ಪ್ರೇಕ್ಷಕರನ್ನ ಹೊಸ ಪ್ರಪಂಚಕ್ಕೆ ಕರೆದೊಯ್ಯಲು ಸಜ್ಜಾಗ್ತಿದೆ ಕಿಚ್ಚನ ಫ್ಯಾಂಟಮ್ ವರ್ಲ್ಡ್. ಯೆಸ್. ವಿಕ್ರಾಂತ್ ರೋಣ ಪ್ರತೀ ದಿನ ಒಂದಿಲ್ಲೊಂದು ಸುದ್ದಿಯಿಂದ ಸಿಕ್ಕಾಪಟ್ಟೆ ಸದ್ದು ಮಾಡ್ತಿದೆ. ಬಾಲಿವುಡ್ನಲ್ಲಿ ಸುದೀಪ್ ಬೆನ್ನಿಗೆ ನಿಲ್ತಿರೋ ಭಾಯಿಜಾನ್ ಸಲ್ಲೂಮಿಯಾ ಹಾಗೂ ಕರಣ್ ಕಹಾನಿ ಹೇಳ್ತೀವಿ. ಈ ಸ್ಪೆಷಲ್ ಸ್ಟೋರಿ ನೀವೇ ಓದಿ.
- ಕಿಚ್ಚ- ಸಲ್ಲು ಸ್ನೇಹದ ಪ್ರತೀಕ.. ಬ್ರದರ್ ಎಂದಿದ್ದ ಟೈಗರ್
- ಹತ್ತು ಕೋಟಿಗೆ ವಿದೇಶಿ ಡಿಸ್ಟ್ರಿಬ್ಯೂಷನ್ ರೈಟ್ಸ್ ಸೋಲ್ಡ್..!
- ನೆಕ್ಸ್ಟ್ ಲೆವೆಲ್ ಮೇಕಿಂಗ್.. ರೋಣನ ಫ್ಯಾಂಟಮ್ ವರ್ಲ್ಡ್
ಕಿಚ್ಚನ ಗತ್ತು ಆಲ್ ಇಂಡಿಯಾಗೇ ಗೊತ್ತು ಅನ್ನೋದು ಹಳೇ ಡೈಲಾಗ್. ಇದೀಗ ಸುದೀಪ್ ಗಮ್ಮತ್ತು ವಿಶ್ವಕ್ಕೆ ಗೊತ್ತು ಮಾಡೋ ಹೊತ್ತು. ಯೆಸ್. ಪ್ಯಾನ್ ವರ್ಲ್ಡ್ ರಿಲೀಸ್ಗೆ ತಯಾರಾಗ್ತಿರೋ ಕನ್ನಡದ ಮತ್ತೊಂದು ಮೈಲಿಗಲ್ಲು ಸಿನಿಮಾ ವಿಕ್ರಾಂತ್ ರೋಣನಿಂದ ಕಿಚ್ಚನ ಕಟೌಟ್ ವಿಶ್ವದ ಮೂಲೆ ಮೂಲೆಯಲ್ಲಿ ಬೀಳಲಿದೆ.
ನೋಡುಗರಿಗೆ ಹತ್ತಾರು ಸರ್ಪ್ರೈಸಿಂಗ್ ಎಲಿಮೆಂಟ್ಸ್ನಿಂದ ಮೇಕಿಂಗ್ ಹಂತದಲ್ಲೇ ಸಖತ್ ಥ್ರಿಲ್ ನೀಡಿದೆ ವಿಕ್ರಾಂತ್ ರೋಣ. ಕಿಚ್ಚನ ಗೆಟಪ್ಸ್, ಫ್ಯಾಂಟಮ್ ವರ್ಲ್ಡ್, ಸ್ಟೋರಿಲೈನ್, ಪಾತ್ರಗಳು, ನೈಟ್ ಎಫೆಕ್ಟ್ನ ವಿಶ್ಯುವಲ್ ಟ್ರೀಟ್ ಹೀಗೆ ಎಲ್ಲವೂ ರೋಚಕ ಹಾಗೂ ರೋಮಾಂಚಕ.
