ರಕ್ಷಿತ್ ಶೆಟ್ಟಿ.. ಕರಾವಳಿಯ ಮುದ್ದು ಪೋರ, ಟೀನೇಜ್ ಹುಡ್ಗೀರ ಹೃದಯ ಕದ್ದ ಚೋರ. ಕಣ್ಣಲ್ಲೇ ಕೊಲ್ಲೋ ಹ್ಯಾಂಡ್ಸಮ್ ಹೀರೋ ರಕ್ಷಿತ್ ಮೇಲೆ ಮೊದಲ ನೋಟದಲ್ಲೇ ಪ್ರೀತಿ ಹುಟ್ಟೋದು ಸಹಜ. ನ್ಯಾಷನಲ್ ಕ್ರಶ್ ರಶ್ಮಿಕಾಗೂ ಅದೇ ಆಗಿತ್ತು. ಆದ್ರೆ ಕಾರಣಾಂತರಗಳಿಂದ ಅದು ಎಂಗೇಜ್ಮೆಂಟ್ಗೇನೇ ಮುರಿದುಬಿತ್ತು. ಇದೀಗ ರಕ್ಷಿತ್- ರಶ್ಮಿಕಾರ ಆ ಬ್ರೇಕಪ್ ಗುಟ್ಟು ರಟ್ಟಾಗಿದೆ.
- ಲವ್ ಫೇಲ್ಯೂರ್ ಬಗ್ಗೆ ಮೌನ ಮುರಿದ್ರು ರಕ್ಷಿತ್ ಶೆಟ್ಟಿ
- ಶೆಟ್ರ ಸಕ್ಸಸ್ಗೆ ಬ್ರೇಕಪ್ ಕಾರಣ ಎಂದ್ರು ಕ್ರೇಜಿಸ್ಟಾರ್..!
ರಕ್ಷಿತ್ ಹೆಸರು ಕೇಳ್ತಾ ಇದ್ರೇ ಕಾಲೇಜ್ ಹುಡ್ಗೀರ ಎದೆಯಲ್ಲಿ ಮೋಡ ಇಲ್ಲದೇನೇ ಮಳೆ ಸುರಿಯುತ್ತೆ. ಬಿಸಿಲಲ್ಲೂ ತಂಗಾಳಿ ಬೀಸುತ್ತೆ. ಶೆಟ್ರ ಆ್ಯಕ್ಟಿಂಗ್, ಮ್ಯಾನರಿಸಂ, ಸ್ಟೈಲ್ಗೆ ಎಲ್ರೂ ಫಿದಾ ಆಗ್ತಾರೆ. ಅವರ ಟ್ಯಾಲೆಂಟ್ ಬಗ್ಗೆ ಅವ್ರ ಸಿನಿಮಾಗಳೇ ಹೇಳುತ್ವೆ ಅಲ್ವಾ..? ಅವರ ಜೀವನದ ಲವ್ ಬ್ರೇಕಪ್ ಸಖತ್ ಸೌಂಡ್ ಮಾಡ್ತು. ರಕ್ಷಿತ್, ರಶ್ಮಿಕಾ ಪ್ಯಾರ್ ಕಹಾನಿ ಎಂಗೇಜ್ಮೆಂಟ್ ಮುಗಿಸಿ ಮದ್ವೆ ಹಂತಕ್ಕೆ ಹೋಗಿತ್ತು. ಆದ್ರೆ ಈ ಪ್ರಣಯ ಪಕ್ಷಿಗಳು ಬೇಗ ದೂರಾಗಿ ಬಿಟ್ವು. ಕಿರಿಕ್ ಪರ್ಟಿ ಜೋಡಿ ಕಿರಿಕ್ಗಳಿಂದಲೇ ಬೇರ್ಪಡುವಂತಾಯ್ತು.
ರಕ್ಷಿತ್ ಬ್ರೇಕಪ್ ಬಗ್ಗೆ ಫ್ಯಾನ್ಸ್ ಮಂಕಾಗಿದ್ದನ್ನ ನೆನಪು ಮಾಡ್ಕೋಳೋಕೆ ನೋವಾಗುತ್ತೆ. ಆದ್ರೆ ಶೆಟ್ರು ಮಾತ್ರ ಎಲ್ಲೂ ಓಪನ್ ಆಗಿ ಇದ್ರ ಬಗ್ಗೆ ಇಲ್ಲಿವರೆಗೂ ಮಾತನಾಡಲೇ ಇಲ್ಲ. ಇದೀಗ ಕ್ರೇಜಿಸ್ಟಾರ್ ಎದುರು ತಮ್ಮ ಮನದಾಳದ ನೋವನ್ನ ಬಿಚ್ಚಿಟ್ಟಿದ್ದಾರೆ. ಪ್ರೇಮಲೋಕದ ರಣಧೀರನ ಎದುರು ಆ ಗುಟ್ಟನ್ನ ಬಹಿರಂಗಪಡಿಸಿದ್ದಾರೆ. ಯೆಸ್. ಈ ಸರ್ಪ್ರೈಸಿಂಗ್ ಸನ್ನಿವೇಶಕ್ಕೆ ಸಾಕ್ಷಿಯಾಗಿದ್ದು ನಮ್ಮ ಆಂಕರ್ ಅನುಶ್ರೀ ನಡೆಸಿದ ವಿಶೇಷ ಸಂದರ್ಶನ. ಜೊತೆಗೆ, ಶೆಟ್ರ ಸಕ್ಸಸ್ ಸೀಕ್ರೆಟ್ ಕೂಡ ಕ್ರೇಜಿಸ್ಟಾರ್ ರಿವೀಲ್ ಮಾಡ್ಬಿಟ್ರು.
ಸೆಲೆಬ್ರಿಟಿಗಳ ಜೊತೆ ಅನುಶ್ರೀ ಫುಲ್ ಆಫ್ ಎನರ್ಜಿ, ಫುಲ್ ಆಫ್ ಆಕ್ಟಿವ್ ಆಗಿ ಇಂಟರ್ವ್ಯೂ ಮಾಡ್ತಾರೆ. ಇತ್ತೀಚೆಗೆ ಎಕ್ಸ್ಕ್ಲ್ಯೂಸಿವ್ ಆಗಿ ಕನಸುಗಾರ ರವಿಚಂದ್ರನ್ ಹಾಗೂ ರಕ್ಷಿತ್ ಶೆಟ್ಟಿಗೆ ಆಂಕರ್ ಅನುಶ್ರಿ ಸಂದರ್ಶನ ಮಾಡಿದ್ದಾರೆ. ಈ ವೀಡಿಯೋ ಸಿಕ್ಕಾ ಪಟ್ಟೆ ತರಲೆ ತಮಾಷೆ ಹರಟೆ ಜೊತೆ ಸಖತ್ ಫನ್ನಿಯಾಗಿ ಮೂಡಿ ಬಂದಿದೆ. ಜೊತೆಗೆ ರಕ್ಷಿತ್, ರವಿಚಂದ್ರನ್ ತಮ್ಮ ಜೀವನದ ಏಳು ಬೀಳುಗಳನ್ನು ಹಂಚಿಕೊಂಡಿದ್ದಾರೆ.
ಪ್ರೇಮಲೋಕ ಸಿನಿಮಾನ ಬೇರೆ ಹೀರೋಗೆ ಮತ್ತೆ ಮಾಡೋಕೆ ಬಿಡಲ್ವಂತೆ ಕ್ರೇಜಿಸ್ಟಾರ್. ಯಾಕಂದ್ರೆ ಯಾರಿಗೂ ಪ್ರೀತಿ ಮಾಡೋಕೆ ಬರಲ್ಲ. ರಕ್ಷಿತ್ ಶೆಟ್ಟಿಗೂ ಪ್ರೀತಿ ಮಾಡೋಕೆ ಬರಲ್ಲ ಎಂದ್ರು. ಇದ್ರ ಜೊತೆಗೆ ರಕ್ಷಿತ್ ಸಕ್ಸಸ್ ಆಗಿರೋದಕ್ಕೆ ಕಾರಣ ಲವ್ ಬ್ರೇಕಪ್ ಅನ್ನೋ ಟಾಪ್ ಸೀಕ್ರೆಟ್ ಕೂಡ ಬಿಚ್ಚಿಟ್ರು. ಈ ಮಾತಿಗೆ ರಕ್ಷಿತ್, ಆಂಕರ್ ಅನುಶ್ರೀ ಬಿದ್ದು ಬಿದ್ದು ನಕ್ಕರು. ಜೊತೆಗೆ ಈ ಮಾತು ನೆರೆದಿದ್ದ ಪ್ರೇಕ್ಷಕರನ್ನ ಸಹ ನಗೆಗಡಲಲ್ಲಿ ತೇಲಿಸಿತು.
ರವಿ ಸರ್ ಮಾತಿಗೆ ರಿಯಾಕ್ಟ್ ಮಾಡಿದ ರಕ್ಷಿತ್. ಖಂಡಿತ ಕಾಲೇಜ್ ಡೇಸ್ನಲ್ಲಿ ಲವ್ ಫೇಲ್ಯೂರ್ ಆಗಿದೆ. ನಂಗೂ ರಶ್ಮಿಕಾಗೂ ಲವ್ ಫೇಲ್ಯೂರ್ ಆಗಿಲ್ಲ ಅಂತಾ ಪರೋಕ್ಷವಾಗಿ ಉತ್ತರಿಸಿದ್ರು. ಈ ಶೋ ಪೂರ್ತಿ ಅನೇಕ ಪ್ರಶ್ನೆಗಳಿಗೆ ರವಿಚಂದ್ರನ್, ರಕ್ಷಿತ್ ಉತ್ತರ ಕೊಟ್ರು. ಎಲ್ಲವೂ ಇಂಟ್ರೆಸ್ಟಿಂಗ್ ಆಗಿದೆ. ಈ ಫನ್ನಿ ಸಂದರ್ಶನವನ್ನ ಮತ್ತೆ ಮತ್ತೆ ನೋಡಬೇಕು ಅನಿಸುತ್ತೆ.
ರಾಕೇಶ್ ಆರುಂಡಿ , ಫಿಲ್ಮ್ ಬ್ಯೂರೋ, ಪವರ್ ಟಿವಿ