ಬಾಗಲಕೋಟೆ: ಸಾಲ ವಾಪಸ್ ಮಾಡದಿದ್ದಕ್ಕೆ ರೈತನ ಜಮೀನು ಹರಾಜು ಮಾಡಲು ಬ್ಯಾಂಕ್ ಸಿಬ್ಬಂದಿ ನಿರ್ಧಾರ ಮಾಡಿದ್ದಾರೆ. ಆನ್ಲೈನ್ ಮೂಲಕ ಹರಾಜಿಗೆ ಮುಂದಾಗಿದ್ದ ಬ್ಯಾಂಕ್ ಆಫ್ ಬರೋಡಾ ಬ್ಯಾಂಕ್ಗೆ ರೈತರು ಮುತ್ತಿಗೆ ಹಾಕಿ ಪ್ರತಿಭಟನೆ ಮಾಡಿದ್ರು. ಬ್ಯಾಂಕ್ ಆಫ್ ಬರೋಡಾದಿಂದ ರೈತ ನಾಗಪ್ಪ 4 ಎಕರೆ ಜಮೀನಿನ ಮೇಲೆ 4 ಲಕ್ಷ ಪಡೆದಿದ್ರು.
ಬಡ್ಡಿ, ಅಸಲು ಸೇರಿ 32 ಲಕ್ಷ ಸಾಲವನ್ನ ರೈತ ನಾಗಪ್ಪ ತೀರಿಸಬೇಕಿತ್ತು. ಈಗ ನಾನು ಸಂಕಷ್ಟದಲ್ಲಿದ್ದೀನಿ ಸಾಲ ಹಿಂತಿರುಗಿಸಲು ಸ್ವಲ್ಪ ಸಮಯಾವಕಾಶ ಕೊಡಿ ಅಂತ ರೈತ ಮನವಿ ಮಾಡಿ ಆನ್ಲೈನ್ ಹರಾಜಿಗೆ ತಡೆಯಾಜ್ಞೆ ತಂದಿದ್ರು..ಆದ್ರೆ ಇದ್ಯಾವುದನ್ನು ಲೆಕ್ಕಿಸದೆ ಆನ್ಲೈನ್ ಹರಾಜು ಮಾಡಲು ಬ್ಯಾಂಕ್ ನಿರ್ಧರಿಸಿತ್ತು.. ಹೀಗಾಗಿ ರೈತ ಮುಖಂಡ ಮುತ್ತಪ್ಪ ಕೋಮಾರ ನೇತೃತ್ವದಲ್ಲಿ ನಡೆದ ರೈತರು ಪ್ರತಿಭಟನೆ ನಡೆಸಿದ್ರು..ಬಳಿಕ ಮೇಲಾಧಿಕಾರಿಗಳ ಮೂಲಕ ಸಮಸ್ಯೆ ಬಗೆಹರಿಸಲು ಬ್ಯಾಂಕ್ ಸಿಬ್ಬಂದಿ ಒಪ್ಪಿಕೊಂಡ್ರು.