ಸುದೀಪ್ ನಟನೆಯಲ್ಲಿ ಚಕ್ರವರ್ತಿ ಅನ್ನೋದನ್ನ ಪ್ಯಾನ್ ಇಂಡಿಯಾಗಷ್ಟೇ ಅಲ್ಲದೆ, ವಿಶ್ವದಾದ್ಯಂತ ಸಾರಲಿದ್ದಾರೆ ನಿರ್ದೇಶಕ ಅನೂಪ್ ಭಂಡಾರಿ. ನಿರ್ಮಾಪಕ ಜಾಕ್ ಮಂಜು ಈ ಸಿನಿಮಾನ ಬಹಳ ಪ್ಯಾಷನ್ನಿಂದ ಮಾಡಿದ್ದು, ಇವ್ರ ಸಿನಿಮೋತ್ಸಾಹದ ಕಿಚ್ಚು ಪ್ರತೀ ಫ್ರೇಮ್ನಲ್ಲೂ ರಿಫ್ಲೆಕ್ಟ್ ಆಗಲಿದೆ.
ಕನ್ನಡದ ಜೊತೆ ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿಯಲ್ಲಿ ಸಿನಿಮಾ ತಯಾರಾಗ್ತಿದೆ. ವಿಶೇಷ ಅಂದ್ರೆ ಇದೇ ಮೊದಲ ಬಾರಿ ಕನ್ನಡ ಸಿನಿಮಾವೊಂದು ಇಂಗ್ಲಿಷ್ನಲ್ಲೂ ತಯಾರಾಗ್ತಿದೆ. ಇತ್ತೀಚೆಗೆ ವಿದೇಶಿ ವಿತರಣಾ ಹಕ್ಕುಗಳು ಸಿನಿಮಾ ರಿಲೀಸ್ಗೂ ಮೊದಲೇ ಬರೋಬ್ಬರಿ 10 ಕೋಟಿ ದಾಖಲೆ ಮೊತ್ತಕ್ಕೆ ಸೋಲ್ಡ್ ಔಟ್ ಆಗಿತ್ತು. ಇದೀಗ ಮತ್ತೊಂದು ಧಮಾಕೇದಾರ್ ನ್ಯೂಸ್ನೊಂದಿಗೆ ಚಿತ್ರತಂಡ ಸುದೀಪಿಯನ್ಸ್ ಜೊತೆ ಕನ್ನಡಿಗರ ದಿಲ್ಖುಷ್ ಆಗೋ ಅಂತಹ ಖಬರ್ ನೀಡಿದೆ.
ಬಾಲಿವುಡ್ನಲ್ಲಿ ಕಿಚ್ಚನ ಬೆನ್ನಿಗೆ ನಿಲ್ತಿದ್ದಾರೆ ಭಾಯಿಜಾನ್ ಸಲ್ಮಾನ್ ಖಾನ್ ಹಾಗೂ ಕರಣ್ ಜೋಹರ್. ಹೌದು. ಬಿಟೌನ್ನ ಸೂಪರ್ ಸ್ಟಾರ್ ಸಲ್ಲೂ, ಬಹುದೊಡ್ಡ ಫ್ಯಾನ್ ಫಾಲೋಯಿಂಗ್ ಇರೋ ನಟ. ಹಿಂದಿಯಲ್ಲಿ ಕಿಚ್ಚನಿಗೂ ವಿಶೇಷ ಅಭಿಮಾನಿ ಬಳವಿದ್ದು, ಸಲ್ಮಾನ್ ಖಾನ್ ಸಾಥ್ ನೀಡ್ತಿರೋದ್ರಿಂದ ಅದ್ರ ಗಾತ್ರ ಮತ್ತಷ್ಟು ದೊಡ್ಡದಾಗಲಿದೆ.
