ಚಿತ್ರರಂಗಕ್ಕೂ, ಡ್ರಗ್ಸ್ಗೂ ಅಂಟಿದ ಜಿಡ್ಡು ಸದ್ಯದ ಮಟ್ಟಿಗೆ ಮಾಸುವ ಹಾಗೆ ಕಾಣ್ತಿಲ್ಲ. ಒಬ್ಬರ ಹಿಂದೆ ಒಬ್ಬರಂತೆ ಸಾಲು ಸಾಲಾಗಿ ಡ್ರಗ್ಸ್ ಕೇಸ್ಗಳಲ್ಲಿ ಆರೋಪಿಗಳಾಗ್ತಿದ್ದಾರೆ. ಸ್ಯಾಂಡಲ್ವುಡ್ನಿಂದ ಬಾಲಿವುಡ್ಗೂ ವ್ಯಾಪಿಸಿರುವ ಡ್ರಗ್ಸ್ಜಾಲಕ್ಕೆ ಬೆಂಗಳೂರೇ ಹಾಟ್ ಸ್ಪಾಟ್ ಆಗಿದೆ. ಯೆಸ್.. ಬಿಟೌನ್ ಈಗ ಡ್ರಗ್ಸ್ನಿಂದಾಗಿ ಬ್ಯಾಡ್ ಟೌನ್ ಆಗಿದೆ. ಸದ್ಯ, ಡ್ರಗ್ಸ್ ಸುಳಿಯಲ್ಲಿರೋ ಆ ಸ್ಟಾರ್ ಯಾರ್ ಗೊತ್ತಾ..?
ಡ್ರಗ್ ಜಾಲದಲ್ಲಿ ಶ್ರದ್ಧಾ ಕಪೂರ್ ಸಹೋದರ.. ಬಿಟೌನ್ಗೆ ಬೆಂಗಳೂರೇ ಅಟ್ರ್ಯಾಕ್ಷನ್
ಬಿಟ್ಟೆನೆಂದರೂ ಬಿಡದೀ ಮಾಯೆ..ಡ್ರಗ್ಸ್ ಮಹಾಮಾರಿ..!
ಮೆಡಿಕಲ್ ಟೆಸ್ಟ್ನಲ್ಲಿ ಸಾಬೀತಾಯ್ತು ಡ್ರಗ್ಸ್ ಸೇವನೆ..!
ಟೆಕ್ಕಿ ಪಾರ್ಟಿಯಲ್ಲಿ ಸಿದ್ಧಾಂತ್ ಕಪೂರ್ ಮಾದಕ ವ್ಯಸನ
ಗೋವಾ, ಮಂಗಳೂರು, ಬೆಂಗಳೂರಿನ ದೊಡ್ಡ ದೊಡ್ಡ ರೇವ್ ಪಾರ್ಟಿಗಳ ಮೇಲೆ ದಾಳಿ ಆದಾಗ ಸುಲಭವಾಗಿ ಸ್ಟಾರ್ ಸೆಲೆಬ್ರಿಟಿಗಳೇ ಸಿಕ್ಕು ಬೀಳ್ತಾರೆ. ಸಮಾಜದಲ್ಲಿ ದೊಡ್ಡ ಫ್ಯಾಮಿಲಿಯೆಂದು ಗುರುತಿಸಿಕೊಂಡ ಸೆಲೆಬ್ರಿಟಿ ಮಕ್ಕಳೆ ಈ ಮಾಯಾಜಾಲದಲ್ಲಿ ಸಿಲುಕಿರುತ್ತಾರೆ. ನೆನ್ನೆ ಮೊನ್ನೆ ಸ್ಯಾಂಡಲ್ವುಡ್ನಲ್ಲಿ ವ್ಯಾಪಕವಾಗಿ ಸೌಂಡ್ ಮಾಡಿದ್ದ ಡ್ರಗ್ಸ್ ಜಾಲ, ಬಾಲಿವುಡ್ಗೂ ವ್ಯಾಪಿಸಿತ್ತು. ಇದೀಗ ಬಾಲಿವುಡ್ನ ಮತ್ತೊಬ್ಬ ಸ್ಟಾರ್ ನಟನ ಮಗ ಸಿಕ್ಕಿಬಿದ್ದು ಸುದ್ದಿಯಲ್ಲಿದ್ದಾರೆ.
ಬಾಲಿವುಡ್ ಕಿಂಗ್ ಖಾನ್ ಶಾರುಖ್ ಪುತ್ರ ಆರ್ಯನ್ ಖಾನ್ ಡ್ರಗ್ಸ್ ಪ್ರಕರಣದಲ್ಲಿ ಜೈಲು ಪಾಲಾಗಿ ಇದೀಗ ಕ್ಲೀನ್ ಚಿಟ್ ಪಡೆದು ನಿಟ್ಟುಸಿರು ಬಿಟ್ಟಿದ್ದಾರೆ. ಸ್ಯಾಂಡಲ್ವುಡ್ನ ನಟಿ ರಾಗಿಣಿ ದ್ವಿವೇದಿ, ಸಂಜನಾ ಗಲ್ರಾಣಿ ಕೂಡ ಡ್ರಗ್ಸ್ ಸೇವನೆಯಿಂದಾಗಿ ಜೈಲುವಾಸ ಅನುಭವಿಸಿದ್ದರು. ಸದ್ಯ ಈ ಇಬ್ಬರು ನಟಿಯರು ಜಾಮೀನಿನ ಮೇಲೆ ವಾಪಾಸ್ ಚಿತ್ರರಂಗಕ್ಕೆ ಮರಳಿದ್ದಾರೆ. ಈ ನಡುವೆ, ಮತ್ತೊಮ್ಮೆ ಬಾಲಿವುಡ್ನ ಖ್ಯಾತ ನಟ ಶಕ್ತಿ ಕಪೂರ್ ಪುತ್ರ ಹಾಗೂ ಶ್ರದ್ಧಾ ಕಪೂರ್ ಸಹೋದರ ಸಿದ್ಧಾಂತ್ ಕಪೂರ್ ಡ್ರಗ್ಸ್ ಪ್ರಕರಣದಲ್ಲಿ ಆರೋಪಿಯಾಗಿ ಬಂಧಿತರಾಗಿದ್ದಾರೆ.
