ಭಾರತೀಯ ಚಿತ್ರಪ್ರೇಮಿಗಳನ್ನೆಲ್ಲಾ ಕಣ್ಣೀರಲ್ಲೇ ಕೈತೊಳೆಸಿದ ಶೆಟ್ರ ಗ್ಯಾಂಗ್ ಸಿನಿಮಾ 777ಚಾರ್ಲಿ. ಇದೀಗ ನಿಮ್ಮನ್ನೆಲ್ಲಾ ಭಯಂಕರ ನಗಿಸೋಕೆ ರಿಷಭ್ ಶೆಟ್ಟಿ ಬರ್ತಿದ್ದಾರೆ. ಕಾಮಿಡಿ ಜಾನರ್ನಲ್ಲಿ ಹೊಣ್ಣೆ ಹುಣ್ಣಾಗಿಸುವಂತೆ ನಗಿಸಲು ಹರಿಕಥೆ ಅಲ್ಲ ಗಿರಿಕಥೆ ಸಿನಿಮಾ ಸಜ್ಜಾಗಿದೆ. ಯೆಸ್.. ಶೆಟ್ರ ಸಿನಿಮಾದ ಇಂಟ್ರೆಸ್ಟಿಂಗ್ ಅಪ್ಡೇಟ್ ಇಲ್ಲಿದೆ.
ಜೂನ್ 23ಕ್ಕೆ ಸಿಗಲಿದೆ ಭರ್ಜರಿ ನಗುವಿನ ಟಾನಿಕ್
ಸ್ಯಾಂಡಲ್ವುಡ್ನ ಮೋಸ್ಟ್ ಟ್ಯಾಲೆಂಟೆಡ್ ಡೈರೆಕ್ಟರ್ ಕಮ್ ಆ್ಯಕ್ಟರ್ಗಳಲ್ಲಿ ರಿಷಬ್ ಕೂಡ ಒಬ್ರು. ಇವ್ರ ಸಿನಿಮಾ ಅಭಿರುಚಿ ಪ್ರೇಕ್ಷಕರಿಗೆ ಸಖತ್ ಇಷ್ಟವಾಗುತ್ತೆ. ರಿಷಬ್ ಮ್ಯಾನರಿಸಂಗೆ ಅಭಿಮಾನಿಗಳು ಕೂಡ ಫಿದಾ ಆಗಿದ್ದಾರೆ. ಶೆಟ್ರು ಇದ್ರೆ ನೋ ಡೌಟ್ ಅದು ಪಕ್ಕಾ ಹಿಟ್ ಸಿನಿಮಾ. ಕಂಟೆಂಟ್ ಓರಿಯೆಂಟೆಡ್ ಕಥೆಯ ಜೊತೆ ಭರ್ಜರಿ ಮನರಂಜನೆಯ ರಸದೌತಣ ಅಂತೂ ಖಂಡಿತ ಸಿಗುತ್ತೆ.
ಭೂಗತ ಲೋಕದ ನಕ್ಸಲೇಟ್ ಕಥೆ ರಿಕ್ಕಿ, ಕಾಲೇಜ್ ಕ್ಯಾಂಪಸ್ಸಿನ ಕಿರಿಕ್ ಸಿನಿಮಾ ಕಿರಿಕ್ ಪಾರ್ಟಿ, ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು ಸಿನಿಮಾಗಳು ರಿಷಬ್ ಕೈ ಕುಸುರಿಯಲ್ಲಿ ಅರಳಿದ ಸುಂದರ ಶಿಲ್ಪಗಳು. ನಟನೆಯಲ್ಲೂ ಸೈ, ನಿರ್ದೇಶನಕ್ಕೂ ಜೈ ನಮ್ ರಿಷಬ್ ಶೆಟ್ರು. ಇದೀಗ ಇದು ಹರಿಕಥೆ ಅಲ್ಲಾ ಸಾಮಿ ಗಿರಿಕಥೆ ಅಂತಾ ಎಲ್ಲರೂ ಬಿದ್ದು ಬಿದ್ದು ನಗುವಂತೆ ಮಾಡೋಕೆ ರೆಡಿಯಾಗಿದೆ ರಿಷಬ್ ಟೀಮ್.
ಗಿರಿಕಥೆಯೊಳಗೆ ಪೊಲೀಸಪ್ಪನಿಗೆ ರಿಷಬ್ ಚಳ್ಳೆ ಹಣ್ಣು..!
