ಹಾಲುಗಲ್ಲದ ಮಂಗಳೂರಿನ ಮುದ್ದು ಚೆಲುವ ರಕ್ಷಿತ್ ಶೆಟ್ಟಿ. ಇವರ ಮ್ಯಾನರಿಸಂಗೆ, ಹೇರ್ಸ್ಟೈಲ್ಗೆ, ಹುಡುಗೀರೆಲ್ಲಾ ಮನಸಲ್ಲೇ ಮುದ್ದಾದ ಮನೆ ಕಟ್ಟಿದ್ದಾರೆ. ಆದರೆ, ಮಲ್ಲಿಗೆ ಹೂವಿನಂತಿದ್ದ ರಕ್ಷಿತ್, ಕೆಂಪುಗುಲಾಬಿಯಂತೆ ಹುಬ್ಬಿ ಹೋಗಿದ್ದಾರೆ. ಅವರ ಫಸ್ಟ್ ಲುಕ್ ಪೋಸ್ಟರ್ ನೋಡಿ ಫ್ಯಾನ್ಸ್ ಶಾಕ್ ಆಗಿದ್ದಾರೆ.
ರಕ್ಷಿತ್ ಬದಲಾಗಿರೋ ಪರಿ ನೋಡಿದ್ರೆ ಶಾಕ್ ಆಗ್ತೀರಾ..!
ಅಬ್ಬಬ್ಬಾ..! ರಕ್ಷಿತ್ ಶೆಟ್ಟಿಯ ತೂಕ ಎಷ್ಟು ಕೆಜಿ ಗೊತ್ತಾ..?
ನಮ್ ಕನ್ನಡ ಕಲಾವಿದರೆಲ್ಲಾ ಸೂಪರ್ ಸ್ಟಾರ್ಗಳಾಗಿ ಮಿಂಚ್ತಿದಾರೆ. ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ಅಬ್ಬರಿಸ್ತಿದ್ದಾರೆ. ನಮ್ ಕುಡ್ಲ ಹುಡುಗ ರಕ್ಷಿತ್ ಶೆಟ್ಟಿಯ 777 ಚಾರ್ಲಿ ಚಿತ್ರದ ಟ್ರೈಲರ್ ಯ್ಯೂಟ್ಯೂಬ್ನಲ್ಲಿ ಧೂಳೆಬ್ಬಿಸ್ತಿದೆ. ಶೆಟ್ಟಿ , 777ಚಾರ್ಲಿ ಚಿತ್ರಕ್ಕಾಗಿ ಪಟ್ಟಿರೋ ಶ್ರಮ ಟ್ರೈಲರ್ನಲ್ಲಿ ಎದ್ದು ಕಾಣಿಸುತ್ತೆ. ಮಲ್ಟಿ ಟ್ಯಾಲೆಂಟೆಡ್ ರಕ್ಷಿತ್ ಅವರ ಕಂಟೆಂಟ್ ಚಿತ್ರಕ್ಕಾಗಿ ಹಗಲು ರಾತ್ರಿ ಜಪ ಮಾಡೋ ಕ್ರೇಜಿ ಫ್ಯಾನ್ಸ್ ಕೂಡ ಇದ್ದಾರೆ. ಅವರ ಎಫರ್ಟ್, ಡೆಡಿಕೇಷನ್ಗೆ ಇಡೀ ಇಂಡಿಯಾ ಬೆರಗಾಗಿದೆ. ಆದರೆ, ರಕ್ಷಿತ್ ಹೊಸ ಚಿತ್ರಕ್ಕಾಗಿ ಈ ಪರಿ ಎಫರ್ಟ್ ಹಾಕ್ತಾರೆ ಅಂತಾ ಯಾರು ಊಹಿಸಿರಲಿಲ್ಲ ಬಿಡಿ. ಅವರ ನ್ಯೂ ಲುಕ್ ನೋಡಿದ್ರೆ ನೀವು ಕೂಡ ಅಚ್ಚರಿ ಪಡ್ತೀರ.
