ಸಿಂಪಲ್ ಸುನಿ ಸಿನಿಮಾಗಳಂದ್ರೆ ಮಸ್ತ್ ಮನರಂಜನೆಗೇನು ಕೊರತೆಯಿಲ್ಲ ಬಿಡಿ. ಸುನಿ ಆಕ್ಷನ್ ಕಟ್ ಹೇಳಿರೋ ಅವತಾರ ಪುರುಷ ಚಿತ್ರ ಬೆಳ್ಳಿತೆರೆಯ ಮೇಲೆ ಗೆಲುವಿನ ನಾಗಾಲೋಟ ಮುಂದುವರೆಸಿದೆ. ಕಾಮಿಡಿ ಕಿಂಗ್ ಶರಣ್, ಪಟಾಕಿ ಪೋರಿ ಆಶಿಕಾ ಕಾಂಬಿನೇಷನ್ಗೆ ಚಿತ್ರರಸಿಕರು ಫುಲ್ ಮಾರ್ಕ್ಸ್ ಕೊಟ್ಟಿದ್ದಾರೆ. ಹಾಗಾದ್ರೆ ಅವತಾರ ಪುರುಷನ ಹಾವಳಿ ಹೇಗಿದೆ ನೀವೇ ಓದಿ.
ಮಾಟ ಮಂತ್ರ ಗಿಮಿಕ್.. ಫುಲ್ ಕಾಮಿಡಿ ಕಿಕ್ಕು
ಸದ್ಯದಲ್ಲೆ ಬರಲಿದೆ ಅವತಾರ ಪುರುಷ 2 ಸಿನಿಮಾ
ಜ್ಯೂನಿಯರ್ ಆರ್ಟಿಸ್ಟ್ ಅನಿಲನ ಭರ್ಜರಿ ಗೆಲುವು
ಸಿಂಪಲ್ ಸುನಿಯ ಸಿನಿಮಾ ನೋಡಿದವ್ರಿಗೆ ಅವ್ರ ಸಿಗ್ನೇಚರ್ ಸ್ಟೈಲ್ ಫೀಲ್ ಆಗಿರುತ್ತೆ. ಪಕ್ಕಾ ಪೈಸಾ ವಸೂಲ್ ಸಿನಿಮಾ ಮಾಡೋದು ಸುನಿಯ ಸ್ಪೆಷಾಲಿಟಿ. ಆ ಸಾಲಿಗೆ ಮಸ್ತ್ ಮನರಂಜನೆ ಕೊಟ್ಟು ಚಿತ್ರಪ್ರೇಮಿಗಳ ಮನಗೆದ್ದಿರೋ ಸಿನಿಮಾ ಅವತಾರ ಪುರುಷ. ಶರಣ್ ಮಸ್ತ್ ಆಕ್ಟಿಂಗ್, ಎಲ್ರಿಗು ಸಖತ್ ಇಂಪ್ರೆಸ್ಸಿವ್ ಆಗಿದೆ. ವೆನಿಲ್ಲಾ ಐಸ್ ಕ್ರೀಮ್ ಮೇಲೆ ಚೆರ್ರಿ ಹಣ್ಣಿನಂತಿರೋ ಆಶಿಕಾ ಪಡ್ಡೆ ಹೈಕಳ ಎದೆಗೆ ಚುಟು ಚುಟು ಕಚಗುಳಿ ಕೊಟ್ಟಿದ್ದಾರೆ. ಇದ್ರೊಂದಿಗೆ ಚಿತ್ರದ ಸಕ್ಸಸ್ ಖುಷಿಯಲ್ಲಿದೆ ಚಿತ್ರತಂಡ.
ಸಿಂಪಲ್ ಸುನಿ ಸಿನಿಮಾಗಳಲ್ಲಿ ಕಾಮಿಡಿಗೆ ಹೆಚ್ಚು ಇಂಪಾರ್ಟೆನ್ಸ್. ಅವತಾರ ಪುರುಷ ಸಿನಿಮಾದಲ್ಲಿ ತಂತ್ರ ಮಂತ್ರ ಹಾಗೂ ಹಾಸ್ಯವನ್ನು ಹದವಾಗಿ ಬೆರೆಸಿ ಚಿತ್ರರಸಿಕರಿಗೆ ಕಾಮಿಡಿ ಜೊತೆ ಥ್ರಿಲ್ಲಿಂಗ್ ಎಲಿಮೆಂಟ್ಸ್ ಫೀಲ್ ಕೊಡಲಾಗಿದೆ. ಕಾಮಿಡಿ ಪಂಚ್, ಅಮ್ಮನ ಸೆಂಟಿಮೆಂಟ್,, ಗ್ಲಾಮರಸ್ ಗೊಂಬೆ ಆಶಿಕಾ ಅಭಿನಯದ ಜೊತೆ ಕಮರ್ಷಿಯಲ್ ಸಿನಿಮಾ ಅವತಾರ ಪುರುಷ ಸಕ್ಸಸ್ ಕಂಡಿದೆ.
