ಅಭಿಮಾನಿಗಳೆ ದೇವರು ಎಂದಿದ್ದ ಅಣ್ಣಾವ್ರ ಪ್ರೀತಿಯ ಕುಡಿ ಸ್ವೀಟ್ 60 ಶಿವಣ್ಣ ಬೈರಾಗಿ ಅವತಾರದಲ್ಲಿ ಮಿಂಚಲಿದ್ದಾರೆ. ಟಗರು ಫ್ಲೇವರ್ನಲ್ಲಿ ಡಾಲಿ ಹಾಗೂ ಶಿವಣ್ಣ ಕಾಂಬೋ ತೆರೆಯ ಮೇಲೆ ಮತ್ತೊಮ್ಮೆ ಧೂಳೆಬ್ಬಿಸಲಿದೆ. ಸದ್ಯ ಬೈರಾಗಿ ಟೀಮ್ ಸಿನಿಮಾ ಪ್ರಚಾರದಲ್ಲಿ ಸಖತ್ ಬ್ಯೂಸಿ ಇದೆ. ಬೈರಾಗಿ ಯಾತ್ರೆಗೆ ರಾಜ್ಯದಲ್ಲಿ ಹೂಮಳೆ ಸುರಿಸುವ ಮೂಲಕ ಗ್ರ್ಯಾಂಡ್ ವೆಲ್ಕಮ್ ಸಿಗ್ತಿದೆ. ಬೈರಾಗಿಗೆ ವೆಲ್ಕಮ್ ಹೇಗಿತ್ತು ಗೊತ್ತಾ..?
ಅಭಿಮಾನಿ ದೇವ್ರುಗಳಿಂದ ಬೈರಾಗಿಗೆ ಗ್ರ್ಯಾಂಡ್ ವೆಲ್ಕಮ್
ಬೆಂಗಳೂರ್ ಟು ಚಾಮರಾಜನಗರ..ಬೈರಾಗಿ ರಥ ಯಾತ್ರೆ
ಬಿಡದಿಯ ಫೇಮಸ್ ತಟ್ಟೆ ಇಡ್ಲಿ ಸವಿದ ಸಿಂಪಲ್ ಮ್ಯಾನ್
ಅಭಿಮಾನಿಗಳ ಜೈಕಾರ..ಡೊಳ್ಳು, ತಮಟೆಯ ಝೇಂಕಾರ
ಶಿವಣ್ಣನ ಬತ್ತಳಿಕೆಯಿಂದ 123ನೇ ಸಿನಿಮಾ ಬೈರಾಗಿ ಜುಲೈ 01ಕ್ಕೆ ರಾಜ್ಯದ್ಯಾಂತ ತೆರೆಗೆ ಬರೋಕೆ ಸಜ್ಜಾಗಿದೆ ಈ ಚಿತ್ರದಲ್ಲಿ ಟಗರು ಡಾಲಿ, ಶಿವಣ್ಣ ಮತ್ತೆ ಮುಖಾಮುಖಿಯಾಗಲಿದ್ದಾರೆ. ದಿಯಾ ಖ್ಯಾತಿಯ ಪೃಥ್ವಿ ಅಂಬಾರ್ ಕೂಡ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡು ಚಿತ್ರದ ಟೆಂಪರೇಚರ್ ಹೆಚ್ಚಿಸಿದ್ದಾರೆ. ರಾಜ್ಯಾದ್ಯಂತ ಬೈರಾಗಿ ರಥಯಾತ್ರೆಯ ಮೂಲಕ ಭರ್ಜರಿ ಪ್ರಚಾರ ಮಾಡ್ತಿದೆ ಚಿತ್ರತಂಡ. ಎಲ್ಲಾ ಕಡೆ ಹೂಮಳೆ ಸುರಿಸಿ ಬೈರಾಗಿಯನ್ನು ಗ್ರ್ಯಾಂಡ್ ವೆಲ್ಕಮ್ ಮಾಡಿಕೊಳ್ಳಲಾಗ್ತಿದೆ.
ಬೆಂಗಳೂರಿನ ಬಂಡೆ ಮಹಾಕಾಳಿ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸಿದ ಬಳಿಕ ಬೈರಾಗಿ ಟೀಮ್ ಪ್ರಚಾರದ ಯಾತ್ರೆ ಶುರು ಮಾಡಿದೆ. ಬೆಂಗಳೂರಿನಿಂದ ಬಿಡದಿ, ರಾಮನಗರ, ಚನ್ನಪಟ್ಟಣ, ಮದ್ದೂರು ಮಂಡ್ಯ ಮೂಲಕ ಮೈಸೂರಿಗೆ ತೆರಳಿದೆ. ಮೈಸೂರಿನಲ್ಲಿ ಸುದ್ದಿಗೋಷ್ಠಿ ಮುಗಿಸಿ ಚಾಮುಂಡಿ ಬೆಟ್ಟಕ್ಕೆ ಹೋಗಿ ದೇವಿಯ ಆಶೀರ್ವಾದ ಪಡೆದು, ಇದಾದ ನಂತ್ರ ಚಾಮರಾಜನಗರದಲ್ಲಿ ಅದ್ಧೂರಿ ಪ್ರೀ ರಿಲೀಸ್ ಇವೆಂಟ್ ಕಾರ್ಯಕ್ರಮದಲ್ಲಿ ಭಾಗಿಯಾಗಲಿದೆ.