ಸುದೀಪ್ ನನ್ನ ಸಹೋದರ ಎಂದಿದ್ರು ಸಲ್ಮಾನ್ ಖಾನ್. ಹೌದು.. ದಬಾಂಗ್ 3 ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದ್ದ ಈ ಜೋಡಿ, ಬಿಗ್ ಸ್ಕ್ರೀನ್ ಮೇಲೆ ಅಕ್ಷರಶಃ ಮೋಡಿ ಮಾಡಿದ್ರು. ಬೆಂಗಳೂರಿನ ಕಿಚ್ಚನ ನಿವಾಸಕ್ಕೆ ಬಂದ ಸಲ್ಲು, ದುಬಾರಿ ಕಾರ್ವೊಂದನ್ನ ಗಿಫ್ಟ್ ಮಾಡಿ, ಬಾದ್ಷಾ ಸುದೀಪ್ಗೆ ಸರ್ಪ್ರೈಸ್ ನೀಡಿದ್ರು.
ಹತ್ತಾರು ವೇದಿಕೆಗಳಲ್ಲಿ ಪರಸ್ಪರ ಒಬ್ಬರನ್ನೊಬ್ಬರು ಕೊಂಡಾಡಿದ್ರು. ಆ ಸ್ನೇಹ, ಪ್ರೀತಿಯ ಮುಂದುವರೆದ ಭಾಗವೇ ಈ ವಿಕ್ರಾಂತ್ ರೋಣ ಪ್ರಮೋಷನ್ಸ್. ಮುಂಬೈನಲ್ಲಿ ವಿಕ್ರಾಂತ್ ರೋಣ ಚಿತ್ರದ ಪ್ರಮೋಷನ್ಸ್ಗೆ ಸಲ್ಲು ನಿಲ್ಲಲಿದ್ದಾರಂತೆ. ಅಲ್ಲದೆ ಕರಣ್ ಜೋಹರ್ ತಮ್ಮ ಧರ್ಮ ಪ್ರೊಡಕ್ಷನ್ಸ್ ಬ್ಯಾನರ್ನಡಿ ಸಿನಿಮಾನ ಡಿಸ್ಟ್ರಿಬ್ಯೂಟ್ ಕೂಡ ಮಾಡ್ತಿದ್ದಾರೆ. ಸಲ್ಲು- ಕರಣ್ ಕೂಡ ಆಪ್ತರು. ಹಾಗಾಗಿ ವಿಕ್ರಾಂತ್ ರೋಣ ಬಾಲಿವುಡ್ನಲ್ಲಿ ನಿರೀಕ್ಷೆಗೂ ಮೀರಿದ ಮಟ್ಟದಲ್ಲಿ ಸೌಂಡ್ ಮಾಡೋದ್ರಲ್ಲಿ ಅನುಮಾನವೇ ಇಲ್ಲ.
ಜಾಕ್ವೆಲಿನ್ ಫರ್ನಾಂಡಿಸ್ ಕೂಡ ಚಿತ್ರದ ಪ್ರಮುಖ ಪಾತ್ರದಲ್ಲಿ ಕಾಣಸಿಗಲಿದ್ದು, ಸಲ್ಲು- ಕಿಚ್ಚನಿಗೆ ಈಕೆ ಕಾಮನ್ ಫ್ರೆಂಡ್. ಇವೆಲ್ಲದರಿಂದ ವಿಕ್ರಾಂತ್ ರೋಣ ಬಾಲಿವುಡ್ ಬಾಕ್ಸ್ ಆಫೀಸ್ನ ರೂಲ್ ಮಾಡಲಿದೆ. ಜುಲೈ 28ಕ್ಕೆ ಸಿನಿಮಾ ತೆರೆಗಪ್ಪಳಿಸಲಿದ್ದು, ಕನ್ನಡದ ಭಾವುಟ ಮತ್ತೊಮ್ಮೆ ಇಂಟರ್ನ್ಯಾಷನಲ್ ಲೆವೆಲ್ನಲ್ಲಿ ಹಾರಲಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಪವರ್ ಟಿವಿ
