ಅಮೀರ್ ಖಾನ್ ಅಭಿನಯದ ಲಾಲ್ ಸಿಂಗ್ ಚಡ್ಡಾ‌ಗೆ ಇಡೀ ವಿಶ್ವವೇ ಎದುರು ನೋಡ್ತಿರೋ ಸುದ್ದಿ ನಿಮಗೆಲ್ಲಾ ಗೊತ್ತೆ ಇದೆ. ಸರ್ಪ್ರೈಸಿಂಗ್ ವಿಷ್ಯ ಅಂದ್ರೆ ಲಗಾನ್ ರೀತಿ ಕ್ರಿಕೆಟ್ ಜೊತೆ ತಮ್ಮ ಸಿನಿಮಾನ ಪ್ರಮೋಷನ್ ಮಾಡೋಕೆ ಯುನಿಕ್ ಪ್ಲಾನ್ ಮಾಡಿದ್ದಾರೆ. ಇತಿಹಾಸದಲ್ಲೆ ಮೊದಲ ಬಾರಿಗೆ ಕ್ರಿಕೆಟ್ ಪ್ರೇಮಿಗಳು ಹಾಗೂ ಚಿತ್ರಪ್ರೇಮಿಗಳು ಏಕಕಾಲಕ್ಕೆ ಥ್ರಿಲ್ ಆಗಲಿದ್ದಾರೆ. ಏನಿದ್ರ ಇನ್ಸೈಡ್ ಸ್ಟೋರಿ ಅಂತೀರಾ. ಜಸ್ಟ್ ವಾಚ್.
- ಮೊದಲ ಬಾರಿ ಕ್ರಿಕೆಟ್ ಅಂಗಳಕ್ಕೆ ಮಿ. ಪರ್ಫೆಕ್ಟ್ ಎಂಟ್ರಿ..!
ಕನ್ನಡದ ಹೆಮ್ಮೆಯ ಸಿನಿಮಾ ಕೆಜಿಎಫ್ ಹಾಗೂ ಬಾಲಿವುಡ್ನ ಲಾಲ್ಸಿಂಗ್ ಚಡ್ಡಾ ಚಿತ್ರಕ್ಕೆ ಬಾಕ್ಸ್ ಆಫೀಸ್ ಕ್ಲ್ಯಾಶ್ ಆಗ್ಬೇಕಿತ್ತು. ಆದ್ರೆ ಆಟ ಶುರುವಾಗೋ ಮುಂಚೆ ಮಿಸ್ಟರ್ ಪರ್ಫೆಕ್ಟ್ ಆಮೀರ್ ಖಾನ್ ಎಚ್ಚೆತ್ತುಕೊಂಡು ಸೇಫ್ ಆಗಿಬಿಟ್ರು. ಇದೆಲ್ಲಾ ಹಳೆ ಕಥೆ ಬಿಡಿ. ಆದ್ರೆ ಬಿಸಿಬಿಸಿ ಸುದ್ದಿ ಬೇರೇನೆ ಇದೆ. ಲಾಲ್ಸಿಂಗ್ ಚಡ್ಡಾ ಐಪಿಲ್ ಫೈನಲ್ ಮ್ಯಾಚ್ ದಿನದಂದು ಹಿಸ್ಟರಿ ಕ್ರಿಯೇಟ್ ಮಾಡಲಿದೆ. ಕ್ರಿಕೆಟ್ ಹಾಗೂ ಸಿನಿಮಾ ಪ್ರೇಮಿಗಳನ್ನು ಫೈನಲ್ ಮ್ಯಾಚ್ ದಿನವೇ ಒಂದು ಮಾಡೋಕೆ ಭರ್ಜರಿ ಸಿದ್ಧತೆ ಮಾಡಿಕೊಂಡಿದೆ.
