ಸ್ಯಾಂಡಲ್ವುಡ್ ಗೌಳಿ ಶ್ರೀನಗರಕಿಟ್ಟಿಯ ಗರುಡ ಚಿತ್ರದ ಟ್ರೈಲರ್ ರಿಲೀಸ್ ಆಗಿದ್ದು ಬೇಜಾನ್ ಹೈಪ್ ಕ್ರಿಯೇಟ್ ಮಾಡಿದೆ. ಖಾಕಿ ತೊಟ್ಟು ಪವರ್ ಫುಲ್ ಡೈಲಾಗ್ ಹೊಡಿತಾ ಅಬ್ಬರಿಸ್ತಾ ಇರೋ ಕಿಟ್ಟಿಯ ಸ್ಪೆಷಲ್ ರೋಲ್ಗೆ ಫ್ಯಾನ್ಸ್ ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಹಾಗಾದ್ರೆ ಗರುಡ ಚಿತ್ರದ ಇಂಟ್ರೆಸ್ಟಿಂಗ್ ವಿಷ್ಯಗಳ ಬಗ್ಗೆ ನಾವ್ ಹೇಳ್ತೀವಿ.
- ಮೇ 20ಕ್ಕೆ ಸ್ಯಾಂಡಲ್ವುಡ್ ಮೇಲೆ ಗರುಡನ ನೆರಳು
- ಸಖತ್ ಕ್ಯೂರಿಯಾಸಿಟಿ ಹುಟ್ಟಿಸಿದ ಗರುಡ ಚಿತ್ರದ ಟ್ರೇಲರ್
- ಗರುಡ ಚಿತ್ರಕ್ಕೆ ಬೇಬಿ ಡಾಲ್ಸ್ ಆಶಿಕಾ, ಐಂದ್ರಿತಾ ಸಾಥ್
- ಗೌಳಿಯ ಟೆರರ್ ಲುಕ್ಕಿಗೆ ಫ್ಯಾನ್ಸ್ ಫುಲ್ ಖುಷ್
ಸ್ಯಾಂಡಲ್ ವುಡ್ನ ಶ್ರೀನಗರ ಕಿಟ್ಟಿ ಹಾಗೂ ಸಿದ್ದಾರ್ಥ್ ಮಹೇಶ್ ನಟಿಸಿರೋ ಮೋಸ್ಟ್ ಎಕ್ಸ್ಪೆಕ್ಟೆಡ್ ಮೂವಿ ಗರುಡ. ವಿಭಿನ್ನ ಸ್ಟೋರಿ ಲೈನ್ ಇರೋದ್ರಿಂದ ಚಿತ್ರದ ಕುರಿತು ಈಗಾಗ್ಲೆ ಅಭಿಮಾನಿಗಳಲ್ಲಿ ಸಿಕ್ಕಾಪಟ್ಟೆ ಕುತೂಹಲ ಮನೆ ಮಾಡಿದೆ. ಚಿತ್ರ ಸೆಟ್ಟೇರಿದ ದಿನದಿಂದ್ಲೆ ಟ್ರೇಲರ್ ಹಾಗೂ ಸಾಂಗ್ಗಳಿಂದ ಸಾಕಷ್ಟು ಕ್ಯೂರಿಯಾಸಿಟಿ ಬಿಲ್ಡ್ ಮಾಡಿದೆ.
ಕಿಟ್ಟಿಯ ಪವರ್ಫುಲ್ ಪೋಲೀಸ್ ಲುಕ್ಗೆ ಫ್ಯಾನ್ಸ್ ಫುಲ್ ಥ್ರಿಲ್ ಆಗಿದ್ದು, ಸಿನಿಮಾದಲ್ಲಿನ ಡೈಲಾಗ್ಗಳು ಖಡಕ್ಕಾಗಿವೆ. ಟ್ರೈಲರ್ ನೋಡಿದ್ರೆ ಕಹಾನಿ ಮೇ ಟ್ವಿಸ್ಟ್ ಬೇರೆನೆ ಇದೆ ಅನ್ನೋದು ಪಕ್ಕಾ ಆಗುತ್ತೆ. ಮಾಸ್ ಕಥೆಯ ಜೊತೆಯ ಪ್ರೀತಿಯ ಚುಂಗನ್ನು ಹಿಡಿದು ಡೈರೆಕ್ಟರ್ ಹೊಸ ಮನರಂಜನೆಯನ್ನು ಈ ಚಿತ್ರದ ಮೂಲಕ ಕೊಡಲಿದ್ದಾರೆ.
