ಬಜಾರ್ ಸಿನಿಮಾ ಮೂಲಕ ಭರ್ಜರಿಯಾಗಿ ಎಂಟ್ರಿ ಕೊಟ್ಟ ನಟ ಧನ್ವೀರ್ ಕೈವಾ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಜೊತೆ ಜೊತೆಯಲಿ ಸೀರಿಯಲ್ ಮೂಲಕ ಜನಮನ ಗೆದ್ದಿರುವ ಬ್ಯುಟಿ ಕ್ವೀನ್ ಮೇಘಾಶೆಟ್ಟಿ ಧನ್ವೀರ್ ಗೌಡ ಜೊತೆ ಡ್ಯುಯೆಟ್ ಆಡಿದ್ದಾರೆ. ಕೈವಾ ಟೈಟಲ್ ಕೇಳಿದ್ರೆ ಸಾಕು ಸಿನಿಮಾ ಮೇಲಿನ ಕ್ಯೂರಿಯಾಸಿಟಿ ಡಬಲ್ ಆಗುತ್ತೆ.
ಸೈಲೆಂಟ್ ಆಗಿ ‘ಕೈವಾ’ ಶೂಟಿಂಗ್ ಮುಗಿಸಿದ ಧನ್ವೀರ್
ಕರಗ ಮರುಸೃಷ್ಟಿ ಮಾಡಿದ ಆ್ಯಕ್ಷನ್ ಡ್ರಾಮ ಸಿನಿಮಾ..!
ಏನಿದು ಕೈವ..? ಟೈಟಲ್ ಹಿಂದಿನ ರಹಸ್ಯವೇನು..?
ಸ್ಟಾರ್ ನಟರ ನೆಚ್ಚಿನ ಕಥೆ ಧನ್ವೀರ್ ಗೌಡ ಪಾಲಾಯ್ತು
ಶೋಕ್ದಾರ್, ಬಜಾರ್ ಹಾಗೂ ಬೈ ಟು ಲವ್ ಚಿತ್ರಗಳ ಮೂಲಕ ಕನ್ನಡಿಗರ ದಿಲ್ ದೋಚಿರೋ ಹ್ಯಾಂಡ್ಸಮ್ ನಟ ಧನ್ವೀರ್ ಗೌಡ. ಇದಾದ ನಂತ್ರ ವಾಮನ ಸಿನಿಮಾ ಕೈಗೆತ್ತಿಕೊಂಡಿದ್ದ ಧನ್ವೀರ್ ಇದೀಗ ಮೋಸ್ಟ್ ಫೇಮಸ್ ಡೈರೆಕ್ಟರ್ ಜಯತೀರ್ಥ ಚಿತ್ರದಲ್ಲಿ ಕಾಣಿಸಿದ್ದಾರೆ. ಜಯತೀರ್ಥ ಸಿನಿಮಾಗಳಂದ್ರೆ ಅಲ್ಲೊಂದು ವಿಭಿನ್ನತೆ, ಹೊಸತನ, ಸೂಕ್ಷ್ಮ ಸಂವೇದೆಯ ಹಲವಾರು ಅಂಶಗಳಿರುತ್ತವೆ. ಬೆಲ್ಬಾಟಮ್, ಬ್ಯೂಟಿಫುಲ್ ಮನಸುಗಳು, ಒಲವೇ ಮಂದಾರ ಚಿತ್ರಗಳೇ ಇದಕ್ಕೆ ಸಾಕ್ಷಿ.
ಸೂಪರ್ ಹಿಟ್ ಸಿನಿಮಾಗಳನ್ನು ಕೊಟ್ಟಿರುವ ಜಯತೀರ್ಥ ಕೈವಾ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಈ ಸಿನಿಮಾದಲ್ಲಿ ನಟ ಧನ್ವೀರ್ ವಿಭಿನ್ನ ಗೆಟಪ್ನಲ್ಲಿ ಕಾಣಿಸಲಿದ್ದಾರೆ. ಬೆಂಗಳೂರಿನ ತಿಗಳರ ಪೇಟೆಯಲ್ಲಿ ನೆಡಯುವ ಕಥೆ ಇದಾಗಿದ್ದು. ಈ ಸಿನಿಮಾಗಾಗಿಯೇ ಕರಗವನ್ನು ಮರುಸೃಷ್ಟಿ ಮಾಡಲಾಗಿದೆಯಂತೆ. 1983 ರಲ್ಲಿ ನಡೆದ ನೈಜ ಕತೆಯನ್ನು ಆದರಿಸಿ ಈ ಸಿನಿಮಾ ಮಾಡಲಾಗಿದೆ. ಆ ಕಾಲದ ಬೆಂಗಳೂರನ್ನು ಕಣ್ಣಿಗೆ ಕಟ್ಟಿದಂತೆ ಮರುಸೃಷ್ಟಿ ಮಾಡಲಾಗಿದೆಯಂತೆ. ಸದ್ಯ ಈ ಸಿನಿಮಾದ ಶೂಟಿಂಗ್ ಕಂಪ್ಲೀಟ್ ಆಗಿದ್ದು ಸಖತ್ ಕ್ಯೂರಿಯಾಸಿಟಿ ಮೂಡಿಸಿದೆ.
