ಕನ್ನಡದಲ್ಲಿ ಶುಗರ್ ಲೆಸ್ ಅನ್ನೋ ವಿಬಿನ್ನ ಕಥೆಯ ಸಿನಿಮಾ ಸದ್ಯದಲ್ಲೇ ತೆರೆಗಪ್ಪಳಿಸಲಿದೆ. ಟೈಟಲ್ ಮಾತ್ರ ಶುಗರ್ ಲೆಸ್. ಆದ್ರೆ ಸಿನಿಮಾದಲ್ಲಿ ಯಾವುದು ಲೆಸ್ ಇಲ್ಲ. ಮಸ್ತ್ ಮನರಂಜನೆಯ ರಸದೌತಣ ನೀಡೋ ಸುಳಿವು ಕೊಟ್ಟಿದೆ ಚಿತ್ರದ ಟ್ರೈಲರ್. ಈಗಾಗ್ಲೇ ಶುಗರ್ಲೆಸ್ ಟ್ರೈಲರ್ಗೆ ಮೆಚ್ಚುಗೆಯ ಸುರಿಮಳೆಯಾಗ್ತಿದೆ. ಮೊದಲ ಬಾರಿಗೆ ವಿಭಿನ್ನ ಪ್ರಯತ್ನದ ಮೂಲಕ ಚಿತ್ರರಸಿಕರ ಗಮನ ಸೆಳಿತಿದೆ ಶುಗರ್ ಲೆಸ್ ಟೀಮ್. ಯೆಸ್.. ಬಾಲಿವುಡ್ಗೂ ಹಾರಲಿರೋ ಈ ಚಿತ್ರದ ಸಮ್ತಿಂಗ್ ಸ್ಪೆಷಾಲಿಟಿಗಳೇನು ನಾವ್ ಹೇಳ್ತೀವಿ. ಜಸ್ಟ್ ವಾಚ್.
ಹೆಸರಿಗೆ ಮಾತ್ರ ಲೆಸ್.. ಮಸ್ತ್ ಮನರಂಜನೆಯೇ ಪ್ಲಸ್
ಸ್ಯಾಂಡಲ್ವುಡ್ನಲ್ಲಿ ಸದ್ಯ ಶುಗರ್ಲೆಸ್ ಚಿತ್ರದ ಟ್ರೈಲರ್ ಬಗ್ಗೆ ದೊಡ್ಡ ಮಟ್ಟದ ಚರ್ಚೆ ಶುರುವಾಗಿದೆ. ಭಾರತೀಯ ಚಿತ್ರರಂಗದಲ್ಲೇ ಯಾರು ಕೈ ಹಾಕದೇ ಇರೋ ಶುಗರ್ಲೆಸ್ ಸಬ್ಜೆಕ್ಟ್ ಮೇಲೆ ಅದ್ಭುತ ಸಿನಿಮಾ ತಯಾರಾಗಿದೆ. ಈ ಚಿತ್ರದ ಟ್ರೈಲರ್ ಬಗ್ಗೆ ಎಲ್ಲಾ ಪಾಸಿಟಿವ್ ಕಮೆಂಟ್ಸ್ ಬರ್ತಿದ್ದು, ಚಿತ್ರರಸಿಕರು ಟ್ರೈಲರ್ಗೆ ಬಹುಪರಾಕ್ ಎಂತಿದ್ದಾರೆ. ದಿಯಾ ಸಿನಿಮಾ ಮೂಲಕ ಸ್ಟಾರ್ ಆಗಿ ಮಿಂಚಿದ ಪೃಥ್ವಿ ಅಂಬಾರ್ ಮತ್ತೊಂದು ಪ್ರಾಮಿಸಿಂಗ್ ರೋಲ್ನಲ್ಲಿ ಮಿಂಚಲಿದ್ದಾರೆ.
