ಸಿನಿಮಾದಲ್ಲಿ ಹೀರೋ ಆಗ್ತೀನಿ ಎಂದು ಕನಸಿನಲ್ಲೂ ಯೋಚಿಸಿರದ ಕನ್ನಡದ ಹಾಸ್ಯ ಕಲಾವಿದ ಇಂದು ಹೀರೋ ಆಗಿ ಮಿಂಚೋಕೆ ಸಜ್ಜಾಗಿದ್ದಾರೆ. ಅಧ್ಯಕ್ಷನಾಗಿ ಶರಣ್ ಜೊತೆ ಕಾಮಿಡಿ ಪಂಚ್ ಮೂಲಕ ಸಿಕ್ಕಾಪಟ್ಟೆ ನಕ್ಕು ನಗಿಸಿದ್ದ ಚಿಕ್ಕಣ್ಣ ಇಂದು ಉಪಾಧ್ಯಕ್ಷನ ಸ್ಥಾನ ಅಲಂಕರಿಸಿದ್ದಾರೆ. ಯೆಸ್.. ಕನ್ನಡ ಸಿನಿಲೋಕದಲ್ಲಿ ಕಾಮಿಡಿ ಚಿಕ್ಕಣ್ಣನ ಜಮಾನ ಶುರುವಾಗಿದೆ.
ಉಪಾಧ್ಯಕ್ಷ ಸ್ಥಾನಕ್ಕೆ ಕಾಮಿಡಿ ಚಿಕ್ಕಣ್ಣ ನಾಮಿನೇಷನ್..!
ಹೀರೋ ಪಟ್ಟಕ್ಕೇರಿದ ಕರುನಾಡಿನ ಮನೆಮಗ ಚಿಕ್ಕಣ್ಣ
ಪ್ರೀತಿಯ ಮಗನ ಚಿತ್ರಕ್ಕೆ ಕ್ಲಾಪ್ ಮಾಡಿದ ನಿಂಗಮ್ಮ..!
ನಿರ್ಮಾಪಕ ಉಮಾಪತಿಯ ಕನಸಿಗೆ ಚಿಕ್ಕಣ್ಣ ಸಾಥ್
ಲೇಟ್ ಆದ್ರೂ ಲೇಟೆಸ್ಟ್ ಆಗಿ ಸ್ಯಾಂಡಲ್ವುಡ್ಗೆ ಹೀರೋ ಆಗಿ ಗ್ರ್ಯಾಂಡ್ ಎಂಟ್ರಿ ಕೊಟ್ಟಿದ್ದಾರೆ ಚಿಕ್ಕಣ್ಣ. ರಾಜಾಹುಲಿ, ಅಧ್ಯಕ್ಷ ಸಿನಿಮಾಗಳ ನಂತ್ರ ನಾಯಕನಾಗಿ ಅನೇಕ ಆಫರ್ಗಳು ಬಂದ್ರೂ ಕೂಡ ನಯವಾಗಿ ರಿಜೆಕ್ಟ್ ಮಾಡಿದ್ದ ಚಿಕ್ಕಣ್ಣ ಕೊನೆಗೂ ಹೀರೋ ಪಟ್ಟಕ್ಕೇರಿದ್ದಾರೆ. ಕನ್ನಡಿಗರನ್ನು ತಮ್ಮ ವಿಭಿನ್ನ ಶೈಲಿಯ ಮ್ಯಾನರಿಸಂ ಮೂಲಕ ನಕ್ಕು ನಗಿಸುತ್ತಿದ್ದ ಚಿಕ್ಕಣ್ಣನ ಉಪಾದ್ಯಕ್ಷ ಚಿತ್ರಕ್ಕೆ ಇಂದು ಅದ್ಧೂರಿ ಮೂಹೂರ್ತ ನೆರವೇರಿದೆ.
ಕನ್ನಡದ ಬಹುತೇಕ ಎಲ್ಲಾ ಸ್ಟಾರ್ಗಳ ಜೊತೆ ನಟಿಸಿರೋ ಚಿಕ್ಕಣ್ಣ ಬಹುಬೇಡಿಕೆಯ ಕಾಮಿಡಿಯನ್ ಕೂಡ ಹೌದು. ಸಾಲು ಸಾಲು ಸಿನಿಮಾಗಳಲ್ಲಿ ಸಖತ್ ಬ್ಯುಸಿ ಇರೋ ಚಿಕ್ಕಣ್ಣನ ಕಾಲ್ ಶೀಟ್ ಸಿಗೋಕೆ ನಿರ್ಮಾಪಕರು ಪರದಾಡಬೇಕು. ಆ ಲೆವೆಲ್ಗೆ ಸ್ಟಾರ್ಡಮ್ ಹುಟ್ಟುಹಾಕಿರೋ ಚಿಕ್ಕಣ್ಣ ಕೊನೆಗೂ ಹೀರೋ ಆಗೋ ಮೂಲಕ ಅಭಿಮಾನಿಗಳಿಗೆ ಗುಡ್ ನ್ಯುಸ್ ಕೊಟ್ಟಿದ್ದಾರೆ.
