ಮಂಡ್ಯ : ರೈತ ಮಹಿಳೆಗೆ ಅವಾಚ್ಯ ಶಬ್ದಗಳಿಂದ ನಿಂದನೆ ಆರೋಪ ಹಿನ್ನೆಲೆ ಮಹಿಳೆ ಸರ್ವೇಯರ್ಗೆ ತರಾಟೆಗೆ ತೆಗೆದುಕೊಂಡ ಘಟನೆ ಮಂಡ್ಯದ ಪಾಂಡವಪುರದಲ್ಲಿ ನಡೆದಿದೆ.
ಬೇವನಕುಪ್ಪೆ ಗ್ರಾಮದ ರೈತ ಮಹಿಳೆ ಅನುಸೂಯ, ಸರ್ವೇಯರ್ ಭಾಸ್ಕರ್ ಎಂಬ ಅಧಿಕಾರಿಯನ್ನು ಹಿಗ್ಗಾಮುಗ್ಗ ತರಾಟೆಗೆ ತೆಗೆದುಕೊಂಡಿದ್ದಾರೆ. ಜಮೀನು ಸರ್ವೇ ಮಾಡುವ ವೇಳೆ ರೈತ ಮಹಿಳೆಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿ, ಹಾರೆಯಲ್ಲಿ ಚುಚ್ಚುವುದಾಗಿ ಸರ್ವೇಯರ್ ಬೆದರಿಕೆ ಹಾಕಿದ್ದನಂತೆ. ಹೀಗಾಗಿ ತಹಶೀಲ್ದಾರ್ ಕಚೇರಿಗೆ ಸರ್ವೇಯರ್ ಆಗಮಿಸುತ್ತಿದ್ದಂತೆ ಮಹಿಳೆ ತರಾಟೆಗೆ ತೆಗೆದುಕೊಂಡಿದ್ದಾರೆ.
ಜಮೀನು ವಿಚಾರದಲ್ಲಿ ಕೋರ್ಟ್ನಲ್ಲಿ ಕೇಸ್ ದಾಖಲಾಗಿದ್ದು. ಸರ್ವೇ ಮಾಡಲು ಬಂದ ವೇಳೆ ಮಾತಿನ ಚಕಮಕಿ ನಡೆದು ರೈತ ಮಹಿಳೆಗೆ ನಿಂದಿಸಿದ್ದಾರೆ. ನಂತರ ತಹಶೀಲ್ದಾರ್ಗೆ ದೂರು ನೀಡಿ ಕ್ರಮ ವಹಿಸುವಂತೆ ಮನವಿ ಮಾಡಿದ್ದು. ರೈತ ಮಹಿಳೆಯ ಮನವಿ ತಹಶೀಲ್ದಾರ್ ನಯನ ಸ್ವೀಕರಿಸಿದ್ದು, ಈ ಬಗ್ಗೆ ವಿಚಾರಣೆ ನಡೆಸಿ ಕ್ರಮ ವಹಿಸುವ ಭರವಸೆ ನೀಡಿದ್ದಾರೆ.