ಬೆಂಗಳೂರಿನ ಎಮ್ ಜಿ ರಸ್ತೆಯ ಟ್ರಿನಿಟಿ ಸರ್ಕಲ್ನಲ್ಲಿ ಪ್ರತಿಷ್ಠಿತ 5 ಸ್ಟಾರ್ ಹೋಟೆಲ್ ಒಂದಿದೆ. ಈ ಹೋಟೆಲ್ ಮೇಲೆ ಹಲಸೂರಿನ ಪೋಲಿಸರು ದಾಳಿ ನಡೆಸಿ 35ಕ್ಕೂ ಅಧಿಕ ಆರೋಪಿಗಳನ್ನು ಬಂಧಿಸಿದ್ದಾರೆ. ಈ ಆರೋಪಿಗಳಲ್ಲಿ ಖ್ಯಾತ ನಟ ಶಕ್ತಿ ಕಪೂರ್ ಪುತ್ರ ಸಿದ್ಧಾಂತ್ ಕಪೂರ್ ಕೂಡ ಇದ್ದು, ಮೆಡಿಕಲ್ ಟೆಸ್ಟ್ ವರದಿಯಲ್ಲಿ ಡ್ರಗ್ಸ್ ಸೇವನೆ ಮಾಡಿರುವುದು ಖಚಿತವಾಗಿದೆ.
ರೇವ್ ಪಾರ್ಟಿಯಲ್ಲಿದ್ದವರೆಲ್ಲಾ ಟೆಕ್ಕಿಗಳಾಗಿದ್ದು, ಡ್ರಗ್ಸ್ ಸೇವನೆ ಮಾಡಿರುವುದು ಸಾಬೀತಾಗಿದೆ. ಸಿದ್ಧಾಂತ್ ಕಪೂರ್ ತಂದೆಯ ಹೆಸರು ಬಳಸಿ ಸಿನಿಮಾ ರಂಗದಲ್ಲಿ ಬಹು ಬೇಗ ಗುರುತಿಸಿಕೊಂಡರು. ಭಾಗಂ ಭಾಗ್, ಚುಪ್ ಚುಪ್ ಕೇ, ಭೂಲ್ ಭೂಲಯ್ಯ, ಡೋಲ್ ಚಿತ್ರಗಳಿಗೆ ಸಹಾಯಕ ನಿರ್ದೇಶಕನಾಗಿ ಕೆಲಸ ಮಾಡಿದ್ದಾರೆ. ನಟನೆಗಿಂತಲೂ ನಿರ್ದೇಶನದಲ್ಲಿ ಹೆಚ್ಚಾಗಿ ತೊಡಗಿಸಿಕೊಂಡಿರೋ ಸಿದ್ಧಾಂತ್ ವೆಬ್ ಸೀರೀಸ್, ಮ್ಯೂಸಿಕ್ ವಿಡಿಯೋದಲ್ಲೂ ಕಾಣಿಸಿಕೊಂಡಿದ್ದಾರೆ.
ನಟ ಸುಶಾಂತ್ ಸಿಂಗ್ ರಜಪೂತ್ ಸಾವಿನ ನಂತ್ರ ಬಾಲಿವುಡ್ನಲ್ಲಿ ಡ್ರಗ್ಸ್ ಕೇಸ್ಗಳು ಒಂದೊಂದಾಗಿ ಹೊರ ಬರ್ತಿವೆ. ಸೂಪರ್ ಸ್ಟಾರ್ಸ್ ಮಕ್ಕಳೆಲ್ಲಾ ಈ ಜಾಲದಲ್ಲಿ ಸಿಲುಕಿಕೊಳ್ತಾ ಇರೋದು ದುರದೃಷ್ಠಕರ. ಡ್ರಗ್ಸ್ ವಿಚಾರ ಬಂದಾಗ ಕಿಗ್ಪಿನ್ಗಳ ಹೆಸರು ಬೆಂಗಳೂರಿಗೆ ಥಳುಕು ಹಾಕಿಕೊಳ್ಳುತ್ತೆ. ಕರುನಾಡಿನ ರಾಜಧಾನಿಗೆ ಈ ಕಪ್ಪು ಚುಕ್ಕೆ ಅಂಟಿಕೊಂಡಿದ್ದು ವಿಷಾಧನೀಯ. ಏನೇ ಆಗಲಿ. ಈ ಕೇಸ್ ನಿಂದ ಶಕ್ತಿ ಕಪೂರ್ ಮಗ ಸಿದ್ಧಾಂತ್ ಕಪೂರ್ಗೆ ಕ್ಲೀನ್ ಚಿಟ್ ಸಿಗುತ್ತಾ ಕಾದು ನೋಡ್ಬೇಕು.
ರಾಕೇಶ್ ಅರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