ಆಮೀರ್ ಖಾನ್ಗೆ ಕ್ರಿಕೆಟ್ ಅಂದ್ರೆ ಪಂಚಪ್ರಾಣ. ಹಾಗಂತ ಐಪಿಎಲ್ ಫೈನಲ್ ಮ್ಯಾಚ್ಗೆ ಆಮೀರ್ ಜರ್ಸಿ ತೊಟ್ಟು ಫೀಲ್ಡ್ಗೆ ಎಂಟ್ರಿ ಕೊಡ್ತಿಲ್ಲ. ಇಲ್ಲಾ, ನೀವಂದ್ಕೊಂಡ ಹಾಗೆ ಅಂದು ಲಾಲ್ ಸಿಂಗ್ ಚಡ್ಡಾ ಚಿತ್ರ ರಿಲೀಸ್ ಮಾಡ್ತಿಲ್ಲ. ಸಿನಿಮಾ ಪ್ರಮೋಟ್ ಮಾಡೋಕೆ ಚಡ್ಡಾ ಟೀಮ್ ತಲೆಗೆ ಕೆಲಸ ಕೊಟ್ಟು ಕ್ರಿಯೇಟಿವ್ ಆಗಿ ಹೊಸ ಪ್ಲ್ಯಾನ್ ಮಾಡ್ಕೊಂಡಿದೆ. ಯೆಸ್, ಚಿತ್ರದ ಟ್ರೈಲರ್ನ ಫೈನಲ್ ಮ್ಯಾಚ್ ನಡೆಯೋ ದಿನವೇ ಲೈವ್ ರಿಲೀಸ್ ಮಾಡಲಿದೆ. ಈ ಮೂಲಕ ಟೆಲಿವಿಷನ್ ಹಾಗೂ ಕ್ರೀಡಾ ಇತಿಹಾಸದಲ್ಲಿ ಮಿಸ್ಟರ್ ಪರ್ಫೆಕ್ಟ್ ಸಿನಿಮಾ ದಾಖಲೆಯ ಪುಟ ಸೇರಲಿದೆ.
- ಸ್ಟೇಡಿಯಂನಲ್ಲಿ ಕ್ರಿಕೆಟ್ ರಂಗು ಜೊತೆ ಲಾಲ್ ಸಿಂಗ್ ಗುಂಗು
- ಟೆಲಿವಿಷನ್ ಇತಿಹಾಸದಲ್ಲಿ ಆಮೀರ್ ನೂತನ ದಾಖಲೆ..!
ತ್ರೀ ಈಡಿಯಟ್ಸ್ನಲ್ಲಿ ಜೋಡಿಯಾಗಿ ಮಿಂಚಿದ್ದ ಆಮೀರ್ ಖಾನ್, ಕರೀನಾ ಕಪೂರ್ ಅಭಿ‌ಯನಯದ ಮೋಸ್ಟ್ ಎಕ್ಸ್ಪೆಕ್ಟೆಡ್ ಚಿತ್ರ ಲಾಲ್ಸಿಂಗ್ ಚಡ್ಡಾ. ನಾಗಾರ್ಜುನ್ ಪುತ್ರ ಅಕ್ಕಿನೇನಿ, ಸಂಜಯ್ ದತ್ ಹೀಗೆ ಘಟಾನುಘಟಿ ಕಲಾವಿದರ ದಂಡೇ ಚಿತ್ರದಲ್ಲಿದೆ. ಆಗಸ್ಟ್ 11ಕ್ಕೆ ಸಿನಿಮಾ ರಿಲೀಸ್ ಮಾಡೋದಾಗಿ ಚಿತ್ರತಂಡ ಅನೌನ್ಸ್ ಕೂಡ ಮಾಡಿದೆ. ಟ್ರೈಲರ್ ರಿಲೀಸ್ಗೆ ಕಾಯ್ತಿದ್ದ ಕೋಟ್ಯಂತರ ಅಭಿಮಾನಿಗಳಿಗೆ ಈ ಹೊಸ ಸುದ್ದಿ ಕೇಳಿ ಥ್ರಿಲ್ ಆಗಿದೆ. ಮೇ 29ಕ್ಕೆ ಗುಜರಾತ್ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಐಪಿಎಲ್ ಫೈನಲ್ ಪಂದ್ಯ ನಡೆಯಲಿದೆ. ಈ ಮ್ಯಾಚ್ ಪ್ರಸಾರದ ಹೊಣೆ ಹೊತ್ತಿರೋ ವಾಹಿನಿ ಜೊತೆ ಚಿತ್ರತಂಡ ವಿಶೇಷ ಒಪ್ಪಂದ ಮಾಡಿಕೊಂಡಿದೆ.
