ಕೆಜಿಎಫ್ ಅನ್ನೋ ರಕ್ತ ಚರಿತ್ರೆಯ ದಂತಕಥೆಯನ್ನ ನಿರ್ಮಾಣ ಮಾಡಿದ್ದ ಹೊಂಬಾಳೆ ಫಿಲಂಸ್, ಬ್ಯಾಕ್ ಟು ಬ್ಯಾಕ್ ಗುಡ್ ನ್ಯೂಸ್ ಕೊಡ್ತಿದೆ. ಉಗ್ರಂ ಸ್ಟಾರ್ ಶ್ರೀಮುರಳಿ ಜೊತೆ ಹೊಚ್ಚ ಹೊಸ ಸಿನಿಮಾನ ಕಿಕ್ಸ್ಟಾರ್ಟ್ ಮಾಡಿದೆ ಹೊಂಬಾಳೆ. ಪ್ಯಾನ್ ಇಂಡಿಯಾ ಘರ್ಜಿಸೋಕೆ ಮತ್ತೊಮ್ಮೆ ಒಂದಾಗಿದೆ ಉಗ್ರಂ ಜೋಡಿ. ಅರೇ ನೀಲ್ ಏನಾದ್ರು ರೋರಿಂಗ್ ಸ್ಟಾರ್ಗೆ ಆ್ಯಕ್ಷನ್ ಕಟ್ ಹೇಳ್ತಿದ್ದಾರಾ ಅಂತ ಹುಬ್ಬೇರಿಸೋಕೂ ಮುನ್ನ ಈ ಸ್ಟೋರಿ ನೋಡಿ.
- ಪವರ್ಫುಲ್ ಪೊಲೀಸ್ ರೋಲ್ನಲ್ಲಿ ಶ್ರೀಮುರಳಿ ಖದರ್
ಕೆಜಿಎಫ್ ತೂಫಾನ್ ನಂತ್ರ ಹೊಂಬಾಳೆ ಟೀಂ ಸಲಾರ್ ಚಿತ್ರದ ಶೂಟಿಂಗ್ನಲ್ಲಿ ಬ್ಯುಸಿ ಇದೆ. ಬಿಗ್ ಸ್ಟಾರ್, ಬಿಗ್ ಬಜೆಟ್ ಚಿತ್ರಗಳ ನಿರ್ಮಾಣದಲ್ಲಿ ಸಖತ್ ಬ್ಯುಸಿ ಇರೋ ಹೊಂಬಾಳೆ ಫಿಲಂಸ್ ಅಡ್ಡಾದಲ್ಲಿ ಹೊಸ ಚಿತ್ರದ ಘರ್ಜನೆ ಶುರುವಾಗಿದೆ. ನೀಲ್ ಬರೆದಿರೋ ಹೊಸ ಚಿತ್ರಕಥೆಗೆ ರೋರಿಂಗ್ ಸ್ಟಾರ್ ಶ್ರೀಮುರಳಿ ನಾಯಕನಾಗಿ ನಟಿಸ್ತಿದ್ದಾರೆ. ಈ ಸಿನಿಮಾದ ಫಸ್ಟ್ ಲುಕ್ ಈಗಾಗ್ಲೇ ಹೈಪ್ ಕ್ರಿಯೇಟ್ ಮಾಡಿದ್ದು, ಚಂದನವನದಲ್ಲಿ ಧೂಳೆಬ್ಬಿಸ್ತಿದೆ.