ದಿಯಾ ಖ್ಯಾತಿಯ ಪೃಥ್ವಿ ಅಂಬಾರ್ ಶುಗರ್ ಪೇಷೆಂಟ್ ಆಗಿ ಮಿಂಚಿದ್ರೆ, ಬಿಗ್ ಬಾಸ್ ಬೆಡಗಿ ಪ್ರಿಯಾಂಕ ತಿಮ್ಮೇಶ್ ನಾಯಕಿಯಾಗಿ ಗಮನ ಸೆಳೆದಿದ್ದಾರೆ. ಜುಲೈ 08ಕ್ಕೆ ವರ್ಲ್ಡ್ ವೈಡ್ ಸೌಂಡ್ ಮಾಡಲಿದೆ ಶುಗರ್ ಲೆಸ್ ಸಿನಿಮಾ. ಟ್ರೈಲರ್ನ ಸಂಭಾಷಣೆ ಕೇಳ್ತಿದ್ರೆ ಹೊಟ್ಟೆ ಹುಣ್ಣಾಗೋ ಕಾಮಿಡಿ ಅಂತೂ ಪಕ್ಕಾ. ಇಂಪಾದ ಹಾಡುಗಳು, ಮುದ್ದಾದ ಪ್ರೇಮಕಥೆ, ಸಣ್ಣ ಪುಟ್ಟ ತರಲೆ ತಮಾಷೆ, ಲಾರ್ಜ್ ಎಮೋಷನ್ ಮೂಲಕ ಚಿತ್ರಪ್ರೇಮಿಗಳಿಗೆ ಮನರಂಜನೆ ನೀಡೋಕೆ ತುದಿಗಾಲಲ್ಲಿ ನಿಂತಿದೆ ಶುಗರ್ ಲೆಸ್ ಸಿನಿಮಾ. ಇದ್ರ ಜೊತೆಗೆ ಬಾಲಿವುಡ್ಗೂ ರಿಮೇಕ್ ಆಗೋದಾಗಿ ಗುಡ್ ನ್ಯೂಸ್ ಕೊಟ್ಟಿದೆ.
ನಿಮಗೆ ಶುಗರ್ ಇದೆಯಾ ಅಂತಾ ಹೀರೋಗೆ ಪ್ರಶ್ನೆ
ಇತ್ತೀಚೆಗೆ ಯುವಕರು ಕೂಡ ಶುಗರ್ ಪೇಷೆಂಟ್ಗಳಾಗಿ ಬಳಲುತ್ತಿದ್ದಾರೆ. ಈ ಕಾಯಿಲೆಯ ಹತಾಶೆಯಲ್ಲಿ ಮದ್ವೆ ಇಲ್ಲದೆ, ಸದಾ ಚಿಂತೆಯಲ್ಲೇ ದಿನಗಳನ್ನು ಕಳಿತಿದ್ದಾರೆ. ನೋವಿನಲ್ಲಿ ಜೀವನವೇ ಮುಳುಗಿ ಹೋಯ್ತು ಅಂದುಕೊಂಡವ್ರಿಗೆ ಈ ಸಿನಿಮಾ ಆತ್ಮಸ್ಥೈರ್ಯ ತುಂಬಲಿದೆ. ಥಿಯೇಟರ್ನಿಂದ ಹೊರಗೆ ಹೋಗೋವಾಗ ನಗುತ್ತಾ ಬದುಕಿನ ಬಗ್ಗೆ ಹೊಸ ಭರವಸೆ ಮೂಡಿಸಲಿದೆ. ಈ ಸಿನಿಮಾದಲ್ಲಿ ಹಿರಿಯ ನಟ ದತ್ತಣ್ಣ ಕೂಡ ಅಭಿನಯಿಸಿದ್ದಾರೆ. ಈ ಸಿನಿಮಾ ಬಗ್ಗೆ ದತ್ತಣ್ಣನಿಗೆ ಹೆಚ್ಚು ಹೋಪ್ ಇರಲಿಲ್ಲವಂತೆ. ಇದೀಗ ಟ್ರೈಲರ್ ನೋಡಿ ಶಾಕ್ ಆಗಿದ್ದಾರೆ.
