ನರಾಚಿ ರಕ್ತಚರಿತ್ರೆಗೆ ಗುನ್ನ ಇಟ್ಟು, ವರ್ಲ್ಡ್ ವೈಡ್ ವೈಲೆನ್ಸ್ ಕ್ರಿಯೇಟ್ ಮಾಡಿರೋ ಸಿನಿಮಾ ಕೆಜಿಎಫ್ ಚಾಪ್ಟರ್-2. ರಾಕಿಭಾಯ್ ಸುನಾಮಿ ಸುಂಟರಗಾಳಿಗೆ ಎದುರಾಳಿ ಚಿತ್ರಗಳೆಲ್ಲಾ ಧೂಳಿಪಟ ಆಗಿವೆ. ಹೆಜ್ಜೆ ಹೆಜ್ಜೆಗೂ ಹಿಸ್ಟರಿ ಕ್ರಿಯೇಟ್ ಮಾಡ್ತಾ ಬದಲಾವಣೆಯ ಬಿರುಗಾಳಿಗೆ ನಾಂದಿ ಹಾಡ್ತಿದೆ ಕೆಜಿಎಫ್. ಇದೀಗ ನಮ್ಮ ಮಾಸ್ಟರ್ಪೀಸ್ ಸಕ್ಸಸ್ ಕುರಿತು ಟಾಲಿವುಡ್ ಡೈರೆಕ್ಟರ್ ರಾಮ್ಗೋಪಾಲ್ ವರ್ಮಾ ಮಾಡಿರೋ ಟ್ವೀಟ್ ಸಖತ್ ಸೆನ್ಸೇಷನ್ ಆಗಿದೆ.
- ‘ಕೆಜಿಎಫ್’ ಸಕ್ಸಸ್ ಬಗ್ಗೆ ಆರ್ಜಿವಿ ಟ್ವೀಟ್ ಸೆನ್ಸೇಷನ್
- ಸಿನಿದುನಿಯಾಗೆ ಆರ್ಜಿವಿ ಕೊಟ್ಟ ಹೇಳಿಕೆ ವೈರಲ್..!
- KGF ಕ್ಯಾಪ್ಟನ್ನಿಂದ ಕೋಟಿ ಕೋಟಿ ನಷ್ಟವಾಗಿದ್ಯಾರಿಗೆ..?
- ಆಚಾರ್ಯ, ಸರ್ಕಾರು ವಾರಿ ಪಾಟ ನಿರೀಕ್ಷೆ ಹುಸಿ..!
ವರ್ಲ್ಡ್ವೈಡ್ ರೂಲ್ ಮಾಡ್ತಿರೋ ಕೆಜಿಎಫ್ ಸಿನಿಮಾ ಬಗ್ಗೆ ಇಡೀ ವಿಶ್ವವೇ ಹುಬ್ಬೇರಿಸಿದೆ. ಇಡೀ ಭಾರತೀಯ ಚಿತ್ರರಂಗವೇ ಕನ್ನಡ ಸಿನಿಮಾ ಕಡೆ ಕಣ್ಣರಳಿಸಿ ನೋಡುವಂತೆ ಮಾಡಿದೆ. ಯಶ್ ಆಕ್ಟಿಂಗ್ ಗತ್ತು, ನೀಲ್ ಮೇಕಿಂಗ್ ಗಮ್ಮತ್ತಿಗೆ ಫ್ಯಾನ್ಸ್ ಫುಲ್ ಫಿದಾ ಆಗಿದ್ದಾರೆ. ಆದ್ರೆ ಅಸಲಿಗೆ ವಿಷ್ಯ ಏನಪ್ಪಾ ಆಂದ್ರೆ, ಕೆಜಿಎಫ್ ಮಾಡಿರೋ ಕಲೆಕ್ಷನ್ಸ್, ಸಾಲು ಸಾಲು ರೆಕಾರ್ಡ್ಗಳು ಕೆಲವರ ಕೆಂಗಣ್ಣಿಗೂ ಗುರಿಯಾಗಿವೆ.