777ಚಾರ್ಲಿ ನೋಡೋ ತವಕ ಒಂದ್ ಕಡೆಯಾದ್ರೆ, ಸಪ್ತಸಾಗರದಾಚೆ ಎಲ್ಲೋ ಚಿತ್ರದ ಗುಂಗು ಒಂದ್ ಕಡೆ. ರಕ್ಷಿತ್ ಫ್ಯಾನ್ಸ್ಗೆ ಇದು ಡಬಲ್ ಧಮಾಕ ಇದ್ದಂತೆ . ಇವ್ರ ಸಿಗ್ನೇಚರ್ ಸ್ಟೈಲ್ಗೆ ಎಲ್ಲರೂ ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಅವನೇ ಶ್ರೀಮನ್ನಾರಾಯಣ ಚಿತ್ರದ ನಂತ್ರ ರಕ್ಷಿತ್ ತುಂಬಾ ದುಬಾರಿಯಾದ್ರು. ಅವರ ಕಾಲ್ಶೀಟ್ ಅಷ್ಟು ಸುಲಭಕ್ಕೆ ಸಿಕ್ಕಲ್ಲಾ ಬಿಡಿ. ಒಂದ್ ಸಿನಿಮಾ ಗೆದ್ ತಕ್ಷಣ ರಿಕ್ಕಿ ಜಾಲಿಮೂಡ್ನಲ್ಲಿದಾರೆ ಅನ್ಕೋಬೇಡಿ. ಪ್ರತಿ ಚಿತ್ರಕ್ಕೂ ದೇಹವನ್ನು ದಂಡಿಸ್ತಿದ್ದಾರೆ. ಪಾತ್ರಕ್ಕೆ ತಕ್ಕ ನ್ಯಾಯ ಒದಗಿಸಬೇಕು ಅಂತಾ ಹಗಲು ರಾತ್ರಿ ವರ್ಕ್ಔಟ್ ಮಾಡ್ತಿದ್ದಾರೆ. ಸಪ್ತಸಾಗರದಾಚೆ ಎಲ್ಲೋ ಚಿತ್ರಕ್ಕೆ ರಕ್ಷಿತ್, ಬರೋಬ್ಬರಿ 20ಕೆಜಿ ಫ್ಯಾಟ್ ಆಗಿದ್ದಾರೆ. ಈ ಚಿತ್ರದ ಫಸ್ಟ್ ಲುಕ್ ರಿವೀಲ್ ಆಗಿದ್ದು, ರಕ್ಷಿತ್ ಬಾಡಿ ನೋಡಿ, ಅರೆ..! ರಕ್ಷಿತ್, ಅನ್ಬಿಲೀವೆಬಲ್ ಅಂತಾ ಅಚ್ಚರಿ ವ್ಯಕ್ತಪಡಿಸ್ತಿದ್ದಾರೆ.
ಹ್ಯಾಂಡ್ಸಮ್ ಬಾಯ್ ರಕ್ಷಿತ್ಗೆ ಬ್ಲೇಡ್ ಹಾಕಿದ್ಯಾರು..?
ನ್ಯೂ ಸ್ಟೈಲ್.. ಹೊಸ ಲುಕ್.. ಏನು ಅವರ ಅವತಾರ..?
ಸಪ್ತಸಾಗರದಾಚೆ ಎಲ್ಲೋ ಚಿತ್ರದಲ್ಲಿ ರಕ್ಷಿತ್ ಡಿಫರೆಂಟ್ ರೋಲ್ ನಲ್ಲಿ ನಟಿಸ್ತಿದ್ದಾರೆ. ಈ ರೀತಿಯ ಪಾತ್ರದಲ್ಲಿ ರಕ್ಷಿತ್ರನ್ನು ನೀವು ನೋಡಿರೋಕೆ ಸಾಧ್ಯವಿಲ್ಲ. ಎರಡು ವಿಭಿನ್ನ ಶೇಡ್ಗಳಲ್ಲಿ ರಕ್ಷಿತ್ ಆ್ಯಕ್ಟ್ ಮಾಡ್ತಿದ್ದಾರೆ. ಚಾಲೆಂಜಿಂಗ್ ರೋಲ್ ಆಗಿರೋದ್ರಿಂದ, ಆ ಪಾತ್ರಕ್ಕೆ ತಕ್ಕಂತೆ ಫ್ಯಾಟ್ ಆಗ್ಬೇಕಿತ್ತು.ಹಾಗಾಗಿ 20ಕೆಜಿ ಯಷ್ಟು ದಪ್ಪ ಆಗಿದ್ದಾರೆ ರಕ್ಷಿತ್. ಈ ಸರ್ಪ್ರೈಸಿಂಗ್ ನ್ಯೂ ಲುಕ್ ನೋಡಿ ಅಭಿಮಾನಿಗಳು ಅಪಾರ ಮೆಚ್ಚುಗೆ ವ್ಯಕ್ತಪಡಿಸ್ತಿದ್ದಾರೆ. ಈ ಚಿತ್ರದ ಫಸ್ಟ್ ಶೆಡ್ಯೂಲ್ ಮುಗಿಸಿ ಫ್ಯಾಟ್ ಆಗೋಕೆ 2 ತಿಂಗಳು ಟೈಮ್ ತೆಗೆದುಕೊಂಡಿದ್ದ ರಕ್ಷಿತ್ 20 ಕೆಜಿ ದಪ್ಪ ಆಗಿದ್ದಾರೆ.
