ಕನ್ನಡ ಅಂದ್ರೆ ಮೂಗು ಮುರಿತಿದ್ದ ಕಾಲ ಸುಟ್ಟು, ಭಸ್ಮವಾಗಿದೆ. ದೇಶ, ವಿದೇಶಗಳಲ್ಲಿ ಕನ್ನಡ ಸಿನಿಮಾಗಳ ಕೀರ್ತಿ ಪತಾಕೆ ರಾರಾಜಿಸುತ್ತಿದೆ. ಯೆಸ್.. ಬಾಲಿವುಡ್ ಬಾದ್ಷಾ, ಕಿಂಗ್ ಖಾನ್ ಶಾರುಖ್ ಅವ್ರ ಜವಾನ್ ಚಿತ್ರದ ಟೀಸರ್ಗೆ ಫ್ಯಾನ್ಸ್ ಸ್ಟನ್ ಆಗಿದ್ದಾರೆ. ಅಸಲಿಗೆ ಶಾಕಿಂಗ್ ನೀವ್ಸ್ ಏನಂದ್ರೆ, ಈ ಚಿತ್ರದ ಮೂಲಕ ಶಾರುಖ್ ಕನ್ನಡಕ್ಕೆ ಎಂಟ್ರಿ ಕೊಟ್ಟಿದ್ದಾರೆ.
- ಕನ್ನಡಕ್ಕೆ ಕಿಂಗ್ ಖಾನ್.. ನಾನ್ ರೆಡಿ ಅಂದ್ರು ಶಾರೂಖ್..!
- ಮೈನವಿರೇಳಿಸೋ ಆ್ಯಕ್ಷನ್ ಚಿತ್ರಕ್ಕೆ ಶಾರೂಖ್ ರಗಡ್ ಲುಕ್
- ಶಾರೂಖ್ ಬ್ಯಾಂಡೇಜ್ ಅವತಾರಕ್ಕೆ ಫ್ಯಾನ್ಸ್ ಶಾಕ್..!
- ಅಭಿಮಾನಿಗಳ ಎದೆಯಲ್ಲಿ ‘ಜವಾನ್’ ರೋಮಾಂಚನ
ಸೋಶಿಯಲ್ ಮೀಡಿಯಾದ ಮೂಲೆ ಮೂಲೆಗಳಲ್ಲೂ ಕಿಂಗ್ ಖಾನ್ ಶಾರುಖ್ ಸೌಂಡ್ ಮಾಡ್ತಿದ್ದಾರೆ. ಒನ್ಸ್ ಅಗೈನ್, ಕಿಂಗ್ ಇಸ್ ಬ್ಯಾಕ್ ಅಂತಿದಾರೆ ಕ್ರೇಜಿ ಫ್ಯಾನ್ಸ್. ಸದ್ಯ ರಿಲೀಸ್ ಆಗಿರೋ ಚಿಕ್ಕ ಟೀಸರ್ ಈ ಪಾಟಿ ಗುಲ್ಲೆಬ್ಬಿಸಿದೆ. ಈ ಸಣ್ಣ ಝಲಕ್ಗೆ ಸ್ಟನ್ ಆಗಿರೋ ಚಿತ್ರರಸಿಕರು ಮೂಖವಿಸ್ಮಿತರಾಗಿದ್ದಾರೆ. ಅಭಿಮಾನಿಗಳ ಎಗ್ಸೈಟ್ಮೆಂಟ್ ಕಂಟ್ರೋಲ್ ಮಾಡೋಕೆ ಸಾಧ್ಯವೇ ಇಲ್ಲ. ಯೆಸ್.. ಜವಾನ್ ಚಿತ್ರದ ಟೀಸರ್ನ ಶಾರುಖ್ ಖಾನ್ ರಾ ಆಂಡ್ ರಗಡ್ ಲುಕ್ಗೆ ಇಡೀ ಚಿತ್ರರಂಗ ಥಂಡಾ ಹೊಡೆದಿದೆ.
ರಾಜ ರಾಣಿ, ತೇರಿ, ಮರ್ಸೆಲ್, ಬಿಗಿಲ್ ಹೀಗೆ ಬ್ಲಾಕ್ಬಸ್ಟರ್ ಚಿತ್ರಗಳ ಮೂಲಕ ಕಾಲಿವುಡ್ನಲ್ಲಿ ಹೊಸ ಸಂಚಲನ ಕ್ರಿಯೇಟ್ ಮಾಡಿರೋ ಡೈರೆಕ್ಟರ್ ಅಟ್ಲಿ. ಇದೀಗ ಬಾಲಿವುಡ್ ಬಾದ್ಷಾ ಶಾರುಖ್ ಅಭಿನಯದ ಜವಾನ್ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಹೊಸ ಇತಿಹಾಸಕ್ಕೆ ನಾಂದಿ ಹಾಡಲಿರುವ ಈ ಸಿನಿಮಾದಲ್ಲಿ ಪ್ರತಿ ಫ್ರೇಮಿನಲ್ಲೂ ವಾವ್ಹ್ ಫೀಲ್ ಕೊಡೋ ಆ್ಯಕ್ಷನ್ ಥ್ರಿಲ್ ಇರಲಿದೆ. ಇದ್ರ ಜೊತೆಗೆ ಕನ್ನಡಿಗರು ಹೆಮ್ಮೆ ಪಡೋ ವಿಚಾರ ಅಂದ್ರೆ, ಈ ಸಿನಿಮಾ ಕನ್ನಡದಲ್ಲೂ ತಯಾರಾಗ್ತಿದೆ. ಈ ಕುರಿತು ಟ್ವಿಟರ್ ಖಾತೆಯಲ್ಲಿ ಶಾರುಖ್ ಮಾಹಿತಿ ಹಂಚಿಕೊಂಡಿದ್ದಾರೆ.
