ಸ್ಯಾಂಡಲ್ವುಡ್ ಡಾರ್ಲಿಂಗ್, ಲವ್ ಮಾಕ್ಟೇಲ್ ಮೂಲಕ ವಿಭಿನ್ನ ರುಚಿಯ ಸಿನಿಮಾ ನೀಡಿದ ಕ್ರಿಯೇಟಿವ್ ಹೀರೋ ಕಮ್ ಡೈರೆಕ್ಟರ್ ಡಾರ್ಲಿಂಗ್ ಕೃಷ್ಣ. ಸದ್ಯ, 37ನೇ ವರ್ಷದ ಬರ್ತ್ ಡೇ ಸಂಭ್ರಮದಲ್ಲಿರೋ ಡಾರ್ಲಿಂಗ್ಗೆ ದಿಲ್ ಪಸಂದ್ ಸಿಹಿ ಸಿಕ್ಕಿದೆ. ಚಿತ್ರತಂಡದಿಂದ ಕೃಷ್ಣ ಅವರಿಗೆ ಸ್ಪೆಷಲ್ ಉಡುಗೊರೆ ಸಿಕ್ಕಿದೆ. ಈ ಗಿಫ್ಟ್ ನೋಡಿ ಚಿತ್ರರಸಿಕರೂ ಸಖತ್ ಥ್ರಿಲ್ ಆಗಿದ್ದಾರೆ. ಏನ್ ಆ ಗಿಫ್ಟ್ ಅಂತೀರಾ..?
ಡಾರ್ಲಿಂಗ್ ಕೃಷ್ಣನ ದಿಲ್ ಪಸಂದ್ ಸಖತ್ ಟೇಸ್ಟ್ ಗುರು
ಚಿತ್ರದ ಫಸ್ಟ್ ಗ್ಲಿಂಪ್ಸ್ ನೋಡಿ ಸಖತ್ ಥ್ರಿಲ್ ಆದ ಪ್ರೇಕ್ಷಕರು
ಕ್ಯೂಟ್ ನಿಶ್ವಿಕಾ ನಾಯ್ಡು ಜೊತೆ ಡಾರ್ಲಿಂಗ್ ತುಂಟಾಟ
ಕೃಷ್ಣನ ಲೀಲೆಯ ಜೊತೆಯಲಿ ಮೇಘಾ ಶೆಟ್ಟಿ ಸಾಥ್..!
ಕನ್ನಡದ ಮೋಸ್ಟ್ ಟ್ಯಾಲೆಂಟೆಡ್ ಆ್ಯಕ್ಟರ್ ಕಮ್ ಡೈರೆಕ್ಟರ್ ಡಾರ್ಲಿಂಗ್ ಕೃಷ್ಣ ಎಲ್ಲರ ದಿಲ್ ದೋಚಿದ್ದಾರೆ. ಲವ್ ಮಾಕ್ಟೇಲ್ ಸೀಕ್ವೇಲ್ ಸಿನಿಮಾ ಮಾಡಿ ಎಲ್ಲರ ಹೃದಯ ಗೆದ್ದಿರುವ ಪ್ರತಿಭಾನ್ವಿತ ಕಲಾವಿದ. ತನ್ನದೇ ಮೇಕಿಂಗ್ ಸ್ಟೈಲ್ ಮೂಲಕ ಕಾಮಿಡಿಯ ಕಚಗುಳಿಯ ಹದ ಬೆರಸಿ ಪ್ರೇಕ್ಷಕರಿಗೆ ರುಚಿಗೆ ತಕ್ಕಂತೆ ಉಣಬಡಿಸೋ ಕ್ರಿಯೇಟಿವ್ ಹೆಡ್. ಇದೀಗ ಕೃಷ್ಣ ಅವ್ರಿಗೆ 37ನೇ ಬರ್ತ್ ಡೇ ಸಂಭ್ರಮ.
ಬರ್ತ್ ಡೇ ಎಂಜಾಯ್ ಮಾಡೋಕೆ ಸ್ವೀಟ್ ಕಪಲ್ ಜೋಡಿ ಮಾಲ್ಡೀವ್ಸ್ಗೆ ಹಾರಿತ್ತು. ಈ ಸುಸಮಯದಲ್ಲೇ ದಿಲ್ ಪಸಂದ್ ಚಿತ್ರತಂಡ ಕೃಷ್ಣ ಅವರಿಗೆ ಸರ್ಪ್ರೈಸ್ ಗಿಫ್ಟ್ ನೀಡಿದೆ. ಈ ಸ್ಪೆಷಲ್ ಉಡುಗೊರೆ ನೋಡಿದ ಚಿತ್ರಪ್ರೇಮಿಗಳು ಸಖತ್ ಥ್ರಿಲ್ ಆಗಿದ್ದಾರೆ. ಯೆಸ್.. ಡಾರ್ಲಿಂಗ್ ಕೃಷ್ಣ ಅಭಿನಯದ ಹೊಸ ಚಿತ್ರ ದಿಲ್ ಪಸಂದ್ ಫಸ್ಟ್ ಗ್ಲಿಂಪ್ಸ್ ರಿಲೀಸ್ ಆಗಿದ್ದು, ಎಲ್ಲಾ ಕಡೆ ಸಖತ್ ಸೌಂಡ್ ಮಾಡ್ತಿದೆ.