ಬೈರಾಗಿ ಸಿನಿಮಾಗೆ ವಿಜಯ್ ಮಿಲ್ಟನ್ ಆ್ಯಕ್ಷನ್ ಕಟ್ ಹೇಳಿದ್ದು ಚಿತ್ರರಸಿಕರಿಗೆ ನಿರೀಕ್ಷೆಗಳು ನೂರು ಪಟ್ಟು ಹೆಚ್ಚಾಗಿದೆ. ಸ್ಟಾರ್ ಕಲಾವಿದರ ಸಮಾಗಮದಲ್ಲಿ ಬೈರಾಗಿ ಸಖತ್ ಸೌಂಡ್ ಮಾಡೋ ಸೂಚನೆ ಕೂಡ ಕೊಟ್ಟಿದೆ. ಬೈರಾಗಿಗೆ ಎಲ್ಲಾ ಕಡೆ ಸಖತ್ ರೆಸ್ಪಾನ್ಸ್ ಕೂಡ ಸಿಕ್ತಿದೆ.ಈ ನಡುವೆ ಪ್ರಚಾರದ ಸಮಯದಲ್ಲೂ ಶಿವಣ್ಣ ಸಾಮಾನ್ಯ ವ್ಯಕ್ತಿಯಾಗಿ ಬಿಡದಿಯ ಹೋಟೆಲ್ನಲ್ಲಿ ಫೇಮಸ್ ತಟ್ಟೆ ಇಡ್ಲಿ ಸವಿದು ಸರಳತೆ ಮೆರೆದಿದ್ದಾರೆ.
ಬೈರಾಗಿ ಟೀಮ್ ರಾಮನಗರಕ್ಕೆ ಎಂಟ್ರಿ ಕೊಡ್ತಾ ಇದ್ದಂತೆ ಶಿವಣ್ಣ ಹಾಗೂ ಡಾಲಿ ಅಭಿಮಾನಿಗಳು ಡೊಳ್ಳು ತಮಟೆ, ಶಿಳ್ಳೆ ಚಪ್ಪಾಳೆ ಮೂಲಕ ಅದ್ಧೂರಿಯಾಗಿ ಸ್ವಾಗತ ಮಾಡಿದ್ದಾರೆ. ಹೂ ಮಳೆ ಸುರಿಸಿ. ಬೃಹತ್ ಹಾರಗಳನ್ನು ಹಾಕುವ ಮೂಲಕ ಅಭಿಮಾನದ ಪರಾಕಾಷ್ಠೆ ಮೆರೆದಿದ್ದಾರೆ.
ಅಂತೂ ಹೋದಲ್ಲಿ ಬಂದಲ್ಲಿ ಬೈರಾಗಿಗೆ ಅದ್ಧೂರಿ ವೆಲ್ಕಮ್ ಸಿಗ್ತಿದೆ. ವಿಜಯ್ ಮಿಲ್ಟನ್ ಡೈರೆಕ್ಷನ್, ಕೃಷ್ಣ ಸಾರ್ಥಕ್ ನಿರ್ಮಾಣಕ್ಕೆ ಪ್ರೇಕ್ಷಕ ಮಹಾಪ್ರಭುಗಳು ಬಹುಪರಾಕ್ ಅಂತಾರಾ ಅನ್ನೋದಕ್ಕೆ ಜುಲೈ 01ರಂದು ಉತ್ತರ ಸಿಗಲಿದೆ. ಇಂದು ಚಾಮರಾಜನಗರದ ಅಂಬೇಡ್ಕರ್ ಕ್ರೀಡಾಂಗಣದಲ್ಲಿ ಗ್ರ್ಯಾಂಡ್ ಪ್ರಿ ರಿಲೀಸ್ ಇವೆಂಟ್ ಸಮಾರಂಭ ಕೂಡ ನಡಿತಿದೆ. ಅನೂಪ್ ಸೀಳಿನ್ ಸಂಗೀತದ ಮೋಡಿಗೆ ಈಗಾಗ್ಲೇ ಫ್ಯಾನ್ಸ್ ಸಿಕ್ಕಾಪಟ್ಟೆ ಥ್ರಿಲ್ ಆಗಿದ್ದಾರೆ. ಒಟ್ಟಾರೆ ಬೈರಾಗಿ ಭರಾಟೆಗೆ ಚಿತ್ರಪ್ರೇಮಿಗಳ ರೆಸ್ಪಾನ್ಸ್ ಹೇಗಿರುತ್ತೆ ಕಾದು ನೋಡಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