ಗರುಡ ಹಾರೋದು ಆಕಾಶದಲ್ಲೆ,,ಆದ್ರೆ ಅದರ ನೆರಳು ಬೀಳೋದು ಭೂಮಿ ಮೇಲೆ.. ಈ ಕಾಳಿಂಗ ಒಂದ್ ಸಲ ಮುಹೂರ್ತ ಇಟ್ರೆ ಆ ಮುಕ್ಕಣ್ಣ ಬಂದ್ರೂ ಬದಲಾಯಿಸೋಕೆ ಆಗಲ್ಲ.. ಹೀಗೆ ಸಾಲು ಸಾಲು ಖಡಕ್ ಡೈಲಾಗ್ಗಳು ಚಿತ್ರದಲ್ಲಿವೆ. ನಟ ಆದಿ ಲೋಕೇಶ್ ಕಾಳಿಂಗನಾಗಿ ಕ್ರೂರವಾಗಿ ಕಾಣಿಸಿಕೊಂಡಿದ್ದಾರೆ. ಹೆಣ್ಮಕ್ಳು ಕಾಳಿಂಗನ ಪಾತ್ರವನ್ನು ನೋಡಿದ್ರೆ ಚಪ್ಪಲಿ ತಗೊಂಡು ಹೊಡೀತಾರೆ ಅಂತ ಈ ಹಿಂದೆ ಸ್ವತಃ ಆದಿಲೋಕೇಶ್ ಅವ್ರೆ ಹೇಳಿದ್ರು.
ಚಿತ್ರದಲ್ಲಿ ಆಶಿಕಾ ರಂಗನಾಥ್ ಕಾಲೇಜು ವಿದ್ಯಾರ್ಥಿನಿಯಾಗಿ ಮಿಂಚಿದ್ರೆ , ಐಂದ್ರಿತಾ ಸ್ಪೆಷಲ್ ರೋಲ್ನಲ್ಲಿ ನಟಿಸಿದ್ದಾರೆ. ಧನಕುಮಾರ್.ಕೆ ಅವರು ಈ ಸಿನಿಮಾವನ್ನು ಡೈರೆಕ್ಟ್ ಮಾಡ್ತಿದ್ದು, ಆರೆಂಜ್ ಫಿಕ್ಸೆಲ್ ಲಾಂಛನದಲ್ಲಿ ಸಿನಿಮಾ ತೆರೆಗೆ ಬರ್ತಿದೆ. ರಘು ಧೀಕ್ಷಿತ್ ಮ್ಯೂಸಿಕ್ ಕಂಪೋಸಿಂಗ್ ಸಖತ್ ಇಂಪ್ರೆಸ್ ಆಗಿದೆ. ಜೈ ಆನಂದ್ ಕ್ಯಾಮರಾ ಕೈಚಳಕ ಕಮಾಲ್ ಮಾಡಿದೆ.
ಈ ಹಿಂದೆ ಸಿಪಾಯಿ ಚಿತ್ರದ ಮೂಲಕ ಕನ್ನಡ ಸಿನಿಲೋಕಕ್ಕೆ ಗ್ರ್ಯಾಂಡ್ ಆಗಿ ಎಂಟ್ರಿ ಕೊಟ್ಟಿದ್ದ ಸಿದ್ದಾರ್ಥ ಮಹೇಶ್ ಅವರ ಎರಡನೇ ಚಿತ್ರ ಇದಾಗಿದೆ, ಕಮರ್ಷಿಯಲ್ ಎಲಿಮೆಂಟ್ಸ್ ಜೊತೆ ಗಟ್ಟಿ ಸಂದೇಶ ಇರೋ ಸಿನಿಮಾವಾಗಿದೆ.. ಪಕ್ಕಾ ಫ್ಯಾಮಿಲಿ ಒಟ್ಟಿಗೆ ಕೂತು ನೋಡುವ ಸಿನಿಮಾ ಇದಾಗಿದ್ದು ಇದೇ ಮೇ 20ಕ್ಕೆ ತೆರೆ ಮೇಲೆ ಬರ್ತಿದೆ. ಒಟ್ಟಿನಲ್ಲಿ ತನ್ನ ಟ್ರೇಲರ್ ಮೂಲಕ ಗರುಡ ಸಿನಿಮಾ ಅಭಿಮಾನಿಗಳಲ್ಲಿ ಸಾಕಷ್ಟ ಕುತೂಹಲವನ್ನಂತೂ ಮೂಡಿಸಿದೆ..
ಎಂಟರ್ಟೇನ್ಮೆಂಟ್ ಬ್ಯೂರೋ, ಪವರ್ ಟಿವಿ