ಕನ್ನಡ ಚಿತ್ರವೊಂದು ಸಾವಿರ ಕೋಟಿ ಬಾಕ್ಸ್ ಆಫೀಸ್ ಕಲೆಕ್ಷನ್ ಮಾಡುತ್ತೆ ಅಂತ ಯಾರೂ ಕನಸು ಮನಸಲ್ಲೂ ಊಹಿಸಿರಲಿಲ್ಲ. ಮಾಸ್ಟರ್ ಮೈಂಡ್ ನೀಲ್ ಮೇಕಿಂಗ್ ಸ್ಟೈಲ್ಗೆ ಹಾಲಿವುಡ್ ಕೂಡ ಥಂಡಾ ಹೊಡೆದಿದೆ. ಅದ್ರೆ, ಸದಾ ಕಾಂಟ್ರವರ್ಸಿ ಕಮೆಂಟ್ ಮಾಡ್ತಾ ಒಂದಿಲ್ಲೊಂದು ಸುದ್ದಿಯಲ್ಲಿರೋ ಆರ್ಜಿವಿ ಟ್ವೀಟ್ ತೀವ್ರ ಚರ್ಚೆಗೆ ಗ್ರಾಸವಾಗಿದೆ. ಕೆಜಿಎಫ್ ಒಂದು ದೊಡ್ಡ ಮರವಿದ್ದಂತೆ. ಅದರ ನೆರಳಿನಲ್ಲಿ ಬೇರೆ ಯಾವ ಸಿನಿಮಾಗಳು ಬೆಳೆಯುತ್ತಿಲ್ಲ ಅಂತ ಸರಣಿ ಟ್ವೀಟ್ ಮಾಡಿ ಅಚ್ಚರಿ ಮೂಡಿಸಿದ್ದಾರೆ.
ಬೇರೆ ಸ್ಟಾರ್ಸ್ಗೆ ಎಫೆಕ್ಟ್.. ವರ್ಮಾ ಟ್ವೀಟ್ ಪರ್ಫೆಕ್ಟ್ :
ಖ್ಯಾತ ನಿರ್ದೇಶಕ ವರ್ಮಾರ ಟ್ವೀಟ್ನಲ್ಲಿ ಸತ್ಯವಿದೆ ಅನ್ನೋದ್ರಲ್ಲಿ ಯಾವುದೇ ಡೌಟ್ ಇಲ್ಲ. ಕಾರಣ ಇತ್ತೀಚೆಗೆ ಬರ್ತಿರೋ ಎಲ್ಲಾ ಸ್ಟಾರ್ಗಳ ಸಿನಿಮಾಗಳು ನಿರೀಕ್ಷಿತ ಮಟ್ಟ ತಲುಪುತ್ತಿಲ್ಲ. ಅದ್ರಲ್ಲೂ ಸೂಪರ್ ಸ್ಟಾರ್ ಮಹೇಶ್ ಬಾಬು, ಮೆಗಾಸ್ಟಾರ್ ಚಿರಂಜೀವಿ ಅಂತಹ ದಿಗ್ಗಜರ ಚಿತ್ರಗಳೇ ಪ್ರೇಕ್ಷಕರ ನಿರೀಕ್ಷೆಯ ರೇಂಜ್ಗಿಲ್ಲ.
ಯಾವುದೇ ಸಿನಿಮಾ ಬಂದ್ರೂ ಜನ ಅದನ್ನ ಕೆಜಿಎಫ್ಗೆ ಹೋಲಿಸಿ ನೋಡಲು ಮುಂದಾಗ್ತಿದ್ದಾರೆ. ಬಹುಶಃ ಅದೇ ಈಗ ಬಂದಿರೋ ಬಹುದೊಡ್ಡ ಸಮಸ್ಯೆಯಾಗಿದೆ. ಇತ್ತೀಚೆಗೆ ತೆರೆಕಂಡ ಪ್ರಿನ್ಸ್ ನಟನೆಯ ಸರ್ಕಾರು ವಾರಿ ಪಾಟ ಹಾಗೂ ಚಿರು ಅಭಿನಯದ ಆಚಾರ್ಯಗೆ ಬಹುದೊಡ್ಡ ಹೊಡೆತ ಬಿತ್ತು. ಇದು ನಿಜಕ್ಕೂ ಆರ್ಜಿವಿ ಟ್ವೀಟ್ನ ತಾತ್ಪರ್ಯ ಅಂದ್ರೆ ತಪ್ಪಾಗಲ್ಲ.