ಇನ್ನು ಕಾಯೋಕೆ ಆಗಲ್ಲ.. ತುದಿಗಾಲಲ್ಲಿ ರಿಷಬ್ ಫ್ಯಾನ್ಸ್
ಜ್ಯೂನಿಯರ್ ಮೋನಾಲಿಸಾ ಹಾಡು ಕೇಳಿ ಸಂಗೀತದ ಸ್ವರ ಸಾಗರದಲ್ಲಿ ತೇಲಾಡುತ್ತಿದ್ದ ಅಭಿಮಾನಿಗಳಿಗೆ ಟ್ರೈಲರ್ ಮೂಲಕ ಮತ್ತಷ್ಟು ಮನರಂಜನೆಯ ಭರವಸೆ ಕೊಟ್ಟವರು ರಿಷಬ್. ಈ ಚಿತ್ರಕ್ಕಾಗಿ ಒಂದಾಗಿರುವ ಕರಣ್ ಅನಂತ್ ಹಾಗೂ ಅನಿರುದ್ಧ್ ಮಹೇಶ್ ನಿರ್ದೇಶನದ ಮೋಡಿ ಟ್ರೈಲರ್ನಲ್ಲೇ ಪ್ರೂವ್ ಆಗಿದೆ. ಪೋಲಿಸಪ್ಪನಿಗೆ ಸುಳ್ಳಿನ ಮೇಲೆ ಸುಳ್ಳು ಹೇಳಿ ಚಳ್ಳೆ ಹಣ್ಣು ತಿನ್ನಿಸೋ ರಿಷಬ್ ಆ್ಯಕ್ಟಿಂಗ್ ಕೂಡ ಅದ್ಭುತವಾಗಿದೆ.
ಚಿತ್ರದ ನಾಯಕ ರಿಷಬ್ಗೆ ಡೈರೆಕ್ಟರ್ ಆಗೋ ಕನಸು. ಅಪಾರ ಕನಸು ಹೊತ್ತ ನಾಯಕನ ಹಠ ಗೆಲ್ಲುತ್ತಾ ಅನ್ನೋದೆ ಒನ್ ಲೈನ್ ಸ್ಟೋರಿ. ಆದ್ರೆ, ಚಿತ್ರದಲ್ಲಿ ಇದರಾಚೆಗೆ ಹೇಳಲಾಗದ ನಗುವಿನ ಸಿಹಿ ಭೋಜನವಿದೆ. ತರಲೆ, ತಮಾಷೆ, ಜೂಟಾಟ, ತುಂಟಾಟಗಳು ನಾಯಕನನ್ನು ಪೇಚಿಗೆ ಸಿಲುಕುವಂತೆ ಮಾಡುತ್ತವೆ. ಈ ಜರ್ನಿಯೇ ವಂಡರ್ಫುಲ್ ಆಗಿದೆಯಂತೆ.
ಚಿತ್ರದಲ್ಲಿ ನಾಯಕಿಯಾಗಿ ಹೆಂಗೆ ನಾವು ಖ್ಯಾತಿಯ ರಚನಾ ಇಂದರ್, ನ್ಯು ಕಮರ್ ತಪಸ್ವಿನಿ ಪೊಣಚ್ಚ ಮ್ಯಾಜಿಕ್ ಕೂಡ ಮಸ್ತ್ ಆಗಿದೆ. ರಿಷಬ್ ಶೆಟ್ಟಿ ಹಾಗೂ ಪ್ರಮೋದ್ ಶೆಟ್ಟಿ ಕಾಮಿಡಿ ಕಮಾಲ್ ಎಲ್ಲರ ಗಮನ ಸೆಳೆಯಲಿದೆ. ಸಂದೇಶ್ ಪ್ರೊಡಕ್ಷನ್ ಬ್ಯಾನರ್ ಅಡಿಯಲ್ಲಿ ಸಂದೇಶ್ ನಾಗರಾಜ್ ಅವರು ಈ ಸಿನಿಮಾ ನಿರ್ಮಾಣ ಮಾಡಿದ್ದು ಸಹಜವಾಗಿ ನಿರೀಕ್ಷೆ ಕೂಡ ಡಬಲ್ ಆಗಿದೆ. ವಾಸುಕಿ ವೈಭವ್ ಮ್ಯೂಸಿಕ್ ಕಂಪೋಸಿಂಗ್ ಇಂಪ್ರೆಸ್ಸಿವ್ ಆಗಿದೆ. ಯ್ಯೂಟ್ಯೂಬ್ನಲ್ಲಿ ಟಾಪ್ ಟ್ರೆಂಡಿಂಗ್ ಸರ್ಚಿಂಗ್ನಲ್ಲಿರೋ ಗಿರಿಕಥೆ ನೋಡೋಕೆ ಜೂನ್ 23ರವರೆಗೆ ಕಾಯಲೇಬೇಕು.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟವಿ.
