ಬೆಂಗಳೂರು : ಬಿಜೆಪಿ ಮುಖಂಡ ಅನಂತರಾಜು ಆತ್ಮಹತ್ಯೆ ಕೇಸ್ ದಿನಕ್ಕೊಂದು ತಿರುವು. ಕ್ಷಣಕ್ಕೊಂದು ಟ್ವಿಸ್ಟ್ ಪಡೆದುಕೊಳ್ತಿದೆ. ಫೇಸ್ಬುಕ್ನಲ್ಲಿ ಪರಿಚಯವಾದ ರೇಖಾ ಹಾಗೂ ಅನಂತರಾಜು ಲಿವಿಂಗ್ ರಿಲೇಷನ್ ಶಿಪ್ ಮೂಲಕ ದೈಹಿಕ ಸಂಪರ್ಕದವರೆಗೂ ಬಂದಿತ್ತು. ಅದೇ ಸಂಬಂಧ ಅನಂತರಾಜು ಉಸಿರು ನಿಲ್ಲಿಸೋವರೆಗೂ ಬಂದುಬಿಟ್ಟಿತ್ತು. ಈಗ ಪತ್ನಿ ಸುಮಾ ಹಾಗೂ ರೇಖಾ ನಡುವಿನ ಸಮರ ಶುರುವಾಗಿದೆ.
ಪ್ರತಿ ದಿನ ಸೀರಿಯಲ್ ರೀತಿ ಸಾಗ್ತಿರುವ ಸುಮಾ -ರೇಖಾ ಕದನದ ಒದೊಂದೇ ಆಡಿಯೋ ಪ್ರತಿದಿನ ಲೀಕ್ ಆಗುತ್ತಿದೆ. ಸುಮಾ ಹಾಗೂ ರೇಖಾ ನಡುವೆ ಫೋನ್ನಲ್ಲಿ ನಡೆದಿರುವ ಸಂಭಾಷಣೆಯ ಆಡಿಯೋಗಳು ಈಗಾಗಲೇ ಸಖತ್ ಸದ್ದು ಮಾಡುತ್ತಿವೆ. ಹೀಗಿರುವಾಗಲೇ ಸುಮಾ ಹಾಗೂ ರೇಖಾ ನಡುವಿನ ಮತ್ತೊಂದು ಆಡಿಯೋ ಲೀಕ್ ಆಗಿದ್ದು, ಅದೂ ಸಹ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಹೌದು, ಅಷ್ಟಕ್ಕೂ ಈಗ ಲೀಕ್ ಆಗಿರುವ ಆಡಿಯೋದಲ್ಲಿ ರೇಖಾ ಹಾಗೂ ಅನಂತ ರಾಜು ಅವರ ಮಗುವಿನ ಕುರಿತಾದ ವಿಷಯವೊಂದು ಬಹಿರಂಗವಾಗಿದೆ.
6 ವರ್ಷಗಳ ರಿಲೇಶನ್ಶಿಪ್ನಲ್ಲಿ ರೇಖಾ ಎರಡು ಸಲ ಗರ್ಭಿಣಿಯಾಗಿದ್ದರಂತೆ. ಈ ವಿಷಯ ಅನಂತರಾಜು ಅವರಿಗೂ ಗೊತ್ತಿತ್ತು. ತನಗೆ ಗಂಡು ಮಗು ಪಡೆಯಬೇಕೆಂಬ ಆಸೆ ಇತ್ತು. ಈ ವಿಷಯವನ್ನು ಸಾಕಷ್ಟು ಸಲ ಅನಂತು ಬಳಿ ಹೇಳಿದ್ದೆ. ಆದರೆ, ಇಬ್ಬರಿಗೂ ಇಬ್ಬರು ಮಕ್ಕಳಿರುವ ಕಾರಣ ಮತ್ತೊಂದು ಮಗುವನ್ನು ನೋಡಿಕೊಳ್ಳಲು ಕಷ್ಟ ಆಗುತ್ತೆ ಅಂತ ಅನಂತು ನಮಗೆ ಮಗು ಬೇಡ ಎಂದಿದ್ದರು. ಎರಡೂ ಸಲ ಗರ್ಭಿಣಿಯಾದಾಗಲೂ ಅನಂತರಾಜು ಅವರಿಗೆ ವಾಟ್ಸ್ಆ್ಯಪ್ ನಲ್ಲಿ ಚಾಟ್ ಮೂಲಕ ವಿಷಯ ತಿಳಿಸಿದ್ದೆ. ಅದು ಈಗಲೂ ಅವರ ಚಾಟ್ ಹಿಸ್ಟರಿಯಲ್ಲಿ ಹುಡುಕಿದ್ರೆ ಸಿಗುತ್ತೆ ಅಂತ ಈ ಆಡಿಯೋದಲ್ಲಿ ಸುಮಾ ಜತೆ ಮಾತನಾಡುವಾಗ ರೇಖಾ ಕಣ್ಣೀರಿಟ್ಟಿದ್ದಾರೆ .
ಇದು ರೇಖಾ ಮತ್ತು ಸುಮಾ ನಡುವೆ ನಡೆದ ಅಬಾರ್ಷನ್ ನ ಸಂಭಾಷಣೆ.ಸದ್ಯ ಪ್ರಕರಣ ಸಂಬಂಧ. ರೇಖಾ ಮೃತ ಅನಂತರಾಜು ಪತ್ನಿ ಸುಮಾ ಜತೆ ಈ ಹಿಂದೆ ಮಾತನಾಡಿರುವ ಆಡಿಯೋ ಕ್ಲಿಪ್ಗಳನ್ನು ಪೊಲೀಸ್ರಿಗೆ ನೀಡಿದ್ದಾರೆ.ಅದರ ಜೊತೆಗೆ ತಮ್ಮ ಸಂಬಂಧಿ ಒಬ್ಬರಿಗೂ ಕೊಟ್ಟಿದ್ದಾರಂತೆ. ಇನ್ನು ಬ್ಯಾಡರಹಳ್ಳಿ ಪೊಲೀಸ್ರು ಈ ಪ್ರಕರಣದ ತನಿಖೆ ನಡೆಸುತ್ತಿದ್ದು, ಸಂಬಂಧಪಟ್ಟವರ ವಿಚಾರಣೆ ನಡೆಸುತ್ತಿದ್ದಾರೆ. ಇದೇ ಕೇಸ್ ಮತ್ಯಾವ ಹಂತಕ್ಕೆ ಹೋಗಿ ನಿಲ್ಲತ್ತೋ..ಮತ್ಯಾವ ಆಡಿಯೋ ನಾಳೆ ಸ್ಫೋಟವಾಗತ್ತೊ ಗೊತ್ತಿಲ್ಲ
