ಇಂಟರ್ನ್ಯಾಷನಲ್ ಲೆವೆಲ್ನಲ್ಲಿ ಕನ್ನಡ ಮಣ್ಣಿನ ದೇಸಿ ಕ್ರೀಡೆ, ಜಾನಪದ ಕಂಬಳ ಸೌಂಡ್ ಮಾಡಲಿದೆ. ಅಪ್ಪಟ ಕರಾವಳಿ ಗಂಡು ಕಲೆಯ ಜಬರ್ದಸ್ತ್ ಸ್ಟೋರಿ ಇದಾಗಿದೆ. ತುಳುನಾಡಿನ ಸಂಸ್ಕೃತಿಯ ಗತ್ತು ಚೀನಾ, ರಷ್ಯಾ, ದುಬೈಗೂ ಗೊತ್ತಾಗಲಿದೆ. ಯೆಸ್.. ಮೋದಿಗೂ ಮುಟ್ಟಲಿರೋ ಈ ಪ್ಯಾನ್ ಇಂಡಿಯಾ ಮೂವಿಯ ಗೈರತ್ತು ಇಲ್ಲಿದೆ.
- ಪ್ರಧಾನಿ ಮೋದಿ ನೋಡಲೇಬೇಕಾದ ಸಿನಿಮಾ ಇದು..!
ನೀವೀಗ ನಾವು ಹೇಳೋಕೆ ಹೊರಟಿರೋ ಸ್ಟೋರಿಯನ್ನು ಕಿವಿಯರಳಸಿ ಕೇಳ್ಬೇಕು. ಕಣ್ಣರಳಿಸಿ ನೋಡ್ಬೇಕು. ನೇವೆಲ್ಲಾ ಖಂಡಿತ ಶಾಕ್ ಆಗ್ತೀರಾ. ಅರೇ ಕನ್ನಡ ಸಿನಿಮಾಗಳು ಹೋಗ್ತಾ ಇರೋ ಸ್ಪೀಡ್ ನೋಡಿದ್ರೆ ಒಂದು ಕ್ಷಣ ಬೆಚ್ಚಿ ಬೆರಗಾಗ್ತೀರಾ. ಬುಲೆಟ್ ಟ್ರೈನ್ಗಿಂತ ಸ್ಪೀಡ್ ಆಗಿ, ವಿಶ್ವ ಸಿನಿದುನಿಯಾದ ಹುಬ್ಬೇರಿಸೋದ್ರ ಜೊತೆಗೆ ಸಂದೇಶ ಸಾರೋ ಸಿನಿಮಾ ಬರ್ತಿದೆ. ದೇಸಿ ಕ್ರೀಡೆ ಕಂಬಳದ ರೋಚಕ ಕಥೆ ಇದು. ಇದರಲ್ಲಿ ಅಂತಾ ಸ್ಪೆಷಲ್ ಏನಿದೆ ಅನ್ಕೋಬೇಡಿ. ಕಹಾನಿ ಮೇ ಟ್ವಿಸ್ಟ್ ಇಲ್ಲೇ ಇರೋದು. ಈ ಸಿನಿಮಾ ಚಿತ್ರರಂಗದಲ್ಲಿ ಹೊಸ ಬೆಂಚ್ ಮಾರ್ಕ್ ಕ್ರಿಯೇಟ್ ಮಾಡಲಿದೆ.
ಸಿಂಹದಮರಿ ಸೈನ್ಯ, ಮುತ್ತಿನ ಹಾರ, ಬಂಧನ ಹೀಗೆ ಮರೆಯಲಾಗದ ಸಿನಿಮಾಗಳನ್ನ ಕಟ್ಟಿಕೊಟ್ಟಂತಹ ನಿರ್ದೇಶಕ ಎಸ್.ವಿ. ರಾಜೇಂದ್ರಸಿಂಗ್ ಬಾಬು, ನ್ಯಾಷನಲ್ ಲೆವೆಲ್ ಸಬ್ಜೆಕ್ಟ್ಗೆ ಕೈಹಾಕಿದ್ದಾರೆ. ವೀರ ಕಂಬಳ ಸಿನಿಮಾ ಈಗಾಗ್ಲೇ ಸೆಟ್ಟೇರಿದ್ದು, ಸೆಪ್ಟೆಂಬರ್ ವೇಳೆಗೆ ನಿಮನ್ನೆಲ್ಲಾ ಮಂತ್ರಮುಗ್ಧಗೊಳಿಸೋಕೆ ಬರ್ತಿದೆ. ಈ ಸಿನಿಮಾ ನೋಡಿ ರಷ್ಯಾ, ಫ್ರಾನ್ಸ್, ದುಬೈ, ಅಮೇರಿಕಾ ದೇಶಗಳು ನಮ್ಮ ಕರುನಾಡನ್ನ ಹುಡಕಿ ಬರಲಿದ್ದಾರಂತೆ. ಕಂಬಳ ಕ್ರೀಡೆಯ ತಾಕತ್ತನ್ನು ಹಾಲಿವುಡ್ ರೇಂಜ್ಗೆ ಹೇಳೋಕೆ ಹೊರಟಿದೆ ಚಿತ್ರತಂಡ.
