ರಿಷಬ್ ಶೆಟ್ಟಿ ಸಿನಿಮಾಗಳಂದ್ರೆ ಕೇಳ್ಬೇಕಾ. ಮಸ್ತ್ ಮನರಂಜನೆ. ಒಂದೊಳ್ಳೆ ಮೆಸೇಜ್. ಲವ್ವು, ಆ್ಯಕ್ಷನ್, ಕಾಮಿಡಿ ಎಲ್ಲಾ ಮಸಾಲೆ ಬೆರಸಿದ ರುಚಿಯಾದ ಭೋಜನ. ರಿಷಬ್ ಕಾಲ್ ಶೀಟ್ ಸದ್ಯ ಸಿಗಲ್ಲ ಬಿಡಿ. ಹರಿಕಥೆ ಕೇಳಿದವ್ರಿಗೆ ವಿಭಿನ್ನವಾಗಿ ಗಿರಿಕಥೆ ಹೇಳೋಕೆ ಬರ್ತಿದ್ದಾರೆ ರಿಷಬ್ ಶೆಟ್ಟಿ. ಸದ್ಯ ಎಲ್ಲೆಲ್ಲೂ ಈ ಚಿತ್ರದ ಟ್ರೈಲರ್ದೇ ಟಾಕು. ಸಿಕ್ಕಾಪಟ್ಟೆ ನಗಿಸ್ತಿರೋ ಟ್ರೈಲರ್ ಕರಾಮತ್ತಿನ ಬಗ್ಗೆ ತಿಳಿಸ್ತೀವಿ.
ರಿಷಬ್ ಶೆಟ್ಟಿ & ಟೀಂ ಹರಿಕಥೆ ಕೇಳಿ ಸುಸ್ತಾದ ಖಾಕಿ ಪಡೆ
ಶೆಟ್ರ ಕಾಮಿಡಿ ಕಚಗುಳಿಗೆ ಫುಲ್ ಫಿದಾ ಆಗಿರೋ ಫ್ಯಾನ್ಸ್
ನೆಕ್ಸ್ಟ್ ಲೆವೆಲ್ ಟ್ರೈಲರ್.. ನೆಕ್ಸ್ಟ್ ಲೆವೆಲ್ ಕಾಮಿಡಿ..!
ರಿಲೀಸ್ ಆದ ಕೆಲವೇ ಕ್ಷಣಗಳಲ್ಲಿ ಲಕ್ಷಗಟ್ಟಲೆ ವೀವ್ಸ್
ದೇವಸ್ಥಾನಗಳ ಮುಂದೆ ರಾತ್ರಿ ಇಡೀ ಹರಿಕಥೆ ಕೇಳಿದವ್ರಿಗೆ ಈ ಸಿನಿಮಾ ಕೂಡ ಪೌರಾಣಿಕ ಕಥೆ ಅನಿಸಬಹುದು. ಅದ್ರೆ, ಒಮ್ಮೆ ಹರಿಕಥೆ ಅಲ್ಲ ಗಿರಿಕಥೆ ಟ್ರೈಲರ್ ನೋಡಿ. 2 ನಿಮಿಷ 40 ಸೆಕೆಂಡುಗಳ ಕಾಲ ನಕ್ಕು ನಕ್ಕು ಸುಸ್ತಾಗ್ತೀರಾ. ಟ್ರೈಲರ್ನಲ್ಲೇ ಈ ಪಾಟಿ ಕಿಕ್ ಕೊಟ್ಟಿರೋ ಚಿತ್ರತಂಡ, ಸಿನಿಮಾ ಪೂರ ನಗೆಯ ಕಡಲಲ್ಲಿ ಪ್ರೇಕ್ಷಕರನ್ನು ತೇಲಿಸೋದು ಮಾತ್ರ 100% ಪಕ್ಕಾ ಆಗಿದೆ.
