ಡಾಲಿ ಪೋರಿ ಅಮೃತಾ ಅಯ್ಯಂಗಾರ್ಗೆ ಎಲ್ಲಿಲ್ಲದ ಡಿಮ್ಯಾಂಡ್. ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಇರೋ ಈಕೆಯ ಹೊಸ ಚಿತ್ರದ ಟ್ರೈಲರ್ ಟಾಕ್ ಆಫ್ ದಿ ಟೌನ್ ಆಗಿದೆ. ಟ್ರೈಲರ್ ನೋಡಿ ಫಿದಾ ಆಗಿರೋ ಕಿಚ್ಚ ಸುದೀಪ್, ಅಬ್ಬಬ್ಬ..! ಅಂತ ಬಾಯ್ಮೇಲೆ ಬೆರಳಿಟ್ಟಿದ್ದಾರೆ. ಇಷ್ಟಕ್ಕೂ ಏನದ್ರ ಇನ್ಸೈಡ್ ಸ್ಟೋರಿ ಅಂತೀರಾ..?
ಡಾಲಿ ಪೋರಿಯ ಟ್ರೈಲರ್ ಝಲಕ್ಗೆ ಕಿಚ್ಚ ಅಂದ್ರು ಅಬ್ಬಬ್ಬ
ಇದು ಅಮೃತಾ ಅಯ್ಯಂಗಾರ್ ನಟನೆಯ ನಯಾ ಪ್ರಾಜೆಕ್ಟ್
ಇದು ರೀಸೆಂಟ್ ಆಗಿ ರಿಲೀಸ್ ಆಗಿರೋ ಕನ್ನಡ ಚಿತ್ರದ ಟ್ರೈಲರ್ ಝಲಕ್. ಇದನ್ನ ನೋಡಿದ್ರೆ ನೀವು ಮಿಸ್ ಇಲ್ಲದೆ ಅಬ್ಬಬ್ಬ ಅಂತೀರಾ. ಯಾಕಂದ್ರೆ ಚಿತ್ರದ ಟೈಟಲ್ನೇ ಅಬ್ಬಬ್ಬ ಅಂತ ಇಟ್ಟಿದ್ದಾರೆ ನಿರ್ದೇಶಕ ಕೆಎಂ ಚೈತನ್ಯ. ಹೌದು.. ಪಕ್ಕಾ ಕಾಮಿಡಿ ಎಂಟರ್ಟೈನರ್ ಜಾನರ್ನ ಈ ಸಿನಿಮಾ ಸಣ್ಣದೊಂದು ಟ್ರೈಲರ್ನಿಂದಲೇ ಎಲ್ಲಿಲ್ಲದ ನಿರೀಕ್ಷೆ ಮೂಡಿಸಿದೆ. ಸಿನಿಮಾ ನೋಡೋ ಕಾತುರ ಹೆಚ್ಚಿಸಿದೆ.
ಲಿಖಿತ್ ಶೆಟ್ಟಿ ಹಾಗೂ ಡಾಲಿ ಹುಡ್ಗಿ ಅಮೃತಾ ಅಯ್ಯಂಗಾರ್ ಜೋಡಿಯ ಈ ಸಿನಿಮಾ ಪಕ್ಕಾ ಯೂತ್ಫುಲ್ ಕಾಮಿಡಿ ಸಿನಿಮಾ. ಕಾಲೇಜು ಡೇಸ್, ಹಾಸ್ಟೆಲ್ ಹುಡ್ಗರು ಹೀಗೆ ಹೆಂಗೆಳೆಯರಿಗೆ ಕನೆಕ್ಟ್ ಆಗೋ ಸ್ಟೋರಿಲೈನ್ ಇರೋ ಚಿತ್ರವಿದು. ಹಾಸ್ಟೆಲ್ ವಾರ್ಡನ್ ಆಗಿ ಶರತ್ ಲೋಹಿತಾಶ್ವ ಗಮನ ಸೆಳೆಯುತ್ತಾರೆ.
ಹ್ಯಾಪಿಡೇಸ್, ಜಾಲಿಡೇಸ್, ಜೋಶ್ ಸಿನಿಮಾಗಳನ್ನ ನೆನಪಿಸೋ ಈ ಚಿತ್ರದಲ್ಲಿ ವಿಜಯ್ ಚೆಂಡೂರು ಅವ್ರ ಹಾಸ್ಯದ ರಸದೌತಣವಿದೆ. ರೌಡಿ ಗೋಪಾಲ್ ರೆಡ್ಡಿಯಾಗಿ ಅವಿನಾಶ್ ಕಮಾಲ್ ಮಾಡಿದ್ದು, ಅವ್ರ ಮಗಳ ರೋಲ್ನಲ್ಲಿ ಅಮೃತಾ ಅಯ್ಯಂಗಾರ್ ಕಾಣಸಿಗಲಿದ್ದಾರೆ.
