ಬೆಂಗಳೂರು: ರಾಜ್ಯಸಭೆಯ ಒಂದು ಸ್ಥಾನಕ್ಕೆ ಮೂರು ಪಕ್ಷಗಳು ಪೈಪೋಟಿ ನಡೆಸುತ್ತಿದ್ದು, ಸಂಖ್ಯಾಬಲ ಕೊರತೆಯಿದ್ರೂ ಗೆಲುವಿಗಾಗಿ ನಾನಾ ರಣತಂತ್ರ ಮಾಡುತ್ತಿದ್ದಾರೆ.
ಕಾಂಗ್ರೆಸ್ನ ಒಬ್ಬರು, ಬಿಜೆಪಿಯ ಇಬ್ಬರ ಗೆಲುವು ಸುಲಭವಾಗಿದ್ದು, ಮೂರನೇ ಅಭ್ಯರ್ಥಿ ಗೆಲುವಿನ ನಿರೀಕ್ಷೆಯಲ್ಲಿ ಕಮಲಪಡೆ ಇದ್ದು, ಎರಡನೇ ಅಭ್ಯರ್ಥಿ ಗೆಲುವಿನ ನಿರೀಕ್ಷೆಯಲ್ಲಿ ಕಾಂಗ್ರೆಸ್ ಪಾಳಯದಲ್ಲಿದ್ದು, ತಮ್ಮ ಅಭ್ಯರ್ಥಿ ಗೆದ್ದೇ ಗೆಲ್ತಾರೆ ಎಂದು ಜೆಡಿಎಸ್ ಹೇಳುತ್ತಿದೆ. ಮೂರು ಪಕ್ಷಗಳ ನಾಯಕರಿಂದಲೂ ಹತ್ತಾರು ಲೆಕ್ಕಾಚಾರವಿದೆ.
ಅದಲ್ಲದೇ, ಮೇಲ್ಮನೆ ಚುನಾವಣೆಯಲ್ಲಿ ಮೇಲುಗೈ ಸಾಧಿಸಲು ಬಿಜೆಪಿ ಚಕ್ರವ್ಯೂಹ ನಡೆಸುತ್ತಿದ್ದು, ಇಂದು ಸಂಜೆ 7 ಗಂಟೆಗೆ ಮತ್ತೊಂದು ಸುತ್ತಿನ ಮಹತ್ವದ ಸಭೆಯನ್ನು ಮಾಡಲಿದ್ದಾರೆ. ಸಚಿವ ಆರ್.ಅಶೋಕ್, ಸುನೀಲ್ ಕುಮಾರ್, ಬಿ.ಸಿ.ನಾಗೇಶ್ಗೆ ಈ ಮೂವರು ಸಚಿವರಿಗೆ ರಾಜ್ಯಸಭಾ ಚುನಾವಣೆಯ ಉಸ್ತುವಾರಿಯನ್ನು ನೀಡಲಾಗಿದೆ.
