ಸ್ಟೈಲ್ ಕಿಂಗ್, ಸೂಪರ್ ಸ್ಟಾರ್ ರಜನೀಕಾಂತ್ ಸಿನಿಮಾ ಸೆಟ್ಟೇರ್ತಿದ್ದ ಹಾಗೆ ಕಾಲಿವುಡ್ ಟು ಹಾಲಿವುಡ್ ಹೊಸ ಸಂಚಲನ ಶುರುವಾಗುತ್ತೆ. ಇನ್ನೂ ಹಿಟ್ ಪೇರ್ ರಜನಿಕಾಂತ್, ಐಶ್ವರ್ಯಾ ರೈ ಒಟ್ಟಿಗೆ ಸಿನಿಮಾ ಮಾಡಿದ್ರೆ ಕೇಳಬೇಕಾ. ರೋಬೋ ಚಿತ್ರದ ಮೂಲಕ ಹೊಸ ಇತಿಹಾಸ ಬರೆದ ಈ ಜೋಡಿ ಮತ್ತೆ ಡ್ಯೂಯೆಟ್ ಆಡೋಕೆ ತಯಾರಾಗಿದ್ದಾರೆ. ಇದು ರೋಬೋ-3 ಸಿನಿಮಾ ಅಂತಾ ಕನ್ಫ್ಯೂಸ್ ಆಗ್ತಾ ಇದೆಯಾ..?
- ಒಂದೇ ಚಿತ್ರದಲ್ಲಿ ರಜಿನಿ- ಐಶು.. ಇದು ರೋಬೋ 3 ಅಲ್ಲ..!
- ಬಚ್ಚನ್ ಸೊಸೆಯ ಜೊತೆ ಮತ್ತೊಮ್ಮೆ ತಲೈವಾ ಮಿಂಚಿಂಗ್
- ರಜಿನಿ 169ನೇ ಚಿತ್ರಕ್ಕೆ ‘ಬೀಸ್ಟ್’ ನೆಲ್ಸನ್ ಆ್ಯಕ್ಷನ್ ಕಟ್..!
- ಕಾರಣ ಇಲ್ಲದೆ ಸಿನಿಮಾ ಓಕೆ ಮಾಡಿಲ್ಲ ಐಶ್ವರ್ಯಾ
ರಜನೀಕಾಂತ್ ಹೀರೋ ಆಗೋದಾದ್ರೆ, ಟೀನೇಜ್ ಹುಡುಗೀರು ಕೂಡ ಜೋಡಿಯಾಗಿ ಆ್ಯಕ್ಟ್ ಮಾಡೋಕೆ ತುದಿಗಾಲಲ್ಲಿ ಕಾಯ್ತಾರೆ. ಕಾಲಿವುಡ್ ತಲೈವಾ ಈ ವಯಸ್ಸಲ್ಲೂ ಈ ಪಾಟಿ ಬ್ರಾಂಡ್ ಉಳಿಸಿಕೊಂಡು ಬಂದಿರೋದು ಅಚ್ಚರಿಯೇ ಸರಿ. ರಜಿನಿ ತೆರೆಯ ಮೇಲೆ ನಡೆದು ಬರ್ತಿದ್ರೆ, ಸೀಟಲ್ಲಿ ಕೂತ ಪ್ರೇಕ್ಷಕರ ಮೈ ರೋಮಾಂಚನವಾಗುತ್ತೆ. ಬಾಯಲ್ಲಿ ಒಂದೆರಡು ಡೈಲಾಗ್ ಬಂದ್ರೆ ಸೀಟಿ ಚಪ್ಪಾಳೆಯ ಸುರಿಮಳೆ ಶುರುವಾಗುತ್ತೆ. ಇದು ರಜಿನಿಕಾಂತ್ ತಾಕತ್ತು.
ಎಪ್ಪತ್ತರ ವಯಸ್ಸಲ್ಲೂ ಹದಿನೆಂಟರ ಹುಡುಗನಂತೆ ಆ್ಯಕ್ಷನ್ ಸಿನಿಮಾಗಳಿಗೆ ರಜಿನಿಕಾಂತ್ ಓಕೆ ಎನ್ನುತ್ತಾರೆ. ಆದ್ರೆ ಇತ್ತೀಚೆಗೆ ರಜಿನಿಯ ಸಿನಿಮಾಗಳು ನಿರೀಕ್ಷೆ ಮಾಡಿದ ಯಶಸ್ಸು ಕಂಡಿಲ್ಲ. ಅಣ್ಣಾತೆ ಚಿತ್ರದ ನಂತ್ರ ಸ್ಟೈಲೀಶ್ ಸ್ಟಾರ್ ರಜಿನಿ 169 ನೇ ಚಿತ್ರಕ್ಕೆ ಕೈ ಹಾಕಿದ್ದಾರೆ. 70 ವರ್ಷದ ರಜಿನಿಗೆ ಜೋಡಿಯಾಗಿ ಅಗೈನ್ ರೋಬೋ ಚಿತ್ರದ ಹಿಟ್ ಪೇರ್ ಐಶ್ವರ್ಯಾ ರೈ ಕಾಣಿಸಿಕೊಳ್ಳಲಿದ್ದಾರೆ. ಈ ಸುದ್ದಿ ಕೇಳ್ತಿದ್ದ ಹಾಗೆ ಥ್ರಿಲ್ ಆಗಿರೋ ಫ್ಯಾನ್ಸ್ ರೋಬೋ ತ್ರೀ ಸಿನಿಮಾ ಅಂತಾ ಎಗ್ಸೈಟ್ ಆಗಿದ್ದಾರೆ.