ಈ ವರ್ಷದ ಐಪಿಎಲ್ ಟಿಟ್ವೆಂಟಿ ಮ್ಯಾಚ್ ಪ್ರತಿದಿನವೂ ನಡೀತಿದ್ದು, ಪೈನಲ್ಗೆ ಯಾರು ಬರ್ತಾರೆ ಅನ್ನೋ ಕ್ಯೂರಿಯಾಸಿಟಿ ಹೆಚ್ಚಾಗಿದೆ. ಸ್ಟೇಡಿಯಂ ಹೊರತು ಪಡಿಸಿದ್ರೆ, ಮನೇಲಿ, ಮೊಬೈಲ್ನಲ್ಲಿ ಕೋಟ್ಯಂತರ ಅಭಿಮಾನಿಗಳು ಫೈನಲ್ ಮ್ಯಾಚ್ ನೋಡ್ತಾರೆ. ಮ್ಯಾಚ್ ಶುರುವಾಗಿ ಎರಡನೇ ಸ್ಟ್ರ್ಯಾಟಜಿಕ್ ಟೈಂ ಔಟ್ ಸಮಯಕ್ಕೆ ಲಾಲ್ ಸಿಂಗ್ ಚಡ್ಡಾ ಮೂವಿಯ ಟ್ರೈಲರ್ನ ಕ್ರಿಕೆಟ್ ನೇರ ಪ್ರಸಾರವಾಗೋ ಚಾನೆಲ್ನಲ್ಲಿ ಲೈವ್ ಸ್ಟ್ರೀಮ್ ಮಾಡಲಿದೆ ಟೀಂ. ಮನೆಯಲ್ಲೇ ಕೂತು ಮಿಸ್ ಮಾಡದೇ ಎಲ್ಲರಿಗೂ ಟ್ರೈಲರ್ ರೀಚ್ ಮಾಡಿಸೋ ನಯಾ ಟೆಕ್ನಿಕ್ ಇದಾಗಿದೆ. ಈ ಪ್ರಯತ್ನದಿಂದ ಸಿನಿ ಇತಿಹಾಸದಲ್ಲೇ ಲಾಲ್ ಸಿಂಗ್ ಚಡ್ಡಾ ಹೊಸ ಅನುಭವ ಕೊಡಲಿದೆ.
ಹಾಲಿವುಡ್ನ ಟಾಮ್ ಹ್ಯಾಂಕ್ಸ್ ನಟಿಸಿದ ಫಾರೆಸ್ಟ್ ಗಂಪ್ ಚಿತ್ರದ ಹಿಂದಿ ರಿಮೇಕ್ ಲಾಲ್ ಸಿಂಗ್ ಚಡ್ಡಾ. ಹತ್ತು ಹಲವು ಐತಿಹಾಸಿಕ ಗೆಟಪ್ನಲ್ಲಿ ಆಮೀರ್ ಅದ್ಭುತವಾಗಿ ನಟಿಸಿದ್ದಾರಂತೆ. ಸೀಕ್ರೆಟ್ ಸೂಪರ್ ಸ್ಟಾರ್ ಸಿನಿಮಾ ಡೈರೆಕ್ಟ್ ಮಾಡಿದ್ದ ಅದ್ವೈತ್ ಚಂದನ್ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ದೊಡ್ಡ ಮಟ್ಟದ ನಿರೀಕ್ಷೆ ಮೂಡಿಸಿರೋ ಈ ಚಿತ್ರ ಬಾಕ್ಸ್ ಆಫೀಸ್ನಲ್ಲಿ ದಂಗಲ್, ಪಿಕೆ ರೆಕಾರ್ಡ್ಸ್ನ ಬ್ರೇಕ್ ಮಾಡುತ್ತಾ ಅನ್ನೋದು ನಿರೀಕ್ಷಿಸಬೇಕಿದೆ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
