ಸಿನಿಮಾದಲ್ಲಿ ಗೆದ್ದಿದ್ದು ಬೇರೆ ಯಾರೋ, ಆದ್ರೇ ಪಾರ್ಟಿ ಕೊಟ್ಟವರು ಬೇರೆ ಇನ್ನಾರೋ. ಒಂದಕ್ಕೊಂದು ಸಿಂಕ್ ಆಗ್ತಿಲ್ಲ. ಆದ್ರೂ ಕೂಡ ಇಂತಹ ಅಚ್ಚರಿಗೆ ಸಾಕ್ಷಿಯಾಗಿದೆ ಮೆಗಾಸ್ಟಾರ್ ಚಿರಂಜೀವಿ ನಿವಾಸ. ಸೌತ್ ಸೂಪರ್ ಸ್ಟಾರ್ಸ್ ಜೊತೆ ಸಲ್ಲು ಕೂಡ ಮಿಂಗಲ್ ಆಗಿ ಸಕ್ಸಸ್ ಪಾರ್ಟಿ ಮಾಡಿದ್ದಾರೆ. ಒಂದಕ್ಕೊಂದು ತಾಳ ಮೇಳ ಇಲ್ಲಾ ಅಂತಾ ಕನ್ಫ್ಯೂಸ್ ಆಗ್ತಿದ್ದೀರಾ..?
‘ವಿಕ್ರಮ್’ ಸಕ್ಸಸ್ ಪಾರ್ಟಿಯಲ್ಲಿ ಸಲ್ಲು, ಚಿರು ಕಮಾಲ್..!
ಪಾರ್ಟಿ ಮುಗಿಸಿ ಕಮಲ್ ಹಾಸನ್ಗೆ, ಮೆಗಾಸ್ಟಾರ್ ಸನ್ಮಾನ
ಗೆಳೆಯನ ಜೊತೆ ಮೆಗಾಸ್ಟಾರ್ ಪಾರ್ಟಿಗೆ ಕಾರಣವೇನು..?
ಪಾರ್ಟಿಗೆ ಕಳೆ ತಂದ ಬಾಲಿವುಡ್ ಭಾಯಿಜಾನ್ ಸಲ್ಲು..!
ಕಮಲ್ ಹಾಸನ್ ಅಭಿನಯದ ಅದ್ಧೂರಿ ಸಿನಿಮಾ ವಿಕ್ರಮ್ ಕೋಟಿ ಕೋಟಿ ಲೂಟಿ ಮಾಡಿ ಚಿತ್ರರಂಗದಲ್ಲೆ ಹೊಸ ದಾಖಲೆ ಬರೆದಿದೆ. ವಿಕ್ರಮ್ ಚಿತ್ರದ ಸಕ್ಸಸ್ ಕಮಲ್ ಹಾಸನ್ಗೆ ಬಿಗ್ ಬ್ರೇಕ್ ತಂದುಕೊಟ್ಟಿದೆ. ಈ ಖುಷಿಯಲ್ಲಿ ಕಮಲ್ ಹಾಸನ್ ರೊಲೆಕ್ಸ್ ರೋಲ್ ಮಾಡಿದ್ದ ನಟ ಸೂರ್ಯ ಅವರಿಗೆ ರೊಲೆಕ್ಸ್ ವಾಚ್ ಗಿಫ್ಟ್ ಮಾಡಿ ಸುದ್ದಿ ಮಾಡಿದ್ರು. ಜೊತೆಗೆ ನಿರ್ದೇಶಕ ಲೋಕೇಶ್ ಅವರಿಗೆ ಕಾರ್ ಗಿಫ್ಟ್ ನೀಡಿದ್ರು. ಒಟ್ಟಾರೆ ಕಮಲ್ ಹಾಸನ್ ಈಗ ಜಾಲಿ ಮೂಡ್ನಲ್ಲಿದ್ದಾರೆ.ಸಕಲಕಲಾವಲ್ಲಭ, ನಟ ಭಯಂಕರ ಕಮಲ್ ಹಾಸನ್ ನಟಿಸಿರುವ ವಿಕ್ರಮ್ ಸಿನಿಮಾ ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಅಬ್ಬರಿಸ್ತಾ ಇದೆ. ತೆರೆಕಂಡ ಎಲ್ಲಾ ಥಿಯೇಟರ್ನಲ್ಲೂ ಫುಲ್ ಹೌಸ್ ಪ್ರದರ್ಶನ ಕಾಣ್ತಿದೆ. ಬಾಕ್ಸ್ ಆಫೀಸ್ ಲೆಕ್ಕಾಚಾರಗಳೆಲ್ಲಾ ಧೂಳಿಪಟವಾಗಿವೆ. ಇದೀಗ ಗೆಳೆಯನ ಯಶಸ್ಸಿನ ಸಂಭ್ರಮವನ್ನು ಮೆಗಾಸ್ಟಾರ್ ಚಿರಂಜೀವಿ ತಮ್ಮ ನಿವಾಸದಲ್ಲಿ ಸೆಲೆಬ್ರೇಟ್ ಮಾಡಿದ್ದಾರೆ.
ಟಾಲಿವುಡ್ ಮೆಗಾ ಸ್ಟಾರ್ ಚಿರಂಜೀವಿ ಹಾಗೂ ಕಮಲ್ ಹಾಸನ್ ಪ್ರಾಣ ಸ್ನೇಹಿತರು. ಗೆಳೆಯನ ಸಿನಿಮಾ ಸಕ್ಸಸ್ನ್ನು ಎಂಜಾಯ್ ಮಾಡ್ಬೇಕು ಅಂತಾ ಚಿರಂಜೀವಿ ತಮ್ಮ ನಿವಾಸದಲ್ಲಿ ಗ್ರ್ಯಾಂಡ್ ಪಾರ್ಟಿ ಆಯೋಜನೆ ಮಾಡಿದ್ದಾರೆ. ಜೊತೆಗೆ ಬಾಲಿವುಡ್ ಬಾದ್ಷಾ ಸಲ್ಮಾನ್ ಖಾನ್ ಕೂಡ ಸಾಥ್ ನೀಡಿ ಶಾಕ್ ಕೊಟ್ಟಿದ್ದಾರೆ. ಗ್ರ್ಯಾಂಡ್ ಪಾರ್ಟಿ ಮುಗಿದ ನಂತ್ರ ಕಮಲ್ ಹಾಸನ್ಗೆ ಶಾಲು ಹೊದಿಸಿ ಸನ್ಮಾನ ಕೂಡ ಮಾಡಿದ್ದಾರೆ ಚಿರಂಜೀವಿ.
ಈ ಸಂತಸದ ಕ್ಷಣಗಳನ್ನು ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿರುವ ಮೆಗಾಸ್ಟಾರ್, ನನ್ನ ಪ್ರೀತಿಯ ಗೆಳೆಯನ ಯಶಸ್ಸನ್ನು ಸೆಲೆಬ್ರೇಟ್ ಮಾಡೋಕೆ ಖುಷಿಯಾಗ್ತಿದೆ. ಅದ್ಭುತ ಸಿನಿಮಾ ವಿಕ್ರಮ್ ಎಂದು ಬರೆದುಕೊಂಡಿದ್ದಾರೆ. ನಿರ್ದೇಶಕ ಲೋಕೇಶ್ ಕನಗರಾಜ್, ಸಲ್ಲೂ ಭಾಯ್ ಹಾಗೂ ಕಮಲ್ಗೆ ಪುಷ್ಫಗುಚ್ಛ ನೀಡಿ ಅಭಿನಂದಿಸಿರುವ ಫೋಟೋಗಳು ಸಕತ್ ವೈರಲ್ ಆಗಿವೆ.
ಏಳೇ ದಿನದಲ್ಲಿ 70ಕೋಟಿಗೂ ಅಧಿಕ ಕಲೆಕ್ಷನ್ ದೋಚಿರುವ ವಿಕ್ರಮ್ ಸಿನಿಮಾ ಚಿತ್ರರಸಿಕರ ದಿಲ್ ಗೆದ್ದಿದೆ. ಎಲ್ಲಕ್ಕಿಂತ ಮಿಗಿಲಾಗಿ ಬಾಲಿವುಡ್ನ ಸಲ್ಮಾನ್ ಖಾನ್ ಕೂಡ ಭಾಗಿಯಾಗಿ ಖುಷಿಯನ್ನು ಇಮ್ಮಡಿಗೊಳಿಸಿರುವುದು ವಿಶೇಷವಾಗಿದೆ. ಇದಕ್ಕೂ ಮುನ್ನ ಸ್ವಾತಿಮುತ್ಯಂ ಚಿತ್ರ ಸಕ್ಸಸ್ ಆದಾಗಲೂ ಚಿರಂಜೀವಿ ಸನ್ಮಾನ ಮಾಡಿ ವಿಶ್ ತಿಳಿಸಿದ್ರು. ಇವರಿಬ್ರ ಸ್ನೇಹಕ್ಕೆ ಸಾಕ್ಷಿಯಾಗಿ ಮತ್ತದೇ ಸನ್ನಿವೇಶ ವಿಕ್ರಮ್ ಸಿನಿಮಾ ಸಕ್ಸಸ್ ನಂತ್ರ ಎದುರಾಗಿದೆ.
ವಿಕ್ರಮ್ ಸಿನಿಮಾದಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿರುವ ಸೂರ್ಯ ಅವ್ರ ಅಭಿನಯಕ್ಕೆ ಎಲ್ಲರೂ ಮನಸೋತಿದ್ದಾರೆ. ವಿಜಯ್ ಸೇತುಪತಿ, ಫಹದ್ ಫಾಸಿಲ್ ಪಾತ್ರಗಳು ಇಂಪ್ರೆಸ್ಸಿಂಗ್ ಆಗಿದೆ. ಒಟ್ಟಾರೆ ಲೋಕೇಶ್ ಕನಗರಾಜ್ ಆ್ಯಕ್ಷನ್ ಕಟ್ಗೆ ಪ್ರೇಕ್ಷಕರು ಫಿದಾ ಆಗಿದ್ದಾರೆ. ಗೆಳೆಯನ ಗೆಲುವನ್ನು ಸಂಭ್ರಮಿಸೋ ಚಿರು ಅವ್ರ ಸ್ನೇಹದ ಪರಿಗೆ ಸೋಶಿಯಲ್ ಮೀಡಿಯಾದಲ್ಲಿ ಕಲರ್ಫುಲ್ ಕಮೆಂಟ್ಸ್ ಹರಿದು ಬರ್ತಿವೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