ಸಿನಿಮಾ ಸೆಟ್ಟೇರಿದಾಗ್ಲೇ ಎಲ್ಲರಿಗೂ ಸಖತ್ ಹೋಪ್ ಇತ್ತು. ರಿಷಬ್ ಶೆಟ್ಟಿ ಸಿನಿಮಾಗಳನ್ನು ಕಾದು ನೋಡೋ ಅಭಿಮಾನಿ ಬಳಗವಿದೆ. ಇನ್ನು ಪೋಸ್ಟರ್, ಟೀಸರ್ ನೋಡಿದವ್ರು ಕ್ಲೀನ್ ಬೋಲ್ಡ್ ಆಗಿದ್ರು. ಅಂತೂ, ಈ ಬಾರಿ ಶೆಟ್ರು ನಗಿಸೋಕೆ ರೆಡಿಯಾಗಿ ನಿಂತಿದ್ದಾರೆ. ಗಿರಿ ಕಥೆ ಹೇಳೋಕೆ ಜೂನ್ 23ಕ್ಕೆ ಸಿಲ್ವರ್ ಸ್ಕ್ರೀನ್ ಮೇಲೆ ಗ್ರ್ಯಾಂಡ್ ಎಂಟ್ರಿ ಕೊಡ್ತಿದ್ದಾರೆ. ಈ ಮುಂಚೆ ಚಿತ್ರತಂಡದಿಂದ ಟ್ರೈಲರ್ ರಿಲೀಸ್ ಆಗಿದ್ದು, ಪ್ರೇಕ್ಷಕರಿಗೆ ಭರಪೂರ ಮನರಂಜನೆ ನೀಡೋ ಮನ್ಸೂಚನೆ ಕೊಟ್ಟಿದೆ.
ಚಿತ್ರದ ಟ್ರೈಲರ್ ಅನಂದ್ ಅಡಿಯೋ ಯೂಟ್ಯೂಬ್ ಚಾನಲ್ನಲ್ಲಿ ರಿಲೀಸ್ ಆಗ್ತಿದ್ದಂತೆ ಲಕ್ಷಗಟ್ಟಲೆ ವೀವ್ಸ್ ಕಂಡಿದೆ. ರಿಪೀಟ್ ಮೋಡ್ನಲ್ಲಿ ವಿಭಿನ್ನ ಟ್ರೈಲರ್ ನೋಡಿ ಎಂಜಾಯ್ ಮಾಡ್ತಿದ್ದಾರೆ ಸಿನಿರಸಿಕರು. ಕಾಮಿಡಿ ಪಂಚ್, ಡೈಲಾಗ್ಸ್ ಎಲ್ಲವೂ ಪ್ರೇಕ್ಷಕರಿಗೆ ಮೋಡಿ ಮಾಡಿದೆ. ಟ್ರೈಲರ್ನಲ್ಲಿ ಕೃಷ್ಣ ಅವ್ರ ಮಗ ಗಿರಿಯಾಗಿ ಎಲ್ಲರಿಗೂ ಕಥೆ ಹೇಳೋಕೆ ಹೊರಟಿದ್ದಾರೆ ರಿಷಬ್. ನಾನೊಬ್ಬ ಒಳ್ಳೆ ಡೈರೆಕ್ಟರ್. ಸೂಪರ್ ಅಗಿ ಕಥೆ ಮಾಡಿದೀನಿ. 100% ಹಿಟ್ ಆಗೋದು ಗ್ಯಾರೆಂಟಿ ಅಂತ ಎಲ್ಲರಿಗೂ ತಲೆ ತಿಂತಿದ್ದಾರೆ ಶೆಟ್ರು.
