಲ್ಲಿ ಟಾಲಿವುಡ್ ನಟ ನರೇಶ್ ಅವರನ್ನ ಮದುವೆಯಾಗಿದ್ದಾರೆ. ಇವರಿಬ್ಬರಿಗೆ ರಣವೀರ್ ಎಂಬ 8 ವರ್ಷದ ಮಗನಿದ್ದಾನೆ. ರಮ್ಯಾ ಚಿಕ್ಕಪ್ಪ ಡಾ. ರಘುವೀರ್ ರೆಡ್ಡಿ ಆಂಧ್ರ ಪ್ರದೇಶದಲ್ಲಿ ಪ್ರಭಾವಿ ರಾಜಕಾರಣಿಯಾಗಿದ್ದಾರೆ. ಅವರ ಚಿಕ್ಕಪ್ಪ ರಘುವೀರ್ ರೆಡ್ಡಿ ಸಚಿವರಾಗಿ, ಆಂಧ್ರಪ್ರದೇಶ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷರಾಗಿಯೂ ಕಾರ್ಯನಿರ್ವಹಿಸಿದ್ದಾರೆ. ರಮ್ಯಾ ತಾತಾ ರಾಮರೆಡ್ಡಿ ಕೂಡ ಲೋಕಸಭಾ ಸದಸ್ಯರಾಗಿದ್ರು.
ಕೆಜಿಎಫ್-2 ಖ್ಯಾತಿಯ ನಿರ್ದೇಶಕ ಪ್ರಶಾಂತ್ ನೀಲ್ ಕೂಡ ರಮ್ಯಾಗೆ ಸೋದರ ಸಂಬಂಧಿ. ರಮ್ಯಾ ಅವರು ಪ್ರತಿಷ್ಠಿತ ನೀಲಕಂಠಪುರಂ ಕುಟುಂಬಕ್ಕೆ ಸೇರಿದವರು. ರಮ್ಯಾ ರಘುಪತಿ. ಹಿಂದೂಪುರದಲ್ಲಿ ಎನ್ಜಿಒ ನಡೆಸಿ ಯಶಸ್ವಿಯಾಗಿದ್ದಾರೆ. ರಂಭಾ ಉನ್ನತಿ ಆರೋಮ ಪ್ರೈವೇಟ್ ಕಂಪನಿ ಮೂಲಕ ಉದ್ಯಮಿಯಾಗಿಯೂ ರಮ್ಯಾ ಗುರುತಿಸಿಕೊಂಡಿದ್ದಾರೆ.