ಸಿನಿದುನಿಯಾದಲ್ಲಿ ಇದೀಗ ಸಲಗ ನಡೆದದ್ದೆ ದಾರಿ. ಸ್ಯಾಂಡಲ್ವುಡ್ ಸಲಗ ದುನಿಯಾ ವಿಜಯ್ ನಿರ್ದೇಶಕನಾಗಿ ಸಕ್ಸಸ್ ಕಂಡ ಮೇಲೆ ಮುಲಾಜಿಲ್ಲದೇ ಮತ್ತೊಂದು ಸಿನಿಮಾಗೆ ಕೈ ಹಾಕಿಬಿಟ್ರು. ಭೀಮನ ಅವತಾರದಲ್ಲಿ ಮತ್ತೊಂದು ಭೂಗತ ಲೋಕದ ಕರಾಳ ಕಥೆಯನ್ನು ಬಿಚ್ಚಿಡೋಕೆ ಸಜ್ಜಾಗಿಬಿಟ್ರು. ಯೆಸ್.. ಇದ್ರ ಜೊತೆಯಲ್ಲಿ ಭೀಮ ಚಿತ್ರದ ಹೊಸ ಪಾತ್ರವನ್ನು ಪರಿಚಯಿಸೋ ಮೂಲಕ ಮತ್ತೊಮ್ಮೆ ಸೆನ್ಸೇಷನ್ ಕ್ರಿಯೇಟ್ ಮಾಡಿದೆ ಭೀಮ ಚಿತ್ರತಂಡ.
‘ಭೀಮ’ನ ದುನಿಯಾಗೆ ಬಂದ ಈ ಗಿರಿಜಾ ಯಾರು ಗೊತ್ತಾ..?
ಪೊಲೀಸ್ ಡ್ರೆಸ್ನಲ್ಲಿ ಗಿರಿಜಾ ಮಿಂಚಿಂಗ್..ಭೀಮ ರಾಕಿಂಗ್
ಫಸ್ಟ್ ಲುಕ್ ನೋಡಿ ವಾವ್ಹ್ ಎಂದಿದ್ದ ಪ್ರೇಕ್ಷಕರು
ಭಯಾನಕ ಕಥೆ ಹೇಳಲು ಹೊರಟ ಕರಿಚಿರತೆ
ಸಲಗ ಸಿನಿಮಾ ಸಕ್ಸಸ್ ಬಳಿಕ ಭೀಮ ಚಿತ್ರದ ಘೋಷಣೆ ಮಾಡಿದ ದುನಿಯಾ ವಿಜಯ್ ಚಿತ್ರರಸಿಕರಿಗೆ ಸರ್ಪ್ರೈಸ್ ಕೊಟ್ಟರು. ಮತ್ತೊಮ್ಮೆ ಭೂಗತ ಪ್ರಪಂಚದಲ್ಲಿ ನಡೆಯೋ ನಗ್ನ ಸತ್ಯಗಳನ್ನು ಬಿಚ್ಚಿಡೋಕೆ ಕರಿಚಿರತೆ ಕ್ಯಾಪ್ ತೊಟಿದ್ದಾರೆ. ಭೀಮ ಮೋಷನ್ ಪೋಸ್ಟರ್ ನೋಡಿದ ಮೇಲಂತೂ ಚಿತ್ರದ ಮೇಲಿನ ಕುತೂಹಲ, ಕಾತರ ಡಬಲ್ ಆಗಿದ್ದಂತೂ ಸತ್ಯ.
ಮುಖಕ್ಕೆ ಬಿದ್ದಿರುವ ಮಾರ್ಕ್, ರಕ್ತ ಚಿಮ್ಮುತ್ತಿರುವ ಹಣೆ, ಜೊತೆಯಲ್ಲಿ ಮುಖಕ್ಕೆ ಕಟ್ಟಿರೋ ಮಾಸ್ಕ್ ನೋಡಿದವರೂ ಪೆಚ್ಚಾಗಿ ಹೋಗಿದ್ರೂ. ಹಿಂದೆ ಸೈಲೆಂಟಾಗಿ ನಿಂತಿದ್ದ ಆರ್ ಎಕ್ಸ್ 100 ಬೈಕ್ ರೋಚಕತೆಯನ್ನು ಡಬಲ್ ಮಾಡಿತ್ತು. ಇದ್ರ ಜೊತೆಯಲ್ಲಿ ಕೆಣಕದಿದ್ರೆ ಕ್ಷೇಮ ಅನ್ನೋ ಅಡಿಬರಹ ಭೀಮನ ಕೋಪ ಎಂಥದ್ದು ಅನ್ನೋದನ್ನು ಸಾಭೀತು ಮಾಡುತ್ತೆ. ಇದೀಗ ಚಿತ್ರತಂಡದಿಂದ ಗಿರಿಜಾ ಅನ್ನೋ ರೋಲ್ ಇಂಟ್ರೂಡ್ಯುಸ್ ಮಾಡಿದ್ದು ಭೀಮನ ಗರಡಿಗೆ ಮತ್ತೊಬ್ಬರ ಎಂಟ್ರಿ ಆಗಿದೆ.