ದಿಲ್ ಪಸಂದ್ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ಗೆ ಫಿದಾ ಆಗಿದ್ದ ಅಭಿಮಾನಿಗಳಿಗೆ ಮತ್ತೊಂದು ಜಾಕ್ಪಾಟ್ ಸಿಕ್ಕಿದೆ. ಮುದ್ದು ಮುದ್ದಾಗಿ ಹುಣ್ಣಿಮೆಯ ಬೆಳಕಿನ ನಡುವೆ, ಹಾಲಲ್ಲಿ ಅದ್ದಿದ ಹಾಗಿರೋ ನಟಿ ನಿಶ್ವಿಕಾ ಸಖತ್ ಗ್ಲಾಮರ್ ಆಗಿ ಕಾಣಿಸ್ತಿದ್ದಾರೆ. ದಿಲ್ ಪಸಂದ್ ಚಿತ್ರದ ಫಸ್ಟ್ ಗ್ಲಿಂಪ್ಸ್ನಲ್ಲಿ ಡಾರ್ಲಿಂಗ್ ಕೃಷ್ಣ, ನಿಶ್ವಿಕಾ ಬೆಡ್ ರೂಮ್ ಫನ್ನಿ ಸೀನ್ನಲ್ಲಿ ಒಂದಾಗಿದ್ದಾರೆ. ಇಬ್ಬರೂ ಕನ್ಫೂಸ್ ಆಗಿದ್ದು ಅಳ್ತಿದ್ದಾರೆ.
ನಿಶ್ವಿಕಾ ಹಾಗೂ ಡಾರ್ಲಿಂಗ್ ಕೃಷ್ಣ ಇಬ್ಬರೂ ಒಂದೇ ರೂಮ್ನಲ್ಲಿ ಹೇಗೆ ಸಿಕ್ಕಿಹಾಕಿಕೊಂಡಿದ್ದೇವೆ ಅನ್ನೋ ಗೊಂದಲದಲ್ಲಿದ್ದಾರೆ. ಈ ನಡುವೆ ಜೊತೆ ಜೊತೆಯಲಿ ಸೀರಿಯಲ್ ಖ್ಯಾತಿಯ ಮೇಘಾ ಶೆಟ್ಟಿ ಕಾಲ್ ಮಾಡಿ ಮಾತನಾಡುವ ಸಂಭಾಷಣೆ ಸಖತ್ ಕ್ಯಾಚಿಯಾಗಿದ್ದು, ಚಿತ್ರದ ಬಗ್ಗೆ ಸಖತ್ ಕ್ಯೂರಿಯಾಸಿಟಿ ಮೂಡಿಸಿದೆ.
ದಿಲ್ ಪಸಂದ್ ಚಿತ್ರದಲ್ಲಿ ನಿಶ್ವಿಕಾ, ಮೇಘಾಶೆಟ್ಟಿ ಸೇರಿದಂತೆ ರಂಗಾಯಣ ರಘು, ಸಾಧುಕೋಕಿಲ, ತಬಲಾ ನಾಣಿ ಮುಂತಾದವರ ತಾರಬಳಗವಿದೆ. ಈ ಚಿತ್ರವನ್ನು ರಶ್ಮಿ ಫಿಲಂಸ್ ಮೂಲಕ ಸುಮಂತ್ ಕ್ರಾಂತಿ ಅವರು ನಿರ್ಮಾಣ ಮಾಡ್ತಿದ್ದಾರೆ. ಶಿವ ತೇಜಸ್ ಆ್ಯಕ್ಷನ್ ಕಟ್ ಹೇಳ್ತಿದ್ದು, ಅರ್ಜುನ್ ಜನ್ಯಾ ಸಂಗೀತ ಚಿತ್ರಕ್ಕಿದೆ. ಶೇಖರ್ ಚಂದ್ರ ಕ್ಯಾಮೆರಾ ಕಣ್ಣು ಚಿತ್ರಕ್ಕೆ ಪ್ಲಸ್ ಆಗಲಿದೆ. ಸಿಂಗಲ್ ಗ್ಲಿಂಪ್ಸ್ ಮೂಲಕ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಕ್ರೇಜ್ ಹುಟ್ಟಿಸಿರೋ ದಿಲ್ ಪಸಂದ್ ಸದ್ಯದಲ್ಲೇ ತೆರೆಗೆ ಬರಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ , ಪವರ್ ಟಿವಿ