ಅವತಾರ ಪುರುಷ ತೆರೆಕಂಡ ಎಲ್ಲಾ ಚಿತ್ರಮಂದಿರಗಳಲ್ಲೂ ಹೌಸ್ ಫುಲ್ ಪ್ರದರ್ಶನ ಕಾಣ್ತಿದೆ. ಟೆಕ್ನಿಕಲ್ಲಿ ಸಖತ್ ಆಗಿರೋ ಚಿತ್ರಕ್ಕೆ ಅರ್ಜುನ್ ಜನ್ಯಾ ಸಂಗೀತ ಇನ್ನಷ್ಟು ಮೈಲೇಜ್ ಕೊಟ್ಟಿದೆ. ಬ್ಲ್ಯಾಕ್ ಮ್ಯಾಜಿಕ್ ದೃಶ್ಯಗಳನ್ನು ಇಟ್ಟು ಬೇರೆಯದೇ ಲಾಜಿಕ್ ಲೆಕ್ಕಚಾರ ಹಾಕಿರೋ ಸುನಿಯ ತಂತ್ರಗಳು ಪ್ರೇಕ್ಷಕರಿಗೆ ರೀಚ್ ಆಗಿವೆ.ಸಾಯಿಕುಮಾರ್, ಸುಧಾರಾಣಿ, ಸಾಧುಕೋಕಿಲ, ಶ್ರೀನಗರ ಕಿಟ್ಟಿ, ಮುಂತಾದವರ ತಾರಾಗಣದಲ್ಲಿ ಅದ್ಧೂರಿಯಾಗಿ ಸಿನಿಮಾ ಮೂಡಿ ಬಂದಿದೆ.
ಸಿಂಪಲ್ ಕಥೆಗೆ ಕಾಮಿಡಿ ಚಮಕ್ ಕೊಟ್ಟು ಮಾಟ ಮಂತ್ರ ವಾಮಾಚಾರದ ಉಪ್ಪಿನಕಾಯಿ ಬೆರೆಸಿ , ಭರ್ಜರಿ ಬಾಡೂಟವನ್ನು ಬಡಿಸಲಾಗಿದೆ. ಮೊದಲ ವಾರದಲ್ಲೆ ಸಿನಿಮಾದ ಪ್ರತಿಕ್ರಿಯೆ ಕಂಡ ಪ್ರೇಕಕ ನಿಧಾನವಾಗಿ ಥಿಯೇಟರ್ ಕಡೆ ಲಗ್ಗೆ ಇಡ್ತಿದ್ದಾನೆ. ಮೌತ್ ಟು ಮೌತ್ ಸಿನಿಮಾಗೆ ಪಾಸಿಟಿವ್ ರೆಸ್ಪಾನ್ಸ್ ಸಿಕ್ತಿರೋದ್ರಿಂದ ಸುನಿ ಸೇಫರ್ ಸೈಡ್ ಕಂಫರ್ಟ್ ಜೋನ್ನಲ್ಲಿದ್ದಾರೆ.
ಪ್ರತಿ ಸಿನಿಮಾಗಳಲ್ಲೂ ಒಂದಿಲ್ಲೊಂದು ಪ್ರಯೋಗ ಮಾಡ್ತಾ ಗೆಲುವಿನ ನಗೆ ಬೀರ್ತಿರೋ ಸಿಂಪಲ್ ಸುನಿ ಈ ಸಿನಿಮಾ ಮೂಲಕ ಮತ್ತೆ ಕಮ್ ಬ್ಯಾಕ್ ಆಗಿದ್ದಾರೆ.. ಚಿತ್ರದ ಕ್ಲೈಮ್ಯಾಕ್ಸ್ ಪಾರ್ಟ್ ಟು ಟ್ವಿಸ್ಟ್ ಕೊಟ್ಟಿದ್ದ ಚಿತ್ರತಂಡ ಬಹುತೇಕ ಸೀಕ್ವೆಲ್ ಸಿನಿಮಾದ ಶೂಟಿಂಗ್ ಕಂಪ್ಲೀಟ್ ಮಾಡಿದೆ. ಶರಣ್ ಕಾಮಿಡಿ ಕಚಗುಳಿ ನೋಡಬೇಕಾದ್ರೆ ಅವತಾರ ಪುರುಷನ ಅವತಾರವನ್ನು ನೋಡಲೇಬೇಕು.
ಫಿಲ್ಮ್ ಬ್ಯೂರೋ.. ಪವರ್ ಟಿವಿ.