ರಜಿನಿ ಚಿತ್ರಕ್ಕೆ ಬೀಸ್ಟ್ ಚಿತ್ರದ ನಿರ್ದೇಶಕ ನೆಲ್ಸನ್ ದಿಲೀಪ್ಕುಮಾರ್ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಬೀಸ್ಟ್ ಚಿತ್ರದ ಸೋಲಿನ ನಂತ್ರ ಗಾಯಗೊಂಡಿರೋ ಸಿಂಹದಂತೆ ನೆಲ್ಸನ್ ಸಕ್ಸಸ್ಗಾಗಿ ಹಾತೊರೆಯುತ್ತಿದ್ದಾರೆ. ಹಾಗಾಗಿ ಇದು ಸೋತವರ ಸಿನಿಮವಾಗಲಿದೆ. ಜುಲೈಗೆ ರಜಿನಿ 169ನೇ ಸಿನಿಮಾ ಸೆಟ್ಟೇರಲಿದ್ದು ಖ್ಯಾತ ನಿರ್ದೇಶಕ ಅನಿರುದ್ಧ್ ಸಂಗೀತ ಸಂಯೋಜನೆ ಮಾಡ್ತಿದ್ದಾರೆ. ಅದ್ಧೂರಿ ವೆಚ್ಚದಲ್ಲಿ ಒಂದೊಳ್ಳೆ ಕಥೆಯೊಂದಿಗೆ ಸಿನಿಮಾ ನಿರ್ಮಾಣ ಆಗಲಿದೆ.
ನಟಿ ಐಶ್ವರ್ಯಾ ರೈ ಕೂಡ ಇಂದಿಗೂ ಬಣ್ಣದ ಲೋಕದಲ್ಲಿ ಇಂದಿಗೂ ಅದೇ ಚಾರ್ಮಿಂಗ್ ಉಳಿಸಿಕೊಂಡಿದ್ದಾರೆ. ಇತ್ತೀಚೆಗೆ ಕಾನ್ ಫೆಸ್ಟಿವಲ್ನಲ್ಲಿ ಅವರ ಸೌಂದರ್ಯ, ಬೆಡಗು, ಭಿನ್ನಾಣ ನೋಡಿದವರು ಒಂದು ಕ್ಷಣ ಬೆರಗಾಗಿದ್ದಾರೆ. 48ರ ವಯಸ್ಸಲ್ಲೂ ಪಡ್ಡೆ ಹೈಕಳ ನಿದ್ದೆ ಕದಿಯೋ ಕನಸಿನ ರಾಣಿ ಐಶ್ವರ್ಯಾ ರೈ. ಸಖತ್ ಚ್ಯೂಸಿಯಾಗಿರೋ ಐಶ್ವರ್ಯಾ ಈ ಕಥೆಯನ್ನು ಇಷ್ಟಪಟ್ಟು ಒಪ್ಪಿಕೊಂಡಿದ್ದಾರಂತೆ. ಹಾಗಾಗಿ ಚಿತ್ರದ ಮೇಲಿನ ನಿರೀಕ್ಷೆ ಡಬಲ್ ಅಗಿದೆ.
ಮದುವೆಯ ನಂತ್ರ ಮಗಳೊಂದಿಗೆ ಬ್ಯುಸಿ ಇರೋ ಐಶ್ವರ್ಯಾ ಚಿತ್ರರಂಗದಿಂದ ಸ್ವಲ್ಪ ಅಂತರವನ್ನು ಕಾಯ್ದುಕೊಂಡಿದ್ರು. ಇದೀಗ ರಜಿನಿ ಜೊತೆಗೆ 169 ಸಿನಿಮಾ ಮಾಡೋಕೆ ಒಪ್ಪಿಕೊಂಡಿದ್ದಾರೆ. ಚಿತ್ರದ ಟೈಟಲ್ ಇನ್ನೂ ಸಸ್ಪೆನ್ಸ್ ಆಗಿದ್ದು, ಚಿತ್ರದ ಕುರಿತು ನಿರೀಕ್ಷೆಗಳು ದುಪ್ಪಟ್ಟಾಗಿವೆ. ತಲೈವಾ ಅಭಿಮಾನಿಗಳು ಈ ಸಿನಿಮಾ ಮೂಲಕ ರಜಿನಿ ಕಂಬ್ಯಾಕ್ ಆಗಲಿ ಅಂತಾ ದೇವರಲ್ಲಿ ಪ್ರಾರ್ಥನೆ ಮಾಡ್ತಿದ್ದಾರೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ.