ಎಷ್ಟೇ ಬೆಳೆದ್ರೂ ತನ್ನವರನ್ನ ಬಿಟ್ಟುಕೊಡಲ್ಲ ರಾಕಿಭಾಯ್ ಯಶ್. ಸದ್ಯ ತನ್ನೊಟ್ಟಿಗೆ ಕೆಲಸ ಮಾಡಿದ ರೈಟರ್, ಆತ್ಮೀಯ ಗೆಳೆಯ ಅನಿಲ್ ಹೊಸ ಪ್ರಯೋಗಕ್ಕೆ ಸಾಥ್ ನೀಡಿದ್ದಾರೆ. ಸಿನಿಮಾ ಸಖತ್ ವರ್ಕೌಟ್ ಆಗಲಿದೆ ಅಂತ ಭವಿಷ್ಯ ನುಡಿದಿದ್ದಾರೆ. ಮಾನ್ಸ್ಟರ್ ರಾಕಿ ಜೊತೆ ಕೆಜಿಎಫ್ ಕಲಾವಿದರು ಕೂಡ ಬೆನ್ನು ತಟ್ಟಿದ್ದಾರೆ.
- ರಿಲೀಸ್ಗೂ ಮೊದ್ಲೇ ಭವಿಷ್ಯ ನುಡಿದ ನ್ಯಾಷನಲ್ ಸ್ಟಾರ್
- ಬ್ಯೂಟಿ ಆಶಿಕಾ ಜೊತೆ KGF ಕಲಾವಿದರಿಂದ ಮೆಚ್ಚುಗೆ
- ಕಾಣೆಯಾದವ್ರ ಜೊತೆ ಯಶ್ ಮಾತು, ಹಾಡು, ಹರಟೆ
ಕಾಣೆಯಾದವ್ರ ಬಗ್ಗೆ ಪ್ರಕಟಣೆ.. ಈ ವಾರ ತೆರೆಗೆ ಬರ್ತಿರೋ ಸಿನಿಮಾ. ಮಿಗಿಲಾಗಿ ಇದರಲ್ಲಿ ಕೆಲಸ ಮಾಡಿದ ಬಹುತೇಕ ಎಲ್ಲಾ ಕಲಾವಿದರು ಹಾಗೂ ತಂತ್ರಜ್ಞರು, ಒಂದಿಲ್ಲಾ ಒಂದು ಸಿನಿಮಾದಲ್ಲಿ ಕೆಜಿಎಫ್ ರಾಕಿಭಾಯ್ಗೆ ಕನೆಕ್ಟ್ ಆಗಿದ್ದಾರೆ. ಹಾಗಾಗಿಯೇ ಈ ಟೀಂ ಜೊತೆ ಯಶ್ ಮುಕ್ತವಾಗಿ ಮಾತನಾಡಿ, ಸಿನಿಮಾ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿ, ಗೆದ್ದೇ ಗೆಲ್ಲುತ್ತೆ ಅಂತ ಭವಿಷ್ಯ ಕೂಡ ನುಡಿದಿದ್ದಾರೆ.
ಯೆಸ್.. ನೀವು ನೋಡ್ತಿರೋ ಈ ಫೋಟೋಸ್, ಕೆಜಿಎಫ್ ಚಾಪ್ಟರ್- 2 ಶೂಟಿಂಗ್ ಸಮಯದಲ್ಲಿ ಕ್ಲಿಕ್ಕಿಸಲಾಗಿದೆ. ಕಾಣೆಯಾದವ್ರ ಬಗ್ಗೆ ಪ್ರಕಟಣೆ ಸಿನಿಮಾ ಹಾಗೂ ಕೆಜಿಎಫ್ ಅಕ್ಕಪಕ್ಕದಲ್ಲಿ ಚಿತ್ರಿತವಾಗ್ತಿತ್ತು. ಆಗ ಖುದ್ದು ಯಶ್ ಅವ್ರೇ ನಿರ್ದೇಶಕ ಅನಿಲ್ರನ್ನ ಕರೆಸಿಕೊಂಡು ಸಿನಿಮಾದ ಕಥೆ ಮೊದಲೇ ಕೇಳಿದ್ದರಿಂದ ಒಳ್ಳೆಯದಾಗಲಿದೆ ಎಂದಿದ್ದರಂತೆ. ಅದನ್ನ ಅನಿಲ್ ಅವ್ರು ಚಿಕ್ಕಣ್ಣ ಜೊತೆಗಿನ ಮಾತುಕತೆಯಲ್ಲಿ ರಿವೀಲ್ ಮಾಡಿದ್ರು.
ಆರ್ಮುಗಂ ರವಿಶಂಕರ್, ರಂಗಾಯಣ ರಘು, ತಬಲಾ ನಾಣಿ, ಚಿಕ್ಕಣ್ಣ ಹೀಗೆ ಎಲ್ಲಾ ಕಲಾವಿದರು ಯಶ್ಗೆ ಆಪ್ತರೇ. ಅಷ್ಟೇ ಯಾಕೆ ನಿರ್ದೇಶಕ ಅನಿಲ್ ರಾಕಿಭಾಯ್ರ ಅಚ್ಚುಮೆಚ್ಚಿನ ರೈಟರ್. ಈ ಹಿಂದೆ ಮಾಸ್ಟರ್ಪೀಸ್ ಹಾಗೂ ಸಂತು ಸ್ಟ್ರೈಟ್ ಫಾರ್ವರ್ಡ್ ಚಿತ್ರಗಳಿಗೂ ಅನಿಲ್ ಕೆಲಸ ಮಾಡಿದ್ರು. ಮತ್ತೆ ಕಿರಾತಕ ಸಿನಿಮಾನ ಯಶ್ ಜೊತೆ ಮಾಡೋಕೆ ಮುಂದಾಗಿದ್ದ ಅನಿಲ್ಗೆ ಕಾರಣಾಂತರಗಳಿಂದ ಆ ಚಿತ್ರ ಆರಂಭದಲ್ಲೇ ನಿಂತು ಹೋಯ್ತು.
ರಾಕಿಭಾಯ್ ಯಶ್ ಜೊತೆ ಕೆಜಿಎಫ್ ಕಲಾವಿದರು ಕೂಡ ಸಿನಿಮಾಗೆ ಬೆಸ್ಟ್ ವಿಶಸ್ ಹೇಳಿದ್ದಾರೆ. ಗರುಡ ರಾಮ್ ಹಾಗೂ ಆಂಡ್ರೂಸ್ ಅವಿನಾಶ್ ಚಿತ್ರತಂಡಕ್ಕೆ ಶುಭ ಹಾರೈಸಿದ್ದಾರೆ.
ಇನ್ನು ಆಶಿಕಾ ರಂಗನಾಥ್ ಮೊದಲ ಬಾರಿಗೆ ಈ ಸಿನಿಮಾದಲ್ಲಿ ಅತಿಥಿ ಪಾತ್ರ ಮಾಡೋ ಮೂಲಕ ಸಿನಿಮಾದ ಗ್ಲಾಮರ್ ಹೆಚ್ಚಿಸಿದ್ದಾರೆ. ಶೂಟಿಂಗ್ ವೇಳೆಯ ಅಭೂತಪೂರ್ವ ಅನುಭವಗಳನ್ನು ಬಿಚ್ಚಿಟ್ಟಿದ್ದಾರೆ.
ಒಟ್ಟಾರೆ ಕಂಟೆಂಟ್ ಬೇಸ್ಡ್ ಸಿನಿಮಾಗಳನ್ನ ಕನ್ನಡ ಸಿನಿಪ್ರಿಯರು ಎಂದೂ ಕೈಬಿಟ್ಟಿಲ್ಲ. ಈ ಸಿನಿಮಾನ ಸಹ ಗೆಲ್ಲಿಸ್ತಾರೆ ಅನ್ನೋ ಭರವಸೆಯಲ್ಲಿ ಶುಕ್ರವಾರದಿಂದ ಥಿಯೇಟರ್ ಅಂಗಳಕ್ಕೆ ಬರ್ತಿದ್ದಾರೆ ಕಾಣೆಯಾದವ್ರು.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