ಮೊದಲ ಬಾರಿಗೆ ಆ್ಯಕ್ಷನ್ ಕಟ್ ಹೇಳಿ ಸಕ್ಸಸ್ ಕಂಡಿದ್ದ ದುನಿಯಾ ವಿಜಯ್ ಮತ್ತೊಂದು ವಿಭಿನ್ನ ಕಥೆಯೊಂದಿಗೆ ಎಲ್ಲರು ಹುಬ್ಬೇರಿಸಲು ಹೊರಟಿದ್ದಾರೆ. ಇದ್ರ ಜೊತೆಯಲ್ಲಿ ಚಿತ್ರದ ಮೇಕಿಂಗ್ ವೀಡಿಯೋ ಕೂಡ ಎಲ್ಲರ ಕಣ್ಣರಳಿಸುವಂತೆ ಮಾಡಿದೆ. ಮೊದಲಿಗೆ ಡ್ಯಾಗನ್ ಮಂಜು ಅನ್ನೋ ಬಾಡಿ ಬಿಲ್ಡರ್ ಪರಿಚಯಿಸಿದ್ದ ದುನಿಯಾ ವಿಜಯ್ ಎಲ್ಲರಿಗೂ ಶಾಕ್ ಕೊಟ್ಟಿದ್ರು. ಭೀಮ ಹಾಗೂ ಡ್ರ್ಯಾಗನ್ ಮಂಜು ನಡುವೆ ಬೆಚ್ಚಿ ಬೀಳಿಸೋ ಜಟಾಪಟಿ ನಡೆಯೋ ಸುಳಿವು ಕೊಟ್ಟಿದ್ದರು.
ಇದೀಗ ಭೀಮ ಚಿತ್ರತಂಡದಿಂದ ಗಿರಿಜಾ ಅನ್ನೋ ಹೊಸ ಪಾತ್ರದ ಪರಿಚಯವಾಗಿದೆ. ಗಿರಿಜಾ ಪೊಲೀಸ್ ರೋಲ್ನಲ್ಲಿ ಕೆಂಗಣ್ಣಿನಿಂದ ನೋಡ್ತಾ ಇದ್ದಾರೆ. ಬಹುಶಃ ಈ ಸಿನಿಮಾದಲ್ಲಿ ಈ ಪಾತ್ರಕ್ಕೆ ಪ್ರಾಮುಖ್ಯತೆ ಇರೋದಂತೂ ಖಂಡಿತ ನಿಜ. ಕೋಪದಿಂದ ಕೆಂಡ ಕಾರುತ್ತಿರೋ ಗಿರಿಜಾ ಸಿನಿಮಾದಲ್ಲಿ ಏನ್ ಹವಾ ಮಾಡ್ತಾರೋ ಕಾದು ನೋಡ್ಬೇಕು.
ಸಲಗ ಚಿತ್ರದಂತೆ ಈ ಸಿನಿಮಾದಲ್ಲೂ ಕೂಡ ಸಮಾಜದಲ್ಲಿ ನಡೆಯೋ ಅನ್ಯಾಯಗಳ ಕುರಿತಾಗಿ ಹೇಳಲಾಗಿದೆಯಂತೆ. ಭೀಮ ಚಿತ್ರಕ್ಕೆ ಚರಣ್ ರಾಜ್ ಸಂಗೀತವಿದ್ದು ಸಿಕ್ಕಾಪಟ್ಟೆ ನಿರೀಕ್ಷೆ ಹುಟ್ಟಿಸಿದೆ. ಮಾಸ್ತಿಯ ಖಡಕ್ ಸಂಭಾಷಣೆ ಚಿತ್ರಕ್ಕೆ ಪ್ಲಸ್ ಆಗಲಿದೆ. ಶಿವುಸೇನಾ ಕ್ಯಾಮೆರಾ ಕೈಚಳಕ ಹೊಸ ಮ್ಯಾಜಿಕ್ ಮಾಡೋದಂತೂ ಪಕ್ಕಾ. ಜಗದೀಶ್ ಹಾಗೂ ಕೃಷ್ಣ ಸಾರ್ಥಕ್ ನಿರ್ಮಾಣದಲ್ಲಿ ಅದ್ದೂರಿಯಾಗಿ ಮೂಡಿ ಬರ್ತಿರೋ ಭೀಮನ ಖದರ್ ನೋಡೋಕೆ ಸ್ವಲ್ಪ ದಿನ ಕಾಯಲೇಬೇಕು.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯುರೋ, ಪವರ್ ಟಿವಿ.