ಕೊರೋನ ಹೆಮ್ಮಾರಿ ಶುರುವಾಗಿನಿಂದ ಚಿಕ್ಕಣ್ಣ ಹೀರೋ ಆಗಿ ಅಭಿನಯಿಸ್ತಾರೆ ಅನ್ನೋ ಸುದ್ಧಿ ಗಾಂಧೀನಗರದಲ್ಲಿ ಸದ್ದು ಮಾಡ್ತಾ ಇತ್ತು. ಇದೀಗ ನಿರ್ಮಾಪಕ ಉಮಾಪತಿಯವರ ಕನಸಿನಂತೆ ಉಪಾಧ್ಯಕ್ಷ ಸ್ಥಾನಕ್ಕೆ ಸ್ಯಾಂಡಲ್ವುಡ್ ಸ್ಟಾರ್ಗಳ ಸಮ್ಮುಖದಲ್ಲಿ ಚಿಕ್ಕಣ್ಣ ನಾಮಿನೇಷನ್ ಸಲ್ಲಿಸಿದ್ದಾರೆ. ನಗರದ ಬನಶಂಕರಿ ದೇವಾಸ್ಥಾನದಲ್ಲಿ ಪೂಜೆ ಪುನಸ್ಕಾರಗಳೊಂದಿಗೆ ಅದ್ಧೂರಿ ಮೂಹೂರ್ತ ನೆರವೇರಿದೆ. ಉಮಾಪತಿಯವರ ಹೆಂಡತಿ ಸ್ವಪ್ನಾ ಹಾಗೂ ಚಿಕ್ಕಣ್ಣ ತಾಯಿ ನಿಂಗಮ್ಮ ಕ್ಲಾಪ್ ಮಾಡುವ ಜೊತೆಗೆ ಕ್ಯಾಮೆರಾ ಸ್ವಿಚ್ ಆನ್ ಮಾಡಿ ಶುಭ ಹಾರೈಸಿದ್ದಾರೆ.
ಉಮಾಪತಿ ಬ್ಯಾನರ್ ಅಡಿಯಲ್ಲಿ ನಿರ್ಮಾಣ ಆಗ್ತಿರೋ ಉಪಾಧ್ಯಕ್ಷ ಚಿತ್ರದ ಮೂಹೂರ್ತಕ್ಕೆ ಸಾಧುಕೋಕಿಲ, ಕರಿಸುಬ್ಬು, ಗರುಡ ರಾಮ್ ಸೇರಿದಂತೆ ಮುಂತಾದವರು ಭಾಗವಹಿಸಿದ್ದರು. ಇದ್ರ ಜೊತೆಗೆ ಸಾಧುಕೋಕಿಲ ಮಾತನಾಡಿ, ಈ ಸಿನಿಮಾದಲ್ಲಿ ನಾನು ಕೂಡ ಚಿಕ್ಕ ಪಾತ್ರದಲ್ಲಿ ನಟಿಸ್ತಾ ಇದ್ದೇನೆ. ಚಿಕ್ಕಣ್ಣ ಅವರಿಗೆ ಒಳ್ಳೇದ್ ಆಗಲಿ ಎಂದ್ರು.
ಉಪಾಧ್ಯಕ್ಷ ಚಿತ್ರಕ್ಕೆ ನಾಯಕಿಯಾಗಿ ಮೊದಲ ಬಾರಿಗೆ ಮಲೈಕಾ ನಟಿಸ್ತಿದ್ದಾರೆ. ಅದ್ಧೂರಿಯಾಗಿ ಸಿನಿಮಾ ನಿರ್ಮಾಣ ಮಾಡೋಕೆ ಉಮಾಪತಿ ಮುಂದಾಗಿದ್ದಾರೆ. ನಿರ್ದೇಶಕ ಅನಿಲ್ಕುಮಾರ್ ಉಪಾಧ್ಯಕ್ಷನಿಗೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಒಟ್ಟಾರೆ ಕಾಮಿಡಿಯನ್ ಆಗಿ ಎಲ್ಲರ ಹೃದಯ ಗೆದ್ದಿರೋ ಚಿಕ್ಕಣ್ಣ ಹೀರೋ ಆಗಿ ಸಕ್ಸಸ್ ಆಗಲಿ ಅಂತಾ ಶುಭ ಹಾರೈಸೋಣ.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