ತುಳುನಾಡಿನ ದೇಸಿ ಪ್ರತಿಭೆ, ಕನ್ನಡದ ಹುಸೇನ್ ಬೋಲ್ಟ್ ಶ್ರೀನಿವಾಸಗೌಡ ಈ ಸಿನಿಮಾದಲ್ಲಿ ರಿಯಲ್ ಹೀರೋ ಆಗಿ ಮಿಂಚಿದ್ದಾರೆ. ಸಿಕ್ಸ್ ಪ್ಯಾಕ್ ಧೀರ ಕೋಣಗಳನ್ನ ಪಳಗಿಸಿ, ಸಿಲ್ವರ್ ಸ್ಕ್ರೀನ್ ಮೇಲೆ ಧೂಳೆಬ್ಬಿಸ್ತಾರಂತೆ. ಜೊತೆಗೆ ಡೆಡ್ಲಿ ಆದಿತ್ಯನ ಗ್ಯಾಂಗ್ಸ್ಟಾರ್ ಲುಕ್ ನೋಡಿ, ಒಂದು ಕ್ಷಣ ಅವಕ್ಕಾಗಿ ಹೋಗ್ತಾರಂತೆ. ಥ್ರಿಲ್ಲರ್ ಸಿನಿಮಾಗಳಲ್ಲಿ ಮಿಂಚ್ತಿದ್ದ ರಾಧಿಕಾ ನಾರಾಯಣ್, ಕಮೀಷನರ್ ಆಗಿ ರೂಲ್ ಮಾಡಲಿದ್ದಾರೆ. ಪ್ರತಿ ನಿತ್ಯ 40 ರಿಂದ 50 ಸೆಟ್ಗಳು, 80 ರಿಂದ 100 ಕೋಣಗಳು, ಸಾವಿರಾರು ಕಲಾವಿದರ ಸಮ್ಮುಖದಲ್ಲಿ ಕೆಜಿಎಫ್ ಲೆವೆಲ್ನಲ್ಲಿ ಸಿನಿಮಾ ಮಾಡ್ತಿದ್ದಾರೆ.
ಈ ಸಿನಿಮಾ ಚಿತ್ರರಸಿಕರಿಗೆ ವ್ಹಾವ್ ಫೀಲ್ ಕೊಡೋದಂತೂ ಪಕ್ಕಾ ಆಗಿದೆ. ಪ್ರಧಾನಿಗೂ ಈ ಸಿನಿಮಾ ತೋರಿಸೋ ಪ್ಲ್ಯಾನ್ ಮಾಡಿಕೊಂಡಿದೆ ಚಿತ್ರತಂಡ. ಪ್ರಕಾಶ್ ರಾಜ್ ಗೆಸ್ಟ್ ಅಪಿಯರೆನ್ಸ್ ಕೂಡ ಚಿತ್ರಕ್ಕಿದೆ. ಸಿಂಗರ್ ಮಂಗ್ಲಿಯ ಕಂಠ ಬೀಳಲಿದೆ. ಕಂಬಳ ಕ್ರೀಡೆಯನ್ನ ನ್ಯಾಚುರಲ್ ಆಗಿ ತೋರಿಸೋಕೆ ಭಾರೀ ಮೊತ್ತದ ಸ್ಪೆಷಲ್ ಲೆನ್ಸ್ ತರಿಸಿ, ಕ್ಯಾಮೆರಾಗೆ ಅಳವಡಿಸಲಾಗಿದೆ. ಅರುಣ್ ರೈ ತೋಡಾರ್ ಚಿತ್ರಕ್ಕಾಗಿ ಕೋಟಿ ಕೋಟಿ ಹಣವನ್ನು ನೀರಿನಂತೆ ಸುರಿದಿದ್ದಾರೆ. ಎಲ್ಲೂ ಕಾಂಪ್ರಮೈಸ್ ಆಗದೆ, ಹಾಲಿವುಡ್ ಸಿನಿಮಾ ರೇಂಜ್ಗೆ ವೀರ ಕಂಬಳ ಮೂಡಿ ಬರ್ತಿದೆ. ಮಣಿಕಾಂತ್ ಕದ್ರಿ ಸಂಗೀತ. ವಿಜಯ್ಕುಮಾರ್ ಕೊಡಿಯಾಲ್ಬೈಲ್ ಸಂಭಾಷಣೆ ಇದೆ. ಒಟ್ನಲ್ಲಿ ಕಂಬಳದ ಕ್ರೇಜ್ ಕಣ್ಣಿಗೆ ರಾಚುವಂತೆ ಸೆಪ್ಟಂಬರ್ ವೇಳೆಗೆ ನಿಮ್ಮೆದುರು ಬರಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