ಸ್ಯಾಂಡಲ್ವುಡ್ನಲ್ಲಿ ತಮ್ಮ ಅಭಿನಯದ ಮೂಲಕ ವಿಭಿನ್ನ ಛಾಪು ಮೂಡಿಸಿರೋ ಧನ್ವೀರ್ ಕಥೆಗಳ ಆಯ್ಕೆಯಲ್ಲಿ ಸಖತ್ ಚ್ಯುಸಿಯಾಗಿದ್ದಾರೆ. ಇತ್ತೀಚೆಗೆ ಬಿಡುಗಡೆಯಾದ ಬೈ ಟು ಲವ್ ಸಿನಿಮಾ ಕೂಡ ಸಖತ್ ಹೆಸರು ಮಾಡಿತ್ತು. ಇದೀಗ ಕೈವಾ ಅನ್ನೋ ಸಿನಿಮಾ ರಿಲೀಸ್ಗೂ ಮುನ್ನವೇ ಕುತೂಹಲ ಕೆರಳಿಸಿದೆ. ಕೈವಾ ಎಂದರೆ ಕೈವಾರ ಭೀಮ ಎಂದರ್ಥ. ತಿಗಳರ ಪೇಟೆಯ ಜನರಿಗೆ ಕರಗ ಜೀವನದ ಒಂದು ಭಾಗ. ಅವರ ಜೀವನ ಶೈಲಿಯನ್ನು ತೋರಿಸುವ ಪ್ರಯತ್ನ ಮಾಡಲಾಗಿದೆಯಂತೆ.
ಕರಗ ಹೇಗೆ ನಡೆಯುತ್ತದೆ. ಅದರ ತಯಾರಿ ಹೇಗಿರುತ್ತದೆ ಎಂಬುದನ್ನು ಈ ಸಿನಿಮಾದಲ್ಲಿ ತೋರಿಸಲಾಗಿದೆ. ಅದಕ್ಕಾಗಿ ಸಿಕ್ಕಾಪಟ್ಟೆ ಅಧ್ಯಯನ ಮಾಡಿ ರೆಟ್ರೋ ಸ್ಟೈಲ್ನಲ್ಲಿ ಚಿತ್ರೀಕರಿಸಲಾಗಿದೆಯಂತೆ. ಅದಕ್ಕಾಗಿಯೇ ಮೈಸೂರು ಬಳಿ ಸೆಟ್ ಹಾಕಿ ಕರಗವನ್ನು ಮರುಸೃಷ್ಟಿ ಮಾಡಿದ್ದಾರಂತೆ. ಸಿನಿಮಾದ ನಾಯಕಿ ಮೇಘಾಶೆಟ್ಟಿ ಕಥೆಯ ಜೀವಾಳ. ರೆಟ್ರೋ ಲುಕ್ನಲ್ಲಿ ಸಖತ್ ಶೈನಿಂಗ್ ರೋಲ್ನಲ್ಲಿ ಕಾಣಿಸಲಿದ್ದಾರೆ.
ಈ ಸಿನಿಮಾದ ಶೂಟಿಂಗ್ ಕರ್ನಾಟಕದ ಹಲವಾರು ಭಾಗಗಳಲ್ಲಿ ನಡೆದಿದೆ. ಈ ಚಿತ್ರದಲ್ಲಿ ಶ್ವೇತಾ ಪ್ರಿಯಾ ನಾಯಕ್ ಅನ್ನೋ ಹೊಸ ಕೋರಿಯೋಗ್ರಾಫರ್ ಚಿತ್ರರಂಗಕ್ಕೆ ಪರಿಚಯವಾಗ್ತಿದ್ದಾರೆ. ಅಜನೀಶ್ ಲೋಕನಾಥ್ ಮ್ಯೂಸಿಕ್ ಕಂಪೋಸಿಂಗ್ ಚಿತ್ರಕ್ಕಿದೆ. ಸದ್ಯದಲ್ಲೇ ಈ ಸಿನಿಮಾದ ಇನ್ನಷ್ಟು ಅಪ್ಡೇಟ್ ಕೊಡಲಿದೆ ಚಿತ್ರತಂಡ. ಒಟ್ಟಾರೆ ಶ್ರೀಮಂತರ ಅಟ್ಟಹಾಸ ಹೆಚ್ಚಾದಾಗ, ಮಧ್ಯಮ ವರ್ಗದ ಪ್ರೇಮಿಗಳಿಬ್ಬರು ಹೇಗೆ ರಿಯಾಕ್ಟ್ ಮಾಡ್ತಾರೆ ಅನ್ನೋ ವಿಭಿನ್ನ ಕಥೆಯ ಸಿನಿಮಾ ಇದು. ಶೂಟಿಂಗ್ ಮುಗಿಸಿರೋ ಕೈವಾ ಚಿತ್ರತಂಡ ಆದಷ್ಟು ಬೇಗ ಗುಡ್ ನ್ಯೂಸ್ ಕೊಡಲಿ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