ಉಗ್ರಂ ಚಿತ್ರದಲ್ಲಿ ರೋರಿಂಗ್ ಸ್ಟಾರ್ಗೆ ಆ್ಯಕ್ಷನ್ ಕಟ್ ಹೇಳಿದ್ದು ಮಾಸ್ಟರ್ ಮೈಂಡ್ ಪ್ರಶಾಂತ್ ನೀಲ್. ಈ ಚಿತ್ರದ ಮೂಲಕ ನಟ ಶ್ರೀಮುರಳಿ ಸಿನಿಕರಿಯರ್ಗೆ ಬಿಗ್ ಬ್ರೇಕ್ ಸಿಕ್ಕಿತ್ತು. ದೊಡ್ಡ ಸಕ್ಸಸ್ ಮೂಲಕ ಸ್ಯಾಂಡಲ್ವುಡ್ಗೆ ಮತ್ತೆ ಮುರಳಿ ಕಂಬ್ಯಾಕ್ ಆಗಿದ್ರು. ಇದೀಗ ನೀಲ್ ಮದಗಜನಿಗೆ ಹೊಸ ಕಥೆ ಬರೆದಿದ್ದು, ಈ ಚಿತ್ರವನ್ನು ಲಕ್ಕಿ ಚಿತ್ರದ ಡೈರೆಕ್ಟರ್ ಡಾ. ಸೂರಿ ನಿರ್ದೇಶನ ಮಾಡ್ತಿದ್ದಾರೆ. ಅದೇ ಬಘೀರ. ಟೈಟಲ್ ಸೋಶಿಯಲ್ ಮೀಡಿಯಾದಲ್ಲಿ ಹಲ್ಚಲ್ ಎಬ್ಬಿಸ್ತಿದ್ದ್ದು, ಖಡಕ್ ಪೊಲೀಸ್ ಆಫೀಸರ್ ಆಗಿ ರೋರ್ ಮಾಡಲಿದ್ದಾರೆ ಉಗ್ರಂ ಸ್ಟಾರ್.
- ವಿಘ್ನ ವಿನಾಯಕನ ಸಮ್ಮುಖದಲ್ಲಿ ಬಘೀರನ ಮುಹೂರ್ತ
- ಹೊಂಬಾಳೆ ಫಿಲಂಸ್ ನ್ಯೂ ಪ್ಯಾನ್ ಇಂಡಿಯಾ ವೆಂಚರ್
ಶ್ರೀಮುರಳಿ… ತೂಕ ಇರೋ ಚಿತ್ರಕಥೆ, ಕಂಟೆಂಟ್ ಸಬ್ಜೆಕ್ಟ್ಗೆ ಹೆಚ್ಚು ಒತ್ತು ಕೊಡ್ತಾರೆ. ಸಕ್ಸಸ್ ಟ್ರ್ಯಾಕ್ಗೆ ಮತ್ತೆ ಮರಳಿರುವ ರೋರಿಂಗ್ ಸ್ಟಾರ್, ಸಿನಿಪ್ರಿಯರಿಗೆ ನಿರಾಸೆ ಮಾಡಬಾರದು ಅನ್ನೋ ಕಾರಣಕ್ಕೆ ಒಂದೊಳ್ಳೆ ಕಥೆಗೆ ಕಾಯ್ತಾ ಇದ್ರು. ಸಿನಿಮಾಂತ್ರಿಕ ನೀಲ್ ಬರೆದಿರೋ ಕಥೆ ಕೇಳಿ ಥ್ರಿಲ್ ಆಗಿದ್ದ ಮುರಳಿ, ಸಿನಿಮಾ ಓಕೆ ಮಾಡಿದ್ರು. ನೆಕ್ಸ್ಟ್ ಪ್ರಾಜೆಕ್ಟ್ ಯಾವುದಾಗಲಿದೆ ಅನ್ನೋ ಸಿನಿರಸಿಕರ ಕ್ಯೂರಿಯಾಸಿಟಿಗೆ ಬಘೀರ ಫಸ್ಟ್ ಲುಕ್ನಿಂದ ಉತ್ತರ ಕೊಟ್ಟಿದ್ರು.
