ತೆರೆ ಮೇಲೆ ಇವ್ರ ಖದರ್ ಸೂಪರ್. ಪೊಗರಿನ ಟಗರು ನಮ್ ಆ್ಯಕ್ಷನ್ ಫ್ರಿನ್ಸ್ ಧ್ರುವ ಸರ್ಜಾ. ನ್ಯಾಷನಲ್ ಬಾಡಿ ಬಿಲ್ಡರ್ಗಳು ಇವ್ರ ಹುರಿಗಟ್ಟಿದ ದೇಹ ನೋಡಿ ಒಂದು ಕ್ಷಣ ಗಾಬರಿಯಾಗಿ ಬಿಡ್ತಾರೆ. ನೂರು ಜನ ಎದುರು ನಿಂತ್ರು ಒಬ್ಬನೇ ಹೋರಾಡೋ ಬಲಭೀಮ. ಯೆಸ್.. ಫ್ಯಾನ್ಸ್ ಹೃದಯ ಗೆದ್ದಿರೋ ಮಾರ್ಟಿನ್ ಮಾನ್ಸ್ಟಾರ್ ನಮ್ ಆ್ಯಕ್ಷನ್ ಹೇಗಿರಲಿದೆ ಅನ್ನೋದನ್ನ ಫೈಟ್ ಮಾಸ್ಟರ್ ಬಾಯಿಂದಲೇ ಒಮ್ಮೆ ಕೇಳಿಬಿಡಿ.
- ರಣರೋಚಕ ಆ್ಯಕ್ಷನ್ ಸೀಕ್ವೆನ್ಸ್ಗೆ ಮಾರ್ಟಿನ್ ಸಾಹಸ
ಎಷ್ಟು ಬೇಕಾದ್ರೂ ಸಿನಿಮಾ ಆಫರ್ಸ್ ಬರಲಿ, ನಿರ್ಮಾಪಕರು ಮನೆ ಬಾಗಿಲಿಗೆ ಹುಡುಕಿಕೊಂಡು ಬರಲಿ, ಸ್ಯಾಂಡಲ್ವುಡ್ ಪ್ರಿನ್ಸ್ ಮಾತ್ರ ಮಾರ್ಟಿನ್ ಚಿತ್ರದ ಗುಂಗಿನಿಂದ ಹೊರಗೆ ಬರೋದಿಲ್ಲ. ಅವರ ಜಿಮ್ ಕಸರತ್ತು ಏನಿದ್ರೂ ಮಾರ್ಟಿನ್ ಚಿತ್ರಕ್ಕಾಗಿ. ಕಂಡು ಕೇಳರಿಯದ, ಎಂದೂ ನೋಡಿರದ ಆ್ಯಕ್ಷನ್ ಸೀನ್ಸ್ ಮಾರ್ಟಿನ್ ಚಿತ್ರದಲ್ಲಿ ನೀವೆಲ್ಲಾ ನೋಡಬಹುದು. ಅದಕ್ಕಾಗಿ ಆ್ಯಕ್ಷನ್ ಪ್ರಿನ್ಸ್ ಧ್ರುವ ಡೈಲಿ ಜಿಮ್ನಲ್ಲಿ ಬೆವರಿಳಿಸ್ತಾ ಇದ್ದಾರೆ. ಅವರ ಸಿನಿಕರಿಯರ್ನಲ್ಲಿ ಮಾರ್ಟಿನ್ ಒಂದು ಹೊಸ ಮೈಲಿಗಲ್ಲಾಗಲಿದೆ.
ಪೊಗರು ಸಿನಿಮಾದಲ್ಲಿ ಧ್ರುವನ ಅಬ್ಬರ, ಆರ್ಭಟವನ್ನ ನಾವೆಲ್ಲಾ ಮರೆಯೋಕೆ ಸಾಧ್ಯವೇ ಇಲ್ಲ. ಡೈಲಾಗ್ಸ್, ಆ್ಯಕ್ಷನ್ಸ್ ಎಲ್ಲವೂ ಮೈಕೊಡವಿ ಎದ್ದು ಬರೋ ಸಿಂಹಾನೆ. ಇದೀಗ ಅವರ ಖದರ್,ಗತ್ತು, ಗಮ್ಮತ್ತು ಎಲ್ಲವೂ ದುಪ್ಪಟ್ಟಾಗಿದೆ. ಎದುರಾಳಿ ವಿಲನ್ಗಳ ಎದೆಸೀಳೋಕೆ ಬಾಡಿ ಸಜ್ಜಾಗಿದೆ. ಇನ್ನೇನಿದ್ರೂ ಮಾರ್ಟಿನ್ ಕೋಪಕ್ಕೆ ಬಲಿಯಾಗೋ ರೌಡಿಗಳೆಷ್ಟು ಅಂತಾ ಲೆಕ್ಕಾ ಹಾಕ್ತಾ ಕೂರೋದಷ್ಟೆ ನಮ್ ಕೆಲಸ. ಹೌದು. ಇದೆಲ್ಲಾ ಕಥೆ ಅನ್ಕೋಬೇಡಿ, ನಾವ್ ಹೇಳ್ತಾ ಇರೋದು ನಮ್ ಆ್ಯಕ್ಷನ್ ಪ್ರಿನ್ಸ್ ಅಭಿನಯದ ಮೋಸ್ಟ್ ಎಕ್ಸ್ಪೆಕ್ಟೆಡ್ ಮೂವಿ ಮಾರ್ಟಿನ್ ಚಿತ್ರದ ಜಸ್ಟ್ ಹೈಲೈಟ್ಸ್.
