ದಿಯಾ ಸಿನಿಮಾ ಯಾರು ತಾನೆ ನೋಡಿಲ್ಲ ಹೇಳಿ. ಈ ಚಿತ್ರದಲ್ಲಿ ನಟ ಪೃಥ್ವಿ ಅಂಬಾರ್ ಆ್ಯಕ್ಟಿಂಗ್ ನೋಡಿದ ಫ್ಯಾನ್ಸ್ಗೆ ಆ ಹ್ಯಾಂಗೋವರ್ನಿಂದ ಇಂದಿಗೂ ಹೊರಗೆ ಬರೋಕೆ ಆಗಿಲ್ಲ. ಲವ್ ಸ್ಟೋರಿ ಮೂಲಕ ಪ್ಯಾಥೋ ಕಥೆ ಹೇಳಿದ್ದ ಪೃಥ್ವಿ ಈಗ ಕಾಮಿಡಿ ವಿತ್ ಲವ್ಸ್ಟೋರಿ ಸಿನಿಮಾದಲ್ಲಿ ಕಾಣಿಸಿದ್ದಾರೆ.
ಜುಲೈ 8ಕ್ಕೆ ಸಿನಿಪ್ರಿಯರಿಗೆ ‘ಶುಗರ್ಲೆಸ್’ ಫುಲ್ ಮೀಲ್ಸ್..!
ಸಕ್ಕರೆ ಕಾಯಿಲೆಯ ಅಕ್ಕರೆಯ ಕಾಮಿಡಿ ಕಥೆ ಶುಗರ್ ಲೆಸ್
ರಿಲೀಸ್ಗೂ ಮುನ್ನ ರಿಮೇಕ್ಗೆ ಫುಲ್ ಡಿಮ್ಯಾಂಡ್..!
ಬಿಗ್ ಬಾಸ್ ಬೆಡಗಿಯ ಜೊತೆ ಶುಗರ್ಲೆಸ್ ಲವ್
ದಿಯಾ ಚಿತ್ರದ ಯಶಸ್ಸಿನ ನಂತ್ರ ಕನ್ನಡ ಚಿತ್ರರಂಗಕ್ಕೆ ಪೃಥ್ವಿ ಅಂಬಾರ್ ಅನ್ನೋ ಪ್ರಾಮಿಸಿಂಗ್ ಕಲಾವಿದ ಸಿಕ್ರು. ಸದ್ಯ ಇವ್ರ ಕೈಯಲ್ಲಿ ಈಗ ಸಾಲು ಸಾಲು ಸಿನಿಮಾಗಳಿಗೆ. ಸೆಂಚುರಿ ಸ್ಟಾರ್ ಶಿವಣ್ಣ ಅಭಿನಯದ ಬೈರಾಗಿ ಚಿತ್ರದಲ್ಲಿ ಜೊತೆಯಾಗಿ ಅಭಿನಯಿಸೋ ಚಾನ್ಸ್ ಕೂಡ ಸಿಕ್ತು. ಈ ನಡುವೆ ಶುಗರ್ ಪೇಷೆಂಟ್ ಕಥೆಯನ್ನು ಕಾಮಿಡಿಯಾಗಿ ಹೇಳೋಕೆ ಬರ್ತಿದ್ದಾರೆ ಪೃಥ್ವಿ ಅಂಬಾರ್.
ಶುಗರ್ ಲೆಸ್ ಟೈಟಲ್ ಕೇಳ್ತಿದ್ದ ಹಾಗೆ ಇದು ಪಕ್ಕಾ ಸಕ್ಕರೆ ಕಾಯಿಲೆಯಿಂದ ಬಳಲುವ ವ್ಯಕ್ತಿಯ ವೇದನೆಯ ಕಥೆ ಅನ್ನಿಸುತ್ತೆ. ಯೆಸ್.. ಆದ್ರೆ ಈ ಸಿನಿಮಾದಲ್ಲಿ ಕೇವಲ ಈ ಕಾಯಿಲೆಯ ಮೇಲೆ ಇರುವ ಭಯ, ಆತಂಕ, ಪರಿಣಾಮಗಳನ್ನು ಇಟ್ಟುಕೊಂಡು ಮಾಡಿದ ಸಿನಿಮಾವಲ್ಲ. ಇದ್ರ ಜೊತೆಗೆ ಹೊಟ್ಟೆ ಹುಣ್ಣಾಗೋ ಕಾಮಿಡಿ ಕೂಡ ಇದೆಯಂತೆ. ಕಾಮಿಡಿಯ ಜೊತೆಗೆ ಇಷ್ಠವಾಗೋ ಲವ್ಸ್ಟೋರಿ ಹಾಗೂ ಒಂದೊಳ್ಳೆ ಮೆಸೇಜ್ ಕೂಡ ಇದೆ.
