ಐದು ವರ್ಷಗಳ ಹಿಂದೆ ಸೆಟ್ಟೇರಿದ್ದ ಬಹುನಿರೀಕ್ಷಿತ ಸಿನಿಮಾ ಡಿಯರ್ ವಿಕ್ರಮ್ ರಿಲೀಸ್ ಆಗೋಕೆ ಸಜ್ಜಾಗಿದೆ. ಈ ಚಿತ್ರದ ಮೂಲಕ ಹೊಸ ಚರಿತ್ರೆ ಬರೆಯೋಕೆ ಅಭಿನಯ ಚತುರ ನೀನಾಸಂ ಸತೀಶ್ ರೆಡಿಯಾಗಿದ್ದಾರೆ. ಸಮಾಜದಲ್ಲಿ ನಡೆಯೋ ಅನ್ಯಾಯದ ವಿರುದ್ಧ ತೊಡೆ ತಟ್ಟಿ ನಿಲ್ಲೋ ಸತೀಶ್ ಹೋರಾಟಗಾರನಾಗಿ ರಂಜಿಸೋಕೆ ಬರ್ತಿದ್ದಾರೆ. ಇದೀಗ ಈ ಚಿತ್ರದ ಟ್ರೈಲರ್ ಸಖತ್ ಹೈಪ್ ಕ್ರಿಯೇಟ್ ಮಾಡಿದೆ.
ಕೆಲವು ದಿನಗಳ ಹಿಂದೆ ರಿಲೀಸ್ ಆಗಿದ್ದ ಡಿಯರ್ ವಿಕ್ರಮ್ ಟೀಸರ್ ಚಿತ್ರಪ್ರೇಮಿಗಳ ಹೃದಯ ಗೆದ್ದಿತ್ತು. ಸಖತ್ ಮೆಚ್ಚುಗೆಗೆ ಪಾತ್ರವಾಗಿದ್ದ ಟೀಸರ್ ನೋಡಿ ಎಲ್ಲರೂ ಇಂಪ್ರೆಸ್ ಆಗಿದ್ದರು. ಇದೀಗ ಈ ಚಿತ್ರದ ಟ್ರೈಲರ್ ಮತ್ತೊಮ್ಮೆ ಸೌಂಡ್ ಮಾಡ್ತಿದೆ. ಟ್ರೈಲರ್ ನೋಡಿದವ್ರಿಗೆ ಸಿನಿಮಾ ಮೇಲಿನ ಕ್ಯೂರಿಯಾಸಿಟಿ ದುಪ್ಪಟ್ಟಾಗಿದೆ. ಸಿನಿಮಾದಲ್ಲಿ ಗಟ್ಟಿ ಕಥೆ, ಪರಿಣಾಮಕಾರಿ ಸಂದೇಶ, ಮನಮುಟ್ಟೋ ಅಭಿನಯವಂತೂ ಖಂಡಿತ ಇದೆ. ನೀನಾಸಂ ಸತೀಶ್, ಶ್ರದ್ಧಾ ಶ್ರೀನಾಥ್ ಅಭಿನಯದ ಡಿಯರ್ ವಿಕ್ರಮ್ ನೇರವಾಗಿ ಓಟಿಟಿ ಯಲ್ಲಿ ರಿಲೀಸ್ ಆಗ್ತಿದೆ.
ಕೆ.ಎಸ್ ನಂದೀಶ್ ನಿರ್ದೇಶನದಲ್ಲಿ ಅದ್ಭುತವಾಗಿ ಮೂಡಿ ಬಂದಿರೋ ಸಿನಿಮಾದಲ್ಲಿ ವಶಿಷ್ಠ ಸಿಂಹ, ಸೋನು ಗೌಡ, ಅಚ್ಯುತ್ಕುಮಾರ್ ಸೇರಿದಂತೆ ಮುಂತಾದ ಕಲಾವಿದರು ಬಣ್ಣ ಹಚ್ಚಿದ್ದಾರೆ. ಜೂನ್ 30ಕ್ಕೆ ಓಟಿಟಿಯಲ್ಲಿ ನೇರವಾಗಿ ರಿಲೀಸ್ ಆಗಲಿದೆ ಡಿಯರ್ ವಿಕ್ರಮ್ ಸಿನಿಮಾ. ಹುಟ್ಟು ದರಿದ್ರ ಆದರೂ ಸಾವು ಮಾತ್ರ ಚರಿತ್ರೆಯಾಗಬೇಕು ಅನ್ನೋ ಕಾನ್ಸೆಪ್ಟ್ ಮೇಲೆ ರಿಸ್ಕಿ ಕಥೆ ಹೇಳಲು ಹೊರಟಿದೆ ಚಿತ್ರತಂಡ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