ಧ್ರುವ ಸರ್ಜಾ ಖಾತೆಯಲ್ಲಿ ಮೂಡಿ ಬರ್ತಿರೋ ಐದನೇ ಸಿನಿಮಾ ಮಾರ್ಟಿನ್. ಎಪಿ ಅರ್ಜುನ್ ಆಕ್ಷನ್ ಕಟ್ ಹೇಳ್ತಿರೋ ಭಾರತದ ಅದ್ಧೂರಿ ಸಿನಿಮಾ ಇದು. ಒಟ್ಟು ಐದು ಭಾಷೆಗಳಲ್ಲಿ ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಘರ್ಜಿಸೋಕೆ ಮಾರ್ಟಿನ್ ಬರ್ತಿದ್ದಾನೆ. ಹಾಗಂತ ಇದು ಬರೀ ಮಾಸ್ ಕಥೆಯಲ್ಲ. ನಿಮ್ಮ ಮನಸ್ಸಿಗೆ ಟಚ್ ಆಗೋ ಲವ್ಸ್ಟೋರಿಯೂ ಹೌದು. ಜೊತೆಗೆ ಬೆಚ್ಚಿ ಬೀಳಿಸೋ ರಣರೋಚಕ ಸಾಹಸ ದೃಶ್ಯಗಳಿಂದ ಕೂಡಿರಲಿದೆ. ಒಟ್ನಲ್ಲಿ ಸಿಲ್ವರ್ ಸ್ಕ್ರೀನ್ ಮೇಲೆ ಮಾರ್ಟಿನ್ ದೃಶ್ಯವೈಭವವನ್ನು ಕಣ್ತುಂಬಿಕೊಳ್ಳೋದೇ ಆನಂದ. ಇದು ರವಿವರ್ಮಾ ಕೊಟ್ಟಿರೋ ಕಾನ್ಫಿಡೆನ್ಸ್.
ನಾಲ್ಕೈದು ಸಿನಿಮಾ ಮಾಡಿದ್ರೂ ಧ್ರುವಗೆ ಬಹುದೊಡ್ಡ ಅಭಿಮಾನಿ ಬಳಗವಿದೆ. ಸೆಪ್ಟೆಂಬರ್ 30ಕ್ಕೆ ಮಾರ್ಟಿನ್ ದರ್ಬಾರ್ ಶುರುವಾಗಲಿದೆ. ಅಲ್ಲಿವರೆಗೂ ಅಭಿಮಾನಿಗಳು ಮಾರ್ಟಿನ್ ಜಪ ಮಾಡ್ತಾ ಭಜನೆಯಲ್ಲಿ ಮುಳುಗಿ ಹೋಗಬೇಕಿದೆ. ಮಾರ್ಟಿನ್ಗೆ ನಾಯಕಿಯಾಗಿ ವೈಭವಿ ಶಾಂಡಿಲ್ಯ ಗ್ಲಾಮರಸ್ ಗೊಂಬೆಯಾಗಿ ಮಿಂಚಲಿದ್ದಾರೆ. ಉದಯ್ ಕೆ ಮೆಹ್ತಾ ಕೋಟಿ ಕೋಟಿ ಬಂಡವಾಳ ಹೂಡಿ ಅದ್ಧೂರಿಯಾಗಿ ನಿರ್ಮಾಣ ಮಾಡ್ತಿದ್ದಾರೆ. ಸತ್ಯ ಹೆಗಡೆ ಕ್ಯಾಮೆರಾ ಕೈಚಳಕ ಈ ಸಿನಿಮಾದಲ್ಲಿ ಕಣ್ಣು ಕುಕ್ಕಲಿದೆ. ಮಣಿ ಶರ್ಮಾ ಮ್ಯೂಸಿಕ್ ಮತ್ತೆ ಮತ್ತೆ ಸಂಗೀತದ ಅಲೆಯಲ್ಲಿ ನಿಮ್ಮನ್ನು ತೇಲಿಸೋದು ಪಕ್ಕಾ ಆಗಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
