ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಕೋಟ್ಯಂತರ ಚಿತ್ರರಸಿಕರನ್ನು ಬೆಚ್ಚಿ ಬೀಳಿಸೋಕೆ ಬರ್ತಿದ್ದಾನೆ ಗುಮ್ಮ. ಟ್ರೈಲರ್ ನೋಡಿದ ಮೇಲೆ ಐ ಕಾಂಟ್ ವೆಯ್ಟ್ ಅಂತಿದೆ ಸಿನಿದುನಿಯಾ. ಕಗ್ಗತ್ತಲ ಕಾಡೊಳಗೆ ಭಯಾನಕ ಗುಮ್ಮನ ಘೋರ ಸದ್ದಿನ ಘರ್ಜನೆಗೆ ದಿನಗಣನೆ ಶುರುವಾಗಿದೆ. ಕಿಚ್ಚನ ಕ್ರೇಜ್ಗೆ ಮುಂಬೈವಾಲಾಗಳು ಕೂಡ ಶೇಕ್ ಆಗಿದ್ದಾರೆ.
ಮುಂಬೈ, ಕೊಚ್ಚಿ, ಚೆನ್ನೈನಲ್ಲಿ ಕಿಚ್ಚನ ಕ್ರೇಜ್ ನೋಡಿದ್ರಾ..?
ಗಿಟಾರ್ ಪೋಸ್ನಲ್ಲಿ ರಕ್ಕಮ್ಮ ಮಿರ ಮಿರ ಮಿಂಚಿಂಗ್
ಎಲ್ಲೆಲ್ಲೂ ರಾ.. ರಾ.. ರಕ್ಕಮ್ಮ.. ಜಾಕ್ವೆಲಿನ್ ಫುಲ್ ಹವಾ
ಸದ್ಯದಲ್ಲೇ ಎಂಟು ದಿಕ್ಕು ತೋರಿಸೋಕೆ ಗುಮ್ಮ ಕಮಿಂಗ್
ಸೌತ್ ಸಿನಿಮಾಗಳ ಅಬ್ಬರ ನೋಡಿದ್ರೆ ಇಡೀ ಪ್ರಪಂಚವನ್ನೇ ರೂಲ್ ಮಾಡೊಕೆ ಹೊರಟ ಹಾಗೆ ಕಾಣ್ತಿದೆ. ಭಾಷೆ, ಗಡಿಯ ರೇಖೆಗಳನ್ನ ದಾಟಿ ಇಡೀ ವಿಶ್ವವನ್ನೇ ಒಂದೇ ಚಿತ್ರರಂಗದ ನೆರಳಿನಲ್ಲಿ ಒಂದು ಮಾಡ್ತಿವೆ ಸೌತ್ ಸಿನಿಮಾಗಳು. ಭಾರತೀತ ಚಿತ್ರರಂಗ ಅಂದ್ರೆ ಬಾಲಿವುಡ್ ಅನ್ನೋ ಕಾನ್ಸೆಪ್ಟ್ಗೆ ತಿಲಾಂಜಲಿ ಇಟ್ಟು, ಎಳ್ಳು ನೀರು ಬಿಟ್ಟು, ಎಲ್ಲರ ಹುಬ್ಬೇರಿಸುವಂತೆ ಮಾಡ್ತಿದೆ ಸೌತ್ ದುನಿಯಾ. ಈ ಸಾಲಿನಲ್ಲಿ ಸ್ಯಾಂಡಲ್ವುಡ್ ಬಾದ್ಷಾ ಕಿಚ್ಚನ ವಿಕ್ರಾಂತ್ ರೋಣ ಕೂಡ ಸೇರಿದೆ.
ಸದ್ಯ ಊರಲ್ಲೆಲ್ಲಾ ಇವನದ್ದೇ ಸದ್ದು ಗದ್ದಲ. ಟ್ರೈಲರ್ ರಿಲೀಸ್ ಆದ್ಮೇಲಂತೂ ರೋಣನ ಫೀವರ್ ಜೋರಾಗಿದೆ. ಕುಂತ್ರೂ ನಿಂತ್ರೂ ರೋಣನ ಜಪ ಶುರುವಾಗಿದೆ. ಮುಂಬೈ, ಚೆನ್ನೈ, ಕೊಚ್ಚಿ ನಾಡಿನಲ್ಲೂ ಗುಮ್ಮನ ಭಯ ಜೋರಾಗಿ ಆವರಿಸಿದೆ. ಮುಂಬೈನಲ್ಲಿ ಪ್ರೊಮೋಷನ್ ಕಾರ್ಯದಲ್ಲಿ ಬ್ಯುಸಿ ಇರೋ ರೋಣ ಟೀಮ್, ಗಿಟಾರ್ ಪೋಸ್ ಕೊಟ್ಟು ಮಿರ ಮಿರ ಮಿಂಚಿದೆ. ಕಿಚ್ಚನಿಗೆ ರಕ್ಕಮ್ಮ ಸಾಥ್ ಕೊಟ್ಟು, ಮಸ್ತ್ ಸ್ಟೆಪ್ಸ್ ಹಾಕಿ ಪ್ಯಾನ್ ಇಂಡಿಯಾ ಪ್ರೊಮೋಷನ್ಸ್ ಕಿಕ್ಸ್ಟಾರ್ಟ್ ಮಾಡಿದ್ದಾರೆ.