ಸಪ್ತಸಾಗರದಾಚೆ ಎಲ್ಲೋ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ನಲ್ಲಿ ರಕ್ಷಿತ್ ಮುಖಕ್ಕೆ ಯಾರೋ ಬ್ಲೇಡ್ ಹಾಕಿದ್ದಾರೆ. ಗಡ್ಡ ಬಿಟ್ಟಿರೋ ರಕ್ಷಿತ್ ತಲೆ ಮೇಲೆ ಸಣ್ಣ ಕುರುಚಲು ಕೂದಲು ಇದೆ. ಬಾಗಿಲ ಬಳಿ ಸೈಲೆಂಟ್ ಆಗಿ ನಿಂತಿರೋ ಪೋಸ್ ನೋಡಿದ್ರೆ, ರಕ್ಷಿತ್ ಯಾರ ಜೊತೆ ಕಿರಿಕ್ ಮಾಡ್ಕೊಂಡ್ರಪ್ಪಾ ಅನಿಸುತ್ತೆ. ಒಟ್ನಲ್ಲಿ, ಸಿಕ್ಕಾಪಟ್ಟೆ ಕ್ಯೂರಿಯಾಸಿಟಿ ಹುಟ್ಟಿಸಿರೋ ಈ ಪೋಸ್ ಮಾತ್ರ, ಹೊಸ ಕಥೆಗೆ ಹೊಸ ಟ್ವಿಸ್ಟ್ ಕೊಟ್ಟಿದೆ.
ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದ ಹೇಮಂತ್ ಕುಮಾರ್ ಮತ್ತೆ ರಕ್ಷಿತ್ ಜೊತೆ ಒಂದಾಗಿದ್ದಾರೆ. ಚಿತ್ರದಲ್ಲಿ ಗ್ಲಾಮರ್ ಬ್ಯೂಟಿ ರುಕ್ಮಿಣಿ ವಸಂತ್ ನಾಯಕಿಯಾಗಿ ನಟಿಸಿದ್ದಾರೆ. ರಕ್ಷಿತ್, ಮನು ರೋಲ್ನಲ್ಲಿ ಕಾಣಿಸಿಕೊಂಡ್ರೆ, ನಟಿ ರುಕ್ಮಿಣಿ, ಪ್ರಿಯಾ ಪಾತ್ರದಲ್ಲಿ ಮಿಂಚಿದ್ದಾರೆ. ಪರಮ್ ವ್ಹಾ ಬ್ಯಾನರ್ ಅಡಿಯಲ್ಲಿ ಸಿನಿಮಾ ನಿರ್ಮಾಣ ಆಗ್ತಿದ್ದು, ಚರಣ್ರಾಜ್ ಇಂಪಾದ ಸಂಗೀತವಿರಲಿದೆ. ಅದ್ವೈತ ಗುರುಮೂರ್ತಿ ಅವರ ಕ್ಯಾಮೆರಾ ಕೈಚಳಕವಿರಲಿದೆ. ರಕ್ಷಿತ್ ಖಾತೆಯಲ್ಲಿರೋ ಕನ್ನಡದ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಸಪ್ತಸಾಗರದಾಚೆ ಎಲ್ಲೋ ಸಿನಿಮಾ ಕೂಡ ಒಂದು. ಬಾಕ್ಸ್ ಆಫೀಸ್ ಬ್ಯಾಂಗ್ ಬ್ಯಾಂಗ್ ಮಾಡೋಕೆ ಸದ್ಯದಲ್ಲೇ ತೆರೆಗೆ ಬರಲಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