ಶುಗರ್ ಲೆಸ್ ಸಿನಿಮಾದ ಹಾಡುಗಳು ಈಗಾಗ್ಲೇ ಯ್ಯೂಟ್ಯೂಬ್ನಲ್ಲಿ ಸೌಂಡ್ ಮಾಡ್ತಿವೆ. ಸಿನಿಮಾ ರಿಲೀಸ್ಗೂ ಮುನ್ನವೇ ರಿಮೇಕ್ಗೆ ಫುಲ್ ಡಿಮ್ಯಾಂಡ್ ಬಂದಿದೆಯಂತೆ. ಹಿಂದಿ ರಿಮೇಕ್ ರೈಟ್ಸ್ ಮಾರಾಟ ಆಗಿದ್ದು ಒಳ್ಳೆ ಮೊತ್ತಕ್ಕೆ ಸೇಲ್ ಆಗಿದೆಯಂತೆ. ಚಿತ್ರದಲ್ಲಿ ನಟ ಪೃಥ್ವಿ ಅಂಬಾರ್ಗೆ ನಾಯಕಿಯಾಗಿ ಬಿಗ್ ಬಾಸ್ ಚೆಲುವೆ ಪ್ರಿಯಾಂಕ ತಿಮ್ಮೇಶ್ ಕಾಣಿಸಿದ್ದಾರೆ. ಇವರಿಬ್ರ ಕೆಮಿಸ್ಟ್ರಿ ಆನ್ಸ್ಕ್ರೀನ್ ಮೇಲೆ ಸಖತ್ ಆಗಿ ಮೂಡಿ ಬಂದಿದೆ.
ಅನುಪ್ ಸೀಳಿನ್ ಸೀಳಿನ್ ಮ್ಯೂಸಿಕ್ ಕಂಪೋಸಿಂಗ್, ವಿ.ನಾಗೇಂದ್ರ ಪ್ರಸಾದ್ ಸಾಹಿತ್ಯದಲ್ಲಿ ಚಿತ್ರದ ಹಾಡುಗಳು ಇಂಪಾಗಿದ್ದು, ರಿಪೀಟ್ ಮೋಡ್ನಲ್ಲಿ ಹಾಡುಗಳನ್ನು ಆಸ್ವಾದಿಸ್ತಿದ್ದಾರೆ. ಸಿನಿಮಾದಲ್ಲಿ ಶುಗರ್ ಲೆಸ್ ಪೇಷೆಂಟ್ ಪೃಥ್ವಿಗೆ ಯಾವ ಹುಡುಗಿಯೂ ಲವ್ ಮಾಡಲ್ಲ ಅನ್ನೋ ಕೊರಗಿದೆ ಅನ್ನಿಸುತ್ತೆ. ಈ ಹತಾಶೆಯ ಕಥೆಯನ್ನು ಸಖತ್ ಫನ್ನಿಯಾಗಿ ತೆರೆ ಮೇಲೆ ತರೋಕೆ ಶಶಿಧರ ಕೆ.ಎಮ್ ಪ್ರಯತ್ನಿಸಿದ್ದಾರೆ.
ಶಶಿಧರ್ ಪ್ರೊಡಕ್ಷನ್ ಬ್ಯಾನರ್ ಅಡಿಯಲ್ಲಿ ಈ ಸಿನಿಮಾ ನಿರ್ಮಾಣ ಆಗ್ತಿದ್ದು, ಸ್ವತಃ ಶಶಿಧರ್ ಅವ್ರೇ ಸಿನಿಮಾಗೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಚಿತ್ರದಲ್ಲಿ ನವೀನ್ ಪಾಡಿಲ್, ದತ್ತಣ್ಣ, ಧರ್ಮಣ್ಣ ಸಹಕಲಾವಿದರಾಗಿ ಅಭಿನಯಿಸ್ತಿದ್ದಾರೆ. ಸಕ್ಕರೆ ಕಾಯಿಲೆ ಇರುವ ಯುವಜನತೆಗೆ ಈ ಸಿನಿಮಾ ಸಖತ್ ಮನರಂಜನೆ ಕೊಡಲಿದೆಯಂತೆ. ಈ ಜುಲೈಗೆ ಶುಗರ್ಲೆಸ್ ಎಕ್ಸ್ಟ್ರಾ ಕಾಮಿಡಿಯ ಸಿಹಿ ಜೊತೆ ತೆರೆಗಪ್ಪಳಿಸಲಿದೆ. ಎನಿವೇ ಈ ಸಿನಿಮಾಗೆ ಪವರ್ ಟಿವಿ ಕಡೆಯಿಂದ ಆಲ್ ದಿ ಬೆಸ್ಟ್.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