ನೀಲ್ಗೆ ವೀರಪ್ಪನ್ ಎಂದ ರಾಮ್ ಗೋಪಾಲ್ ವರ್ಮಾ :
ಅತಿ ಹೆಚ್ಚು ಸಕ್ಸಸ್ ಸಿನಿಮಾ ಕೊಟ್ಟು ಭಾರತೀಯ ಚಿತ್ರರಂಗದಲ್ಲೆ ದೊಡ್ಡ ಹೆಸ್ರು ಮಾಡಿರೋ ಆರ್ಜಿವಿ, ಇತ್ತೀಚೆಗೆ ಅವರಿವರ ಕಾಲು ಎಳಿಯೋದ್ರಲ್ಲೇ ಬ್ಯುಸಿ ಆಗಿದ್ದಾರೆ. ಇದೀಗ ವರ್ಮಾಗೆ ಕೆಜಿಎಫ್ ಗೆಲುವನ್ನು ಸಹಿಸೋಕೆ ಆಗ್ತಿಲ್ಲ. ಈ ಹಿಂದೆ ಕೆಜಿಎಫ್ ಚಿತ್ರದಿಂದ ಭಾರತೀಯ ಚಿತ್ರರಂಗಕ್ಕೆ ಕೋಟಿ ಕೋಟಿ ನಷ್ಟ ಆಗಿದೆ ಅಂತ ಆರೋಪಿಸಿದ್ದಲ್ದೆ, ನೀಲ್ ಚಿತ್ರರಂಗದ ವೀರಪ್ಪನ್ ಎಂದಿದ್ರು. ಈಗ ಮತ್ತೊಮ್ಮೆ ಕೆಜಿಎಫ್ ಕರಾಳ ನೆರಳು ಸ್ಟಾರ್ ನಿರ್ದೇಶಕರನ್ನು ಬರಿದು ಮಾಡ್ತಿದೆ ಅಂತಾ ಆರೋಪಿಸಿದ್ದಾರೆ.
ಕೆಜಿಎಫ್ ಸಿನಿಮಾ ಟೆಕ್ನಿಕಲಿ ಹೊಸ ಟ್ರೆಂಡ್ ಮಾಡಿರೋದಂತೂ ಸತ್ಯ. ಪ್ರತಿಯೊಬ್ರೂ ನೀಲ್ ತರಹ ಸಿನಿಮಾ ಮಾಡ್ಬೇಕು ಅಂದುಕೊಳ್ತಾರೆ. ಇದೀಗ ಎಲ್ಲಾ ಡೈರೆಕ್ಟರ್ಗಳು ನೀಲ್ ಪ್ಯಾಟ್ರನ್ ಆಫ್ ಮೇಕಿಂಗ್ನ ಹಿಂದೆ ಬಿದ್ದಿದ್ದಾರೆ. ಅದ್ರೆ ಈ ಸಾಹಸದಲ್ಲಿ ಬೇರೆ ಸಿನಿಮಾಗಳಿಗೂ ಕೋಟಿ ಕೋಟಿ ಹಣ ನಷ್ಟವಾಗತ್ತೆ ಅನ್ನೋದು ಆರ್ಜಿವಿ ಆರೋಪ. ಎಲ್ಲವನ್ನೂ ನುಂಗಿ ಹಾಕೋ ದೊಡ್ಡ ಮರಳಿನಂತೆ ಕೆಜಿಎಫ್ 2 ಸಿನಿಮಾ ಕಾಣ್ತಿದೆ ಅಂತ ಟ್ವೀಟ್ ಮಾಡಿದ್ದಾರೆ.
ಜಬರ್ದಸ್ತ್ ಸ್ಟೋರಿ, ಅದ್ಧೂರಿ ಕ್ಲೈಮ್ಯಾಕ್ಸ್, ರಾಕಿ ವೈಲೆನ್ಸ್, ಆರ್ಟ್ ವರ್ಕ್, ರಿಚ್ ಮೇಕಿಂಗ್, ಸಿನಿಮಾಟೋಗ್ರಫಿ, ಹೀಗೆ ಪ್ರತಿ ವಿಭಾಗದಲ್ಲೂ ಚಿಂದಿ ಉಡಾಯಿಸಿರೋ ಕೆಜಿಎಫ್-2 ಎಲ್ಲರನ್ನೂ ಮೂಕವಿಸ್ಮಿತಗೊಳಿಸಿದೆ. ನೂರು ಇನ್ನೂರು ಕೋಟಿ ದೋಚೋ ಬಗ್ಗೆ ಯೋಚಿಸ್ತಿದ್ದ ಸಿನಿಮಾಗಳು ಕೆಜಿಎಫ್ ಸಿನಿಮಾದಿಂದ ಮತ್ತಷ್ಟು ಎಫರ್ಟ್ ಹಾಕೋ ಬಗ್ಗೆ ಥಿಂಕ್ ಮಾಡ್ತಿವೆ. ಜನರ ನಿರೀಕ್ಷೆಯನ್ನು ದುಪ್ಪಟ್ಟು ಮಾಡಿವೆ. ಒಟ್ಟಿನಲ್ಲಿ ಆರ್ಜಿವಿ ಮಾಡಿರೋ ಟ್ವೀಟ್ ಸದ್ಯ ಸಖತ್ ಸದ್ದು ಮಾಡ್ತಿದೆ.
ಫಿಲ್ಮ್ ಬ್ಯೂರೋ, ಪವರ್ ಟಿವಿ