ಖಾಕಿ ಖದರ್ನಲ್ಲಿ ಪ್ರಮೋದ್ ಶೆಟ್ಟಿ, ರಿಷಬ್ ಅವ್ರಿಗೆ ಏರೋಪ್ಲೇನ್ ಹತ್ತಿಸ್ತಿದ್ದಾರೆ. ಪ್ರಮೋದ್ ಶೆಟ್ಟಿಗೆ ಚಳ್ಳೆ ಹಣ್ಣು ತಿನ್ನಿಸೋಕೆ ರಿಷಬ್ ಶೆಟ್ಟಿ ಸುಳ್ಳಿನ ಮೇಲೆ ಸುಳ್ಳು ಹೇಳ್ತಿದ್ದಾರೆ. ಇದ್ರ ಜೊತೆಗೆ ವಿಕಟಕವಿ ಯೋಗರಾಜ್ ಭಟ್ ಕೂಡ ಸಾಥ್ ಕೊಟ್ಟಿದ್ದಾರೆ. ಕನ್ನಡ ಇಂಡಸ್ಟ್ರಿಯಲ್ಲಿ ವಿನೂತನವಾಗಿ ಪಕ್ಕಾ ಲವಲವಿಕೆಯಿಂದ ಕೂಡಿರೋ ಈ ಟ್ರೈಲರ್ಗೆ ಸ್ಯಾಂಡಲ್ವುಡ್ ಸೇರಿ ಚಿತ್ರರಸಿಕರೆಲ್ಲಾ ಸಖತ್ ಫಿದಾ ಆಗಿದ್ದಾರೆ.
ಸಿಹರಿಕಥೆಯಲ್ಲ ಗಿರಿಕಥೆ ಚಿತ್ರದ ಹಾಡುಗಳು ಸಿಕ್ಕಾಪಟ್ಟೆ ಹಿಟ್ ಆಗಿವೆ. ಸ್ಟಾರ್ ಕಾಸ್ಟಿಂಗ್ ಕೂಡ ಚ್ಯೂಸಿಯಾಗಿದೆ. ನಾಯಕಿಯಾಗಿ ತಪಸ್ವಿನಿ ಪೂಣಚ್ಚ, ಹೆಂಗೇ ನಾವು ಖ್ಯಾತಿಯ ರಚನಾ ಇಂದರ್, ಹೊನ್ನವಳ್ಳಿ ಕೃಷ್ಣ, ಯೋಗರಾಜ್ ಭಟ್, ಪ್ರಮೋದ್ ಶೆಟ್ಟಿ ದೊಡ್ಡ ಕಲಾವಿದರ ದಂಡೇ ಇದೆ. ರಿಷಬ್ ಮೇಲಿನ ನಂಬಿಕೆಗೆ ಸಂದೇಶ್ ನಾಗರಾಜ್ ಈ ಸಿನಿಮಾ ನಿರ್ಮಾಣಕ್ಕೆ ಕೈ ಹಾಕಿದ್ದಾರೆ.
ಕರಣ್ ಅನಂತ್ ಹಾಗೂ ಅನಿರುದ್ಧ್ ಮಹೇಶ್ ಜಂಟಿ ನಿರ್ದೇಶನದಲ್ಲಿ ಸಿನಿಮಾ ಅದ್ಭುತವಾಗಿ ಮೂಡಿ ಬಂದಿದೆಯಂತೆ. ವಾಸುಕಿ ವೈಭವ್ ಮ್ಯೂಸಿಕ್ ಜ್ಯೂನಿಯರ್ ಮೊನಾಲಿಸಾ ಹಾಡಿನಲ್ಲಿ ಎದ್ದು ಕಾಣುತ್ತದೆ. ಸಂದೇಶ್ ಪ್ರೊಡಕ್ಷನ್ ಬ್ಯಾನರ್ ಅಡಿಯಲ್ಲಿ ಚಿತ್ರ ಮೂಡಿ ಬಂದಿದೆ. 777ಚಾರ್ಲಿ ಎಲ್ಲರನ್ನೂ ಅಳಿಸಿದ್ರೆ, ನಕ್ಕು ನಗಿಸೋಕೆ ಶೆಟ್ರ ಗ್ಯಾಂಗ್ ಜೂನ್ 23ಕ್ಕೆ ತೆರೆಗೆ ಬರೋಕೆ ಸಜ್ಜಾಗಿದೆ. ಗಿರಿಕಥೆಗೆ ಎಲ್ರೂ ಆಲ್ ದಿ ಬೆಸ್ಟ್ ಹೇಳೋಣ.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