ಮಿರಾಮರ್ ಫಿಲಂಸ್ ಬ್ಯಾನರ್ನಡಿ ಆನ್ ಅಗಸ್ಟೈನ್ ಹಾಗೂ ವಿವೇಕ್ ಥಾಮಸ್ ನಿರ್ಮಿಸಿರೋ ಈ ಸಿನಿಮಾಗೆ ಆದಿನಗಳು, ಆಟಗಾರ, ಅಮ್ಮ ಐ ಲವ್ ಯೂ ಖ್ಯಾತಿಯ ಕೆಎಂ ಚೈತನ್ಯ ಅವ್ರು ಌಕ್ಷನ್ ಕಟ್ ಹೇಳಿದ್ದಾರೆ. ಅಂದಹಾಗೆ ಇದು ಚೈತನ್ಯ ಅವ್ರ 9ನೇ ಕಾಣಿಕೆ. ಸದಾ ಹೊಸ ಹೊಸ ಜಾನರ್ಗಳನ್ನ ಟ್ರೈ ಮಾಡೋ ಡೈರೆಕ್ಟರ್, ಈ ಬಾರಿ ಕಾಮಿಡಿ ಜಾನರ್ಗೆ ಕೈ ಹಾಕಿ ಸೈ ಅನಿಸಿಕೊಂಡಿದ್ದಾರೆ. ಅದೂ ಕಿಚ್ಚನಂತಹ ಅಭಿನಯ ಚಕ್ರವರ್ತಿಯಿಂದ ಶಹಬ್ಬಾಶ್ ಅನಿಸಿಕೊಳ್ಳೋದು ತಮಾಷೆಯ ಮಾತಲ್ಲ.
ಯೆಸ್.. ಆಲ್ ಇಂಡಿಯಾ ಕಟೌಟ್, ಬಾದ್ಷಾ ಕಿಚ್ಚ ಸುದೀಪ್, ಅಬ್ಬಬ್ಬ ಟ್ರೈಲರ್ನ ಲಾಂಚ್ ಮಾಡೋ ಮೂಲಕ ಚಿತ್ರತಂಡಕ್ಕೆ ಶುಭ ಕೋರಿದ್ದಾರೆ. ಲಿಖಿತ್ ಶೆಟ್ಟಿ, ಅಮೃತಾ ಅಯ್ಯಂಗಾರ್ ಸೇರಿದಂತೆ ಚಿತ್ರದಲ್ಲಿರೋ ಎಲ್ಲಾ ಕಲಾವಿದರ ಬಗ್ಗೆ ಮೆಚ್ಚುಗೆಯ ಮಾತುಗಳಾಡಿದ್ದಾರೆ. ಕಿಚ್ಚನ ಮೆಚ್ಚುಗೆಗೆ ದಿಲ್ಖುಷ್ ಆಗಿರೋ ಟೀಂ, ಅಬ್ಬಬ್ಬ ಇದಕ್ಕಿಂತ ಬಿಗ್ ಕಾಂಪ್ಲಿಮೆಂಟ್ ಮತ್ತೇನು ಬೇಕು ಅಂತಿದೆ.
ದೀಪಕ್ ಅಲೆಕ್ಸಾಂಡರ್ ಸಂಗೀತ, ಕೆಜಿಎಫ್ ಚಿತ್ರಕ್ಕೆ ಕೆಲಸ ಮಾಡಿದ್ದ ಪಿ ಹರಿದಾಸ್ ಸಂಕಲನ, ಮನೋಹರ್ ಜೋಶಿ ಸಿನಿಮಾಟೋಗ್ರಫಿ ಈ ಅಬ್ಬಬ್ಬ ಚಿತ್ರಕ್ಕಿದೆ. ಒಟ್ಟಾರೆ ಕಾಮಿಡಿ ಜಾನರ್ ಸಿನಿಮಾಗಳು ಬಂದು ಬಹಳ ದಿನಗಳೇ ಆಗಿತ್ತು. ಬಹುಶಃ ಈ ಸಿನಿಮಾದಿಂದ ಪ್ರೇಕ್ಷಕಪ್ರಭು ಮನಸಾರೆ ನಗಲಿದ್ದಾನೆ. ಜುಲೈ 1ಕ್ಕೆ ಆ ನಗುವಿನ ಭಾಗ್ಯವನ್ನು ರಾಜ್ಯದ ಎಲ್ಲಾ ಥಿಯೇಟರ್ಗಳಲ್ಲಿ ಕಲ್ಪಿಸಿಕೊಡ್ತಿರೋದು ಮಾತ್ರ ಕೆಆರ್ಜಿ ಸಂಸ್ಥೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