ಶಶಿಧರ್ ಪ್ರೊಡಕ್ಷನ್ ಬ್ಯಾನರ್ ಅಡಿಯಲ್ಲಿ ಸಿನಿಮಾ ಅದ್ದೂರಿಯಾಗಿ ನಿರ್ಮಾಣ ಆಗಿದೆ. ಚಿತ್ರಕ್ಕೆ ಶಶಿಧರ್ ಆಕ್ಷನ್ ಕಟ್ ಹೇಳಿದ್ದು, ಸ್ವತಃ ಅವರೇ ಸಿನಿಮಾ ನಿರ್ಮಾಣ ಮಾಡಿದ್ದಾರೆ. ದತ್ತಣ್ಣ, ನವೀನ್ ಪಾಡಿಲ್, ಧರ್ಮಣ್ಣ ಅವರ ಕಾಮಿಡಿ ಕಾಂಬಿನೇಷನ್ ಟ್ರೈಲರ್ನಲ್ಲಿ ಎದ್ದು ಕಾಣುತ್ತೆ. ಶುಗರ್ ಕಥೆಯ ಜೊತೆ ಕಾಮಿಡಿಯ ಹೂರಣವನ್ನು ಬೆರಸಿ ಸಿಕ್ಕಾಪಟ್ಟೆ ನಗಿಸೋ ಬಿಗ್ ಪ್ಲ್ಯಾನ್ ಮಾಡಿಕೊಂಡಿದ್ದಾರೆ ನಿರ್ದೇಶಕ ಶಶಿಧರ್. ಚಿತ್ರದ ನಾಯಕನಿಗೂ ಸಿನಿಮಾ ವಿಶೇಷವಾಗಿದ್ದು, ಶಶಿಧರ್ ಕರೆ ಮಾಡಿ ನಿಮಗೆ ಶುಗರ್ ಇದೆಯಾ ಅಂತಾ ಕೇಳಿದ್ದನ್ನು ನೆನಪಿಸಿಕೊಂಡ್ರು.
ಈ ಸಿನಿಮಾದ ಟ್ರೈಲರ್ ಲಾಂಚ್ ಕಾರ್ಯಕ್ರಮ ಅದ್ಧೂರಿಯಾಗಿ ನೆರವೇರಿದ್ದು, ಈ ಕಾರ್ಯಕ್ರಮಕ್ಕೆ ನಟ ಶ್ರೀನಗರ ಕಿಟ್ಟಿ, ನಿರ್ದೇಶಕ ಗುರುಪ್ರಸಾದ್ ಸೇರಿದಂತೆ ಚಿತ್ರದ ಎಲ್ಲಾ ಕಲಾವಿದರು ಭಾಗಿಯಾಗಿದ್ರು. ಈಗಾಗ್ಲೇ ಅನೂಪ್ ಸೀಳಿನ್ ಮ್ಯೂಸಿಕ್ ಕಂಪೋಸಿಂಗ್ ಸಖತ್ ಇಂಪ್ರೆಸ್ಸಿವ್ ಆಗಿ ಮೂಡಿ ಬಂದಿದೆ. ಲಾವಿಥ್ ಕ್ಯಾಮರಾ ಕಣ್ಣಲ್ಲಿ ಪ್ರತಿ ಫ್ರೇಮು ಸುಂದರವಾಗಿ ಕಾಣ್ತಿದೆ. ಒಟ್ಟಾರೆ ಜುಲೈ08ಕ್ಕೆ ಶುಗರ್ಲೆಸ್ ಸಿನಿಮಾ ತೆರೆಯ ಮೇಲೆ ಭರ್ಜರಿಯಾಗಿ ಸದ್ದು ಮಾಡೋ ಸೂಚನೆ ಕೊಟ್ಟಿದೆ. ಎನಿವೇ ಶುಗರ್ಲೆಸ್ ಟೀಮ್ಗೆ ಅಡ್ವಾನ್ಸ್ ಆಗಿ ಆಲ್ ದಿ ಬೆಸ್ಟ್ ಹೇಳೋಣ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
