ಕಾಡಹುಲಿಯಾಗಿ ವೈರಿಗಳ ಮೇಲೆ ಎಗರೋಕೆ ಸ್ಯಾಂಡಲ್ವುಡ್ ಸೆಂಚುರಿ ಸ್ಟಾರ್ ಶಿವಣ್ಣ ರೆಡಿಯಾಗಿದ್ದಾರೆ. ಟಗರು ಕಾಂಬಿನೇಷನ್ನಲ್ಲಿ ಬೈರಾಗಿಯ ಮ್ಯಾಜಿಕ್ ನೋಡೋಕೆ ಫ್ಯಾನ್ಸ್ ಕಾಯ್ತಿದ್ದಾರೆ. ಇದೀಗ ಬೈರಾಗಿ ಪ್ರೀ ರಿಲೀಸ್ ಇವೆಂಟ್ ಅದ್ಧೂರಿಯಾಗಿ ನಡೆದಿದೆ. ವೇದಿಕೆಯ ಮೇಲೆ ಡಾಲಿ, ಶಿವಣ್ಣ, ಬೈರಾಗಿ ಟೀಮ್ ಕಂಡು ಚಾಮರಾಜನಗರದ ಜನತೆ ಹುಚ್ಚೆದ್ದು ಕುಣಿದಿದ್ದಾರೆ.
ಹೈಲೆಟ್ಸ್ ಪಾಯಿಂಟ್ಸ್
- ಡಾಲಿ ಲೋಕಲ್ ಲಾಂಗ್ವೇಜ್ಗೆ ಫ್ಯಾನ್ಸ್ ಕ್ಲಿನ್ ಬೋಲ್ಡ್..!
- ಅಪ್ಪು ನನ್ ರಕ್ತ ಕಣಯ್ಯ.. ಶಿವಣ್ಣ ಫ್ಯಾನ್ಸ್ಗೆ ವಾರ್ನಿಂಗ್
- ಕೂಸುಮರಿ ಆದಾಗಿಂದ ನೋಡಿದಿನಿ ಎಂದ ಬೈರಾಗಿ..!
ಮೊದಲ ಬಾರಿಗೆ ಶಿವಣ್ಣ ಹುಲಿ ವೇಷದಲ್ಲಿ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ತಿದ್ದಾರೆ. ಹ್ಯಾಟ್ರಿಕ್ ಹೀರೋ ಶಿವಣ್ಣನಿಗೆ ಇದು 123ನೇ ಸಿನಿಮಾ ಕೂಡ. ಈ ಚಿತ್ರದಲ್ಲಿ ಸ್ವೀಟ್ 60 ಶಿವಣ್ಣ ಹಾಗೂ ಡಾಲಿ ಧನಂಜಯ ಜಿದ್ದಾಜಿದ್ದಿಗೆ ಬಿದ್ದಿದ್ದಾರೆ. ಈ ಕಾಂಬಿನೇಷನ್ ಕೊಡೋ ಕಿಕ್ ಬೇರೇನೆ ಇರುತ್ತೆ ಅಂತಾರೆ ಕ್ರೇಜಿ ಫ್ಯಾನ್ಸ್. ಈ ಸಿನಿಮಾದ ಪ್ರಿರಿಲೀಸ್ ಇವೆಂಟ್ ಚಾಮರಾಜನಗರದ ಡಾ.ಬಿ.ಆರ್ ಅಂಬೇಡ್ಕರ್ ಮೈದಾನದಲ್ಲಿ ಅದ್ದೂರಿಯಾಗಿ ನಡಿಯಿತು. ನೆರೆದಿದ್ದ ಅಭಿಮಾನಿಗಳಿಗೆ ಬೈರಾಗಿ ಟೀಮ್ ಸಖತ್ ಮನರಂಜನೆ ನೀಡಿದೆ.
ಹುಲಿ ವೇಷ ತೊಟ್ಟ ಕಲಾವಿದರ ಜೊತೆಗೆ ಶಿವಣ್ಣ ಮಸ್ತ್ ಹೆಜ್ಜೆ ಹಾಕಿದ್ದಾರೆ. ಶಿವಣ್ಣನ ಹೆಜ್ಜೆಗೆ, ಗಾಂಭೀರ್ಯಕ್ಕೆ ಅಭಿಮಾನಿಗಳು ಕುಂತಲ್ಲೇ ಮೈ ಕೈ ಕುಣಿಸಿ ಸ್ಟೆಪ್ಸ್ ಹಾಕ್ತಿದ್ರು. ಜುಲೈ 01ಕ್ಕೆ ಸಿನಿಮಾ ರಿಲೀಸ್ ಆಗ್ತಿದ್ದು ಚಿತ್ರಪ್ರೇಮಿಗಳಿಗೆ ಸಖತ್ ಕೂತೂಹಲ ಇದೆ. ಈ ನಡುವೆ ಶಿವಣ್ಣ ಚಾಮರಾಜನಗರಕ್ಕೆ ಮತ್ತೆ ಬರ್ತೀನಿ ಎಂದ್ರು. ಈ ಸಿನಿಮಾ 100% ಇಷ್ಟ ಆಗುತ್ತೆ ಅಂದ್ರು.
