ಬೆಂಗಳೂರು: ‘ನಮ್ಮ ಬೆಂಗಳೂರು ಫರ್ನಿಚರ್ ಎಕ್ಸ್ಪೋ 2022’ ಕಾರ್ಯಕ್ರಮವನ್ನು ಇದೇ ಮೊದಲ ಬಾರಿಗೆ ಪವರ್ ಟಿವಿ ಸಹಯೋಗದಲ್ಲಿ ಆಯೋಜನೆ ಮಾಡಲಾಗಿದ್ದು, ಇಂದು ವಿರೋಧ ಪಕ್ಷದ ನಾಯಕ, ಮಾಜಿ ಸಿಎಂ ಸಿದ್ದರಾಮಯ್ಯ ಅವರು ದೀಪ ಬೆಳಗಿಸುವ ಮೂಲಕ ಚಾಲನೆ ನೀಡಿದರು.
ಅಲ್ಲದೇ ಸ್ಯಾಂಡಲ್ವುಡ್ನ ಪ್ರತಿಭಾನಿತ್ವ ನಟ, ನಿರ್ಮಾಪಕ ಡಾಲಿ ಧನಂಜಯ್ ಅವರು ಸಹ ಆಗಮಿಸಿ ಫರ್ನಿಚರ್ ಎಕ್ಸ್ಪೋಗೆ ಶುಭಹಾರೈಸಿದರು. ಈ ಕಾರ್ಯಕ್ರಮದಲ್ಲಿ ಪವರ್ ಟಿವಿ ಎಂಡಿ ರಾಕೇಶ್ ಶೆಟ್ಟಿ ಸೇರಿದಂತೆ ಚಾನಲ್ನ ಎಲ್ಲಾ ಪ್ರಮುಖ ಸಿಬ್ಬಂದಿಗಳು ಭಾಗಿವಹಿಸಿದ್ದರು.
ಇನ್ನು ಈ ಎಕ್ಸ್ಪೋ ಜೂನ್ 17, 18, 19, 20ರವರೆಗೆ ಬೆಂಗಳೂರಿನ ಅರಮನೆ ಮೈದಾನದ ಗಾಯಿತ್ರಿ ವಿಹಾರದಲ್ಲಿ ಆಯೋಜನೆ ಮಾಡಲಾಗಿದ್ದು, ಸಾರ್ವಜನಿಕರು ಇದರ ಸದುಪಯೋಗಪಡಿಸಿಕೊಳ್ಳಬಹುದು.