ಬಘೀರ ಚಿತ್ರಕ್ಕಾಗಿ ಹೊಂಬಾಳೆ ಟೀಮ್ 2 ವರ್ಷಗಳ ಕಾಲ ನಿರಂತರ ಶ್ರಮ ಹಾಕಿದೆ. ಅದ್ಧೂರಿಯಾಗಿ ತೆರೆ ಮೇಲೆ ತರೋಕೆ ಸಿಕ್ಕಾಪಟ್ಟೆ ತಯಾರಿ ಮಾಡಿಕೊಂಡಿದೆ. ಈ ಚಿತ್ರದಲ್ಲಿ ಸ್ಪೆಷಲ್ ಗೆಟಪ್ನಲ್ಲಿ ರಾರಾಜಿಸಲಿದ್ದಾರೆ ಮುರಳಿ. ಈ ಸಿನಿಮಾದಲ್ಲಿ ಅವ್ರನ್ನ ಜನ ಸಿಕ್ಕಾಪಟ್ಟೆ ಇಷ್ಟ ಪಡ್ತಾರಂತೆ. ಆಲ್ ರೆಕಾರ್ಡ್ ಬ್ರೇಕ್ ಮಾಡೋಕೆ ಸದ್ಯದಲ್ಲೇ ಬಘೀರ ಎಂಟ್ರಿ ಕೊಡಲಿದ್ದಾನೆ. ಇತ್ತೀಚೆಗೆ ನಗರದ ಮಹಾಲಕ್ಷ್ಮಿ ಲೇಔಟ್ನ ಪಂಚಮುಖಿ ದೇವಾಲಯದಲ್ಲಿ ಬಘೀರ ಚಿತ್ರದ ಮಹೂರ್ತ ನಡೆದಿದ್ದು, ಕಿರಗಂದೂರು ಅವರ ಸಹೋದರ ಮಂಜುನಾಥ್ ಕ್ಲಾಪ್ ಮಾಡಿ ಪ್ಯಾನ್ ಇಂಡಿಯಾ ಚಿತ್ರಕ್ಕೆ ಭರ್ಜರಿ ಚಾಲನೆ ನೀಡಿದ್ರು. ಡೈರೆಕ್ಟರ್ ಸೂರಿ ಅವ್ರ ತಾಯಿ ಕ್ಯಾಮೆರಾ ಸ್ವಿಚ್ ಆನ್ ಮಾಡಿದ್ರು.
ಬಘೀರಗೆ ಕೆಜಿಎಫ್ ನಿರ್ಮಾಪಕ ವಿಜಯ್ ಕಿರಗಂದೂರು ಬಂಡವಾಳ ಹೂಡಿದ್ದು, ಅಜನೀಶ್ ಲೋಕನಾಥ್ ಸಂಗೀತವಿ ಇರಲಿದೆ. ಎ, ಜೆ ಶೆಟ್ಟಿ ಕ್ಯಾಮೆರಾ ಕೈಚಳಕ, ಕೆಜಿಎಫ್ ಆರ್ಟ್ ಡೈರೆಕ್ಟರ್ ಶಿವಕುಮಾರ್ ಬಘೀರನ ಟೀಂ ಸೇರಿಕೊಂಡಿದ್ದಾರೆ. ರಂಗಾಯಣ ರಘು, ಅಚ್ಯುತ್ ಕುಮಾರ್ ತಾರಾಗಣವಿದೆ. ನೀಲ್ ಕಥೆ ಅಂದ್ರೆ ಅಲ್ಲಿ ಮದರ್ ಸೆಂಟಿಮೆಂಟ್, ಮಾಸ್ ಸ್ಟೋರಿ, ಪವರ್ಫುಲ್ ಡೈಲಾಗ್ಗಳ ಅಬ್ಬರ ಇದ್ದೇ ಇರಲಿದೆ. ಉಗ್ರಂ ಕಾಂಬಿನೇಷನ್ ಮತ್ತೆ ಸಿಲ್ವರ್ ಸ್ಕ್ರೀನ್ ಮೇಲೆ ಆದಷ್ಟು ಬೇಗ ಕಮಾಲ್ ಮಾಡಲಿ ಅನ್ನೋದು ನಮ್ಮ ಆಶಯ.
ರಾಕೇಶ್ ಆರುಂಡಿ, ಫಿಲ್ಮ್ ಬ್ಯೂರೋ, ಪವರ್ ಟಿವಿ