ಅಭಿಮಾನಿಗಳು ಅಪ್ಪು ಹೆಸರನ್ನು ಜೋರಾಗಿ ಕೂಗ್ತಾ ಇದ್ದಂತೆ ಡಾ. ಶಿವಣ್ಣ ಫ್ಯಾನ್ಸ್ಗೆ ವಾರ್ನಿಂಗ್ ಕೊಟ್ರು. ಅಪ್ಪುನಾ ಕೂಸುಮರಿ ಆದಾಗಿಮದ ನೋಡಿದಿನಿ. ಅಪ್ಪು ನನ್ ರಕ್ತ ಕಣೋ. ಅವರನ್ನು ಎದೆಯಲ್ಲಿ ಇಟ್ಕೋ. ನನ್ನ ಜೀವ ಕಣೋ ಎಂದ್ರು. ಈ ಮಾತು ಕೇಳ್ತಿದ್ದ ಹಾಗೆ ಮತ್ತೊಮ್ಮೆ ಫ್ಯಾನ್ಸ್ ಕೇಕೆ ಶಿಳ್ಳೆ ಹಾಕಿದ್ರು.
ಡಾಲಿ ಧನಂಜಯ ಅವರ ಲೋಕಲ್ ಭಾಷೆಗೆ ನೆರೆದ ಆಭಿಮಾನಿಗಳೆಲ್ಲಾ ಪ್ರೀತಿಯ ಅಲೆಯಲ್ಲಿ ತೇಲಿಬಿಟ್ರು. ನಿಮ್ ಪ್ರೀತಿ ತುಂಬಾ ದೊಡ್ಡದು. ಡಾಲಿ ಅಂತಾ ಯಾವಾಗಲೂ ಕಿರುಚುತ್ತೀರಾ. ನಿಮ್ ಅಭಿಮಾನ ದೊಡ್ಡದು. ತುಂಬಾ ಚೆನ್ನಾಗಿ ಗೆಲ್ಲಿಸಿದ್ದಿರಾ ಎಂದ್ರು.
ವಿಜಯ್ ಮಿಲ್ಟನ್ ನಿರ್ದೇಶನದಲ್ಲಿ ಈ ಸಿನಿಮಾ ಸಕತ್ ಕೂತೂಹಲ ಕೆರಳಿಸಿದೆ. ಕೃಷ್ಣ ಸಾರ್ಥಕ್ ನಿರ್ಮಾಣದಲ್ಲಿ ಸಿನಿಮಾ ಅದ್ಧೂರಿಯಾಗಿ ಮೂಡಿ ಬಂದಿದೆ. ಗೀತಾ ಶಿವರಾಜ್ ಕುಮಾರ್ ಕೂಡ ವೇದಿಕೆಯಲ್ಲಿ ಪಾಲ್ಗೊಂಡು ಅಪ್ಪು ಬಗ್ಗೆ ಮಾತಾನಾಡಿದ್ರು.
ಒಟ್ಟಾರೆ ಮೂರು ವಿಭಿನ್ನ ಶೇಡ್ಗಳಲ್ಲಿ ಶಿವಣ್ಣ ಈ ಸಿನಿಮಾದಲ್ಲಿ ಮಿಂಚ್ತಿದ್ದಾರೆ. ದಿಯಾ ಖ್ಯಾತಿಯ ಪೃಥ್ವಿ ಅಂಬಾರ್ ಕೂಡ ವಿಭಿನ್ನ ರೋಲ್ನಲ್ಲಿ ಕಾಣಿಸಿದ್ದಾರೆ. ರಿಧಮ್ ಆಫ್ ಶಿವಪ್ಪ ಹಾಡಿಗೆ ಫ್ಯಾನ್ಸ್ ಕೂಡ ರೀಲ್ಸ್ ಮಾಡಿ ಕಿಕ್ಸ್ಟಾರ್ಟ್ ಕೊಟ್ಟಿದ್ದಾರೆ. ಚಾಮರಾಜನಗರದ ಪ್ರಿ ರಿಲೀಸ್ ಇವೆಂಟ್ ರೆಸ್ಪಾನ್ಸ್ ನೋಡ್ತಿದ್ರೆ ಬೈರಾಗಿ ಹವಾ ಜೋರಾಗಿರಲಿದೆ. ಎನಿವೇ ಬೈರಾಗಿಗೆ ಆಲ್ ದಿ ಬೆಸ್ಟ್ ಹೇಳೋಣ.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