ರಕ್ಕಮ್ಮನ ಭಜನೆಯಲ್ಲಿ ರಸಿಕರು ಯಕ್ಕ ಸಕ್ಕ ಅಂತ ಸ್ಟೆಪ್ಸ್ ಹಾಕಿ ಸುಸ್ತಾಗಿದ್ದಾರೆ. ಗಡಾಂಗ್ ರಕ್ಕಮ್ಮನ ಡೈಲಾಗ್ ಕೇಳಿ ದಂಗ್ ಆಗಿದ್ದಾರೆ. ಅನೂಪ್ ಭಂಡಾರಿ ನಿರ್ದೇಶನದ ರಂಗಿತರಂಗ ಎಫೆಕ್ಟ್ ಲೆವೆಲ್ ವಿಕ್ರಾಂತ್ ರೋಣದಲ್ಲಿ ಹತ್ತು ಪಟ್ಟು ಜಾಸ್ತಿ ಇರಲಿದೆ. ಭಯಾನೇ ತುಂಬಿದ ಊರಿಗೆ ಭಯ ಅಂದ್ರೆ ಏನು ಅಂತಾನೆ ಗೊತ್ತಿಲ್ಲದೆ ಇರೋ ರೋಣ, ಜುಲೈ 28ಕ್ಕೆ ಬರ್ತಿದ್ದಾನೆ. ಮುಂಬೈ ಪ್ರೆಸ್ ಮೀಟ್ನಲ್ಲಿ ಸಿನಿಮಾದ ಬಗ್ಗೆ ಮನಸ್ಸು ಬಿಚ್ಚಿ ಮಾತನಾಡಿದ್ದಾರೆ ಕಿಚ್ಚ ಸುದೀಪ.
ವಿಕ್ರಾಂತ್ ರೋಣ ಸಿನಿಮಾದ ಹಿಂದಿ ವರ್ಷನ್ ಟ್ರೈಲರ್ ಲಾಂಚ್ ಮಾಡೋಕೆ ರೋಣ ಟೀಮ್ ಮುಂಬೈಗೆ ತೆರಳಿತ್ತು. ಸಮಾರಂಭದಲ್ಲಿ ಟ್ರೈಲರ್ ಅನಾವರಣ ಮಾಡಿ ಮಾಧ್ಯಮಗಳ ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ. ಸ್ಟೈಲಿಶ್ ಐಕಾನ್ ಕಿಚ್ಚ ಸುದೀಪ್ ಸಿನಿಕರಿಯರ್ನಲ್ಲೇ ಈ ಸಿನಿಮಾ ಹೊಸ ಮೈಲಿಗಲ್ಲಾಗಲಿದೆ. ಚಿತ್ರದ ಟ್ರೈಲರ್ ಯ್ಯೂಟ್ಯೂಬ್ನಲ್ಲಿ ದಾಖಲೆಯ ಹಿಟ್ಸ್ ದಾಖಲಿಸಿದೆ. ಹಾಗಾಗಿ ಸಿನಿಮಾ ಮೇಲಿನ ನಿರೀಕ್ಷೆಯೂ ದುಪ್ಪಟ್ಟಾಗಿದೆ.
ಸಿನಿಮಾದಲ್ಲಿ ಜಾಕ್ವೆಲಿನ್ ಫರ್ನಾಂಡಿಸ್ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಂಡ್ರೆ, ನಿರೂಪ್ ಭಂಡಾರಿ, ನೀತಾ ಅಶೋಕ್ ಮುಖ್ಯಭೂಮಿಕೆಯಲ್ಲಿ ಮಿಂಚಿದ್ದಾರೆ. ರೋಣನಿಗೆ ಅನೂಪ್ ಭಂಡಾರಿ ಆ್ಯಕ್ಷನ್ ಕಟ್ ಹೇಳಿದ್ರೆ, ಶಾಲಿನಿ ಮಂಜುನಾಥ್ ಸಹಬಾಗಿತ್ವದಲ್ಲಿ ಜಾಕ್ ಮಂಜುನಾಥ್ ಬಂಡವಾಳ ಹೂಡಿದ್ದಾರೆ. ವಿಲಿಯಮ್ ಡೇವಿಡ್ ಕ್ಯಾಮೆರಾ ಕಣ್ಣು ಹೊಸ ಪ್ರಪಂಚ ದರ್ಶನ ಮಾಡಿಸಲಿದೆ. ಅಜನೀಶ್ ಲೋಕನಾಥ್ರ ಮ್ಯೂಸಿಕ್ ಮ್ಯಾಜಿಕ್ ಮಾಡ್ತಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