ಕಿಂಗ್ ಖಾನ್ ಶಾರುಖ್ ,ಜವಾನ್ ಚಿತ್ರದ ಮೂಲಕ ಸೌತ್ ಸಿನಿಮಾಗಳ ಕಡೆ ಹೆಜ್ಜೆ ಇಟ್ಟಿದ್ದಾರೆ. ಕೆಜಿಎಫ್ ಚಿತ್ರದ ನಂತ್ರ ಸ್ಯಾಂಡಲ್ವುಡ್ ಗತ್ತು, ತಾಕತ್ತು ಇಡೀ ವಿಶ್ವಕ್ಕೆ ಗೊತ್ತಾಗಿದೆ. ಇತ್ತೀಚಿನ ಕನ್ನಡ ಪ್ಯಾನ್ ಇಂಡಿಯಾ ಸಿನಿಮಾಗಳು ಅದನ್ನ ಪ್ರೂವ್ ಮಾಡಿವೆ. ಇದೀಗ ಜವಾನ್ ಚಿತ್ರದ ಮೂಲಕ ಶಾರುಖ್ ದಿಕ್ಕು ಕೂಡ ಬದಲಾಗಿದೆ. ಕಮರ್ಷಿಯಲ್, ಡ್ರಾಮ, ಎಮೋಷನಲ್ ಕಂಟೆಂಟ್ ಇರೋ ಹೊಸ ಸಿನಿಮಾ ಜವಾನ್. ಇದೀಗ ಶಾರುಖ್ ಲುಕ್, ಚಿತ್ರದ ಕುರಿತು ಮತ್ತಷ್ಟು ಕೌತುಕ ಸೃಷ್ಠಿ ಮಾಡಿದೆ.
ಕನ್ನಡ ಸೇರಿದಂತೆ ಒಟ್ಟು ಐದು ಭಾಷೆಗಳಲ್ಲಿ ಜವಾನ್ ಸಿನಿಮಾ 2023 ಜೂನ್ 02ಕ್ಕೆ ದೊಡ್ಡ ಮಟ್ಟದಲ್ಲಿ ತೆರೆಗೆ ಬರಲಿದೆ. ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಪಕ್ಕಾ ವಿಶ್ಯುಯೆಲ್ ಟ್ರೀಟ್ ಸಿನಿಮಾ ನಿರ್ಮಾಣ ಮಾಡೋಕೆ ಚಿತ್ರತಂಡ ಸಜ್ಜಾಗಿದೆ. ಇನ್ನೂ ಜವಾನ್ ಸಿನಿಮಾದಲ್ಲಿ ಯಾರೆಲ್ಲಾ ಆ್ಯಕ್ಟ್ ಮಾಡ್ತಾರೆ ಅನ್ನೋದು ಮಾತ್ರ ಕನ್ಫರ್ಮ್ ಆಗಿಲ್ಲ. ಸದ್ಯ ಪಠಾಣ್ ಚಿತ್ರದಲ್ಲಿ ಬ್ಯುಸಿ ಇರೋ ಶಾರುಖ್, ಜವಾನ್ ಚಿತ್ರದ ಟೀಸರ್ ರಿಲೀಸ್ ಮಾಡಿ ಎಲ್ಲರಿಗೂ ಶಾಕ್ ಕೊಟ್ಟಿದ್ದಾರೆ.
ರೆಡ್ ಚಿಲ್ಲಿ ಎಂಟರ್ಟೈನ್ಮೆಂಟ್ ಬ್ಯಾನರ್ ಅಡಿಯಲ್ಲಿ ಕೋಟಿ ಕೋಟಿ ವೆಚ್ಚದಲ್ಲಿ ನಿರ್ಮಾಣ ಆಗ್ತಿರೋ ಈ ಚಿತ್ರ ಸಿಕ್ಕಾಪಟ್ಟೆ ಕ್ಯೂರಿಯಾಸಿಟಿ ಹುಟ್ಟಿಸಿದೆ. ಈ ಚಿತ್ರವನ್ನು ಗೌರಿ ಖಾನ್ ನಿರ್ಮಾಣ ಮಾಡ್ತಿದ್ದು, ಎಲ್ಲರ ಹಬ್ಬೇರಿಸುವಂತೆ ಮಾಡಿದೆ ಟೀಸರ್. ಒಟ್ಟಾರೆಯಾಗಿ ಮೈತುಂಬಾ ಬ್ಯಾಂಡೇಜ್ ಹಾಕಿ, ಕೈಯಲ್ಲಿ ಗನ್ ಹಿಡಿದು ಎಲ್ಲರಿಗೂ ನಾನ್ ರೆಡಿ ಅನ್ನೋ ಎಚ್ಚರಿಕೆ ಕೊಟ್ಟಿದ್ದಾರೆ ಕಿಂಗ್ ಖಾನ್.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