ಹಾವೇರಿ: 2ಎ ಮೀಸಲಾತಿ ಕೊಟ್ರೆ ಪಂಚಮಸಾಲಿ ಸಮಾಜ ಬಿಜೆಪಿ ಪರ ಇರುತ್ತೆ ಎಂದು ಹಾವೇರಿಯಲ್ಲಿ ಬಸನಗೌಡ ಪಾಟೀಲ್ ಯತ್ನಾಳ್ ಹೇಳಿದ್ದಾರೆ.
ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, 2ಎ ಮೀಸಲಾತಿ ಕೊಟ್ರೆ ಪಂಚಮಸಾಲಿ ಸಮಾಜ ಬಿಜೆಪಿ ಪರ ಇರುತ್ತೆ. ಇಲ್ಲದಿದ್ರೆ ಪರಿಷತ್ ಚುನಾವಣೆ ಫಲಿತಾಂಶ ಏನಾಯಿತು..? ಶಿಗ್ಗಾಂವ್ನಲ್ಲಿ ನಮ್ಮ ಸಮಾಜದ 50 ಸಾವಿರ ಜನರಿದ್ದಾರೆ. ನಾನು ಯಾವುದಕ್ಕೂ ಅಂಜುವುದಿಲ್ಲ. ಮಂತ್ರಿಯಾಗುವುದಿಲ್ಲ ಅಂದ್ಮೇಲೆ ಯಾಕೆ ಅಂಜಬೇಕು..? ಎಂದರು.
ಅದಲ್ಲದೇ, ಕಾಂಗ್ರೆಸ್ ನಾಯಕರ ಹೋರಾಟಕ್ಕೂ ಯತ್ನಾಳ್ ಕಿಡಿಕಾಡಿದ್ದು, ಕಾಂಗ್ರೆಸ್ನವರು ನೀರಾವರಿಗಾಗಿ ಹೋರಾಟ ಮಾಡ್ತಿದಾರಾ..? ನ್ಯಾಷನಲ್ ಹೆರಾಲ್ಡ್ ಆಸ್ತಿ ಲೂಟಿ ಮಾಡಿರೋ ಹೋರಾಟಕ್ಕೆ ಅರ್ಥವಿಲ್ಲ. ಖರ್ಗೆಯವರಿಗೆ ನೋಟಿಸ್ ಕೊಟ್ಟಾಗ ಯಾಕೆ ಹೋರಾಟ ಮಾಡಲಿಲ್ಲ. ಸೋನಿಯಾಗಾಂಧಿ ಮಾತ್ರವಲ್ಲ, ಯಡಿಯೂರಪ್ಪ ಜೈಲಿಗೆ ಹೋಗ್ತಾರೆ. ಯಡಿಯೂರಪ್ಪನವರ ಜೊತೆ ಲಿಂಗಾಯತರಿಲ್ಲ ಎಂದು ಹಾವೇರಿಯಲ್ಲಿ ಬಸನಗೌಡ ಪಾಟೀಲ್ ಯತ್ನಾಳ್ ಸ್ಫೋಟಕ ಹೇಳಿಕೆ ನೀಡಿದ್ದಾರೆ.
